教育王國
標題: 幾萬蚊參加小司儀班換來幾把火-各位家長請小心 [打印本頁]
作者: ACIC 時間: 13-6-3 14:47 標題: 幾萬蚊參加小司儀班換來幾把火-各位家長請小心
早兩個月, 想幫對仔女搵間學校提升佢哋表達能力, 九龍有間學校專教小朋友說話能力, 去睇過, 覺得環境好窄, 同埋我哋住港島, 加埋佢都好好生意, 根本無位俾我, 於是最後搵咗好耐, 搵咗間用名人做招牌嘅司儀學校. 本身冇諗住要啲仔女做司儀, 但希望佢哋喺有需要時懂得表達自己, 最後諗咗一輪, 覺得呢間學校以愉快學習做招徠, 環境都唔太差, 加埋佢又喺港島區, 就俾佢地一試. 點知報名當日, 個小姐SELL我一買買48堂, 心諗唔係話教育局發咗指引話所有學校係唔可以一次過收一年學費, 但當時佢SELL我買48堂, 話再送12堂, 我不疑有詐, 以為佢話送𠴱12堂係我想要嘅司儀課程, 同一個時間, 順延落去, 同埋我諗呢啲嘢唔讀返佢一年半載點知有冇幫助, 所以我幫一對仔女俾曬錢, 一共俾咗差唔多三萬蚊, 點知之後就係痛苦嘅開始.
就係呢個時間, 個小姐先同我講, 話送俾我嗰12堂唔係順延, 係俾我試第二啲課程. 我當堂火都嚟埋, 狂鬧佢存心欺騙, 你知而家啲小朋友啲時間幾咁緊張, 我仲點幫佢安排用另一啲時間試你啲堂啊, 加上佢嗰度都係得普通話同英文班可以試, 我兩個小朋友啲英普都已很不錯, 根本用不著佢哋啲課程, 面試班, 朗誦班又唔可以試, 上多一堂司儀班, 原來同一級同一個星期嘅課程係一樣, 試堂BOOK咗又話唔可以再改期, 星期六啲課程又話唔可以試喎, 我每個星期都要打電話幫我小朋友BOOK試堂, 為咗啲時間好用啲, 諗住先俾一個小朋友用完𠴱12堂先俾第二個用, 每次打電話去就想鬧佢啲人一次, 我發咗誓讀完呢年一定唔會再回頭.
本來諗住唔想喺BK度發表, 因為佢哋好似已經冇做呢做48+12嘅 "優惠", 但覺得呢間嘢真係好唔掂, 價錢唔係平, 又狂開分店, 怕佢唔知有咩新招要人俾錢, 覺得有此必要同BK家長分享.
課程質素唔敢話好差, 但由頭到尾覺得佢地ADMIN好差, 存心欺騙. 同埋我去教育局嗰網站根本查唔到佢係一間註冊學校, 雖然佢個名叫XX教育, 又一次覺得佢地係騙人, 所以佢先大大聲咁叫人交一年學費.
各住家長自己報名前請睇清楚各項條款啊!
祝好運.
作者: miss321 時間: 13-6-3 15:23 標題: 回覆：ACIC 的帖子
一次交一年係好危險的。。。我諗起啲美容院。。又係叫人買套票。。但book極都book 唔到。。成日full! 估唔到呢種經營手法已去到課外活動！
大家小心啦~~~
作者: Bao.Jin.Dup 時間: 13-6-3 19:19 標題: 回覆：幾萬蚊參加小司儀班換來幾把火-各位家長請小心
你講嘅名人係咪巴斯光年呀？
作者: tattc 時間: 13-6-4 02:34 標題: 回覆：幾萬蚊參加小司儀班換來幾把火-各位家長請小心
張單點寫？可以去消委會投訴佢
作者: longlokma 時間: 13-6-4 09:47 標題: 引用：你講嘅名人係咪巴斯光年呀？
+
原帖由 Bao.Jin.Dup 於 13-06-03 發表
你講嘅名人係咪巴斯光年呀？
唔明
作者: sweetbodygurad 時間: 13-6-4 10:35
提示: 作者被禁止或刪除 內容自動屏蔽
作者: LPN 時間: 13-6-4 13:53 標題: 回覆：幾萬蚊參加小司儀班換來幾把火-各位家長請小心
本來都想試下呢間，但佢成日揾打手嚮呢度出文，好hardsell, 好明顯，心諗如果係好都唔洗搞咁多野，所以冇報到 （當然唔排除係競爭對手所為）。
樓主要睇番佢當時既單張，可以考慮去消委會，不過仲有成年堂要上，可能都要諗清楚。
作者: ACIC 時間: 13-6-4 17:25
我考慮緊去唔去消委會, 攞回過公度. BTW, 巴斯光年個名好搞笑. 我以後都唔會再俾一年錢嫁啦!
作者: yame 時間: 13-6-4 19:02
我個外甥女讀咗數個月, 由好明顯怕講嘢, 到可以上台表演講故事, 我真係見到佢的進步. 其實你一次過俾咁多錢真係好危險.
我幫我個仔報咗暑期班, 希望真係學到嘢啦.
作者: 傑西 時間: 13-6-5 06:36
回復 ACIC 的帖子
我個女跟考小一時,曾跟過一位老師教講故事,都是四堂比一次錢,單對單/二,雖然真係好貴一堂,但勝在唔使一次比咁多錢,同照顧得好些,所以女女亦很愛上堂
作者: qqsunday 時間: 13-6-5 08:31
其實小朋友學野最好逐個月比錢，係有時咩首次報名２送１先會交兩個月錢。
作者: ACIC 時間: 13-6-5 08:40
你哋見到小朋友有進步，我都替你哋開心，但我就未見到我對仔女有好明顯嘅進步啦。我諗緊去唔去消委會就係考慮自己仲想唔想俾對仔女讀落去。如果我去消委會，佢哋可能都會退錢嘅(不過佢可能要用正價計同埋要我俾埋嗰啲試堂費，同埋又怕影響到對仔女）。我而家掙扎緊，大家有咩高見，請分享。
作者: Bao.Jin.Dup 時間: 13-6-5 08:44 標題: 回覆：幾萬蚊參加小司儀班換來幾把火-各位家長請小心
係咪間間分校都係咁？
作者: jandtfamily 時間: 13-6-5 13:16 標題: 引用：你哋見到小朋友有進步，我都替你哋開心，但
原帖由 ACIC 於 13-06-05 發表
你哋見到小朋友有進步，我都替你哋開心，但我就未見到我對仔女有好明顯嘅進步啦。我諗緊去唔去消委會就係考 ...
作者: leeyubaby 時間: 13-6-7 07:45
我比個仔上了兩個月就唔學啦,因為,發覺啲老師好唔掂,班入面有個成日周圍走的,佢地都捉唔住,完全學唔到嘢.
作者: sukitelfold 時間: 13-6-7 09:55 標題: 引用：我比個仔上了兩個月就唔學啦,因為,發覺啲老
原帖由 leeyubaby 於 13-06-07 發表
我比個仔上了兩個月就唔學啦,因為,發覺啲老師好唔掂,班入面有個成日周圍走的,佢地都捉唔住,完全學唔到嘢. ...
作者: VeronicaS 時間: 13-6-7 20:56 標題: 回覆：幾萬蚊參加小司儀班換來幾把火-各位家長請小心
原來以為名人學校可以訓練呢方門，原來係咁黑暗，多謝告知了，免日後更多受害者
作者: tattc 時間: 13-6-7 21:35 標題: 回覆：幾萬蚊參加小司儀班換來幾把火-各位家長請小心
我曾經聽過有人講，只不過借鄧XX個名，完全無關係，但唔知真定係假
作者: pooh_tigger 時間: 13-6-9 22:34 標題: 回覆：幾萬蚊參加小司儀班換來幾把火-各位家長請小心
我囝都係港岛分校上左成年，担白講真係唔知學到乜！唔覺口才有什麽進步。
報了堂後又借故要你轉班(因該班只有2人)，好讓他更善用資源！
作者: CherryLoMa 時間: 13-6-14 01:27
提示: 作者被禁止或刪除 內容自動屏蔽
作者: jiji168 時間: 13-6-14 09:40
提示: 作者被禁止或刪除 內容自動屏蔽
作者: rayroy 時間: 13-6-17 01:21
提示: 作者被禁止或刪除 內容自動屏蔽
作者: KEKELAMLAM 時間: 13-6-18 11:24
其實任何服務都唔應該預繳多個3個月, 教育產品就更加, 小朋友的喜歡情況可以上落好大, 我記得電視都有廣告提市民, 樓主都有唔小心的地方...
上個月尾我至幫我小朋友報了佢地的暑期班, 但我只報第一期先, 當然佢地有話要報哂兩期至可以有early bird discount (成千蚊添, 聽落好似唔報埋就走寶咁), 報名當日我仲帶埋小朋友上去視察上堂地方, 因為最緊要佢喜歡個地方, 咁至可以吸引佢留下2小時, 然後我問阿囝鍾唔鍾意先, 如果佢唔鍾意就算了, 結果佢話ok, 咁我至即場報名, 其間可能我職業病關係, 我不停同職員bargain early bird discount 可否俾到係第2期, 因為我不斷強調要睇小朋友上完第1期咩反應, 家長至考慮會否再報第2期, 但個位職員又好nice 咁話睇到時點安排, 我都明佢唔可以係當時下決定yes or no, 但俾我感覺有空間可傾, 其實會唔會幫樓主個位職員問題呢???
先聲明我都只係一位普通在職兩子之母, 每年為小朋友安排暑期活動而煩惱, 同該機構無任何關係..
作者: crystal媽咪 時間: 13-6-18 12:22
呢間野唔掂, 尤其係因用名人做生招牌, D人仲以為有保證.
你地去過康怡分店就明我講咩, 外面只有個招牌, 裡面都係其他不同舖頭,
好話唔好聽, 我上去咁多次, 除左開幕都無見過佢. 相信佢都只係用錢, 其他行政問題可能一概不知.
作者: mamamia_chan 時間: 13-6-18 17:33
咁貴真係負擔唔係起
作者: LPN 時間: 13-6-21 23:31 標題: 回覆：crystal媽咪 的帖子
最誇張係成日有不同既新 account 講呢間野，老實本來真係想試下，見到咁真係。。。
好野洗乜搞咁多野。。。
作者: Carrie808 時間: 13-6-22 21:42
咁鬼恐怖 kar....
作者: Honeybee719 時間: 13-7-1 00:22 標題: 引用：早兩個月,+想幫對仔女搵間學校提升佢哋表達
提示: 作者被禁止或刪除 內容自動屏蔽
作者: soright 時間: 13-7-4 23:17 標題: 回覆：ACIC 的帖子
其實唔明why有人肯比成4／5個月學費，點知佢會否close down! 極其量12堂，3個月就reasonable d!
作者: ACIC 時間: 14-2-7 22:57
各位家長，之前我唔會話佢課程好定差，因覺得咁講係唔公平，因為我當時真係唔了解，但我而家可以好肯定咁話你哋知我完全覺得佢嘅課程質素和服務質素都唔到家。老師只係幼稚園級數嘅教師，前台同教師不斷換人，行政水皮。小朋友讀公文都有嘉許會有進度匯報，之前讀音樂劇都有很表演讓家長知道孩子的進度，但呢度就冇呢啲啦，我真係好認真咁講我唔知佢哋學咗咩。正如各位所講，我都唔應該一次俾咁多錢，我唔係一個好挑剔嘅媽咪，但講真心話，今次係我俾孩子讀咁多學校同課程中最最最差嘅一個經驗，無論係課程質素以致服務質素都只能講係差! 係唔值咁嘅錢囉。大家小心。
作者: btrue 時間: 14-2-8 08:58
前年想搵D類似課程,問過讀過的同學媽咪, 評語都唔太好.
作者: Gerard 時間: 14-2-8 11:23 標題: 回覆：幾萬蚊參加小司儀班換來幾把火-各位家長請小心
提示: 作者被禁止或刪除 內容自動屏蔽
作者: kyowong 時間: 14-2-9 17:54 標題: 回覆：幾萬蚊參加小司儀班換來幾把火-各位家長請小心
好彩見到樓主個post! 之前仲心大心細，依家慳番先
作者: ACIC 時間: 14-2-9 22:07
做媽媽嘅係好簡單嘅，一心只係想小朋友學到嘢同埋開開心心。家長只係簡單希望了解小朋友進度，學了甚麼，同埋孩子可以發展才能，佢哋不單服務差，又咩都唔跟進，電話好多時都唔覆，之前話報一年又會呢樣嗰樣，但後來咩都冇發，仲問極都俾唔到答案，真係一肚火! 佢收幾百蚊一堂，但服務仲差過啲街坊教育中心! 啲錢攞晒去搞推廣，賣廣告。大家有冇留意佢呢間店隔籬總有一間又係連鎖或特許經營嘅課外活動中心，教咩你哋自己留意下啦！我而家杯弓蛇影，連嗰間中心都唔敢考慮，驚係同一個集團或老闆，好恐怖囉。
作者: pinkboxbox 時間: 14-2-10 01:48 標題: 回覆：ACIC 的帖子
提示: 作者被禁止或刪除 內容自動屏蔽
作者: ACIC 時間: 14-2-10 15:23
係好窄, 同埋無門, 所以唔歸一, 同一走廊又有另外嘅教育中心嘅學生及家長出入. 好多人, 好嘈.
作者: christywong111 時間: 14-2-13 15:03
this cenre really no good, their receptionist attitude very very bad. my boy go there for three months course, then i quit after it, cost 270 per lesson.
作者: christielui 時間: 14-2-13 18:48 標題: 回覆：幾萬蚊參加小司儀班換來幾把火-各位家長請小心
咁都得？
作者: christywong111 時間: 14-2-14 16:38
他們的admin前台很差, 事綠我個仔病左, 去唔到上堂,他們說唔可以補堂, 我問個前台, 報的時間你們說可以補堂, 現在又唔可以係咩意思, 前台說,,如你係很嚴重的病先可以, 我問他, 咩叫嚴重的病, 傷夙感冒唔算, 要手足口病先算,,
下, 要手足口病, 我同個前台說, 傷夙會死人架wor,發燒都會架wor,都唔可以, 爭執了一大輪, 有個senior出來, 同我說, 可以,我先算,,,,,,,,,,,,,,,大家真係要小心,
作者: loveDD 時間: 14-2-14 17:02
christywong111 發表於 14-2-14 16:38 
他們的admin前台很差, 事綠我個仔病左, 去唔到上堂,他們說唔可以補堂, 我問個前台, 報的時間你們說可以補堂 ...
作者: wafersman 時間: 14-2-18 22:02
本來都有考慮呢間,
但覺得貴HOLD住左,
而家再睇埋樓主篇野,
唔該晒,我可以死心了
作者: LPN 時間: 14-2-18 22:21 標題: 回覆：幾萬蚊參加小司儀班換來幾把火-各位家長請小心
一向對呢間印象好差，成日揾打手嚮度hard sell, 得啖笑
作者: Happyhappylive 時間: 14-3-2 21:52 標題: 回覆：幾萬蚊參加小司儀班換來幾把火-各位家長請小心
作者: kimmyau 時間: 14-3-2 23:15 標題: 回覆：幾萬蚊參加小司儀班換來幾把火-各位家長請小心
哈哈，巴斯今晚都仲有上電視教人做老闆
作者: icy_mama 時間: 14-3-3 23:13
投訴佢啦，不過佢哋一早做晒準備架啦
作者: 0909MAMI 時間: 14-3-26 18:11
我岩岩幫我小朋友報了2期....因為可以減 $600，希望他有進步啦.......
作者: DoveCheung 時間: 14-3-26 23:42
提示: 作者被禁止或刪除 內容自動屏蔽
作者: ACIC 時間: 14-8-13 16:15
同大家講下啲後續, 早幾個月, 我問佢哋, 幾時先有嗰星級旅行, 話去睇飛機, 唔問就冇, 問咗啦, 就先同我哋講幾時, 跟住, 某日打電話嚟, 話每個同學都要買一件60蚊嘅衫, 我就話, 你哋一路都冇講要收錢, 而家又借故話要買衫, 件衫著兩個鐘, 你好唔好意思呀? 真係好火. 最後啲仔女唔係好有興趣, 又有其他活動, 所以就唔鬼去啦.
另一單, 就話參加一年, 就會送同巴斯光年合照嘅機會, 算啦, 都俾咗錢, 唔去就浪費, 已經讀完, 先安排你去, 咁去咗, 影完, 我哋已經讀完, 佢又唔打電話嚟話叫我哋去攞, 我過咗幾個月, 打去問, 佢話搵唔到張相, 要再印, 仲叫我一個月後打俾佢, 我當堂火到同佢講, "你知唔知咩叫CUSTOMER SERVICE? 你哋啲服務質素可以差成咁嘅?", 你唔見咗啲張, 幾個月都唔打俾我, 而家仲叫我自己打嚟跟進, 係咪有病, 你唔係收我哋幾十蚊一堂啊, 你收幾百蚊一堂, 俾啲幼稚園教師質素嘅人嚟教, 仲咩都收錢, 真係學店到呢!
我嚟呢度同大家分享, 係想俾大家一啲用家嘅經驗, 佢賣廣告賣到幾好都好啦, 啲質素咁差, 根本留唔到學生. 希望大家唔好俾佢誤導, 浪費金錢之餘仲浪費自己孩子嘅時間.
作者: ACIC 時間: 14-8-13 16:19
另外, 一般呢啲訓練孩子演說嘅學校, 都會讓家長嚟課程之後或定期睇吓自己小朋友表演之類, 但我哋讀咗一年, 個女有俾人選上台表演咗一次, 個仔讀咗一年, 我都冇睇過佢演說, 真係無言. 佢哋無論管理, 服務質素, 到教學課程質素都唔達標, 台前同教師嘅流失量都令人驚訝. 除咗廣告做得好囉.
| 歡迎光臨 教育王國 (/) |
Powered by Discuz! X1.5 |