教育王國

標題: 自閉寶寶有咩最明顯特徵 [打印本頁]

作者: Timan 時間: 13-6-9 22:54 標題: 自閉寶寶有咩最明顯特徵

想請教下有咩同其他小朋友明顯唔同的地方可確認自閉寶寶呢？

作者: man811231 時間: 13-6-10 06:02 標題: 回覆：自閉寶寶有咩最明顯特徵

語言能力弱

作者: misshk12 時間: 13-6-10 09:49

本帖最後由 misshk12 於 13-6-10 11:28 編輯

要留意Eye-contact，正常的小孩係會長時間,不閃縮,同人講野望住人(包括陌生人)

作者: Timan 時間: 13-6-10 11:03 標題: 引用：Eye-contact:+長時間,不閃縮,同人講野望住

原帖由 misshk12 於 13-06-10 發表
Eye-contact: 長時間,不閃縮,同人講野望住人(包括陌生人)

呢個係咪正常表現呢？點判斷佢係長時間望住呢？thanks!

作者: misshk12 時間: 13-6-10 11:32

回復 Timan 的帖子

係呀，正常的孩子望人會望住對方眼睛，起碼唔會一望即「閃」。不過，能力較佳的A仔，eye-contact 都會OK。所以這個只是其中一個特徵，不是話有eye-contact就代表一定不是A。

作者: yauman76 時間: 13-6-10 11:54

不如你講吓你小朋友幾大同有乜古怪嘢而令到你有所擔心.

作者: Timan 時間: 13-6-10 12:13 標題: 回覆：yauman76 的帖子

我仔仔十五個月，冇咩耐性玩買番黎嘅玩具，但鍾意開手袋、荷包、玩膠樽、玩遙控、玩電話等等，去酒樓食飯坐個位成日要人抱去睇野，坐唔定咁。另外，佢好似好有興趣圓形玩具，同行街會望同指住d車轆，轉唔轉都有興趣。而家仔仔follow到我地instruction, 叫佢換衫佢就會走入房，叫佢掉垃圾佢就會走去垃圾桶，出街佢自己會去拎鞋，叫佢俾野公公、婆婆、嫲嫲、爺爺、姐姐佢都分到，叫佢食奶拎紗巾佢都會，百厭果陣你鬧佢，佢又會好似知錯咁乖乖地聽你講，見你未嬲完又會扮鬼臉引你笑。佢而家係叫“阿爸“、“阿婆“、“阿公“、“阿姐“，不過會叫錯人。叫“包包“、“bird bird“係疊字，但佢唔係好鍾意睇電視，剩係有人唱歌先睇，仲有佢而家識分眼耳口鼻手腳，雖然間中搞亂鼻同口。有冇問題呢？

作者: chowqv 時間: 13-6-10 18:45 標題: 回覆：自閉寶寶有咩最明顯特徵

自閉小孩，基本係唔望人，眼神無接觸；說話可以好清晰，不過係鸚鵡學講說話；喜歡圓形，車輪；固執；你教左係1,2 ,3 4，要佢轉做1,3,2,4，多數唔肯。無社交互動係無問題。

作者: Timan 時間: 13-6-10 19:45 標題: 回覆：chowqv 的帖子

佢眼神交流冇問題，叫佢會有回應，係比較鍾意圓形同車轆。唔知點解？

作者: yauman76 時間: 13-6-10 23:13

Timan 發表於 13-6-10 12:13
我仔仔十五個月，冇咩耐性玩買番黎嘅玩具，但鍾意開手袋、荷包、玩膠樽、玩遙控、玩電話等等，去酒樓食飯坐 ...

你個仔唔似有發展遲緩, 自閉等症狀, 你仔咁細識咁多嘢好叻架喇, 唔好咁擔心.

作者: hindip 時間: 13-6-11 08:11 標題: 回覆：Timan 的帖子

6月15日 www.fuhong.org/hdc 有 talk. 報名聽下可以知多 D.

歡迎光臨教育王國 (/)