教育王國

標題: 大家幫忙分析下就竟係定吾系 [打印本頁]

作者: monsterF 時間: 13-6-12 13:21 標題: 大家幫忙分析下就竟係定吾系

之前出過貼,感謝有心人既回應,我再整合過,希望多D人比D意見我
啊女19個月,我懷疑佢有自閉既頃向,但又唔系全部中
我覺得有問題既地方:
1. 有睡眠問題: 難入睡,易醒,由細到而家都係每天最多睡9小時
2 偏食: 中意食餅,每日都問拿餅食,最少10次,但飯個D就食好少,
3 聽覺敏感: 聽到某D聲就會好驚,例如吸塵機,風筒,有時表現得好驚,但我唔知佢驚咩,例如經過街市某個位佢就會驚.次次都係
4 佢會同人玩,通常係大過佢個D,有時人地掂到佢就會打人,同人玩玩下又推人,扯人衫
5 固執行為:例如褲腳唔比折,阿婆折都唔比,餵奶一定要媽媽比,阿爸都唔得,除非阿媽唔係度
6 冇耐性,易哭鬧,要咩就扭到有位止
7 中意睇魚睇奶粉,次次去超市都睇到唔肯走
8 生理方面, 有敏感對蛋魚牛肉等都敏感,有便祕
另一方面, 佢語言冇問題,完全溝通到,學左1-10,唔按次序佢都OK,介左片,大小便都識講,唔會瀨,叫佢叫人都會聽,陌生人都OK,但又唔係個個陌生人都得,有D 人見好多次都唔采人,
大家又點睇呢?感統又中唔曬,比D意見我好嘛?

作者: monsterF 時間: 13-6-13 07:36 標題: 回覆：monsterF 的帖子

push and加多樣，好難清潔口腔，到而家都未刷過牙，用沙巾抹都好難

作者: chowqv 時間: 13-6-13 11:07

得19個月，就算睇醫生都確定唔到。

如果呢個歲數已經確定既，係好嚴重既事。

作者: Vichang 時間: 13-6-13 13:18 標題: 引用：之前出過貼,感謝有心人既回應,我再整合過,

原帖由 monsterF 於 13-06-12 發表
之前出過貼,感謝有心人既回應,我再整合過,希望多D人比D意見我
啊女19個月,我懷疑佢有自閉既頃向,但又唔系全 ...

會唔會只是感統問題呢？因為你囡囡言語冇問題啊。

作者: monsterF 時間: 13-6-13 16:06 標題: 回覆：chowqv 的帖子

咁會唔會越大越明顯呢？我係擔心耽誤左時間

作者: 新手好媽咪 時間: 13-6-13 19:31 標題: 回覆：monsterF 的帖子

我個仔都系咁，歲半之前我唔覺得有問題,又識講野又識學人打電話,又唔覺得佢比人慢哦!但係歲半之後,我系覺得佢退步左,系覺得佢一直退下去,所以等不及政府E院,自己去做左私人評估，結果真系中左,佢唔肯俾你刷牙可能系因為敏感,我個仔都係唔俾我幫,

作者: hindip 時間: 13-6-13 21:48 標題: 回覆：monsterF 的帖子

今個星期六 6月15日 www.fuhong.org/hdc 有自閉症講座，可以報名去了解下。

作者: Vichang 時間: 13-6-14 10:37 標題: 引用：咁會唔會越大越明顯呢？我係擔心耽誤左時間

原帖由 monsterF 於 13-06-13 發表
咁會唔會越大越明顯呢？我係擔心耽誤左時間

咩可能都有。我個仔等唔切政府結果在20個月時去睇左私人評估，跟住有follow up排位。另外建議找醫生寫紙排CAC 評估。

作者: fishcowcow 時間: 13-6-14 16:52

徵狀以我囝以前, 我囝係自傾, 去健康院睇下可唔可以轉介去CAC

作者: pyalisa 時間: 13-6-16 18:03 標題: 回覆：大家幫忙分析下就竟係定吾系

自閉未能確定。你小孩感統問題機會也高。

感統細細個就有得評估。你搵職業治療師評咗感統，做咗感統訓練先啦。

作者: babycat9001 時間: 13-6-16 18:31

本帖最後由 babycat9001 於 13-6-16 18:40 編輯

小兒2歲時做完CAC評估,証實有自閉証...CAC評估員憑什麼話小兒有自閉...
1...唔望人
2...未識講野
3...只係愛玩123數字和ABC英文字,其他全部都唔玩,連車車都唔玩...
4...大卑氣...見到鐘意既數字或英文文字玩具一定要得到手,就算係街訓地大叫大喊都要我買
5...坐唔定,坐永遠唔過三分鐘,就算現在已40個月大,追佢餵飯...
排梗S位...
樓主留意下你小朋友有冇以上問題出現...

不過我識個小朋友一樣係A仔,佢肯望人,又坐得定,但未識講野,學野超慢...咁又排梗S位...真係個個小朋友唔同...

作者: Vichang 時間: 13-6-17 00:01 標題: 引用：+本帖最後由+babycat9001+於+13-6-16+18:40

原帖由 babycat9001 於 13-06-16 發表
本帖最後由 babycat9001 於 13-6-16 18:40 編輯

小兒2歲時做完CAC評估,証實有自閉証...CAC評估員憑什麼 ...

我個小朋友勁中意123同abc但係都係俾CAC 個兒科醫生話唔可以再玩呢d嘢。我就嚟連月歷都要收埋啦。

你小朋友而家戒左玩數字和字母未？

作者: fongbau 時間: 13-6-17 04:14 標題: 回覆：大家幫忙分析下就竟係定吾系

我個仔18個月時已覺唔對路，於是趁18個月時見健康院姑娘時提出，姑娘即時做簡單測試都認為有可疑，於是立即𨍭介做評估，2個月後完成評估；之後排左3個月，阿仔滿2歲就即入S位。
我覺得越早發現，越快排倒評估同入S位；因為聽好多3歲後先發現嘅，一般都排好耐。

作者: chowqv 時間: 13-6-17 04:28 標題: 引用：Quote:原帖由+babycat9001+於+13-06-16+發

原帖由 Vichang 於 13-06-17 發表
我個小朋友勁中意123同abc但係都係俾CAC 個兒科醫生話唔可以再玩呢d嘢。我就嚟連月歷都要收埋啦。 ...

我果個，醫生話書都唔好俾佢睇。淨係俾佢做活動，去玩，去叫就好啦。

邊有小朋友好似我個仔咁樣，迫阿媽俾功課佢做既。

作者: monsterF 時間: 13-6-17 10:11 標題: 回覆：fongbau 的帖子

但健康院個邊叫4歲先返去复診，有咩途徑可以睇到ot呢

作者: monsterF 時間: 13-6-17 10:13 標題: 回覆：Vichang 的帖子

佢未識曬abc但見到數字一定會讀

作者: Vichang 時間: 13-6-17 20:18 標題: 引用：我個仔18個月時已覺唔對路，於是趁18個月時

原帖由 fongbau 於 13-06-17 發表
我個仔18個月時已覺唔對路，於是趁18個月時見健康院姑娘時提出，姑娘即時做簡單測試都認為有可疑，於是立即 ...

請問你小朋友現在幾大？兩歲入s位時係私人定已經排到政府呢？我個仔而家兩歲多d,開始了私人s位。有少少進步咋，而家仲未完全識聽指令。

作者: Vichang 時間: 13-6-17 20:22 標題: 引用：Quote:原帖由+Vichang+於+13-06-17+發表我

原帖由 chowqv 於 13-06-17 發表
我果個，醫生話書都唔好俾佢睇。淨係俾佢做活動，去玩，去叫就好啦。

邊有小朋友好似我個仔咁樣，迫阿媽俾 ...

佢太中意做功課？。其實我個仔最近都好中意揭書，睇埋每頁的頁數。又係同數字有關，激氣。

作者: Vichang 時間: 13-6-17 20:23 標題: 引用：但健康院個邊叫4歲先返去复診，有咩途徑可

原帖由 monsterF 於 13-06-17 發表
但健康院個邊叫4歲先返去复診，有咩途徑可以睇到ot呢

叫精神科醫生寫紙得唔得？

作者: chowqv 時間: 13-6-17 20:30

Vichang 發表於 13-6-17 20:22
佢太中意做功課？。其實我個仔最近都好中意揭書，睇埋每頁的頁數。又係同數 ...

係，超級喜歡做功課。

邊有細路，放學第一件事就對我講，我想做功課。

放長假，係要買多幾本佢做。又迫阿媽睇書。因為佢要睇。大家一齊睇自己既書。

佢得k2。我點等到佢大。。。。家下隔日拎晒n班開始既書出黎，逐本溫習。

作者: Vichang 時間: 13-6-17 20:45 標題: 引用：Quote:Vichang+發表於+13-6-17+20:22+佢太

原帖由 chowqv 於 13-06-17 發表
係，超級喜歡做功課。

邊有細路，放學第一件事就對我講，我想做功課。

請問你小朋友係a仔嗎？

作者: monsterF 時間: 13-6-17 21:33 標題: 回覆：chowqv 的帖子

咁你叫佢做左一d佢唔中意既野先有得做功課囉

作者: monsterF 時間: 13-6-17 21:35 標題: 回覆：Vichang 的帖子

ha精神科要排好耐架窩，私家既轉介
ha又唔收

作者: chowqv 時間: 13-6-17 22:23

Vichang 發表於 13-6-17 20:45
請問你小朋友係a仔嗎？

係 ADHD+自閉+大小肌肉不協調（3月有訓練先試執筆，寫到中文字），言語發展遲左一年（唔係唔識講野，係話佢所有量詞都係一個/一隻，我有答治療師：正常啦，佢阿娘我講野都係一個同一隻）。

基本上，佢除左智力無問題（可能係資優，我排左港大做智力測試，但未夠歲數做），果份表格全部有剔。

自佗佢以黎，我自己知唔識教，已經8個月讀幼兒中心。評估一出，無論家下讀緊，定係之前既幼兒中心，無老師，校長相信佢有咁多欄數。家下大家唯有鼓勵，努力做訓練。

作者: Vichang 時間: 13-6-17 23:28 標題: 回覆：monsterF 的帖子

樓主不如你都搵間做感統評估先啦。當我發現我囝有問題時係18 個月，攪呢攪路去到20個月先做自閉評估，跟住又要排隊做一對一訓練，成21個月先開始做，到等到囝坐定定可以做感統已經係23個月。當然，要同老公商量下。

作者: monsterF 時間: 13-6-18 11:25 標題: 回覆：Vichang 的帖子

有冇介紹邊度有得做評估啊？

作者: fongbau 時間: 13-6-21 20:45 標題: 回覆：Vichang 的帖子

我個仔20個月嘅時候被評為嚴重自閉症兼中度智障，入左S位三年有大進步，跟住再被評估為自閉症傾向入I位，讀左一年K3之後，我決定比佢入輕度特殊學校。

作者: fongbau 時間: 13-6-21 20:48 標題: 回覆：Vichang 的帖子

補充：我個仔係評估後3個月就排到政府S位。所以我講得，越早發現越快排到，過左3歲先評估可能會慢D。

作者: Vichang 時間: 13-6-22 00:07 標題: 引用：補充：我個仔係評估後3個月就排到政府S位。

原帖由 fongbau 於 13-06-21 發表
補充：我個仔係評估後3個月就排到政府S位。所以我講得，越早發現越快排到，過左3歲先評估可能會慢D。

...

嘩排左三個月真係好快，條隊會唔會以前短好多？我個仔今年一月先開始排，我個區的協康而家先排到2011年年尾咋。如果其他機構如耀能就會排到2012年2月啦。

作者: Vichang 時間: 13-6-22 00:14 標題: 引用：有冇介紹邊度有得做評估啊？ +

原帖由 monsterF 於 13-06-18 發表
有冇介紹邊度有得做評估啊？

你講的是感統評估，是嗎？可以問下協康、牽蝶、楊震社會服務處的自悠天地、私人如領思、邁步等。我就帶左阿仔去邁步做評估。邊間都冇所謂，最緊要評估完儘快有期做訓練先得，之前要問清楚呀。

作者: fongbau 時間: 13-6-22 19:01 標題: 回覆：Vichang 的帖子

我當時揀地區，有問姑娘邊度最快就排邊度，最多我搬屋！
於是由筲箕灣搬左去青衣，因為東涌協康冇乜人揀！

作者: Ononma 時間: 13-7-27 23:00

Hi Chowqv,

我仔細個時好鍾意轉車轆，有人提我一見佢轉就拉開佢，兩歲後開始見郊，不過就沉迷其它事，如睇書、做練習（好快就做完）、睇地圖、路線圖、路牌、鐵路、響街邉數車。雖然攬到我和爸爸好倦，但我見有益無害，就盡量滿足佢。

所以可否告知點解你小朋友喜歡看書和做功課、你醫生會叫你吾好比佢睇，係咪有什麼不良影響，會影響什麼呢？

作者: apple~y 時間: 13-7-28 21:58

fongbau 發表於 13-6-21 20:45
我個仔20個月嘅時候被評為嚴重自閉症兼中度智障，入左S位三年有大進步，跟住再被評估為自閉症傾向入I位，讀 ...

我想問0下你小朋友
讀S位三年有大進步，跟住再被評估為自閉症傾向入I位，即係你覺得小朋友ok
先出幼稚園,0甘點解讀左一年K3之後，又入番輕度特殊學校。

作者: fongbau 時間: 13-7-29 12:02 標題: 回覆：Vichang 的帖子

我個仔排3個月足2歳就入倒政府S位，讀左3年就出左I位讀K3，而家響特殊學校讀小一。
唔使太心急，S位嘅密集式訓練，一定會有好多幫助，只要小朋友適應左，好快就會見效果架喇！
加油！

作者: fongbau 時間: 13-7-29 12:07 標題: 回覆：apple~y 的帖子

因為而家香港嘅教育太巔喇，小朋友追得好辛苦！加上我個仔評左係輕度，我更加唔想博！
我唔會堅持要佢入主流學校，我focus小朋友開唔開心，同學唔學倒佢應該要學嘅野！
而事實証明，我嘅決定係冇錯！我個仔好中意返學，又學倒好多野！

歡迎光臨教育王國 (/)