教育王國

標題: 比好朋友批評自己喜歡既學校好唔開心 [打印本頁]

作者: chunchungirl 時間: 13-6-22 18:17 標題: 比好朋友批評自己喜歡既學校好唔開心

今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢選擇比佢仔的係最好個間，但我覺得好既小學就係最適合你小朋友的小學，這句是校長講的，我非常同意，因我選的雖然好多功課但好有愛心好有辦學精神的小學，而佢就只同意好嚴而中學派得好既小學，但我真係唔開心點解要批評別人揀的，自己揀既就最好，人地揀既就有問題，我話簡介會校長好有heart令我好感動，但朋友又話咩學校講一套做一套叫我唔好信，又話我個間近幾年先有多人揀，但我上網查過，好多年都一直好受歡迎，聽到佢既批評好hurt

作者: angie0828 時間: 13-6-22 18:27 標題: 引用：今日同好朋友食野，講開小學，我其實好感恩

原帖由 chunchungirl 於 13-06-22 發表
今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢 ...

你朋友只不過係唔成熟，何需介懷，如果係你老公係咁冧就話啫，無最好的學校，只有最適合你小朋友的學校！

作者: Bluegene 時間: 13-6-22 18:39 標題: 引用：今日同好朋友食野，講開小學，我其實好感恩

原帖由 chunchungirl 於 13-06-22 發表
今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢 ...

每人認知都唔同，好難話乜野決定係最好。總之自己當時決定有深思過就得。你或你朋友永遠唔會攞到全世界的資料再作诀定。面對學校資料，各人有不同分析同睇法，所以没有最佳答案，只有一個自覺啱的答案。

作者: chunchungirl 時間: 13-6-22 19:01 標題: 回覆：Bluegene 的帖子

多謝你們意見，好同意，只不過我從來對朋友好包容，但今日當佢講得太激進時，我一反常態駁返佢，亦話我仔唔適合佢仔讀過間，我喜歡同適合我仔既學校，正如校長講既，就係除了用功讀書要著重生命教育價值觀既學校

作者: cutienat 時間: 13-6-22 19:06 標題: 回覆：比好朋友批評自己喜歡既學校好唔開心

有啲識得尊重別人嘅選擇有啲唔識，既然大家各取所需，又何必太在意佢點睇呢？

作者: LOVELY-BABE 時間: 13-6-22 19:12 標題: 引用：多謝你們意見，好同意，只不過我從來對朋友

原帖由 chunchungirl 於 13-06-22 發表
多謝你們意見，好同意，只不過我從來對朋友好包容，但今日當佢講得太激進時，我一反常態駁返佢，亦話我仔唔 ...

我中頭獎，個個爭入的dream school,都比人話我間學校唔掂啦！不過我明，吃不到的葡萄是酸的，又管她說什麼！

作者: happyty 時間: 13-6-22 19:19 標題: 回覆：比好朋友批評自己喜歡既學校好唔開心

相信自己

作者: GIPW 時間: 13-6-22 19:51

Yes. 你幫小朋友選的是最好. 我本人覺得學校只是一部份 , 家庭教育很重要. 末來小朋友的路還很長. 別譲別人主導了你

作者: dlee_ca 時間: 13-6-22 20:01 標題: 回覆：比好朋友批評自己喜歡既學校好唔開心

好簡單，這不是您的好朋友。

作者: angela1229 時間: 13-6-22 20:43 標題: 回覆：dlee_ca 的帖子

最討厭就是那些看不起人的人，只要自己認為適合便夠了，唔係讀神級學校先會出人頭地，D朋友親戚問起我都懶得講，費事煩，反正阿仔先最重要！加油

作者: matthew_mama 時間: 13-6-22 21:36 標題: 引用：今日同好朋友食野，講開小學，我其實好感恩

原帖由 chunchungirl 於 13-06-22 發表
今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢 ...

別不高興、因你已經為小朋友安排最合適最好適的!
開閞心心盈暑假!!!!

作者: familyhei 時間: 13-6-22 21:40 標題: 回覆：比好朋友批評自己喜歡既學校好唔開心

何須介懷呢！最重要是對自己有信心。其他人既言語，聽下咪算。

作者: Bluegene 時間: 13-6-22 21:45

本帖最後由 Bluegene 於 13-6-22 22:13 編輯

chunchungirl 發表於 13-6-22 19:01
多謝你們意見，好同意，只不過我從來對朋友好包容，但今日當佢講得太激進時，我一反常態駁返佢，亦話我仔唔 ...

一講到小朋友的事，如入學、學業及前程，好多人會好肉緊，流(牙)血亦流淚，失去理智，所以激進都好正常，你當佢第二個人都得。

作者: goodparents 時間: 13-6-22 21:55

本帖最後由 goodparents 於 13-6-22 21:57 編輯

回復 Bluegene 的帖子

十分同意, 講到小朋友的學業/行為問題, 唔好話朋友, 連親戚都無得做呀!!!! 慎之, 慎之。

作者: ferrari2007 時間: 13-6-22 22:10

我只覺得你朋友好無修養,踩低人地抬高自己有乜意思?仲話係好朋友,如果我係你我會費事睬佢,大家價值觀唔同,我唔會同佢再研究呢個話題!
take it easy

作者: twcheung 時間: 13-6-22 22:26 標題: 引用：我只覺得你朋友好無修養,踩低人地抬高自己

原帖由 ferrari2007 於 13-06-22 發表
我只覺得你朋友好無修養,踩低人地抬高自己有乜意思?仲話係好朋友,如果我係你我會費事睬佢,大家價值觀唔同, ...

無需介意，自己喜歡梗有原因，各有所需。

作者: teambuilder 時間: 13-6-22 22:32

你朋友可能係啱，也可能係錯，當幾年過去，你就知道你有冇幫你個仔揀錯。你是否對自己揀的無信心所以唔開心呢？你選這校一定有你原因吧，況且而家競爭咁大唔係話想讀邊間就邊間。俾番d信心自己，試著去欣賞下你朋友介紹果間學校，你可能發現佢講果間真係唔錯呢？不過總會有些地方係不及你揀果間吧？例如近屋企，細校可集中資源，無咁多功課，個website靚d，甚至乎係d老師靚d都可以係你喜歡的理由！

作者: lazyqueen80 時間: 13-6-22 22:38 標題: 引用：今日同好朋友食野，講開小學，我其實好感恩

原帖由 chunchungirl 於 13-06-22 發表
今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢 ...

不需理會，由小朋友未出世已開始好多三姑六婆話點點點生仔，點點點教仔，有人鍾意打仔有人鍾意同仔講道理，通常呢D人同佢講：「係你個仔果間學校最好，你個仔叻呀馬！」佢只想聽呢向，你講你間學校有幾好佢聽唔入耳。

作者: ferrari2007 時間: 13-6-22 22:41

twcheung 發表於 13-6-22 22:26
無需介意，自己喜歡梗有原因，各有所需。

無錯,無需上心

作者: happy_lavender 時間: 13-6-22 22:43

信自己分析，只有你才清楚孩子要什麼，對嗎？其他路人甲乙丙(包括我)的意見，其實可以不用理會。

作者: chunchungirl 時間: 13-6-22 22:43 標題: 回覆：teambuilder 的帖子

其實我對每個朋友選擇既我都唔會批評，亦唔會覺得自己係啱的，大家可以交流下，而唔係佢咁每次都話自己揀既係最好，人地好似無腦咁，不過我這個好朋友除左這方面，都有其他優點的，只不過今日的激進批評令我有點難受

作者: chunchungirl 時間: 13-6-22 22:59 標題: 回覆：比好朋友批評自己喜歡既學校好唔開心

好多謝各位既意見及安慰！我都相信我為我小朋友揀的是適合的

作者: LeeCC 時間: 13-6-22 23:20

我朋友知道我打算的第一志願，即刻話：吓？你晤諗住畀個仔讀喇X呀？

表情好似聽到天下奇聞咁！

作者: LOVELY-BABE 時間: 13-6-22 23:34 標題: 引用：好簡單，這不是您的好朋友。 +

原帖由 dlee_ca 於 13-06-22 發表
好簡單，這不是您的好朋友。

作者: hadwinboy 時間: 13-6-22 23:45 標題: 回覆：比好朋友批評自己喜歡既學校好唔開心

每間學校也有其支持者，冇問題，大家教育理念不一，不過真的不需要採別人的選擇。我同我啲朋友會討論下兩間學校分別，為何會作此選擇等等。大家知識份子嘛。

作者: Anniemun 時間: 13-6-23 00:01

chunchungirl 發表於 13-6-22 22:59
好多謝各位既意見及安慰！我都相信我為我小朋友揀的是適合的

上小學後，都要預有好多家長會把小朋友互相比較，樓主要對自己小朋友有信心，人家說話，一笑至知吧！

作者: Jessy 時間: 13-6-23 00:25

呢類朋友不要也罷，疏遠佢啦

作者: happy_lavender 時間: 13-6-23 01:45

回復 Jessy 的帖子

都唔一定要疏遠嘅，有D損友可以用嚟做「明燈」，總之佢做你唔做，教你搵正路！

作者: 小乖豬 時間: 13-6-23 02:42

朋友, 是互相幫助, 互相扶持的. 什或不認識的人, 也該互相幫助, 互相扶持. 什麼是最好, 沒有人可下定論, 亦可以各有看法和論點. 看法和論點, 可以有主觀和客觀因素.

但說到底, 作為朋友, 點都要顧慮他人的感受. 面對孩子升學問題, 很多家長都為愛兒愛女奔走憂足1年, 有的hold住幾間學校學位, hold到9月開學才捨得放位, 有的認為成王敗寇, 考到多間私小學位是子女本事, 何須理會那些派位太差的家長, 為何要早放位讓給有需要的人呢.

現時的香港, 在某傳媒日日洗腦, 鼓吹投訴文化, 嚴重分化港人, 教人自私自利, 真使人嚮往以前獅子山下的香港精神, 屋村家家户户守望相助, 這些日子很像已經成為歷史, 變成日夜不停為小事爭拗.........

心安, 為何咁多港人活得不心安? 近日有緣聽過有道高僧演說有關令人心安的題材, 希望家長都能放下憂慮, 覓得心安!
很多事情沒有絕對對或錯, 大家用不著為小事而大動肝火, 令自己唔開心, 這對身體無益的!

申報利益, 絕對尊重任何宗教, 純粹個人意見, 只想大家都活得更加開心, 不喜勿插.

作者: penguin_chick 時間: 13-6-23 07:45

人地話阿仔的學校唔好就咁大反應，話你件衫唔靚、你個包包唔型、你間屋唔夠大、你老公唔夠高.....你點算！要人改嗎？無可能，還是自己改罷！有點自信，別人評得無理，一笑置之！

作者: QQee 時間: 13-6-23 08:42 標題: 引用：人地話阿仔的學校唔好就咁大反應，話你件衫

原帖由 penguin_chick 於 13-06-23 發表
人地話阿仔的學校唔好就咁大反應，話你件衫唔靚、你個包包唔型、你間屋唔夠大、你老公唔夠高.....你點算！ ...

我都係咁話。

我從來都不會因尼d事同人吵,因為成間學校咁大,幾百人。而且,又唔會因她幾説话而變好/變壞。

要學到不上心。

作者: Stinkypig 時間: 13-6-23 09:03 標題: 引用：Quote:原帖由+chunchungirl+於+13-06-22+發

原帖由 lazyqueen80 於 13-06-22 發表
不需理會，由小朋友未出世已開始好多三姑六婆話點點點生仔，點點點教仔，有人鍾意打仔有人鍾意同仔講道理， ...

作者: Jessy 時間: 13-6-23 10:49

happy_lavender 發表於 13-6-23 01:45
回復 Jessy 的帖子

都唔一定要疏遠嘅，有D損友可以用嚟做「明燈」，總之佢做你唔做，教你搵正路！ ...

我自己就真係唔識點用佢地黎做"明燈", 而且呢個世界上又太多呢類人, 所以攪到無鬼晒d朋友羅!!! 哈哈哈!!!

作者: Jessy 時間: 13-6-23 10:52

小乖豬發表於 13-6-23 02:42
朋友, 是互相幫助, 互相扶持的. 什或不認識的人, 也該互相幫助, 互相扶持. 什麼是最好, 沒有人可下定論, 亦 ...

你說得很好, 係羅....每個人都有唔同觀點, 梗有人喜歡不同類型的學校, 但每個人都要尊重別人的喜好, 而且應顧及別人感受!!!

作者: Miss_ahso 時間: 13-6-23 12:26 標題: 回覆：比好朋友批評自己喜歡既學校好唔開心

大家target唔同，根本無需討論邊間好。我就有朋友話自己小朋友考到的地區小學勁過英華啦:;pppp:

作者: happy_lavender 時間: 13-6-23 13:19

回復 Jessy 的帖子

講吓笑，引吓大家諗吓嘢啫！其實人總有優點和缺點，沒有完美的人，若你看見朋友的缺點就無限放大，甚至絕交，我相信你很快就沒有朋友！是否要跟，應該自己思考！有益就學，無益就唔學。再者，交朋友也不能那麼功利，你也要做别人的益友嘛！

作者: spmok1999 時間: 13-6-23 14:54

你自己有分析能力, o岩聽就參考下, 唔o岩聽咪當講下笑吹下水, 讀唔讀到書係睇小朋友成績而唔係睇讀邊間學校, 家長對小朋友o既支持都好重要, 咪諗住搵間名校交晒比學校就搞得惦, 唔惦就出去搵雞精班, 如果可以最好多d關心同陪下自己o既子女...

作者: Jessy 時間: 13-6-23 15:24

happy_lavender 發表於 13-6-23 13:19
回復 Jessy 的帖子

講吓笑，引吓大家諗吓嘢啫！其實人總有優點和缺點，沒有完美的人，若你看見朋友的缺點 ...

睇下係咩缺點啦, 如果呢個朋友成日講的說話令我難受或唔開心, 我真係會選擇疏遠, 我會為呢d說話唔開心幾日, 如果係其他缺點, 我包容到一定包容, 我有朋友成日遲到, ok我沒問題, 至多打多幾次電話提佢, 預佢遲到自己行下街先打下機搵d野做下,

朋友都要睇下大家夾唔夾, 夾唔到無謂勉強姐, 我只係講下笑話無晒d朋友, 唔係真係無晒朋友, 係無晒o個d講說話令人難受的朋友吧.

你很寬宏大量, 我可以的話都要學習下.

想問一下, 不停搵你著數的朋友, 你又如果對待呢?

作者: ssss 時間: 13-6-23 15:24

唔好將小朋友讀邊間學校變成媽媽的LV，唔應該互相炫耀及比較，只要自己知道間學校啱小朋友就夠了，小朋友日日返學唔開心，比你讀得名校又如何？

作者: easybring 時間: 13-6-23 15:51 標題: 回覆：比好朋友批評自己喜歡既學校好唔開心

我唔樓主入邊間，不過有些學校真是"講一套做一套"。

作者: WillBmama 時間: 13-6-23 17:04 標題: 回覆：比好朋友批評自己喜歡既學校好唔開心

經過呢一年遊戲後，深思過，就算間學校幾出名都好，其實未必適合自己孩子，我認為只有自己最了解自己的小朋友，為他們選一間適合他們、可令他開心地上學的，就是好的學校，何必理會他人。

作者: 雪~bb 時間: 13-6-23 17:08 標題: 回覆：比好朋友批評自己喜歡既學校好唔開心

我填第2志願果間係大冷門冇人願去
但我偏偏覺得適合我小朋友
個個話我痴線
又如何

作者: happy_lavender 時間: 13-6-23 17:23

本帖最後由 happy_lavender 於 13-6-23 17:49 編輯

回復 Jessy 的帖子

同意架，接受唔到就無謂辛苦自己！我就無乜所謂，自動過濾機制長期運作，已經到咗唔啱聽就直情會忘記的地步，不會介懷亦無時間記呢D無謂嘢。至於搵著數，可能我無發放任何錯誤訊號，亦立場堅定，真係唔覺有此類朋友！如果講借錢，除非死人塌樓，我甚少借，亦無乜人問我借！但如果借得畀人，我根本預咗唔還，如果佢還就當bonus，唔咁計較就易D開心，OK啦！印象中最多借過兩萬唔追，是鄰居急用，亦叫老婆唔好追，最後有還，就當bonus攞去旅行，超爽！另外有時大時大節一家人食飯，細佬無夾番，我會提一次，無畀就算，無理由為咗千零傷兄弟感情！不過呢D情況唔多囉！不要以為我蝕底，我只是覺得不值得為此計較，開心最緊要。

作者: Jessy 時間: 13-6-23 22:14

happy_lavender 發表於 13-6-23 17:23
回復 Jessy 的帖子

同意架，接受唔到就無謂辛苦自己！我就無乜所謂，自動過濾機制長期運作，已經到咗唔啱 ...

原來你係男士，男人好似係對他人的說話無咁執著，我老公都很沒所謂。
搵著數朋友以前有，食飯飲野例唔夾錢，試過開口問佢佢答我無錢，沒辦法唔疏遠雖然很好傾，除非打算請埋佢食飯，現在只耐唔耐傾電話，唔駛錢呀麻，哈哈哈

作者: Jessy 時間: 13-6-23 22:17

happy_lavender 發表於 13-6-23 17:23
回復 Jessy 的帖子

同意架，接受唔到就無謂辛苦自己！我就無乜所謂，自動過濾機制長期運作，已經到咗唔啱 ...

講起借錢我都係預借左唔還，江湖救急唔幫又好衰，所以我多數借五百預左無得還，最後當然真係無還，亦無再搵我。

作者: 小可人媽媽 時間: 13-6-23 23:30 標題: 回覆：比好朋友批評自己喜歡既學校好唔開心

我都有唔止一個朋友話我幫我大仔揀錯小學！不過我無放上心！因為個個人諗既野都唔同！

作者: happy_lavender 時間: 13-6-24 00:15

回復 Jessy 的帖子

男人重理性，女人重感情嘛！我除了上家長課程，也上過夫婦相處課程，略知一二。坦白講，上咗都有機會做錯，唔上就10個錯11個！

作者: vincher 時間: 13-6-24 01:15

信自己！既然已入首名志願，理应雀躍，为何给人影響心情！真无謂！

作者: 安格斯媽媽 時間: 13-6-24 08:38 標題: 引用：今日同好朋友食野，講開小學，我其實好感恩

本帖最後由安格斯媽媽於 13-6-24 18:30 編輯

原帖由 chunchungirl 於 13-06-22 發表
今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢 ...

過嚴-學生未必受，會在長期受壓中成長，會開心嗎？
派位好-放長遠是否真的有他份

我都慶幸當初入不到心儀小學，過谷，多b1生，但到最後我仔受谷嗎？成績會唔會因此跌至最後呢？現在他已升中，在一間開心壓力少，有良好德育教育小學畢業，順利上心儀b1中學，我跟你有同樣遭遇，但很少理，有人話我仔小學程度低，唔應該讀這間中學，個區差，叫我轉第二區b2,難得派心儀，又近，學校需然是b1程度科目很適合他，點解要降grade, 時間可以証明我的選擇是對的，他以平庸成績升讀，由初初成績慘不忍睹，大考剛完已有兩科名列前茅了，需然還有兩科中文授課科目肥，很明顯他是適合英中的

但她居然沒有讚美說話，反稱若她女有肥唔會放過她，過份專制了，我仔由初初超低分，現在距離合格只差數分姐，在他來說已勁進步了。但我了解她的心態，她的女兒條路無咁順，弱區無得揀，叩門也只有b2cb3頭收她，升中二了，我叫她嘗試女的實力轉校，講得自己個女咁叻,她只會講些難聽說話，試問公開試成績合格率只有5%會比我的70%好，我的學校不好他的很好，若不是關心我的姪女我都廢事出聲

作者: little_yolky 時間: 13-6-25 14:30

chunchungirl 發表於 13-6-22 18:17
今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢 ...

真係勁唔開心的, 好難好似有啲JM媽媽咁, 話唔好理佢哋講乜。

我又同你一樣, 精挑細選幾間學校俾囡囡考, 中咗其中一間, 真係好perfect match, 唔係我最鐘意果間, 但係最啱佢果間。有家長問囡囡去邊間小學, 答咗, 9成家長都話：邊間呀, 唔識喎。全香港咁多學校, 你估你哋識晒咩, 又要問, 人哋講咗又話唔識, 人哋開校百幾年你哋都唔識, 我都幫唔到你啦。我都懶得理佢哋。:;pppp:

作者: chymama2 時間: 13-6-25 15:50 標題: 回覆：比好朋友批評自己喜歡既學校好唔開心

樓主，你朋友係咪好似都睇緊呢個post，快d 修復關係啦，人大咗，顧仔女多左，就好難得有朋友啦

作者: siwing 時間: 13-6-25 20:18 標題: 回覆：比好朋友批評自己喜歡既學校好唔開心

是的，樓主不用氣結，各有喜好，各取所需。我有個朋友都是每逢他小朋友一有offer 便會稱讚那間學校有多好，校長幾有heart等等, 但當有另一間較有名氣的學校offer便會開始說其他學校的不是。我的孩子都派到第一志願，但別人都覺得我笨為何不選擇傳統明校兼一條龍，他們覺得現在派到是正常的，因其他人根本不會放在第一志願，但我剛在其他post見到有很多人1-1-1都派不到或連叩門面試的機會也沒有呢，所以好不好是見人見智, 如果每一樣都去比較就太累了！

歡迎光臨教育王國 (/)