教育王國
標題: 第一次呈分失手 [打印本頁]
作者: lilysun123 時間: 13-6-21 13:25 標題: 第一次呈分失手
各位jm, 阿女今年小五平日考試有8x,
到呈分試卷很深,得7x! 因為呈分試卷吾派反比家長睇!
請問有無好的暑假習社介紹?
另是否應放棄工作全力協助小女?
好心煩! 請有經驗的jm分享下!

作者: VKwan 時間: 13-6-21 13:29
是否應放棄工作呢d冇人識答你。不過現在有個暑假隔一隔,快快努力趕上啦。
作者: 黃巴士 時間: 13-6-21 13:36
本帖最後由 黃巴士 於 13-6-21 14:05 編輯
定d來. 你打聽吓其他同學分數呢?? 哪部分失分最多??
作者: mamee 時間: 13-6-21 13:37 標題: 回覆:lilysun123 的帖子
睇大圍,其他同學呢?

作者: e12340 時間: 13-6-21 13:40
是那一區的小學?學校定那個Grade的分數為ABC或D呢?全校水準又如何?
作者: reginayu 時間: 13-6-21 13:45 標題: 回覆:e12340 的帖子
如果份卷出得深, 大部份人成績低, 問題都唔係咁大。最緊要係校內名次無影響banding, 你問清楚老師先啦。

作者: DFSON 時間: 13-6-21 15:26
我都係度學到野, 個心都定d!
如果其他同學仔都跌分, 可能名次同平時差唔多, 唔洗太擔心, 呈分係呈級名次唔係分數!
作者: www 時間: 13-6-21 17:29
呈分看的是全級的名次,不是各科的分數。
作者: lilysun123 時間: 13-6-21 18:13 標題: 回覆:www 的帖子
非常多謝大家的意見!
心情down 左好多日, 阿女今次已很努力,但又撞正感冒!
名次要派左成績表才知! 

作者: ohnono 時間: 13-6-21 22:44
lilysun123 發表於 13-6-21 18:13 
非常多謝大家的意見!
心情down 左好多日, 阿女今次已很努力,但又撞正感冒!
呈分試的科目計分法跟平時的有點不同,又要乘大各自的比重,又要計差異的比率,計完你就會發覺原來音樂、視藝跌一分的影響隨時慘過中英數常跌10分。計完又要呈上給教局,加上調整分後才會用作排名。
未計教局的那一部份都已經十分繁複,所以現階段不要太在意每科的分數,就算知道同學仔的分數都只是瞭解了一部份,或可以確定是卷深定卷淺,但仍好難知道真正的排名名次,唯有等派成績表當日順道問一問老師。
其實如果小朋友平時都有8字頭的分數,唔知算唔算高 (我估計如一般正常情況下的呈分試,同學仔的分數都會有9字頭的出現,可留意身邊其他同學再去比較),我唔反對在最後關頭盡地一煲。如果成績已是好的,就當上多一課,堅固學業的基礎;成績若是還有進步空間的,請勿再拖延,努力實此其時矣。
作者: gogoweb 時間: 13-6-21 23:27
回復 ohnono 的帖子
經教局調整分數後, 一間高水準小學同一般小學既差異, 唔知有幾多呢? 只得幾個%, 又或10%以上?
作者: mayauyau 時間: 13-6-22 00:22
提示: 作者被禁止或刪除 內容自動屏蔽
作者: LML 時間: 13-6-22 00:28 標題: 回覆:mayauyau 的帖子
係囉,小了十分己經那樣緊張。
放鬆啲,俾少的壓力小朋友。來曰方長。

作者: ohnono 時間: 13-6-22 00:32
gogoweb 發表於 13-6-21 23:27 
回復 ohnono 的帖子
經教局調整分數後, 一間高水準小學同一般小學既差異, 唔知有幾多呢? 只得幾個%, 又或1 ...
全港有600多間小學,要分別這600多間小學的調整分,跨度將會很大。一間高水準小學同一般小學既差異,相信都可以很大。就算同區內的學校,都是靠同學在PreS1的成績,因此所謂的強區內都可以有弱校,所謂的弱區都可以有強校。特別是轉區的同學就要十分小心,不要誤以為強區的小學轉弱區就一定是升band。
作者: lilysun123 時間: 13-6-22 08:14 標題: 回覆:ohnono 的帖子
大謝大家的分析,拿到9x的同學不多.聽阿女話英文只有一人拿90.
試過第一段考中文全班平均分是68,最高一人86!
雖然話呈分是報名次
,但我校吾lie curve,成績表7x就係c.自行時一定好難睇! 

作者: lilysun123 時間: 13-6-22 08:19 標題: 回覆:lilysun123 的帖子
可能大家都話得對,自己也大緊張,連阿女都很緊張!加上份試卷又深過平日,亂左都吾定!

作者: LML 時間: 13-6-22 23:06 標題: 回覆:lilysun123 的帖子
其他學校先生都知邊間學校出得深和淺。你估見到個個100分個個A唔驚呀。

作者: 瑩瑩老豆 時間: 13-6-23 01:01
lilysun123 發表於 13-6-21 13:25 
各位jm, 阿女今年小五平日考試有8x,
到呈分試卷很深,得7x! 因為呈分試卷吾派反比家長睇!
都唔駛煩住, 如果係深左又個個差左, 那排名保持冇跌就OK.
作者: 黃巴士 時間: 13-6-23 08:38
本帖最後由 黃巴士 於 13-6-23 08:50 編輯
我仔小学時的老師很好,我問她們意見,她們大多很了解及講出詳細小朋友失分原因及改善方法。
個人認為再努力是必然、,但最主要是了解哪面/哪部份出現了問題。如果份卷深,大家都唔識就無得講。但如是識,会否是心態上問題--如緊張//不小心而出錯呢?尤其是數学,很多時同學仔壓力大而出錯。他們会一時間個腦实左,諗唔到野的。
作者: MariaTsui 時間: 13-6-23 21:12 標題: 引用:大謝大家的分析,拿到9x的同學不多.聽阿女話
原帖由 lilysun123 於 13-06-22 發表
大謝大家的分析,拿到9x的同學不多.聽阿女話英文只有一人拿90.
試過第一段考中文全班平均分是68,最高一人86 ...
囝囝學校都是這樣的,校長還說同區中學會明白我們學校的C,和別間學校的C是不同的。

作者: 豬仔 時間: 13-6-24 10:00
ohnono 發表於 13-6-22 00:32 
全港有600多間小學,要分別這600多間小學的調整分,跨度將會很大。一間高水準小學同一般小學既差異,相信都 ...
講開轉區想請教下, 小兒在深水埗一間中文小學, 想在來年申請中一時轉回葵青區, 聽朋友說就算是屬於band 1學生, 轉區後教育局既派位辦法都是派完那區(葵青區)band 1學生才到轉區的band 1學生派位, 請問是這樣嗎? 因不熟派位程序, 請易教~
作者: ohnono 時間: 13-6-24 12:41
豬仔 發表於 13-6-24 10:00 
講開轉區想請教下, 小兒在深水埗一間中文小學, 想在來年申請中一時轉回葵青區, 聽朋友說就算是屬於band 1學 ...
這種情形我相信是因為轉區而跌了band,由原本band 1跌落band 2而唔知道。所以會覺得派完葵青本區的band 1生才派轉區的band 1生。
作者: 豬仔 時間: 13-6-24 15:16
ohnono 發表於 13-6-24 12:41 
這種情形我相信是因為轉區而跌了band,由原本band 1跌落band 2而唔知道。所以會覺得派完葵青本區的band 1生 ...
唔好意思, 想再一問, 那中學派位實情並不是派完本區的band 1生才派轉區的band 1生是嗎? 主要是關乎學生本身在全港的派弟名次? 轉區而跌band, 是因為本身弱校去了強區? 有沒有辦法推算由深水埗網轉區到葵青區好不好呢(要留意些甚麼)? 謝謝指教....
作者: Joanne_lau 時間: 13-6-24 19:31 標題: 回覆:第一次呈分失手
囝囝一路成績幾好,但係講嘢表達差D,早前我仲問班主任好唔好報面試班訓練下。點知今日知道成績,考得比平時差,而份卷應該唔係深咗,因為其他同學仔都keep 到平時成績。問返阿仔,佢話自己錯在粗心大意!!!宜家兩公婆心情都好差,飯都食唔落。成績唔好,講乜都冇用。粗心大意?有乜方法解救啊!!!

作者: overview 時間: 13-6-24 21:01
Joanne_lau 發表於 13-6-24 19:31 
囝囝一路成績幾好,但係講嘢表達差D,早前我仲問班主任好唔好報面試班訓練下。點知今日知道成績,考得比平 ...
唔緊要, 仲有下兩次追番.
作者: 黃巴士 時間: 13-6-25 00:29
Joanne_lau 分表於 3-6-24 19:31 
囝囝一路成績幾好,但係講嘢表達差D早前我仲可班主任好唔好報面試班訓練下。點知今日知道成績,考得比平 ...
我囝小学時小五第一次呈分都是因大意而慘跌。當時他見其他大部分同學都好成績,內心都酸溜溜。他醒覺不可過份輕鬆,亦不要低估其他同學。暑假時間較充裕,再重新教他閱題及複卷步驟。相信你小朋友是有實力的,不要1次定他生死。再鼓勵他吧!
作者: ohnono 時間: 13-6-25 01:16
豬仔 發表於 13-6-24 15:16 
唔好意思, 想再一問, 那中學派位實情並不是派完本區的band 1生才派轉區的band 1生是嗎? 主要是關乎學生本 ...
三個組別是以band 1先派,待所有band 1學生獲得學位後才輪到band 2。若在同組別中,是以各同學的隨機號碼來決定派位先後,先派所有同學的第一志願,沒有派得學位的,將按第二志願參與第二輪派位,如此類推,直至所有同學派完。
至於轉區跌band的問題較複雜,整體上都是同學在原區的成績較弱,因而獲得的排名較後。雖是band 1成績,但可能是區內band 1排得較尾的部份,轉了區之後就會跟轉區後的區份排列一次,因此有機會因對手較強而跌落band 2部份。這除了因自己在校內的成績已較弱,再加上學校師兄師姐的不太好PreS1成績,於是同學將獲得一個比較差的排名分數,推後了排名。
通常升跌band的同學都是屬於邊緣一族,但怎樣釐定邊緣的範圍?困難之處在於並不是校內考最後的band 1同學一定是band 1尾,因為在某些成績較弱的學校中,考第一的同學都已經可能是區內band 1中或者band 1尾。所以同學是屬於區那一個部份還得靠老師的經驗去分析。
就算在本區內都出現好多不明朗的因素影響banding的對應,所以就算在統一派位乙部的本區部份,老師都要跟據實際情形去釐定邊緣同學的範圍,何況還要轉區,轉往一個對老師和學校都是陌生的區域,在沒有數據的支持,確實很難作出判斷。
理論上,一般我們都會認為強區的邊緣同學轉往弱區好有希望是升band,而弱區的邊緣同學轉往強區就好有希望會跌band。但到一實行起來,怎樣去判別強區、弱區、強校、弱校,他們當中又相差多少,還有夠竟是band 頭、定中、定尾都非常有難度。轉區前真係要諗清楚。
作者: 豬仔 時間: 13-6-25 10:02
ohnono 發表於 13-6-25 01:16 
三個組別是以band 1先派,待所有band 1學生獲得學位後才輪到band 2。若在同組別中,是以各同學的隨機號碼來 ...
很多謝你詳細的解釋, 好彩有你地前輩不厭其煩的解答, 當我們預備選中學時才可更清楚明白, 在考慮轉區前真是要三思, 怕是屬於邊緣一族, 轉區後跌band而影響派位, 真的感謝你
作者: mc 時間: 13-6-25 11:34
回復 lilysun123 的帖子
這次成績已經是定局,身為父母的一定要好好替孩子加油!我想你女兒一定是太過緊張,小朋友一緊張,就很多平日都不會錯的題目都會突然不記得怎樣做。檢討賽果,失分的原因重要,但人要往前看,不能停留於好像萬無頭緒,傷心難過的階段。考試從來就是考小朋友臨場的表現,失敗了這次不等於以後都失敗,由失敗中吸收經驗,再接再厲,在6年級第一次考試迎頭追趕,也可以獲得進入band 1 中學的面試機會。
不要給女兒這麼大的壓力,你女兒的資質如何?平日小測和考試多數錯在哪裡,身為陪伴她度過5年小學的家長應該都有點譜,可以針對她弱項的科目加緊在這個暑假努力。不要氣餒,只要有心和努力,一定可以達到自己想要的成績。學習是一條漫長的路,上了中學還真有更多的硬仗要打,最重要是教懂孩子面對失敗,跌倒不緊要,如何重新站起來,繼續跑下追趕才是最重要的訓練。
作者: mc 時間: 13-6-25 11:36
回復 Joanne_lau 的帖子
小朋友粗心大意是很難改到的,起碼我小朋友就是如此。加上呈分試無論學校、老師、學生、家長都超緊張,小朋友越緊張,就越粗心大意,這是正常的。唯有好好趁這次暑假,做多些有關練習,做得題目多,信心會增大,當考試時心裡就不會太恐懼!
作者: lilysun123 時間: 13-6-25 13:32 標題: 回覆:mc 的帖子
聽完大家的鼓勵,心情開懷左好多!
已叫阿女準備下profile 當作暑期功課!
阿女是要捉才着緊的人
但考試時見好深又好亂果種小朋友

作者: eviza_snow 時間: 13-6-26 23:22 標題: 回覆:lilysun123 的帖子
定d嚟,有時分數/grade唔洗太著緊,上年年尾我去d中學嘅簡介會,我都問過bps既副校,如果小朋友成績表主科有B,係咪冇機會in?(因為坊間傳bps要全A/係學校內top 10先有機會in)佢答我大部份嘅中學都會睇小朋友係邊間小學出嚟嘅,即使有b都唔代表你差,而佢哋唔會單睇你有幾個a幾個b!唔好比咁大壓力自己!加油

作者: nc2000 時間: 13-6-27 00:10 標題: 引用:聽完大家的鼓勵,心情開懷左好多!+
已叫阿
原帖由 lilysun123 於 13-06-25 發表
聽完大家的鼓勵,心情開懷左好多!
已叫阿女準備下profile 當作暑期功課!
唔駛太擔心跌左幾多分,最緊要排名,大圍都跌就唔怕!我仔上年第二次呈分跌左,嚇死我,幾驚跌band,點知排名仲高過上次!好好準備第二三次呈分!加油!

作者: babie2 時間: 13-6-27 07:53
提示: 作者被禁止或刪除 內容自動屏蔽
作者: twcho 時間: 13-6-27 10:33
回復 babie2 的帖子
資深網友Redkoni在《升中呈分試的校內名次是如何以標準分排列》一文中有很詳盡的論述。
作者: mamee 時間: 13-6-27 10:59
本帖最後由 mamee 於 13-6-27 11:56 編輯
twcho 發表於 13-6-27 10:33 
回復 babie2 的帖子
資深網友Redkoni在《升中呈分試的校內名次是如何以標準分排列》一文中有很詳盡的論述 ...
其實我對視藝同音樂科的重要性亦感疑惑,自己亦嘗試理解Redkoni的文章,不過讀後仍然覺得很難明。
級名次和呈教局名次差數/計算方法,感覺是越知得多越覺頭暈。
作者: miffy 時間: 13-6-27 11:50
提示: 作者被禁止或刪除 內容自動屏蔽
作者: 瑩瑩老豆 時間: 13-6-27 13:36
babie2 發表於 13-6-27 07:53 
回復 ohnono 的帖子
Could you help explain '音樂、視藝跌一分的影響隨時慘過中英數常跌10分'?
簡單講就係看每科的分數排名, Redkoni 那個例子就是人人100分, 只有一個99分就包尾就會有好大影響, 但這只是一個很極端例子.
作者: 瑩瑩老豆 時間: 13-6-27 13:41
mamee 發表於 13-6-27 10:59 
其實我對視藝同音樂科的重要性亦感疑惑,自己亦嘗試理解Redkoni的文章,不過讀後仍然覺得很難明。
級名次 ...
那些mean, SD, normal distribution, Z-score 是統計學的, 未讀過很難明是正常的.
作者: miffy 時間: 13-6-27 13:42
提示: 作者被禁止或刪除 內容自動屏蔽
作者: 瑩瑩老豆 時間: 13-6-27 13:42
miffy 發表於 13-6-27 11:50 
咁就真係c得我果個音樂同視藝都唔慌高分
唔高分唔重要, 只要比其他人高分就行 
作者: miffy 時間: 13-6-27 13:43
提示: 作者被禁止或刪除 內容自動屏蔽
作者: 瑩瑩老豆 時間: 13-6-27 13:49
本帖最後由 瑩瑩老豆 於 13-6-27 13:56 編輯
miffy 發表於 13-6-27 13:43 
就係唔係囉
你女女係唔係連音樂視藝都爆晒分先可以考到全級頭幾名??
都未知佢考第幾, 要等下周六見家長派成績表才知道.
作者: 瑩瑩老豆 時間: 13-6-27 13:55
miffy 發表於 13-6-27 13:42 
我咪就係囉, 一日有幾多時間?? 講真, 真係剩係夠時間專攻主科
其實音樂視藝想攻都唔知攻乜, 音樂有一部份要考樂理都仲有D野溫, 視藝就完全靠平時分了.
作者: miffy 時間: 13-6-27 22:45 標題: 引用:+本帖最後由+瑩瑩老豆+於+13-6-27+13:56+編
提示: 作者被禁止或刪除 內容自動屏蔽
作者: miffy 時間: 13-6-28 12:26
提示: 作者被禁止或刪除 內容自動屏蔽
作者: Rainy 時間: 13-6-28 14:17
請問若果呈分試係英數常a, 中c, 係咪入band 1 已沒希望? 係咪要四支都係A先入到? 是但一科b左或c就唔使諗?
作者: miffy 時間: 13-6-28 15:03 標題: 引用:請問若果呈分試係英數常a,+中c,+係咪入band
提示: 作者被禁止或刪除 內容自動屏蔽
作者: grace_xian 時間: 13-6-28 16:46
Rainy 發表於 13-6-28 14:17 
請問若果呈分試係英數常a, 中c, 係咪入band 1 已沒希望? 係咪要四支都係A先入到? 是但一科b左或c就唔使諗? ...
呢層你不用擔心, 是睇全級成績排名, 不是比拼是否四科都A
作者: grace_xian 時間: 13-6-28 16:46
miffy 發表於 13-6-28 12:26 
講真........學我c6話齋, 咩banding讀番咩學校啱, 因材施教, 正如我仔band 1b, 唔好走去band 1a學校度襯, ...
話雖如此, 但好多人想博高一線
作者: www 時間: 13-6-28 17:08
miffy 發表於 13-6-28 12:26 
講真........學我c6話齋, 咩banding讀番咩學校啱, 因材施教, 正如我仔band 1b, 唔好走去band 1a學校度襯, ...
「朝為田舍郎,暮登天子堂;將相本無種,男兒當自強。」
作者: MariaTsui 時間: 13-7-4 11:17
miffy 發表於 13-6-28 15:03 
睇邊間學校同名次
例如我仔學校派band one派100人,當中大把人冇4條A
囝囝學校都有約80人派去B1,他們都不是4條A,所以有些學校話4條A都不是B1生,可能份卷
作者: Rainy 時間: 13-7-5 15:56
miffy 發表於 13-6-28 15:03 
睇邊間學校同名次
例如我仔學校派band one派100人,當中大把人冇4條A
咁你個仔果間肯定係尖中尖啦
作者: Rainy 時間: 13-7-5 15:56
grace_xian 發表於 13-6-28 16:46 
呢層你不用擔心, 是睇全級成績排名, 不是比拼是否四科都A
係咪通常全級頭三分一都會係band 1?
作者: grace_xian 時間: 13-7-5 16:06
Rainy 發表於 13-7-5 15:56 
係咪通常全級頭三分一都會係band 1?
通常都係, 但也有特別差的就要預20%,
特別好的小學前100都是band1的特別情況都有
作者: KT0603 時間: 13-7-9 23:51 標題: 引用:大謝大家的分析,拿到9x的同學不多.聽阿女話
提示: 作者被禁止或刪除 內容自動屏蔽
歡迎光臨 教育王國 (/) |
Powered by Discuz! X1.5 |