教育王國

標題: 小一派位(純個人意見，不喜勿插) [打印本頁]

作者: 柏禧BB 時間: 13-6-11 10:47 標題: 小一派位(純個人意見，不喜勿插)

見到好多家長話個制度唔公平,有啲野想講,純粹個人意見，不喜勿插

世襲制:原意係兄弟姊妹能互相照顧，家長不用頻撲,當然獨生子女嘅家庭會覺得唔公平
宗教分:係招收相同信仰，個人自由,信不信由你
統一派位:大抽獎係因為教育局覺得所有小朋友都係平等，所有小朋友都有機會入讀心儀學校……抽獎抽獎當然有人中有人唔中
我小朋友係獨子，冇信仰，個人覺得小朋友開心最重要，入到名校又如何，跟得上就好,跟唔上又如何？見到有家長喺小朋友讀幼稚園就谷呢樣谷個樣，我就覺得冇晒童真，我個仔升k3暑假前冇學任何野,一到星期六日就去玩,冇壓力，又鍾意返學,升k3果個暑假因為返工冇時間同佢周圍玩,同佢去YMCA報班,每個班同佢講有咩玩,佢OK我先去報,結果佢去玩Lego,magic同畫畫，都係去玩多，冇證書,俾佢阿嫲話我嘥錢,我同佢講玩得開心就好
統一結果出之前我不停同阿爺阿嫲洗腦,同佢地講派去邊就去邊度讀啦,入到出名但讀得唔好阿B又唔開心，間間學校都差唔多
我冇準備任何野去叩門，見到好多家長好擔心，所以如果能夠解答到問題(例如點計分)我都會去分享下
最後想講,我雖然冇谷個仔,但私底下真係做好多功課睇下個仔啱讀乜野,唉！做人父母甚艱難！！

作者: l_wingwing 時間: 13-6-11 10:49 標題: 回覆：小一派位(純個人意見，不喜勿插)

樓主我絕對同意!

作者: longyiu 時間: 13-6-11 10:53 標題: 引用：見到好多家長話個制度唔公平,有啲野想講,純

提示: 作者被禁止或刪除內容自動屏蔽

作者: h2013 時間: 13-6-11 10:54 標題: 引用：見到好多家長話個制度唔公平,有啲野想講,純

原帖由 柏禧BB 於 13-06-11 發表
見到好多家長話個制度唔公平,有啲野想講,純粹個人意見，不喜勿插
世襲制:原意係兄弟姊妹能互相照顧 ...

係呢個世俗，有幾多人可以做到和尚，不過我認同樓主的說法。

作者: h2013 時間: 13-6-11 10:56 標題: 引用：Quote:原帖由+柏禧BB+於+13-06-11+發表見到

原帖由 longyiu 於 13-06-11 發表
甘你個仔派左邊間？

派邊已經不重要，文章重點你看不清嗎？

作者: Cass_0114 時間: 13-6-11 11:01

柏禧BB 發表於 13-6-11 10:47
見到好多家長話個制度唔公平,有啲野想講,純粹個人意見，不喜勿插
世襲制:原意係兄弟姊妹能互相照顧 ...

認中樓主說法.

世襲制:原意係兄弟姊妹能互相照顧 ..., 但仍有很多家長去叩門, 為何當要選這校入讀, 真的不明白這些家長心態

作者: bb女女 時間: 13-6-11 11:02

agree講法

作者: spmok1999 時間: 13-6-11 11:03

我有d朋友派位前話統一派位派到到邊間就讀邊間, 咩叩門準備都冇做...
到o左有派位結果, 結果派得唔好咪又係等都等唔切去叩門...

作者: taktakchichi 時間: 13-6-11 11:07

h2013 發表於 13-6-11 10:56
派邊已經不重要，文章重點你看不清嗎？

問樓主派邊, 派第幾志願, 係想瞭解樓主到底依家邊一種心態才可以說這番話.

作者: waiman0614 時間: 13-6-11 11:23

同意一樣既諗法我好D 自選已收果間學校呀仔自己話要讀自選時得十個人簡既學校

作者: happy_lavender 時間: 13-6-11 11:26

大致上同意樓主的睇法，但有一種情況，我會考慮唔讀獲派的學校 - 就是有足夠表面證據和理由相信該校在6年內會被殺校！我在小學時曾轉校，足足有半年不開心！以自己的經驗，轉校對小朋友來說絕對並非好事。

作者: yymouse313 時間: 13-6-11 11:27

互勉之

作者: alyk 時間: 13-6-11 11:36

世襲制好多人覺得唔公平, 但我地應該用人道的心去接受, 雖然依家大部份的家庭都係1~2個小孩, 但還是有些家庭有3~4個小孩, 如果只靠派位; 可能分開唔同學校, 做父母真係得閒死唔得閒病.

眼見身邊朋輩, 經濟力一般的, 有些真係3~4個, 返而有能力的家庭只生一個.

作者: smile108 時間: 13-6-11 11:38

回復柏禧BB 的帖子

同意同意!

作者: ah-ho 時間: 13-6-11 11:40

本帖最後由 ah-ho 於 13-6-11 11:41 編輯

我同意兄妹之間既世襲制，不過就反對父母係舊生就有分加。

作者: Mukchilee 時間: 13-6-11 11:46

ah-ho 發表於 13-6-11 11:40
我同意兄妹之間既世襲制，不過就反對父母係舊生就有分加。

十萬個同意, 父母當年嗰代D校長老師可能已經改朝換代左N次, 分分鐘連校舍都搬埋. 父母仲有咩關???

作者: 柏禧BB 時間: 13-6-11 12:38 標題: 回覆：taktakchichi 的帖子

我個仔好彩抽到乙一,但其實我本身唔係呢個網長大,間間學校都唔熟,靠上網睇資料加上長輩意見幫佢填,個網得8間小學,放榜前我真係不只一次同佢阿爺阿嫲講:就算派去鮮魚行都好,到時阿B都可以學到野，分分鐘仲會聽話d!本身冇準備任何野去叩門，註冊時見到叩門果啲準備好充足，成個file交去,如果係我叩門可能得申請表？！其實我真係信一樣野:所有小朋友都應該享受應有嘅童年生活

作者: 柏禧BB 時間: 13-6-11 12:45 標題: 回覆：柏禧BB 的帖子

其實派咗去乙一我反而開始緊張，怕個仔跟唔上

作者: 柏禧BB 時間: 13-6-11 12:47 標題: 回覆：happy_lavender 的帖子

我真係冇諗過會有殺校呢個情況

升中選校時都要小心,多謝你的提醒

作者: 柏禧BB 時間: 13-6-11 13:03 標題: 回覆：spmok1999 的帖子

我又真係冇準備，因為我真心覺得網內學校唔差,冇一種好強烈話派到某間一定唔讀嘅感覺，所以我成日都話好彩住喺呢個網,如果住其他網,我絕對唔排除會去叩門

作者: teambuilder 時間: 13-6-11 13:09

如果派到一間只谷考試TSA, 但成績同校風平平的學校, 想有童真都好難.

作者: ryanjojo 時間: 13-6-11 13:17 標題: 回覆：小一派位(純個人意見，不喜勿插)

同意樓主的意見及分享.但作為一个平凡的本地媽媽，我个人更有私心，希望小朋友可以在任何學習線上不墮後，將來成长的生活無憂。BTW，我小朋友被派到一間全港排名500以後的学校。心情到今天仍很失落！

作者: 柏禧BB 時間: 13-6-11 13:39 標題: 回覆：ryanjojo 的帖子

我都係一個平凡媽媽，想個仔好,讀得好,考得好,但更重要是開心。雖然而家做到唔逼佢唔谷佢,但係我好驚佢升小後我都會變做怪獸家長，到時候母子關係相信會好緊張……而家佢仲會同我講心事講秘密，我驚遲啲……

作者: seamama 時間: 13-6-11 23:31 標題: 回覆：小一派位(純個人意見，不喜勿插)

其實，每位家長都有自己一套，有d很monster,有的崇尚自由，有的很多rules. 無論如何，都沒有對與錯。每位小朋友也有不同學習方法。很monster的也不一定不愉快。

作者: be 時間: 13-6-12 00:20

升小學就應取决幸运号码，咁升中學，考大學，找工作，找老婆，揾老公全用随机号码，咁人生就會很平安，無压力，無烦恼了吗？

作者: www 時間: 13-6-12 00:34

ah-ho 發表於 13-6-11 11:40
我同意兄妹之間既世襲制，不過就反對父母係舊生就有分加。

對，最令人感到不公平的，是父母是舊生可以有「世襲分」的「世襲制」。

作者: LOVELY-BABE 時間: 13-6-12 01:29 標題: 引用：我個仔好彩抽到乙一,但其實我本身唔係呢個

原帖由 柏禧BB 於 13-06-11 發表
我個仔好彩抽到乙一,但其實我本身唔係呢個網長大,間間學校都唔熟,靠上網睇資料加上長輩意見幫佢填,個網得8 ...

樓主，你是32網，派去了協和是嗎？

作者: crazymum 時間: 13-6-12 07:51 標題: 引用：升小學就應取决幸运号码，咁升中學，考大學

原帖由 be 於 13-06-12 發表
升小學就應取决幸运号码，咁升中學，考大學，找工作，找老婆，揾老公全用随机号码，咁人生就會很平安，無压 ...

幼稚園小朋友年紀小唔希望谷佢啫、中學、大學做咗咁多年人，就要學懂為自己努力啦！

作者: 柏禧BB 時間: 13-6-12 09:29 標題: 回覆：LOVELY-BABE 的帖子

講得咁隱晦都俾你知道，不過真心講句覺得呢個網啲學校真係唔差,純粹名氣差別而已

作者: 柏禧BB 時間: 13-6-12 09:34 標題: 回覆：crazymum 的帖子

同意！小朋友升小仲細,到升中都已經十一、二歲,全部都已經成形,無得靠運氣,要靠自己

作者: skmibb 時間: 13-6-12 11:07

作者: Obiepapa 時間: 13-6-12 21:29

www 發表於 13-6-12 00:34
對，最令人感到不公平的，是父母是舊生可以有「世襲分」的「世襲制」。

父母世襲好似是國際惯例，。

作者: lovehinhin 時間: 13-6-12 22:07

本帖最後由 lovehinhin 於 13-6-12 22:09 編輯

回復柏禧BB 的帖子

我同樓主想法一樣~!唔會係咁谷個小朋友,唔需要佢一歲識背詩,二歲識幾百個中英字....等等...基本上我仔出世到現在我都冇迫佢學任何野,佢鍾意做咩由佢自己決定~佢開心就得~.其實俾佢學野冇問題~但唔好又要佢學呢樣又要佢識果樣,咁樣真係好辛苦...我反而重視佢身心健康,品德方面,至於望子成龍,順其自然吧!最重要我小朋友過得開心!另外如果派到果間學校唔太差,我都會接受,其實最怕擔心係佢群到d唔好o既同學多過間學校成績唔好...如果要叩門都係因為怕佢近墨者黑呢個原因~所以我絕對唔會做果d怪獸家長

作者: 柏禧BB 時間: 13-6-12 22:36

回復 www 的帖子

我都覺得兄弟姊妹世襲無問題，父母世襲果度係奇怪咗，阿爸阿媽讀過唔代表下一代啱，我個仔個老豆係油天舊生有世襲分，但我冇幫個仔自行報呢間，因為我知個仔唔啱讀，我話之你有幾出名，唔適合就唔適合，跟住仲俾佢話好唔幫個仔報

作者: 柏禧BB 時間: 13-6-12 22:44

回復 lovehinhin 的帖子

哈哈，我覺得我個仔出去叩門衰硬，英文麻麻，普通話讀歪啲當係，得中文同數學我覺得還可以。而家仲要牙尖咀利，講一句駁十句，今日同佢行過書局，見到有本升小一練習，問佢想唔想做，諗住係時候測試下佢究竟識乜唔識乜，不過佢講一句唔想做然後拉咗我去反斗城......

作者: bowling68 時間: 13-6-13 05:02

本帖最後由 bowling68 於 13-6-13 05:04 編輯

如果不是 full time mum, 小朋友初小會否自覺,父母便要擔憂小朋友會否跟上進度.

PS. 協和是好學校

歡迎光臨教育王國 (/)