教育王國

標題: Help 去美國定英國升較好???? [打印本頁]

作者: Catherine1107 時間: 13-6-1 11:45 標題: Help 去美國定英國升較好????

小女現就讀中四，她係香港想完成中五課程後便出國升學(即2014年)，由於2個國家都無親戚，所以都唔知點好，大家可否幫忙比D意見呀!謝謝!!!

作者: Ding 時間: 13-6-1 11:52 標題: 引用：小女現就讀中四，她係香港想完成中五課程後

原帖由 Catherine1107 於 13-06-01 發表
小女現就讀中四，她係香港想完成中五課程後便出國升學(即2014年)，由於2個國家都無親戚，所以都唔知點好， ...

我當初只考慮澳洲或英國，美國我唔會諗，因為感覺上美國學生太自由，又多槍擊事件，最後去英國傳統學校，以上只係個人意見

作者: noel2010 時間: 13-6-1 13:22

英國安全性較高，治安，交通配套及教育模式應比美國較好。除非心儀一些美國頂級學府及某學科。英國畢業普遍亦較受香港僱主應同。

作者: elbar 時間: 13-6-1 16:12

本帖最後由 elbar 於 13-6-1 22:10 編輯

Catherine1107 發表於 13-6-1 11:45
小女現就讀中四，她係香港想完成中五課程後便出國升學(即2014年)，由於2個國家都無親戚，所以都唔知點好， ...

或試申請一些英國名中學如 St Paul's Girls , Westminster 等

作者: Chole 時間: 13-6-1 20:56

專業課程 prefer 英國 (回港執業易d)，business 我prefer 美國多d (除咗Virgin 老闆，個人覺得英國人做生意麻麻地)。

作者: Catherine1107 時間: 13-6-2 01:27

多謝大家的意見，因囡囡佢自己目標想考一些較top既大家，有人話去美國既話可以係香港完成中五便可入美國一些學院，然後可便可直接入大學，不用考公開試。而且美國較多top既大學，但都認同英國較安全及學生較乖，所以都唔知點揀

作者: acdad 時間: 13-6-3 20:04

回復 Catherine1107 的帖子

而家要讀埋中六拎埋張中學畢業証書才可以入美國的社區學院，除非夠18歲。

作者: missk28 時間: 13-6-3 21:31

回復 acdad 的帖子

昨天去教育展，Agent話有啲CC收中五17歳。

作者: acdad 時間: 13-6-5 00:07

本帖最後由 acdad 於 13-6-5 00:07 編輯

回復 missk28 的帖子

有無講边間cc? 据知好似華盛頓有間但都要先修一個High school completion program,換言之而家中五並唔可以當High school completion.

作者: missk28 時間: 13-6-5 01:04

回復 acdad 的帖子

我先後check過3間Agent, 資料如下：
Agent 1 - 完成中五17歲可入CC (位於Seattle)Agent 2 - 16歲可入CC （另一間位於Seattle)

Agent 3 - 18歳才收。但如果𢦓績好16歲可以申請，但成績要好好嗰種（又是位於Seattle)

但三間Agent都冇提及High education program...是什麼來的？請問喺邊度讀？讀幾耐呢？

Thanks

作者: alee810 時間: 13-6-5 13:30

回復 missk28 的帖子

我都有查過關於美國"High School Completion Program" , 只有華盛頓州 CC 才收未完成中學課程的學生 (香港中五學生可申請, 小女同班同學九月會出發, 所以資料應該正確), 你可次參考以下其中兩間CC的官方網站:
http://hs.highline.edu/apply.php
http://www.greenriver.edu/academics/pre-college-and-basic-skills/high-school-completion.htm

作者: missk28 時間: 13-6-5 23:06

回復 alee810 的帖子

噢原來如此！當時兩間CC代表都冇提及呢點，多謝你們的資料。我哋仍未決定考唔考DSE好，考咗又未必有大學收，不如早一兩年過去讀CC。但唔考第時嘅CV有冇影響呢。大家可分享下嗎？

作者: HIHinsurance 時間: 13-6-5 23:18

英國, 香港教育制度仲是英制的影子

作者: alee810 時間: 13-6-6 15:07

回復 missk28 的帖子

本來我都係打算考完DSE先送阿女去加州讀CC, 但係越來越覺得香港教育制度好有問題, 因此決定今年送阿女去英國讀A-Level, 小女年頭考左IELTS, 成績OK, 所以唔想留港浪費時間, 中文科又令女兒十分困擾, 自信心受到極大打擊, 另外,通識科IES 亦佔用太多學習/休息時間, 所有假期用來補課, 香港中學生比上班族更辛苦, 壓力好大. 雖然話送阿女出國讀書, 但有逃避現實感覺

作者: Ding 時間: 13-6-6 18:10 標題: 引用：回復+missk28+的帖子本來我都係打算考完D

原帖由 alee810 於 13-06-06 發表
回復 missk28 的帖子

本來我都係打算考完DSE先送阿女去加州讀CC, 但係越來越覺得香港教育制度好有問題, 因 ...

都唔係逃避，本來我無打算送個仔去英國，但上年開學後發覺香港教育制度好大問題，師資也差了，老師們只關心成績，每日功課起碼都有7份，隔日默書，放學也要補課，連星期六都一樣要返！因為要谷成績考TSA！個小朋友跟本無空閒時間去玩。所以辛苦D決定送佢去英國！

作者: missk28 時間: 13-6-7 00:03

回復 alee810 的帖子

alee810 & Ding
恭喜兩位做了決定。我衣加十五十六唔知點好！唔係逃避嘅，只係想搵條啱子女的路線而行。請問兩位子女係咪完成中五才去英國？一兩年後又要考A level, 壓力唔大嗎？

作者: Ding 時間: 13-6-7 06:24 標題: 引用：回復+alee810+的帖子 alee810+&+Ding恭喜

原帖由 missk28 於 13-06-07 發表
回復 alee810 的帖子

alee810 & Ding

我個仔去讀yr7

作者: alee810 時間: 13-6-7 09:37

回復 missk28 的帖子

小女今年中五, 九月到英國讀A-Level, 壓力一定有, 不過相信比留港考DSE信心大啲, 希望阿女珍惜呢個機會啦

作者: jasonmom 時間: 13-6-7 13:36

小兒在香港讀完中四就去UK "A Levels", 因為以佢d 成绩難以在港上心仪大學..

作者: missk28 時間: 13-6-7 23:47

多謝大家分享！如果比呀仔揀，佢都想早啲出去讀書唔洗再對住中文。但上US high school怕佢冇人管束易學壞。頭痛！

作者: Catherine1107 時間: 13-6-8 15:08

我都覺得香港教係存在好多問題。我同亞女都唔想做白老鼠，所以都諗住啦。

作者: elbar 時間: 13-6-9 19:07

Catherine1107 發表於 13-6-2 01:27
多謝大家的意見，因囡囡佢自己目標想考一些較top既大家，有人話去美國既話可以係香港完成中五便可入美國一些較top既大家，有人話去美國既話可以係香港完成中五便可入美國一些學院，然後可便可直接入大學，不用考公開試。而且美國較多top既大學，但都認同英國較安全及學生較乖， ...

美漢槍殺父兄襲大學4死

作者: acdad 時間: 13-6-10 00:21

回復 missk28 的帖子

如果已出现行為問題，兒女梗係要留响身边教，不过去美國鎮仔做交換生,學坏机會不大,但捨得与否，見仁見智了。
有些父母為兒女大學教育铺路，骨肉提早分離，讀完大學，又是否必定成龍成鳳?就算是成了材，又与父母兄弟姊妹關係如何?最後怨句、何必當初!
美國有子女弑父弑母，難道香港沒有? 唔比打机打老豆老母耐唔耐都有，想想子女的價值觀受甚麽人影响最大罷。

作者: acdad 時間: 13-6-10 00:41

回復 acdad 的帖子

唔好誤會，不是話任何人，只是有感而發，而家個世界好似子女學業大個天,但係讀書目的係乜呢?

作者: Ding 時間: 13-6-10 08:18 標題: 引用：回復+missk28+的帖子如果已出现行為問題

原帖由 acdad 於 13-06-10 發表
回復 missk28 的帖子

如果已出现行為問題，兒女梗係要留响身边教，不过去美國鎮仔做交換生,學坏机會不大, ...

我無寄望去留學可成龍成鳳！只因為有感香港教育愈來愈差，教育係教導小朋友明事理辨是非，可惜現行教育只懂吹谷為應付考試，想入一些好學校，入學試也要文武雙全，令到每個小朋友也要學東學西！沒有時去玩，去休息！每天看著兒子放學後又要補課，回家後趕功課，溫默書的樣子也不由得心痛起來！

資訊發逹，現在留學也不見得骨肉分離，每日 video call 都也可以，難道留在身邊一定會孝順，跟兄弟姊妹關係好嗎？與父母關係親切與否是由細陪養出來，我亦有見本來母子關係疏離，但留學後而變得親密，因為不是日日見，當獨自一人時便會想起以前種種，慢慢便變得掛念親人！

你說現在父母都看重學業成績！這也難怪他們，社會做成，因為現在入職門檻愈來愈高！沒有學歷跟本連見工機會也沒有，當然讀書不成也有很多工可以做。但有能力的，都仔女可以學多點，見多點！

有家長講槍殺父母，我相信他的重點是在後者的槍擊大學！

作者: Catherine1107 時間: 13-6-10 18:58

其實我都唔係話要咩成龍成鳳，都係個女想出去外國見識下，亦有感而家香港教育真係唔想再講，所以想比亞囡出去試下。

作者: missk28 時間: 13-6-10 22:35

回復 acdad 的帖子

昨晚就是問咗呀仔佢讀書究竟想要啲咩和將來想做什麼？
但佢未能夠即時回答。我話比啲時間佢再想想！因為佢冇淸晰嘅目標，所以我哋作為父母都唔知CC係咪真是啱佢！

作者: Catherine1107 時間: 13-6-11 00:01

可能始終女仔係早熟d，所以亞女已經好清楚咁同我哋表示要出國，如果唔係小朋友既意願就真係數諗清楚先，始終都要用好多資金。錢用左都唔緊要，最驚兩頭唔到岸咋。

作者: acdad 時間: 13-6-11 08:51

回復 missk28 的帖子

如果走加州CC絛路要考慮多樣，Agent 話現在UC只在Fall semester 收Transfer students，換言之CC學生少了修科彈性，如果有某科或某學期出現問題，至少會遲一年才轉到入四年制大學的第三年，如果在大學第三年主修科的Prerequisit courses 開班不夠，則更難於四年内畢業。
不过最近亦有成功例子，有朋友女兒FH入Berkeley,剛剛行完畢業典禮。

作者: Catherine1107 時間: 13-6-11 21:25

acdad
謝謝你的資料，我預計都係去英國多d

作者: acdad 時間: 13-6-11 22:08

回復 Catherine1107 的帖子

唔使客氣，不过我地接觸过的美國人和英國人之中，始终都係喜歡美國人的真誠坦率多些，英國人始终放自己於其他人種之上，尤其香港曾是英國的殖民地。不过英國寄宿學校多，始终令家長放心好多。

作者: missk28 時間: 13-6-11 23:22

回復 acdad 的帖子

謝謝提醒！請問你有冇理想的CC?唔知有冇記錯呢〜你話遲啲讓女兒讀CC,計劃有冇改變呀？

作者: acdad 時間: 13-6-12 13:47

本帖最後由 acdad 於 13-6-12 13:57 編輯

回復 missk28 的帖子

考慮埋其他因素，加上加州CC都要讀完IB Y13至收，應該唔會行CC同 Public school 呢條路了。
等讀埋Y13考埋SAT至走，條路似乎會闊D，过几個月过去Claremont 睇吓咩環境。

作者: acdad 時間: 13-6-12 14:16

回復 missk28 的帖子

如果你都想安排個女去加州CC，香港比較多人去的Foothill 和De Anza我前一兩年去睇过，Campus 就一定係Foothill好好多, Acadamic 當地人話De Anza 好D，仲有一間係Diablo (DVC), 三間公佈出来的數字都唔差，但永遠睇唔到真正數字的基數。

作者: Obiepapa 時間: 13-6-14 00:53 標題: 引用：多謝大家的意見，因囡囡佢自己目標想考一些

原帖由 Catherine1107 於 13-06-02 發表
多謝大家的意見，因囡囡佢自己目標想考一些較top既大家，有人話去美國既話可以係香港完成中五便可入美國一 ...

中五畢業可以去美國讀CC，要自己同學校聯絡，要小朋友打電話同學校傾，熟左就一般會收，好人性化。
讀完一年或兩年一般CC，校內成績好，可以報大學，名校未必要托福，SAT都可免。
考美國大學對就業相對有利，歐洲就業一潭死水。美國公司多，就業機會也相對多。
有能力考名校，讀名校（有錢）肯定讀名校。不是學到什麼，而是關係网問題。當然不是其他學校不好，只是道路曲折多的，是選擇的問題。

作者: Obiepapa 時間: 13-6-14 00:56 標題: 引用：acdad謝謝你的資料，我預計都係去英國多d

原帖由 Catherine1107 於 13-06-11 發表
acdad
謝謝你的資料，我預計都係去英國多d

英國好多畢業就失業，值得嗎？

歡迎光臨教育王國 (/)