教育王國

標題: 新油天小二 vs 培正小一 [打印本頁]

作者: cpsmtr 時間: 13-6-10 00:29 標題: 新油天小二 vs 培正小一

小兒現讀新油天小一，因有弟弟在培正幼稚園讀K1, 所以年頭帶小兒去了考培正小學。因小兒係細仔（十一月尾出生），所以只可以考今年九月培正小一。

但小兒在現時在學校成績ok, 全級15名內。加上油尖旺區男仔升band 1 英中較易，又怕repeat 小一會好悶，真係唔知九月轉唔轉培正小一好。但又怕上到小五小六 keep 唔到，升中制度壓力太大。

小兒正一填鴨一隻，無創意，音樂，藝術，運動無一善長。現在很喜歡現時的學校生活。

各位有何高見？謝謝。

作者: pluto_yuen 時間: 13-6-10 00:42

你個仔考得咁好都要佢repeat好傷佢自尊心！！讀得咁好都冇得升班好難向佢解釋。再加上佢又鐘意而家呢家學校，要佢轉去repeat好似唔係太好。
其實有冇諗過其他龍校，以佢呢個成績其實可以考慮。

作者: 野人好索子 時間: 13-6-10 00:48

你仔仔成績明明唔錯而要佢轉校就算同佢解釋,以一個六歲人仔未必會明白架,如果係咁的情形倒不如呢六年時間TRAIN下哥哥,細佬可以世襲入油天,已經煩少一樣野,假如成績唔差的派位都應該唔錯的,放心!!!!!!

作者: cpsmtr 時間: 13-6-10 00:57

回復 pluto_yuen 的帖子

因為弟弟讀培正，為了方便照顧，無想過其他學校。

作者: cpsmtr 時間: 13-6-10 01:02

野人好索子發表於 13-6-10 00:48
你仔仔成績明明唔錯而要佢轉校就算同佢解釋,以一個六歲人仔未必會明白架,如果係咁的情形倒不如呢六年時間TR ...

弟弟應該不會入油天了，他讀書無心機，驚升中攪唔掂

作者: CreativeAccount 時間: 13-6-10 02:15 標題: 引用：小兒現讀新油天小一，因有弟弟在培正幼稚園

原帖由 cpsmtr 於 13-06-10 發表
小兒現讀新油天小一，因有弟弟在培正幼稚園讀K1, 所以年頭帶小兒去了考培正小學。因小兒係細仔（十一月尾出 ...

新油天好失禮咩？全級十五名算好叻架啦，唔好咁話佢啦，佢有佢長處，咁樣要佢留班你真係傷佢自尊心害佢一世，千祈唔好呀

作者: GIPW 時間: 13-6-10 02:17

Yes, I will not repeat. He is doing so well now

Keep it up

作者: 786 時間: 13-6-10 05:46 標題: 回覆：新油天小二 vs 培正小一

大仔新油，細仔培正，馬照跑，舞照跳

作者: MaiGao 時間: 13-6-10 06:50 標題: 引用：小兒現讀新油天小一，因有弟弟在培正幼稚園

原帖由 cpsmtr 於 13-06-10 發表
小兒現讀新油天小一，因有弟弟在培正幼稚園讀K1, 所以年頭帶小兒去了考培正小學。因小兒係細仔（十一月尾出 ...

佢係新油天考到全級15，即係讀到叻仔啦。佢鐘意學校，我覺得唔轉好啲。去到培正又係小一，重學識既野一來會悶，減學習熱誠。二來身邊同學都升班，自己無得升仲要轉校，佢會點諗?
不過點都好，如果真係轉，最好慢慢同佢解釋清楚。

作者: 小曳人 時間: 13-6-10 07:01

本帖最後由小曳人於 13-6-10 08:49 編輯

有朋友極力叫我叩油尖旺學校
因為band1男仔必入兩間band1男校
俾我，連個細都轉埋去油天！培正小學唔輕鬆架！

作者: pluto_yuen 時間: 13-6-10 07:50

我諗樓主嘅意思係想揾一間升中有保障嘅小學。但係有冇諗過小朋友會覺得咁努力讀書考全級15名都要repeat,咁奌解要咁努力？？？唔好睇佢哋得6,7歲人仔，其實佢哋識諗好多嘢。自信心同自尊心要慢慢培養，一開始跑得咁順就俾人叫返起奌。奌解要咁做呢？
培正係一間好學校。但我相信應該仲有相level嘅龍校有待樓主發掘。

作者: Jane1983 時間: 13-6-10 08:30

考全級15吾係易，要小朋友repeat小一，又打擊自信、又悶、又新環境、又浪費一年，就為個保障？我吾會lor。

作者: 小露比* 時間: 13-6-10 08:33

真係要好好諗清楚呀 ..... 唔好貪一時方便 .... 少少辛苦唔怕啦

作者: Charlotte_mom 時間: 13-6-10 08:35 標題: 回覆：新油天小二 vs 培正小一

哥哥讀得咁好，吾會轉啦。

作者: Stinkypig 時間: 13-6-10 08:47 標題: 回覆：新油天小二 vs 培正小一

為何樓主會覺得細佬唔應該入油天？他只是K1，怎能現在就打定輸數，哥哥咁叻，多D鼓勵佢做小老師教細佬，互相學習！

作者: Sasa135 時間: 13-6-10 08:48 標題: 回覆：新油天小二 vs 培正小一

吾好轉啦，油天畢業都派到好好的男校。

作者: www 時間: 13-6-10 09:03

cpsmtr 發表於 13-6-10 00:29
小兒現讀新油天小一，因有弟弟在培正幼稚園讀K1, 所以年頭帶小兒去了考培正小學。因小兒係細仔（十一月尾出 ...

培小是一間學術和校風都很好的學校，如果可升小二，一定會建議你轉校。但若果轉校要留級，倒不如在原校升小二。

作者: MrBeast 時間: 13-6-10 09:34

當局者迷，點諗都係哥留在油天細路直入。

作者: LikLik 時間: 13-6-10 10:00 標題: 回覆：新油天小二 vs 培正小一

其實樓主不如試下同校長傾傾，以哥哥咁好成績，是否可以插小二而不是repeat 小一？
另我見PC今個星期四交小二至小五插班報名，好似冇寫有年齡限制

作者: jaycee_mami 時間: 13-6-10 10:16

cpsmtr 發表於 13-6-10 01:02
弟弟應該不會入油天了，他讀書無心機，驚升中攪唔掂

我仔仔的表哥讀緊培正小六, band two尾成績, 壓力好大, 因為中學6班, 小學8班, 仲要留位俾外來生來抽獎, 所以好怕入唔番中學部. 培正去到高小唔易應付的.

作者: cpsmtr 時間: 13-6-10 12:39

回復 CreativeAccount 的帖子

新油天唔失禮, 不過兩兄弟讀埋一間可以方便照顧

作者: cpsmtr 時間: 13-6-10 12:42

MaiGao 發表於 13-6-10 06:50
佢係新油天考到全級15，即係讀到叻仔啦。佢鐘意學校，我覺得唔轉好啲。去到培正又係小一，重學識既野一來會 ...

我都驚佢悶, 變咗無心機.
不過培正小學好似好難考, 又怕唔讀將來後悔

作者: cpsmtr 時間: 13-6-10 12:46

本帖最後由 cpsmtr 於 13-6-10 12:47 編輯

pluto_yuen 發表於 13-6-10 07:50
我諗樓主嘅意思係想揾一間升中有保障嘅小學。但係有冇諗過小朋友會覺得咁努力讀書考全級15名都要repeat,咁 ...

其實無試過其他學校, 試培正只是想兩兄弟一同上學
其實上年未升小學時, 已嘗試過好多次想去培正repeatK3, 但問足兩年都無人退學

Repeat K3, 我覺得無咩問題, repeat P1 就問題大了

作者: MaiGao 時間: 13-6-10 13:09 標題: 引用：Quote:MaiGao+發表於+13-6-10+06:50+佢係新

原帖由 cpsmtr 於 13-06-10 發表
我都驚佢悶, 變咗無心機.
不過培正小學好似好難考, 又怕唔讀將來後悔

驚將來後悔，不如先考慮現在邊間較適合孩子，影響較低?
有無試探過小朋友意願? 同佢解釋過? 始終讀果個係佢。

作者: bee918 時間: 13-6-10 13:13

cpsmtr 發表於 13-6-10 01:02
弟弟應該不會入油天了，他讀書無心機，驚升中攪唔掂

培正小學也不是壓力少的. 如主科不及格, 要留班啊.

作者: dlee_ca 時間: 13-6-10 13:15 標題: 回覆：新油天小二 vs 培正小一

您本身應該係太得閑。

作者: Himby 時間: 13-6-10 13:21

哥哥讀得好又鍾意學校，唔好轉啦! 至於細佬第時讀油天定培小，可以睇多2年先決定呀!

作者: MrBeast 時間: 13-6-10 13:24

cpsmtr 發表於 13-6-10 12:46
其實無試過其他學校, 試培正只是想兩兄弟一同上學
其實上年未升小學時, 已嘗試過好多次想去培正repeatK3, ...

你Sure 細仔一定上到培小嗎?

作者: cowboy2007 時間: 13-6-10 13:28 標題: 回覆：新油天小二 vs 培正小一

哥哥咁叻會好轉啦，貪方便但失去了自信心
呢個代價好大。小朋友要重新建立自信心難，樓主要三思呀！

作者: tongl 時間: 13-6-10 14:50

馬照跑, 舞照跳, 最好!!! 如果係我, 一係讀番油天小二, 一係試PC小二, 一定吾會PC小一, 媽媽認真考慮!!!

作者: MaiGao 時間: 13-6-10 14:54 標題: 引用：馬照跑,+舞照跳,+最好!!!++如果係我,+一係

原帖由 tongl 於 13-06-10 發表
馬照跑, 舞照跳, 最好!!! 如果係我, 一係讀番油天小二, 一係試PC小二, 一定吾會PC小一, 媽媽認真考慮!!!
...

佢細仔，年齢計入唔到培正小二。

作者: loveDD 時間: 13-6-10 16:19

本帖最後由 loveDD 於 13-6-10 16:33 編輯

cpsmtr 發表於 13-6-10 01:02
弟弟應該不會入油天了，他讀書無心機，驚升中攪唔掂

你驚細佬喺油天攪唔掂升中，乜你唔驚細佬喺培正都會唔掂咩?

我嘅意思係，如果細佬升小之後先發覺培小唔啱，咁咪搵著個阿哥搞?

作者: little_yolky 時間: 13-6-10 18:38

培小同培中都唔係一條龍, 只係直屬, 都唔easy, 當然比油天好一點吧。但大仔讀得happy, 我就唔轉了, 有校車嗎?

作者: hadwinboy 時間: 13-6-10 18:56 標題: 回覆：新油天小二 vs 培正小一

不要自尋煩惱了。讀得好好地不要轉了，如果轉了培正不適應真係搵黎搞。唔適應不一定指成績，可以是環境、老師、同學仔相處等等。至於細老，培小上培中也不是實食冇黐牙，不過可以遲些再諗。

作者: Gloriasogashiwa 時間: 13-6-10 19:01

回復 cpsmtr 的帖子

大仔去年插班小五, 成績冇你囝囝好, 我都未擔心. 他沒有藝術和運動細胞, 高興的是他可以帶挈兩個細佬入新油天.

作者: www 時間: 13-6-10 23:12

little_yolky 發表於 13-6-10 18:38
培小同培中都唔係一條龍, 只係直屬, 都唔easy, 當然比油天好一點吧。但大仔讀得happy, 我就唔轉了, 有校車 ...

如果是直屬，有85%位，Band 1學生100% 可直升，Band 2學生亦有極大機會。

作者: ocean308 時間: 13-6-11 00:16

回復 cpsmtr 的帖子

你大仔自行.抽獎定叩門入新油呀.好想知道.

作者: wongchunBB 時間: 13-6-11 14:39 標題: 引用：小兒現讀新油天小一，因有弟弟在培正幼稚園

提示: 作者被禁止或刪除內容自動屏蔽

歡迎光臨教育王國 (/)