教育王國

標題: 究竟你內向定自閉 [打印本頁]

作者: tamichu 時間: 13-6-17 12:37 標題: 究竟你內向定自閉

我仔2歲8個月, 我分唔到佢係內向定自閉, 最明顯既係社交問題, 對大人冇野, 不過就係唔肯同齡既小朋友玩, 同埋細膽得好交關.  其實睇咁多POST, 佢都中左好多A仔既特徵, 不過我好想問下大家, 就算真係自

閉, 係咪都有佢地"正常"既時候??我仔有時好正常, 有時又好古縮.  我分唔到佢係怕羞內向還是自閉.

佢有以下行為, 請十家幫忙分析下,

1.  鸚鵡學舌咁講野 -- 即我問"你食飯未" , 佢會話"你食飯未".  岩25個月識講野時係100%咁樣情況, 現32個月70%時候係咁, 30%時候會回答你.  但回答你的答案可能係亂UP.  即明明餓就話唔餓, 食左生果又詬未食.

2.  時時口UP UP講番D發生過既情境.  如日頭去公園玩時有人同佢講過"果度好危險呀小朋友, 唔好走埋去".  佢可以無啦啦係屋企REPEAT番人地呢句野, 有點無厘頭.

3.  去PLAYHOUSE/公園, 100%抗拒同其他小朋友玩.  可以共處一室但唔可以有接觸.  就算同我朋友既仔女出去一齊去OCEAN PARK/DISNEY.  整天都可以共處, 就係唔可以掂到.  人地小朋友埋去想拖住佢玩, 完全埋唔到身, 佢係咁FING開人, 如再想拖, 佢就會發爛咋, 要我抱/走.  但如我叫我幫我拎D野, 如水, 波呀比其他小朋友, 佢又肯, 叫佢SHAKE HANDS HELLO BYE BYE佢都肯, 就係唔肯拖住OR搭膊頭一齊玩.
不過佢對大人小朋友都有眼神接觸, 大人亦肯互動.  去PLAYGROUP也勉強肯同小朋友打下交道, 就只係唔好拖佢就OK.

4.  對陌生環境須好長時間先適應.  N班3個月先唔喊, 校車又係3個月, 仲要唔喊之后要自己坐, 唔肯同其他小朋友坐.  結果日日都係坐最前同校車EE一齊坐.

但佢係屋企時係好活潑, 跳上跳落, 支支JA JA架.  請大家幫忙比D意見我, 8月上K1喇, 我好擔心佢會被其他小朋友/老師排斥呀 :(

作者: BBDAD2009 時間: 13-6-17 13:58

同我個仔嘅情況好似, 我個仔3ｙ＋８ｍ，巳讀一年ｋ１，讀吾掂。
得幾樣野識講識回答，現在得２ｙ進度。下月見精神科，睇吓點講。

講真，此刻我還未ｒｅａｄｙ　系Ａ。

作者: pocoyo123 時間: 13-6-17 14:36

回復 tamichu 的帖子

睇來社交和固執方面中了A仔, 最好快些去評估, 儘怏做一些針對訓練, 否則現時能力上到K1到會比學校`詐型

作者: tamichu 時間: 13-6-17 14:36

答問題真係麻麻, 有時出街都好embarrass, 陌生人問佢野, 佢一係就repeat人地條問題, 一係就9唔答8. 請問你小朋友除左講野仲有咩問題?

作者: BBDAD2009 時間: 13-6-17 16:26

其實甘嘅CASE, 我認為搵個正常朋友仔,日對夜對,會好有用.

作者: chowqv 時間: 13-6-17 17:09 標題: 回覆：究竟你內向定自閉

應該盡快去評估。因為鸚鵡講野，跟同齡朋友唔社交，只同大人溝通。呢2樣我既A,仔都有。

作者: tamichu 時間: 13-6-17 17:17 標題: 回覆：chowqv 的帖子

請問你小朋友具體点樣鸚鵡學舌？係一時時定經常？我不大了解自閉症，常以為徵狀好明顯

作者: CMH 時間: 13-6-17 20:14

有無眼神接觸同成日自轉？

作者: chowqv 時間: 13-6-17 20:37

tamichu 發表於 13-6-17 17:17
請問你小朋友具體点樣鸚鵡學舌？係一時時定經常？我不大了解自閉症，常以為徵狀好明顯

...

我自己無點發現，一路以為佢係老積，平時講野同我一樣樣。

去到評估，醫生對佢對答，佢識用返醫生既一字不漏去答人地。好多時唔識將你我倒轉。

例如：你有無同我講過？佢答你都係：你有無同我講過。

佢地好叻copy人地既說話。

作者: littleape0129 時間: 13-6-17 22:48

回復 tamichu 的帖子

你囝囝跟我囡有D相似，佢返咗成年N班，好似同D同學都唔 friend. 有時放學跟同學一起搭車，人哋想拖佢，佢都好抗拒，會 fing 開人隻手，只拖我隻手。不過老師又冇話佢喺學校有咩問題。佢又不太熱愛跟同齡小朋友玩，不過佢好喜歡同表姐玩（4 yrs and 8 yrs old). 同D表姐傾偈亦有文有路。不過佢就冇跟人講嘢，只唔想同人玩。另外，佢做到D嘢，一大班人話佢叻，佢唔鐘意，佢似乎係唔喜歡做 center of attention.
咁樣，我都真係唔知佢有冇問題。

作者: tamichu 時間: 13-6-18 08:56 標題: 回覆：究竟你內向定自閉

我仔有眼神接觸的，冇乜自轉。又係分晤到你我。佢最主要係問非所答、repeat人說話同拒絕同龄小朋友！因佢認知方面ok的，所以我常猷疑去唔去评估，時時希望佢3嵗后開hiu.
咁仲可以係主流幼稚園讀嗎？

作者: CMH 時間: 13-6-18 21:19

以我的小朋友來說，很少眼神接觸、間中自轉、喜歡看大眼雞洗衣機和抽氣扇轉動，大概三歲半才懂得分你我。好彩自閉程度不太嚴重，讀了2年普通幼稚園，K2開始獲派 I 位，兩年來進步很大。

可以要求健康院或家庭醫生寫紙轉介往評估中心作詳細評估，不過要有心理準備，可能要排1年以上。

作者: chowqv 時間: 13-6-18 22:04 標題: 引用：我仔有眼神接觸的，冇乜自轉。又係分晤到你

原帖由 tamichu 於 13-06-18 發表
我仔有眼神接觸的，冇乜自轉。又係分晤到你我。佢最主要係問非所答、repeat人說話同拒絕同龄小朋友！因佢認 ...

去評估左先啦，排隊需時。

我個仔學術上無問題，同埋讀緊先出評估（當初因為大小肌問題先去），所以一路都讀緊主流，再加等e位。

作者: fishcowcow 時間: 13-6-19 02:11

我覺得應該要去排評估, 因為2YR8M仍有70%鸚鵡學舌, 言語都好大機會遲緩, 再加上社交弱, 有啲似自傾特徵

作者: tamichu 時間: 13-6-19 09:59

請問有冇一些中肯又唔洗排好耐既評估中心? 其實如協康/邁步呢d會唔會commercial既呢? 我怕其實小朋友問題唔太嚴重但評估就誇大左而叫係去好多training.

如果去私家兒料有做評估, 會唔會中肯d?

另想問下大家, 有冇d針對社交弱既小組可以先去參加, 而唔須要先評估? thx!

作者: fishcowcow 時間: 13-6-19 16:20

協康呢類係非牟利機構, 巳經唔算commercial, 其實好難講邊間中肯唔中肯, 你要認清自己小朋友問題, 專家評估時你都可以提出疑問, 最緊要真係需要時盡快開始排服務, 我見你小朋友巳就快3歲, 你打去問問邊間最快有評估就做左先喇...仲有, 既然你小朋友巳返n, 何不問問老師的意見?

社交小組係唔需要先評估的, 隨時有位就可以參加

作者: tamichu 時間: 13-6-20 09:37

回復 fishcowcow 的帖子

我和老公商量過, 會7月帶阿仔去兒料跟進, 那裡有評估做的, 應該會在醫生處評. 另昨天報了長沙灣的楊震服務社交小組, 等緊他們复我有沒有位.

他幼稚園透明度不高, 我打電話問班主任, 佢同我講話我仔係比較內向, 只有時扎扎跳坐唔定, 不過都叫得佢聽話和服從. 老師又話最初番學時, 問佢野, 成日重复佢地問既野, 唔係答. 但後來都重复少左, 有d進步. 我問佢我仔肯唔肯同小朋友玩, 佢就有點不耐煩同我講, 話其實n班仲細, 叫我唔好期望過高, 話佢番學學好紀律先已經好好, 其他唔重要. 我又唔敢開口同老師講話覺得佢有d自傾.

不過佢現在搭校車, 仍然唔肯同其他小朋友一齊坐, 要自己一個人坐....唉~

歡迎光臨教育王國 (/)