教育王國

標題: 來自呂明才（左丁山） [打印本頁]

作者: elbar 時間: 13-6-13 16:58 標題: 來自呂明才（左丁山）

司徒華當年為打破傳統精英名校壟斷全港最佳學生（包括貧窮精英在內），倡議全港劃分校區抽籤派位，推行三十年後，效果顯現，就係傳統名校（聖公會學校為主）頂唔順精英來源散失，索性轉為直資學校，面向全港，專收精英學生，故此黃英琦在now電視講：「我見過直資學校三年級學生可以讀哈利波特英文版，津貼小學三年級學生就未識齊ABC！」點解會咁？一字咁淺，識讀哈利波特嘅小三學生來自富爸爸家庭，自細在家講英文，不懂ABC之小三學生可能來自不懂英文之家庭，家裏根本沒有閱讀英文嘅環境。

換言之，直資學校逐漸演變成為「富裕家庭學校」，津貼學校就係普通家庭學校，製造社會貧富懸殊，此乃司徒華當初想不到嘅。

但司徒華有一樣估中，就係在抽籤派位制度下，各區中學有機會收到普通家庭嘅精英學生，故此三十年來，港大中大校內多咗好多不同中學嘅學生，來源不似二十幾年前咁集中在名校。何子樑醫生向中文大學醫學院頒發獎學金，共十五名（每級三名），分金銀銅獎，又有一個大獎（Grand Medal），給予成績最優秀嘅醫學院畢業生。今年攞Grand Medal嘅係一位2012年畢業生，現於聯合醫院實習嘅周健怡小姐，左丁山問佢來自那一間中學（本以為係傳統精英名校），佢答：「沙田呂明才。」咁蹺嘅，2011年Grand Medal得獎者係一位男生，又係來自沙田呂明才噃，唔怪得見到新任中大醫學院院長陳家亮教授與上任院長霍泰輝教授與一位嘉賓握手，向佢祝賀，旁邊有人話俾左丁山聽：「嗰位係沙田呂明才中學校長，中大醫學院特別邀請佢嚟參加頒獎禮，以示多謝佢培養啲學生咁優秀！」哦，原來如此，又係值得多謝嘅，中大醫學院學生多數係高考尖子、狀元或準狀元級人馬，呂明才學生連奪兩年Grand Medal，十分不容易。有人話名校轉直資後，對窮學生不公平，此又未必，直資學校學生無疑佔盡資源優勢，但普通家庭學生如能努力讀書亦未必會好輸蝕。最怕係教育局助長貧富差距，大力推辦電子教科書，電子教學，擴闊數碼差距，令普通學生更加蝕底啫。

左丁山

作者: cherry媽咪 時間: 13-6-13 19:01 標題: 回覆：來自呂明才（左丁山）

作者: loveDayo 時間: 13-6-13 19:37 標題: 引用： +

原帖由 cherry媽咪 於 13-06-13 發表

希望囡囡也能入到呂中這間好中學。

作者: toscr 時間: 13-6-15 09:11 標題: 引用：司徒華當年為打破傳統精英名校壟斷全港最佳

原帖由 elbar 於 13-06-13 發表
司徒華當年為打破傳統精英名校壟斷全港最佳學生（包括貧窮精英在內），倡議全港劃分校區抽籤派位，推行三十 ...

作者: claudiaho 時間: 13-6-15 20:43 標題: 回覆：來自呂明才（左丁山）

作者: ting916 時間: 13-6-15 22:05

作者: Adam媽媽 時間: 13-6-18 20:44

歡迎光臨教育王國 (/)