教育王國

標題: 中學派位辦法 [打印本頁]

作者: gdbnne 時間: 13-6-12 16:32 標題: 中學派位辦法

本帖最後由 gdbnne 於 13-6-12 17:37 編輯

剛才資料錯誤,以下的才正確.

http://www.edb.gov.hk/attachment/tc/edu-system/primary-secondary/spa-systems/secondary-spa/general-info/secondaryschool_c_30_aug.pdf

作者: United 時間: 13-6-12 16:56 標題: 回覆：雞頭鳳尾論（II）：一個值得深思的問題

Thank you for your useful post.

作者: swmami 時間: 13-6-12 17:05 標題: 回覆：gdbnne 的帖子

How about the use of Pre-S1 results?

作者: cupidshirley 時間: 13-6-12 17:09 標題: 回覆：雞頭鳳尾論（II）：一個值得深思的問題

我個人覺得在一級學校考前60名同在次一級學校考40名跟本分別唔大，一級學校學習風氣好，師資好，同學間互相努力爭取好成績。最重要係識咩朋友同品德修養重要過考第幾⋯小朋友最易被朋軰影響。所以我另做鳳尾

作者: gdbnne 時間: 13-6-12 17:15

cupidshirley 發表於 13-6-12 17:09
我個人覺得在一級學校考前60名同在次一級學校考40名跟本分別唔大，一級學校學習風氣好，師資好，同學間互相 ...

我的重點是希望講出個中學派位制度，
希望扣緊門既朋友了解下，不要太憂慮。

入左次一級的小學，也不必太憂慮，不
必太擔心。

就算真係最後入到一間只有10%
BAND 1位的，也不是世界末日呀。
小朋友在升中時仍可去到好學校.

作者: garyz88 時間: 13-6-12 17:25 標題: 回覆：雞頭鳳尾論（II）：一個值得深思的問題

樓主理論全錯, TSA 跟中一派位全無關係。中一派位, 是以「中一入學前香港學科測驗」抽樣成績的平均成績調整學生的校內成績。

TSA 是全港性系統評估 (小學), 不是中一入學前香港學科測驗

http://www.edb.gov.hk/attachment/tc/edu-system/primary-secondary/spa-systems/secondary-spa/general-info/secondaryschool_c_30_aug.pdf

作者: gdbnne 時間: 13-6-12 17:28

garyz88 發表於 13-6-12 17:25
樓主理論全錯, TSA 跟中一派位全無關係。中一派位, 是以「中一入學前香港學科測驗」抽樣成績的平均成績調整 ...

哎呀,我是聽朋友講的.
sorry.真係錯既..sorry.

作者: CreativeAccount 時間: 13-6-12 17:38 標題: 引用：Quote:garyz88+發表於+13-6-12+17:25+樓主

原帖由 gdbnne 於 13-06-12 發表
哎呀,我是聽朋友講的.
sorry.真係錯既..sorry.

概念真係錯左，你諗下d「神校」，考第尾都90分，點可能band 3考第一但得60分會派升中好過佢？這又製造另一個不公平了。

小朋友的朋輩影響很重要，但想入到「神校」都要自量應付得到，長期考最尾好似逃學威龍「每周一星」比全班師生一齊笑，這壓力對小朋友絕對係負面影響。「竹門對竹門，木門對木門」，人貴自知，應揀間最啱而唔係揀間最勁，咁講會唔會好d?

作者: jigsaw 時間: 13-6-12 17:40

視乎＂名校＂嘅定義，某d人入一級或二級名校（特別係直資私校），除了成績、虛榮之外（甚至除外），人家無疑係有吸引人之處，如對學校嘅歸屬感（當然亦有學生以自己係名校生為恥（極小但亦有見過），別人學生質素一般較企理，可以有條件放資源（時間和金錢）去培訓小朋友嘅全面發展，如drama, 辯論、合唱團。
名校~上水鄧顯係全港入大學百分比最高頭三名，試過第一名，但相對名校協恩、瑪利曼、英華、華仁....又真係...
純粹個人意見，當然我亦不贊同家長因名牌而入校，但無疑好多名校係有令家長放心入嘅理由。

作者: 已刪除用戶 時間: 13-6-12 17:56

曾在某校討論區見到家長話, 有小六同學考13, 升中自行連interview機會都無(即係衰左), 個小六女生喊左出黎, 果間中學係上位中地區學校(算唔上名校tim)
邊間學校去到咩位, 中學點會唔知? 我唔會硬銷叫家長一味夠名氣/排名去揀學校, 不過升中係好現實, 家長要早日做好準備, 以免殺到埋身至發現失預算

作者: sampapa 時間: 13-6-12 17:57 標題: 回覆：gdbnne 的帖子

是否看Pre-S1而非TSA,
TSA是用來評審學校的成效而非學生。
請參考前輩資料或敎處網頁。

歡迎光臨教育王國 (/)