教育王國

標題: 第一次靠自己,雖然唔開心. [打印本頁]

作者: rr925 時間: 13-6-18 03:48 標題: 第一次靠自己,雖然唔開心.

阿囡小二今天派成績,
中文82,數學,常識71,英文58唔合格.
我自己呢一年工作很忙,係忙到日日加班到10:00~12:00,
返到屋企阿囡都訓左覺,
在自己沒有時間的情況下迫阿囡平日要自己做好晒D功課,
今次考試我選擇放手比佢自己試而得出來的成績,
以往我有幫佢溫書的情況下,咁既成績我一定唔接受,
但今次收到此成績我反而覺得有些安慰.
因為試到佢既能力,英文唔合格是她意料之外,
她是可以自己做好晒功課的人,但又唔係完全搞得掂個類,
唔會主動溫書,成日覺得自己識晒,要求不高,唔爭取高分個類.
她給我電話講成績時,我沒有駡她,只問如果她再勤力點溫書是否成績會好D?
收線後她喊得利害,不知是因為我沒有像以往的駡她,還是真的自己害怕了,要補考.
家姐說她還小我要抽多些時間幫佢,
頓時覺得自己是否做錯了,唔應該完全放手,有一刻後悔了,
但我心諗初小唔試下放手及比個教訓佢,升上去再高班就唔會有機會試亦唔敢試.
回家同佢傾完後,起初都答應說會勤加溫習,但後來又態度照舊,
真不知道這次是否真會令她成長起來,
唔知有無其他媽咪試過放手小朋友而有所改善呢?

作者: momama 時間: 13-6-18 07:42 標題: 回覆：第一次靠自己,雖然唔開心.

生活逼人，亦逼到我地放手，好事也！每星期放假時同佢跟吓弱嘅科目吧，仲要趁暑期追返d，等佢開學時順利d。

作者: 仔仔錫錫你 時間: 13-6-18 10:35

支持你，我家小孩自小1第1次考試到現在都係自己攪掂。佢經過3次考試及3種唔同對待方式（平日温, 試前温，平日間中温+考前超專心温習），阿仔發覺1+3應該最好，試前温係最差方法。無錯，成績可能會跌一跌，但這一跌能換取小孩更好的學習態度又何妨？！

所以如果真係為小孩好，越早放手越好。有d家長會小4學放手，最後見到跌少少驚到鼻哥窿無肉，就比之前捉得更緊

作者: yf 時間: 13-6-18 10:39

提示: 作者被禁止或刪除內容自動屏蔽

作者: yf 時間: 13-6-18 10:44

提示: 作者被禁止或刪除內容自動屏蔽

作者: edith208 時間: 13-6-18 10:48

不要怪責自己

放手要趁小朋友細, 仲有時間調整方法,

否則, 大d到P5, P6又要呈分試, 父母就唔敢放架嘞

作者: rr925 時間: 13-6-18 12:49

多謝妳們支持,我家人怪責我為何唔同佢溫書,搞到唔合格,
說她還小,但我同妳地心態一樣,唔可以比佢小五,小六先冒險.
平日都好少同佢溫書,功課完全放晒手,只有默書先捉佢溫下,串下字.
中文今次係進步左,証明佢係可以既,扣分既係因為唔小心,無睇例題作答.
今次考試後會加多小小時間幫佢建立返佢自己的溫書習慣,改善佢既讀書態度.
希望成功.

作者: Anniemun 時間: 13-6-18 23:39

路過的，想問如果成績真的不如理想，會否補習？那補習又是否放了手呢?

作者: huba 時間: 13-6-19 00:53 標題: 回覆：rr925 的帖子

只想簡單說句：「支持妳！」初小輸得起，就用這小挫折來激勵孩子的學習態度及改善她的習慣，以後的好處多著呢！

作者: jasonchloema 時間: 13-6-19 08:51

支持你, 我都要向你好好學習

作者: hellolobaby 時間: 13-6-20 15:13

支持你，你個女會喊，都係表示佢自己都會緊張成績想做好d，俾小小挫折佢，可能對佢將來學習更好！

作者: happy_lavender 時間: 13-6-20 17:03

支持！始終是小朋友考試，他本人應當負責，放手就是讓他學習承擔後果；有錯折的效果更好。

作者: kaychu 時間: 13-6-21 08:25 標題: 回覆：第一次靠自己,雖然唔開心.

我尋晚問個女：下年開始試下自己溫書好唔好？佢一口拒絕=.=

歡迎光臨教育王國 (/)