教育王國

標題: 大家家長有冇同感? [打印本頁]

作者: Caduceus 時間: 13-6-5 11:51 標題: 大家家長有冇同感?

有時其實唔想送兩個仔去補習,想佢地自由發展,多D時間做自己有興趣嘅野,做下運動,但眼見個個家長都比仔女補習,唔補又驚仔女唔夠人爭。我個仔中三已經操DSE paper,佢d同學都係。甘樣大家都辛苦。

作者: heiB 時間: 13-6-5 12:11

回復 Caduceus 的帖子

睇吓佢全校考第幾，如三分一之內，不用上那麼多，其實小朋友可能喜歡上補習班，因為現在的中學生鍾意一齊上的。可能你不叫佢上，佢也會要求上，因為佢哋都知有好過無的。

作者: Caduceus 時間: 13-6-5 13:34 標題: 回覆：heiB 的帖子

唔鐘意怪獸家長,估唔到而家自己做左

作者: yanyanmm 時間: 13-6-5 13:44

本帖最後由 yanyanmm 於 13-6-5 13:46 編輯

其實唔補唔代表一定會差過人, 主要睇佢自己上堂吸唔吸收到
我女中二, 至今未補過習, 我都曾經問過佢需唔需要補
佢話暫時唔晒, 佢D同學補完都差過佢, 因為有依賴心, 上堂都唔聽書, 做功課又求其

昨天好開心聽到佢話, 其實讀書都幾好玩呀

作者: overview 時間: 13-6-5 18:10

有d有良心的學校, 可能會就吓學生程度, 只要肯留心上堂, 再溫吓書, 考試成績就唔會差得去邊. 但有d名校就會上堂冇嘜點教嘢, 冇worksheets比你, 但考試d題目就深幾級. 其實老師無非咪比d學生知佢地考得幾差, 個個拿拿聲出去補習.

作者: longlokma 時間: 13-6-5 19:17 標題: 引用：有d有良心的學校,+可能會就吓學生程度,+只

原帖由 overview 於 13-06-05 發表
有d有良心的學校, 可能會就吓學生程度, 只要肯留心上堂, 再溫吓書, 考試成績就唔會差得去邊. 但有d名校就 ...

对，当全级成织最top的同學也是F1開始已在外面補習，谁可以放鬆呢？

作者: Meikin 時間: 13-6-5 23:05

其實補唔補習, 好視乎孩子的個別情況.

我兩個仔暫時都沒需要補習, 我唔洗要求他們好高分, 只要在其能力範圍內發揮到應有的水準就可以了.  雖然有個別科目(例如數學)大仔暫時都唔係好掂, 但我都會先了解他做不好背後的原因, 向佢分析, 並希望佢能自己解決.

我個人認為學習過程中解難是很好的人生鍛鍊.  再加上中學放學後活動完時間無多, 重要去補習操卷, 我諗起都辛苦, 我寧願讓佢留番些時間做些學業以外的興趣事宜, 平衡下身心.

在我而言, 未到最後一步我都唔會考慮補習, 即使要補, 也希望可以找人個別/小組指導, 而不是一大群學生在視像聽講/操卷或tip題目.

阿仔大部份同學都有補習, 有補習未見得成績會進步.  有時問題是在於同學們本身, 而非有沒有補習.  反而阿仔好渴望試下補習, 成日見同學去補, 想體驗下喎.

作者: CherryLoMa 時間: 13-6-8 23:13

提示: 作者被禁止或刪除內容自動屏蔽

作者: vincher 時間: 13-6-9 00:47

睇情況!如果子女係頭50%，我認為讓他們去試、去找出讀書方法!
我兒小四之前，成績大起大跌，
我又恃住自己讀過下書，點都吾補習!
後來才發覺佢天生俾人教!
我教佢，用盡方法逃避，例如CC、VV、刷牙等
結果底子打得不好，升中後年年擔心佢留班!

作者: orangebb 時間: 13-6-9 10:18 標題: 回覆：vincher 的帖子

同意, 非常同意你呢句, 有種人係註定比人教, 所以真係無公式架, 人人唔同, 佢受邊套就用邊套。

我又係持住自己都讀過下書, 整個小學都無補習, 升到中學, 因為佢科中文係比較弱, 我又半桶水, 就搵咗人同佢私補, 發覺佢呢個半鐘係好定定坐係到, 聽同被問書, 比起我陪佢溫習時嘅態度同效益係乖大咗好多陪, 我就全放手。

歡迎光臨教育王國 (/)