教育王國

標題: 想問下小朋友讀PN下午班嘅媽媽，小朋友冇得瞓晏覺點算？ [打印本頁]

作者: HOHOnLOKLOK 時間: 13-6-10 12:56 標題: 想問下小朋友讀PN下午班嘅媽媽，小朋友冇得瞓晏覺點算？

如題。
有兩間幼兒園PN收咗女女，一間係全日班，一間係下午班，我本身就中意下午班果間多D，但怕女女得果兩歲人仔翻下午班冇得瞓晏覺會唔夠精神。想問下其他媽媽小朋友呢個問題大唔大？你哋點樣幫佢哋適應噶？THX~

作者: 綠荳媽媽 時間: 13-6-10 13:48 標題: 回覆：想問下小朋友讀PN下午班嘅媽媽，小朋友冇得瞓晏覺點算？

要11-12點瞓醒先返學

作者: 西琦 時間: 13-6-10 14:40

我個女都係PN返下晝，好彩0係樓下，可以好快返到屋企。我一向都係train我個女早起身的，所以佢個schedule 係7：00am起身，之後食支奶

，之後就玩到11：00會訓一個鐘，12：00n就起身食飯，12：45就換衫返學，放學就放4:30, 之後會訓45分鐘至1個鐘，夜晚就10點訓

。但依家就升K1, 大個0左，都訓少0左，有時上晝會唔訓，有時下晝唔訓。但我都知有d小朋友好勁，訓晚9朝7，中間完全唔訓教!

作者: 西琦 時間: 13-6-10 14:44

補充係，我個女依家K1係上晝班，但因為佢一向7點起身所以都唔擔心，但就會同佢戒上晝0個教囉! 試0左一個星期，都ok, 到下晝放學先訓都得。

作者: sherrychelsea 時間: 13-6-10 16:08

我個schedule唔同o的，阿女一定會瞓一次下午覺2-3個鐘，佢自己會schedule自己瞓覺時間，放學後才瞓，返學玩緊佢唔覺倦，一放學4點45返到屋企，我會同佢沖涼，之後食奶，跟住佢就瞓著至7點45，所以我地會遲食晚飯，佢會玩到11點才瞓，第二朝就8點半至9點醒。

作者: TeriAnla 時間: 13-6-10 16:08 標題: 回覆：HOHOnLOKLOK 的帖子

我囝囝8月開始番PN下午班，都係早睡早起個隻。應該早上會去遊樂場放電，10點半左右瞓多一個鐘，就起身飯食飯坐校車。番學要一個鐘校車。

作者: HOHOnLOKLOK 時間: 13-6-10 18:58

回復西琦的帖子

我女女宜家歲半，佢中午凈係會瞓一覺，大約兩個鐘。係咪小朋友都會自己就翻返學時間適應，我唔使咁擔心咧...

作者: HOHOnLOKLOK 時間: 13-6-10 19:00

回復 sherrychelsea 的帖子

你BB幾大啊？我女唔知係咪宜家仲細，17個月，所以如果佢下午好遲先瞓醒，例如六七點，佢夜晚就會搞到好夜都唔瞓，點樣先好似你咁規律TT TT

作者: HOHOnLOKLOK 時間: 13-6-10 19:02

回復 TeriAnla 的帖子

咁細個小朋友要搭一個鐘校車都幾頻撲喔，係咪收佢間學校好好所以媽咪你先咁選擇，唔擔心仔仔開學會太辛苦啊？

作者: sherrychelsea 時間: 13-6-10 19:33

回復 HOHOnLOKLOK 的帖子

我女女而家兩歲半，兩歲開始返幼兒班，第一二三日一返到屋企就瞓著，晚上7點幾醒會喊會扭計，可能太倦未瞓夠，第四日就開始適應冇喊啦! 因遲起身，會遲瞓，11點到上床，11點半會瞓著，因遲瞓，第二朝又會遲起身，我會静o的，比佢瞓多o的。不過有得選，我會選上午，我嚟緊K1會轉全日班，咁佢唔洗攪到太遲瞓。不過最重要我會先已學校為首選，跟住係時間。

作者: sherrychelsea 時間: 13-6-10 19:38

回復 HOHOnLOKLOK 的帖子

返左學會倦o的，我女12點前一定會瞓著。

作者: sherrychelsea 時間: 13-6-10 19:39

不過一放學，點倦都好，要沖涼，真係瞓著，我會比佢瞓我張床，一定唔上自己張床。

作者: sherrychelsea 時間: 13-6-10 19:54

我有朋友話之前阿仔有番幼兒班下午班，但後來覺得佢太倦，冇番，到K1先正式返學，所以每個小朋友不同。

作者: bbchow936 時間: 13-6-10 23:45

提示: 作者被禁止或刪除內容自動屏蔽

作者: TeriAnla 時間: 13-6-11 01:12 標題: 回覆：HOHOnLOKLOK 的帖子

唔可以講學校係咪好好，但經過interview和幾次去學校，囝囝和自己對學校印象很好，課程亦可以配合囝囝將來考私校，希望適合囝囝就OK.

我住離島。如果出去讀坐校車，時間唔差太多，咪直出九龍塘。而且我諗住PN讀得OK，就唔轉了。

作者: JC_mami 時間: 13-6-11 10:13

回復 HOHOnLOKLOK 的帖子

返學前小睡一小時！

作者: josephinekaka 時間: 13-6-11 10:55

我個仔係夜晚11點瞓到第二朝10點,起身沖涼食飯搭校車,放學4點幾有時會瞓一陣,但我只會俾佢瞓半個鐘至九個字,嘈醒佢,如果唔係夜晚佢唔肯瞓

歡迎光臨教育王國 (/)