教育王國

標題: 聖若瑟英文小學(觀塘)vs保良局錦泰小學 [打印本頁]

作者: 1204faifai 時間: 13-6-5 10:34 標題: 聖若瑟英文小學(觀塘)vs保良局錦泰小學

聖若瑟英文小學(觀塘)vs保良局錦泰小學.請問邊間好?

作者: taktakchichi 時間: 13-6-5 10:36

1204faifai 發表於 13-6-5 10:34
聖若瑟英文小學(觀塘)vs保良局錦泰小學.請問邊間好?

保良局錦泰小學, 聯繫保良一中, 第日搬去啟德仲變埋係九龍城區中學網

作者: 1204faifai 時間: 13-6-5 10:40

錦泰冇話搬?

作者: taktakchichi 時間: 13-6-5 10:48

1204faifai 發表於 13-6-5 10:40
錦泰冇話搬?

Sorry, 記錯了, 原來搬個間係何壽南.
聯係保良一中呢樣已經俾聖若瑟英文小學(觀塘) 優勝.
黃大仙區中學網都唔會差得過觀塘

作者: f_f 時間: 13-6-5 10:57

除保一仲有何蔭棠都好好兩間保良局中學加協和女校有德愛及德望(要比$)最主要自睇自己及小朋友，個人認為如果兩間我會撰一間最近屋企

作者: 1204faifai 時間: 13-6-5 11:26

但聖諾瑟英文程度會唔會高D呢?

作者: emily1121 時間: 13-6-5 15:24

我都想知

作者: fuifui 時間: 13-6-5 15:30

聖若瑟英文小學英文水準高!

作者: ppsfung 時間: 13-6-5 17:10

1204faifai 發表於 13-6-5 11:26
但聖諾瑟英文程度會唔會高D呢?

相信英文私小的英文程度會比中文津校強, 我覺得黃大仙津校的英文程度都只屬一般 (九龍城, 灣仔, 中西區的津校英文較勁).

私小的學生水平亦較平均, 有經濟能力入私小的, 除了經濟不太差外, 父母都注重教育, 所以小朋友差極有限.
津校的學生, 家境和成績可以相差很遠.... 所以大致來講我覺得聖若瑟較好. 即是在錦泰考最頭嗰批都可以和聖若瑟不相百仲, 但計包尾嗰批, 聖若瑟一定好過錦泰

另外, 如果男仔在黃大仙升中不及女仔著數, 女仔可博入德愛, 聖母, 但沒有BAND1男校.
我不清楚聖若瑟升中是否派觀塘校綱, 如果是, 觀塘有聖言和瑪利諾2間男校.

作者: FeeFee123 時間: 13-6-6 03:14 標題: 引用：Quote:1204faifai+發表於+13-6-5+11:26+但

原帖由 ppsfung 於 13-06-05 發表
相信英文私小的英文程度會比中文津校強, 我覺得黃大仙津校的英文程度都只屬一般 (九龍城, 灣仔, 中西區的津 ...

很仔細的分析。
聖若瑟升中的確在觀塘網，但不知道是否因這網競爭大，沒有數據顯示有多少人升讀以上兩校。反而就有一定比例派回聯繫中學

不過論教學質素，多聽聞家長說滿意

作者: a_for_apple 時間: 13-6-6 08:57

ppsfung 發表於 13-6-5 17:10
相信英文私小的英文程度會比中文津校強, 我覺得黃大仙津校的英文程度都只屬一般 (九龍城, 灣仔, 中西區的津 ...

黃大仙男仔升中有保良一中, 何蔭棠, 協和, 都不太差

作者: 1204faifai 時間: 13-6-6 11:12

本帖最後由 1204faifai 於 13-6-6 11:14 編輯

所以好難决澤?

作者: ppsfung 時間: 13-6-6 11:31

1204faifai 發表於 13-6-6 11:12
所以好難决澤?

你想囝囝"平民化"定係"矜貴" ? 有無弟妹?

黃大仙區多公屋多新移民, 你戒意嗎?
私校的同學家境較好, 除了讀書外, 父母多數會要求子女有其他才能, 除了經濟負擔外, 小朋友都會較辛苦....

如果係我, 經濟上負擔到又不需考慮弟妹入學問題, 我會選聖若瑟.
我覺得男仔發育多數較女仔遲, 所以在黃大仙區同女仔一齊爭男女校不著數,
而且傳統來說, 長大後男要養家, 所以應該儘量比較好讀書環境佢培育成材.

註:我只有女沒有仔, 我的想法只可作參考.

作者: 978212 時間: 13-6-6 11:59

小學升中絕對女仔着數，好多男仔要到中學先會開竅。

作者: 奥脫福 時間: 13-6-6 12:22

ppsfung 發表於 13-6-6 11:31

如果係我, 經濟上負擔到又不需考慮弟妹入學問題, 我會選聖若瑟.

除非面試表現太差，否則我相信 SJACPS 對學生的弟弟都會有一定關顧的。

至於升中，強的自然會去「考」區外名校如男拔、喇沙、九華（自行的面試都算係「考」吧），
甚至過海搏 SJC 等，又或者係區內兩大男校；而中規中舉的亦有直屬中學的保險。當然若果係
包尾果浸就要自求多福喇。

作者: 1204faifai 時間: 13-6-7 11:07

事實去注冊那天見到有好多新移民,.

作者: ppsfung 時間: 13-6-7 11:53

1204faifai 發表於 13-6-7 11:07
事實去注冊那天見到有好多新移民,.

讀得黃大仙區的官津小, 就預咗一定有新移民同學, 亦有些家境較貧窮的同學.

我覺得新移民不等如差, 我的街坊之中有不少是新移民(或者結婚後才來港定居), 很多鎷鎷都很友善平易近人, 而且思想傳統的中國女人比較注重家庭, 對丈夫温柔, 對子女細心. 有時比起她們我都覺得有點慚愧, 我這個土生土長, 又叫做讀得書多的媽媽把很多精都放在工作上, 對家庭方面反比不上傳統的中國女人.

我覺得來自草根的孩子會比較成熟, 很多媽媽因為自己讀書不多, 反而會很注重自己仔女學業成績, 希望子女學業有成, 長大後可以脫貧. 我鄰居的兒子就是讀錦泰P.2, 她和老公都是香港人, 她是FTM專注培育囝囝, 但囝囝成績暫時只屬中上, 她說有很多同學很厲害, 想名列前矛不容易,

此外, 小朋友通常都會和能力相若的成為朋友, 只要你能KEEP到仔仔成為比較優秀嗰批學生, 他自然會和其他品學都較好的成為朋友, 到了較高年班, 學校又會根成績分班,

歡迎光臨教育王國 (/)