教育王國

標題: 我個仔好似係用左手 [打印本頁]

作者: ryoulam 時間: 13-6-17 23:44 標題: 我個仔好似係用左手

我同老公一向都係用右手寫字。但我同老師發覺3歲既仔仔係鍾意用左手。
之前老師有問過我想小朋友學用邊隻手。
我都話係用右手寫字。食飯就唔強迫佢。隨佢鐘意。
但我發現。佢係好不自覺成日想換番右手寫字。由其當佢覺得難寫就一定想換手。
今日問佢你係咪好鍾意用右手寫字呀？
佢話係。而且感覺佢好開心
我打算比佢用右手啦。問題係我地唔知點教佢寫字。同埋唔知有咩要注意。有無家長可以賜教下！
many thx

作者: ryoulam 時間: 13-6-18 22:34 標題: 回覆：我個仔好似係用左手

請問有無mama有這經驗？請幫手thx

作者: Yanamami 時間: 13-6-18 23:18

本帖最後由 Yanamami 於 13-6-18 23:18 編輯

你上文“左”同“右”喺咪亂左？
你打算俾仔用“左”手寫字？
順其自然啦~
我細女喺左撇子，用右手寫字做功課，但用左手做其他野。

作者: ryoulam 時間: 13-6-19 07:10 標題: 回覆：我個仔好似係用左手

係喎。原來打錯字。thx

我本來都係打算教佢右手寫字。做其他野就任佢自由發揮用邊隻手都得。不過就係連寫字佢都想用左手。我家中無人係左手寫字。唔知點教佢寫

作者: cstchan 時間: 13-6-19 07:38

ryoulam 發表於 13-6-19 07:10
係喎。原來打錯字。thx

我本來都係打算教佢右手寫字。做其他野就任佢自由發揮用邊隻手都得。不過就係連寫 ...

可參考協康會的小冊子︰http://www.heephong.org/webprod/cht/files/staticpage/996/left-hand.pdf

不過建議除非個人工具﹝例如學習筷子﹞，否則別買左手專用工具。例如孩子用慣了左手剪刀，如果學校沒有提供，便很麻煩。所以一是教孩子用左手拿右手剪刀，一是教他學用右手﹝右手拿剪刀不難，因為手指套在圈內，所以容易發力﹞。

作者: shamshamwong 時間: 13-6-19 09:59

我曾經經歷你同一個問題, 後來囡囡都話要用左手寫字較舒服.

最後同老師商議用左手寫字較好, 本身十分擔心如何教, 但原來他們是自己懂得就位, 教寫是只要你坐佢左方, 如果真要教佢執筆, 你坐左邊, 那你未可用右手教.(這是物理治療師教)
俾多些信心小朋友, 我囡囡現在寫得十分好的, 原來本我好擔心, 因為K1下學期要寫字, 上學期還未決定用左定右手, 原本迫佢用右的, 但發覺佢好唔開心,做又沒信心.

自從用了主導手, 真好好..加油

作者: Yanamami 時間: 13-6-19 13:42

annie40 左撇子特别多聪明仔, 聪明女, 两手训练, 增进脑袋灵活性, 真好! 跟孩子一起加油啊!
****************************
她幼稚園時可以左右手一齊畫畫呢。。。左手畫花，右手畫太陽。現在沒用就退化了。。。

作者: 喵媽 時間: 13-6-19 17:49

本帖最後由喵媽於 13-6-19 17:49 編輯

我仔都係左手, 初初我由佢用左手, 之後發現寫字都係用右手好, 筆順問題...用左手真係唔多好架, 咩都掉轉...但想轉時已經轉唔到...其實係仔唔肯用右手了...
如果可以再選, 會同Yanamami一樣, 寫字用右手, 其他由佢用左手!

作者: yee618 時間: 13-6-20 00:15 標題: 回覆：我個仔好似係用左手

我都係左手,阿女都係左手,係筆順有問題,其他方面都無乜問題,自己會識就返位置。而筆順問題,比阿女係電話手寫寫字,唔洗一個月都改埋,因為唔根筆順係認唔到字

作者: ryoulam 時間: 13-6-20 09:38 標題: 回覆：我個仔好似係用左手

多謝各位媽媽

作者: deniseL 時間: 13-6-22 13:38 標題: 回覆：ryoulam 的帖子

我仔現在兩歲八個月，好細個已開始傾向用左手，我由得佢。物理治療師朋友話唔好迫佢用右手，因為到大個或會影響佢啲協調。

其實都好唔少人用左手㗎啦，唯一要“忍受”可能係寫字核突啲。哈哈~~

作者: easybring 時間: 13-7-3 11:57

我二女左撇子, 結果K3年頭剛開始寫字不久, 便要考自己小學部考卷失敗, 本身是聰明女, 寫字未夠工整. 但, 我沒有後悔讓她自由發展. 考不到自己小學部是有點傷心.

作者: judy 時間: 13-7-3 12:08

阿仔打羽毛球用右手，打籃球帶球用左手，射籃用右手，踢波用右脚。寫字右手。

佢有左手傾向，不過唔明顯。

作者: Brenday 時間: 13-7-4 12:52

提示: 作者被禁止或刪除內容自動屏蔽

歡迎光臨教育王國 (/)