教育王國

標題: 缺席Pre S1會點分班 [打印本頁]

作者: mds 時間: 13-6-19 23:19 標題: 缺席Pre S1會點分班

有冇已升中家長知道，PreS1 如果缺席會點處理分班安排？（band 1A中學）

作者: overview 時間: 13-6-19 23:29

本帖最後由 overview 於 13-6-19 23:30 編輯

有咩原因先 ? 去trip就最好postpone. 因學校幾重視呢個成績黎分班. 而且對自己小學學弟有影響

作者: 瑩瑩老豆 時間: 13-6-19 23:34

mds 發表於 13-6-19 23:19
有冇已升中家長知道，PreS1 如果缺席會點處理分班安排？（band 1A中學）

除非你講明那間學校也許有人答到, 倒不如問學校吧

作者: cellon 時間: 13-6-19 23:41

mds 發表於 13-6-19 23:19
有冇已升中家長知道，PreS1 如果缺席會點處理分班安排？（band 1A中學）

點解要缺席呢？

作者: orangebb 時間: 13-6-20 07:02 標題: 回覆：mds 的帖子

我女學校會編去最弱的一班。

作者: 憫父 時間: 13-6-20 07:10 標題: 回覆：缺席Pre S1會點分班

其他Banding 學校，有些會要你仔女補做pre-s1卷，但成績不上報教育局。有些會比較來自同一小學的學生pre-s1成績，再檢視這些學生的小學成績，定出大概的排名，再幫你子女編班。

作者: Yukyuk 時間: 13-6-20 07:16 標題: 回覆：mds 的帖子

本帖最後由 Yukyuk 於 13-6-20 10:35 編輯

同事N年前，故意叫囝囝不去考HKAT，以為入普通班對兒子有利。這是損人不利己的事，及後，他亦承認自己自私。

記得他曾經話過他囝囝的學業成績好，能派入心儀中學是他全家人的功勞。所以不考HKAT ，另一原因是因為不想益小學。
而他後悔不讓囝囝中一入精英班的原因是他囝囝的小學同學（聽說成績比他囝囝稍遜）亦入了同一所中學，該同學入了精英班後，由於良性競爭，成績突飛猛進，他中二再轉入另一知名中學。雖然他囝囝在中三時也能插班入讀該知名中學，他認為少了一年入讀更好中學是他一手造成。

作者: 憫父 時間: 13-6-20 07:22 標題: 回覆：缺席Pre S1會點分班

本帖最後由憫父於 13-6-20 07:40 編輯

據我所知知有小部份名校係唔分強中弱班，佢地會隨便放你去任何一班。有小部份會放在弱班，升中二時再調整，但需知band1a 最弱既學生都係全港或同區最強既頭10%既學生，唔會弱得去邊，最怕係去弱班誤以為自己差而失去動機。

我教會有個女仔入讀 band 1b 學校，f1 讀精英班，因為上學期成績唔及同學，攪到無自信，第二年入中班，覺得自己無用，第三年入差班，但第三年發現自己比同班同學叻，同學又成日問佢野，佢一路教同學變相自己一路溫緊書，上學期考試響班度考第一，自信立即番哂黎，上學期考全級頭 40 名內，下學期考全級頭 30 名內，攪到以前精英班的同學懷疑佢出貓。升到中四時，同學都係 f1 精英班既同學，開始時仲係擔心自己唔及佢地，但係之後佢一直都保持頭十名內。有時，心理質素都好重要。band 1 學校入差班都可以出人頭地。(因為班主任唔講實際名次，所以唔知實際名次)

作者: MrsWong 時間: 13-6-20 07:46 標題: 回覆：缺席Pre S1會點分班

今年其實係唔係唔駛考pre s1, 要考都係中學自己要求學生考，因為今年p.6考左TSA, 有錯請更正。

作者: MrsWong 時間: 13-6-20 07:52 標題: 引用：今年其實係唔係唔駛考pre+s1,+要考都係中學

原帖由 MrsWong 於 13-06-20 發表
今年其實係唔係唔駛考pre s1, 要考都係中學自己要求學生考，因為今年p.6考左TSA, 有錯請更正。

...

所以今年pre s1成績唔會上報教育局，對嗎？

作者: 憫父 時間: 13-6-20 09:32

教育局說學校可以自決是否採用，但寶血女子中學網頁提及今年會交成績樣本給教育局，不肯定是否照抄上年資料而沒有修正。

http://resources.pbss.edu.hk/~attest/

作者: kcimum 時間: 13-6-20 11:00

mds 發表於 13-6-19 23:19
有冇已升中家長知道，PreS1 如果缺席會點處理分班安排？（band 1A中學）

你應該直接問有關學校, 如你有充份理由, 而學校又會安排另日考核，否則我諗唔會比缺席既小朋友分到合適班別

作者: kcimum 時間: 13-6-20 11:05

Yukyuk 發表於 13-6-20 07:16
同事N年前，故意叫囝囝不去考HKAT，以為入普通班對兒子有利。這是損人不利己的事，及後，他亦承認自己自私 ...

宮心計！終覺不利己......無言

作者: 憫父 時間: 13-6-20 11:13

既然咁擔心，應該問下間中學會點安排。若可以的話，盡量去考 pre-s1。

歡迎光臨教育王國 (/)