教育王國

標題: 大家覺得現時學校能否支援到你的孩子 [打印本頁]

作者: 家齊媽媽 時間: 13-6-7 15:29 標題: 大家覺得現時學校能否支援到你的孩子

各位好，我的兒子是有讀寫障礙、自閉症傾向、專注力不足及過度活躍症，在我個人經歷及我認識的家長中，大家都認為現時學校也不能提供合適的支援及應有的調適，而輪候做評估的時間也很長，大部份的學校也沒有提供一些訓練課程給學生。

由於我也在某些家長組織做義工，因此我也出席了最近在立法會就融合教育所開的公聽會做發言。在2次公聽會內，我聽到很多很痛及不公平的個案，但看見對面的官員卻無動於衷，還用遊花園方式來回應，我真的感到很激心。

現在，我很想在這個平台與大家交流一下這個問題，而教育局覺得這是一些個別例子，我都好想知道現實大家覺得現時學校能否支援到你們的孩子？我亦希望如將來再有機會的話，我可把大家的情況及意見轉交給教育局。

以下是我在4月30日發言的片段，可能大家也看過，我真的感到很傷心及難受。

http://youtu.be/ZYpbt0cwkg0

以下是我所寫的學障媽媽Blog，大家可以去看一看，因為當中有一些文章及訪問是有關我和兒子一起面對學障的真實經歷，可與大家交流一下。http://hk.myblog.yahoo.com/snowychoi/

作者: belau8009 時間: 13-6-7 23:53 標題: 回覆：大家覺得現時學校能否支援到你的孩子

有錢就無咁大問題！

可以去外國！

作者: Capricorn2521 時間: 13-6-8 07:49 標題: 引用：有錢就無咁大問題！可以去外國！ +

原帖由 belau8009 於 13-06-07 發表
有錢就無咁大問題！
可以去外國！

喬宝宝也為了學障細仔教育問題而移居英國。佢話試过在香港讀特殊小學一年，但個仔反而退步了，因為個仔智力係正常！

作者: smallfoothk 時間: 13-6-8 10:52

朋友的孩子果間有提供合適的支援及應有的調適,幾年前是中文小學,現果間沒有提供合適的支援及應有的調適幾了.英文小學更加少有,有的可能是少班才有

作者: belau8009 時間: 13-6-8 11:32 標題: 回覆：大家覺得現時學校能否支援到你的孩子

最慘是大部分的家庭都冇$，有學障的小朋友有大多是父母遺傳，父母都有此問題學習和工作上都有影響，有幾多個人可以讚到足夠的$俾下一代去外國？？

作者: ellachn369369 時間: 13-6-11 19:18

回復 belau8009 的帖子

咁有什麼學校適合有關sen 的小朋友?可以怎樣幫他們?

作者: stellalamm 時間: 13-6-12 09:52 標題: 回覆：大家覺得現時學校能否支援到你的孩子

很多國家的特殊教育係免費既，台灣，美國，新加坡等等。點解香港冇？因為政府都唔比錢d老師讀書，甘少人有專業資格，咪変左d專業人員容易被私人機構招攬搵錢lol

作者: belau8009 時間: 13-6-13 11:32 標題: 回覆：ellachn369369 的帖子

我的經驗是照顧者點樣灌輸小朋友，(因每位孩子的情況和情緒不同不可一概而論)舉例:我小朋友有讀寫同齡的差2年左右，亦有專注力不足。一年級完佐上半學期，他問我“點解我學來學去都唔識？“我找外間的社工用佐半年的時間調節我的目標和學習方式，他調節情緒和學習態度，近學期尾有間機構請了個私家治療師幫小朋友做3個月的一對一感統加學習中文訓練。暑假過後，好好彩升二年級開始在樂寧有一對一的感統訓練(包括平時游水和跆拳道都可以有效)、在青協有物理/職業加中文學習小組、何玉清心理教育中心上phonics，理工雙語學系學基本的中文。最重要我無再迫他死背死記，以上機構教學方法是愉快，比起我一年級時我教的死板方式好好多，如果可以的話我會在旁學習教學的方式，返屋企我會嚐試機構的教學方式去溫學校的字，放手功課唔提他錯誤的地方等老師改簿後孩子自己改正(當然事前一開學已經和各科老師溝通好，等老師唔會怪家長、學生)。定期洗腦“家陣學知識不為學校、老師、父母，是為自己以後可以自己生存到……“生活上要分配小量家務，令他有責任感可以加強洗腦。
最後學校、老師肯包容對家長和小朋友來講已經是得到最好的支援！
歡迎加入我們的學習加油站分享喜怒哀樂！

作者: powersuite 時間: 13-6-13 18:18 標題: 回覆：belau8009 的帖子

謝謝你們的分享，我兒子九月升小一，我打算與老師開始詳細說明兒子的問題及按排，但不知該現在開始還是入學後，找社工還是輔導老師，或班主任？另，調適方面該現在要求定是先讓他試試，不行才要求？囝囝有自閉症，言語理解及表達弱。請各位過來人給些意見，萬分謝謝

作者: belau8009 時間: 13-6-13 19:47 標題: 回覆：powersuite 的帖子

開學前有家長會，果日會介紹學校的基本方向和老師社工……可以果日傾或約時間！

作者: powersuite 時間: 13-6-14 07:53 標題: 回覆：belau8009 的帖子

謝謝你的回覆，因家長人該日很多人，我會稍後約時間傾

作者: powersuite 時間: 13-6-14 08:04 標題: 回覆：powersuite 的帖子

另，6歲評估時囝囝不合作，表現比平時低了很多，我該給學校看這評估結果嗎？我入學申請時有選特殊須要一項，但現在如不交6歲評估，是否就無支援？

作者: belau8009 時間: 13-6-14 19:54 標題: 回覆：powersuite 的帖子

交會好D，因你已經填寫有特殊需要，等學校有心理準備早D轉介見學校心理教育學家！

作者: 家齊媽媽 時間: 13-6-14 20:28

回復 powersuite 的帖子

我建意你應把報告交給學校，好讓學校了解小朋友的情況，希望可以給予一些支援。另外有一些學校要有報告才給調適。

作者: 家齊媽媽 時間: 13-6-14 20:59

回復 powersuite 的帖子

大部份學校都會有學生支援組，如没有的話，可能由輔導老師或社工跟進，你可以打去學校問吓，亦可在新生曰或開學曰問班主任。根據我的經驗，學校一般也不會跟進得太好，你最好自己影印相關報告交給負責老師，亦要主動告知小朋友的情况，以便老師留意他的情況。之於調適，你可讓小朋友上了兩三星期後，再與學校相討會較適合。

作者: powersuite 時間: 13-6-17 18:17 標題: 回覆：家齊媽媽的帖子

謝謝你們的回覆

作者: 已刪除用戶 時間: 13-6-17 21:08

睇完你既post, 我動容了

我仔情況同你小朋友有d類似: 証實adhd, 非典型自閉(初步臨床似, 排期做評估中), 臨未發現讀寫但寫中文非常難

我好興幸我仔入到一間包容既小學:
首先講講學校背景, 係一間活動教學, 無宗教背景的新思維直資, 本身課程唔可以話淺, 入學競爭亦大, 一條龍英中, 所以我更加感激學校唔會睇唔起我仔呢d"跟唔上"既學生

學校知道就算經過入學篩選, 一樣有機會收到sen學生, 收得返黎就一定教, 呢個係學校原則, 佢地會及早識別, 然後有需要的話由註校社工("租"返黎每日註校)安排入組: 社交小組/自理小組/親子寫字小組/專注小組/讀寫家長小組等, 全部係optional, 家長吾去, 學校一樣ok, 我自己相信如果學生已開file, 學校會先投放資源(相對於無斷症但家長覺得小朋友有問題果d)

學術方面, 由P1開始, 主科會有co-teaching, 係咪SEN都好, 只要老師發現跟唔上, 就會安排上小組, 直到跟上為止, 而另外每個term會"推薦"學生補課(中英或數) , 我女唔係sen係數學好唔掂, 一直有份, 而家我仔數學好掂, 但中文唔掂, 所以補中文

學校有訓導組老師, 你都知a仔特別多攪作, 我仔都唔例外, 我去學校見老師已係家常便飯, 最近因為一d行為問題, 我自己主動要求見EP, 學校有幫我安排, 我不嬲信家校合作, 學廣告話齋正視係幫助小朋友既第一步, 好可惜好多學校唔願去正視呢個問題, 有幾多學校係零SEN? 我相信可能無, 但有幾多學校肯兜口兜面講自己點去幫SEN? 我相信亦真係好少, 呢方面, 我好感恩學校好正面去幫我, 當我每次又被召見去學校, 尷尬一定有, 但我知道大家係用解決問題為出發點, 呢樣係我衷心感激的, SEN家長條路一D都唔易行, 慶幸學校明白同包容

我仔係幸運既一個, 好可惜我真係見到身邊好多小朋友俾學校玩緊

, 好心痛, 作為SEN家長, 我相信大家都只不過想孩子有個正常開心既校園生活, 想要公平對待姐, 真係咁難?

作者: 小咩媽 時間: 13-6-18 00:21

你個間學校好正面吖，我好想知係邊間？我個間好Dry吖老師又好夾硬來，讀咗一年成績不但考最尾，行為情緒仲錯咗。宜家仲要受留班威脅

學校俾唔到資源添吖！

作者: ling619 時間: 13-6-19 22:46 標題: 回覆：小咩媽的帖子

大家可否講下有咩學校比較包容sen學生

作者: mayauyau 時間: 13-6-22 00:34

提示: 作者被禁止或刪除內容自動屏蔽

作者: pocoyo123 時間: 13-6-22 01:23

回復 Charlotte_mom 的帖子

你兒子的學校真是很好, 可惜這兩年很多人考, 已經唔易入讀, SEN仔考學校又特別輸蝕, 無計

作者: Capricorn2521 時間: 13-6-22 07:50 標題: 引用：回復+Charlotte_mom+的帖子你兒子的學校

原帖由 pocoyo123 於 13-06-22 發表
回復 Charlotte_mom 的帖子

你兒子的學校真是很好, 可惜這兩年很多人考, 已經唔易入讀, SEN仔考學校又特別 ...

無錯，依家真係吾可以用幾年前嘅標準考小學。

我朋友個A仔讀緊一間區內較熱門嘅小學五年級，但呢2年D SEN 家長都話果間好谷，雖有ST社交小組，但都吾會報！

作者: raku_ly 時間: 13-6-22 09:57

提示: 作者被禁止或刪除內容自動屏蔽

作者: raku_ly 時間: 13-6-22 10:01

提示: 作者被禁止或刪除內容自動屏蔽

作者: 家齊媽媽 時間: 13-6-22 11:41

回復 raku_ly 的帖子

其實真的好無奈，現時的狀況真的不是做到真正融合教育。根本在沒有足夠的配套，教育局強行推行融合教育，令到出現三輸情況......SEN學生及其家長輸、學校(老師)也輸，最後社會都會輸埋！

而平機會在2012年11月22日發佈了「融合教育制度下殘疾學生的平等學習機會」的研究報告也指出一些情況：-
資源不足、缺乏足夠專業人員作評估、教師缺乏特殊教育的訓練及融合班人數太多，IEP在香港沒有法定地位，同時融合教育發展應是一項跨專業的工作，提供評估、轉介、治療、輔導、教育及考核的服務。

作者: pipi331 時間: 13-6-23 01:35

提示: 作者被禁止或刪除內容自動屏蔽

作者: 家齊媽媽 時間: 13-6-24 10:02

回復 pipi331 的帖子

現時實況就是這樣，用一個很好的理念「融合」，卻沒有比足做「融合」所需的資源及配套，由得 d SEN學生在主流學校自身自滅，睇下學生既運氣，遇到有心既老師同校長咪好d，不然的話，學生無哂d學習動機，讀到中三咪放棄讀書，就算好有心機讀的學生，在334新高中制度下，根本就冇機會讀大學、連大專的好困難！

作者: KIKI678 時間: 13-6-24 15:51 標題: 回覆：家齊媽媽的帖子

我老早已諗讀唔到書就搵門手藝。
而家的考試制度，正常仔都頭痕，我諗除了小數高智能兼讀書勁掂果班至生存到……
陪跑gan side 時間。
出咗嚟做嘢咁耐，有幾可要用番中學的嘢？當年讀咁辛苦為mud ?

作者: 豬太郎 時間: 13-7-18 00:37

我仔都是，在祥華特殊幼兒中心第一年有進步，第二年就退步

作者: hktwun 時間: 14-3-13 03:34

回覆家齊媽媽的帖子

I watched your video from City U. It's so touching!!

作者: kayi312 時間: 14-5-4 19:11

小兒有專注力問題，E家讀官小3年級，完全對學校失望，老師完全唔肯支援小朋友！

作者: HaYi 時間: 14-5-4 20:29

我對融合教育都認識, 我覺得是天方夜談. 我本身都有SEN (ADHD)小朋友, 其實在香港要求同外國一樣的支援, 如有teaching assistant 課堂上單對單幫小朋友, 我覺得冇可能, 同埋就算是美國, 依家都比以前減左資源在SEN 融合教育上. 在香港官津會有多少少 support, 但直資私立都真係一DD, 我只望學校明白他們的問題, 有容納的態度就好好.

香港如實在些, 反而應該提供多些"跟人走的學劵類" 去幫SEN 在專業機構中醫治或 training. 似我地ADHD, 一個月睇私家用在藥方面都已2-3千, 不計training, 有心幫係哩方面就應該有些幫忙.

作者: 已刪除用戶 時間: 14-5-5 14:04 標題: 引用：我對融合教育都認識,+我覺得是天方夜談.++

原帖由 HaYi 於 14-05-04 發表
我對融合教育都認識, 我覺得是天方夜談. 我本身都有SEN (ADHD)小朋友, 其實在香港要求同外國一樣的支援, ...

係，training真係好重皮

以前睇ST，$600/600咁俾，而家上社交小組都要200幾200幾，識生金旦都攪唔掂

我話過如果中六合彩唔駛做，我即刻去讀ST，幫下人

歡迎光臨教育王國 (/)