教育王國
標題: 6月1日小一派位！ [打印本頁]
作者: bbpigbb 時間: 13-5-29 21:53 標題: 6月1日小一派位！
這個星期六就是小一派位日，我心情越來越緊張，壓力越來越大，是我人生中極大挑戰，但又擔憂學校及老師能否接受我小孩。
原本我打算要小孩重讀多一年K3，由於我老公反對重讀，我心裡已很擔憂小孩可否應付小一，而且近這幾個多月來小孩現在情況不太好，很容易大發脾氣、未能太表達自己只用行動或不好行為來表示，加上越來越逃避做功課，還有其它方面小孩都未能達水平，種種問題不知如何面對。
而且我是個在職媽媽又要搵錢供給小孩做訓練，但又想多D時間教導小孩情況，真的很難決擇怎樣做。
請問依度有冇家長可分享下經驗呢！
作者: joan88 時間: 13-5-29 23:17
提示: 作者被禁止或刪除 內容自動屏蔽
作者: pocoyo123 時間: 13-5-29 23:59
既然學校己選, 亦只能向前行, 反正已沒回頭路, 勇敢往前走先是辨法.
在小學的日子如何, 好在乎係選了那一間小學比佢, 如果家長知小朋友未達標, 最好開學前同學校社工傾好, 比定評估報告, 最緊要是跟到進度,無情緒,學到野, 成績可慢慢追.
上到小學都好忙, 在職媽媽真是無乜時間, 唯有假期時多些跟下啦, 如果1,2年級打得好些, 以後會一路好啦
作者: bbpigbb 時間: 13-5-30 00:33 標題: 回覆：pocoyo123 的帖子
因小孩問題與升小一問題跟老公鼎撞了幾句，日子越接近小一我心理壓力越來越大唔知點做好，每當小孩情緒不好時也令我容易有情緒出現，而且每晚回家后要跟進孩子的功課，每次都扭計有如打丈一樣，屆時要默書、抄寫都唔知點算！
作者: Capricorn2521 時間: 13-5-30 10:34
本帖最後由 Capricorn2521 於 13-5-30 11:01 編輯
bbpigbb 發表於 13-5-30 00:33 
因小孩問題與升小一問題跟老公鼎撞了幾句，日子越接近小一我心理壓力越來越大唔知點做好，每當小孩情緒不好 ...
好明白你嘅感受。我小朋友都係今年9月上小一。
上年9月第一輪選校時，我同我老公都有分歧。因為我係地區名校嘅舊生，如果入我母校，機會都叫做有 (20分我吾知大吾大，2007年太多BB出世)，又同區，老公好想亞仔入。但我知功課壓力會好大，所以游說老公去選同區嘅一間小班(25人)及活動教學嘅學校，點知要交表那星期一，亞仔幼稚園I位老師對我說，那學校支援A仔未必理想。在半信半疑下，問其他SEN家長意見，家長建議我打電話去試吓學校口風，誰知一問下，那小學說我應該去找融合小學，於是我知道呢間吾係我杯茶。
老公知道後，冇話可說，當時，我嘅論點係：如果你要選名校，由你來負責教功課同溫習。我知道個仔現時嘅能力，如果佢一路發展係得嘅，我會再諗吓點樣同佢加快進度。而且我老公都係中學先返回地球，小學時侯老師以為佢係弱智。你自己都吾得，何必迫個仔呢? 我再同老公保證，我話：你都見我吾係懶人，我跟亞仔D野都mon得好緊，你相我啦‧如果呢六年佢ok，我地可以同佢考間好d嘅中學。
其實我吾知到時考中學時係咩世界，但我只知現在要做乜野。
過去半年，我成日有意無意會同老公講吓亞仔乜野好得，乜野未得
作者: Capricorn2521 時間: 13-5-30 10:40
pocoyo123 發表於 13-5-29 23:59
既然學校己選, 亦只能向前行, 反正已沒回頭路, 勇敢往前走先是辨法.
在小學的日子如何, 好在乎係選了那一 ...
吾知你可吾可以分享吓你小朋友上咗小學後嘅情況比大家聽吓呢? 我知道個個仔吾同，不過想參考一下，同有d心理準備。
作者: pocoyo123 時間: 13-5-30 12:35
回復 Capricorn2521 的帖子
總結小一這一年來說: 小兒叫~~~無驚無喜~~~
1) 選校真是一個很重要的問題, 一定耍睇清楚自己小朋友強弱在那裡, 先可以選取一間合適的小學, 我選了一間在區內是中間排位小學(請不要問小學名, 不便公開), 功課和默測試考是正常, 有支援, 程度是中等的小學.
2) 上到小學後, 第一件事係適應, 由幼稚園跨到小學, 在群體, 社交, 情緒上最好比佢快些適應, (因為眼見有同學像似ADHD, 經常比老師罰, 又留堂, 都好慘, )
3) 做功課要每天回家自己放手比佢一個人慢慢做, 做完再同佢對, 這樣可以養成良好習慣
4)每天放學多些問佢學校發生乜事, 多些掌握學校情況
至於比唔比報告, 要唔要支援, 呢D就家長自己諗, 有些學校真是很好, 佢會主動跟進小朋友的問題, 但有些學校你說了, 學校也沒有什麼支援比你, 有些會奇視你, 唔想教, 真正是間間都唔同.
不過, 如果小朋友無情緒, 上堂可坐定, 跟到一班同學的進度, 就算成績差, 或其他小問題, 學校都好小炸形
作者: Capricorn2521 時間: 13-5-30 12:44
pocoyo123 發表於 13-5-30 12:35
回復 Capricorn2521 的帖子
總結小一這一年來說: 小兒叫~~~無驚無喜~~~
放心啦，我吾會問你學校名。我仔第一輪有學校收咗啦。同樣，我都吾想公開學校名，因為我未讀，吾知情況係點。
希望大家小朋友不斷進步。
作者: apple~y 時間: 13-5-30 14:28
回復 Capricorn2521 的帖子
第一輪收,係咪15分收呀
作者: bbpigbb 時間: 13-5-30 21:08 標題: 回覆：Capricorn2521 的帖子
好多謝你們分享，我小兒都是坐不定，都會走咗去，很定罰多。
依家最大問題是執小兒情緒，現在每次返學校時情緒就會發出來，唔知佢想點十分難攪，我又估唔到佢心入面想什麼，有冇家長可教下我。
作者: Capricorn2521 時間: 13-5-31 11:02
本帖最後由 Capricorn2521 於 13-5-31 16:47 編輯
回復 bbpigbb 的帖子
pocoyo123 講得好啱 ”既然學校己選, 亦只能向前行.”
你嘅擔心係可以理解。咁幼稚園對孩子的評價如何? 大抽獎後，到所派小學的網站看看學校對SEN學生的支援，打電話去學校了解一下學校對小朋友的包容度, 支援情況 (你可以話小朋友依家K2，咁咁問題，9月想報你地學校)。因為有D家長未必想同學校報定案，但看你描述，可能老師很快已知道你小朋友的問題 (純個人意見)。
以後點做? 好視孚小朋友上小學後的表現同學校態度。但都離不開家校合作，好好溝通。
我覺得亞老公都要參與學校的家長日同活動，要多多了解亞仔在學校的情況同學習進度 (須D講句，要佢負D責任
)。
作者: pocoyo123 時間: 13-5-31 13:07
a仔好多伴隨ADHD, 有無同精神科醫生傾過, 如果上到小學比學校投訴, 可考慮叫醫生開藥,.有好多小朋友食藥後係可以安定上課.
小朋友言語表達如何? 小肌跟到嗎?如果可以最好儘快安排一些小一適應班比佢打定低.
作者: bbpigbb 時間: 13-5-31 23:36 標題: 回覆：Capricorn2521 的帖子
Hi Capricorn,
K3上學期 i位老師同我地講阿仔可以升小一，還說阿仔重讀就會很浪費時間，而且也反對我意見重讀問題，當時我老公有在場，就因為這說話令到我老公改變主義。
到了K3下學校i位老師同我講，阿仔情況不太好，好擔心升上小一會有問題。其實我覺得這學校請趕我仔走，所以不見意我repeat。
現在我小兒已在CAC做了小一前評估，結果可以上主流學校。
你講得啱！我現在只好向前行。
作者: llam1210 時間: 13-5-31 23:38 標題: 回覆：bbpigbb 的帖子
祝福你同仔仔，明天good luck !
作者: bbpigbb 時間: 13-6-1 02:13 標題: 回覆：llam1210 的帖子
Hi llam, 好多謝你祝福！
作者: bbpigbb 時間: 13-6-1 02:23 標題: 回覆：pocoyo123 的帖子
Hi pocoyo, 有關食藥問題都是很煩問題，至於言語表達不太好，我都有些擔心，小肌都是麻麻不太好，我覺得小兒還有很多方面未能達標，所以非常之憂慮上了小一問題會一連串發生的。
作者: hktkomama 時間: 13-6-1 07:19 標題: 回覆：bbpigbb 的帖子
你現在擔心咁多都冇用，今天小一派位都出result。上到小學，課程好緊密，冇時間俾你進小肌肉，不如你用這3個月時間，努力幫佢追多些，例如：多做用衣夾夾野，串珠等。另好多間協康7月都有攪為期一星期在小學攪的小一預備班，你自己留意下。
作者: bbpigbb 時間: 13-6-1 10:54 標題: 回覆：hktkomama 的帖子
小一預備班已報了三間，希望能幫到小兒。
作者: hktkomama 時間: 13-6-1 11:10 標題: 回覆：bbpigbb 的帖子
另外，要留意在小學階段，3T的服務，學校最多只有st，如果小朋友需要pt和ot服務，現在好開始排私人服務。
作者: pocoyo123 時間: 13-6-1 11:40
小肌都好重要, 因為每天耍抄手冊, 又多抄寫功課, 默書, 測驗會部要寫字仲有時間限, 所以, 你一定要怏搵OT在SUMMER比佢惡補.
如果太多方面未達標, 最好搵一間比較包容的小學, 不要選太谷太多功課.
作者: Capricorn2521 時間: 13-6-1 12:51
本帖最後由 Capricorn2521 於 13-6-1 13:05 編輯
bbpigbb 發表於 13-5-31 23:36
Hi Capricorn,
K3上學期 i位老師同我地講阿仔可以升小一，還說阿仔重讀就會很浪費時間，而且也反對我意見 ...
你話 ”小孩現在情況不太好，很容易大發脾氣” 有時我們要檢討一下自己，會吾會近來為小一問題而吾開心，你的情緒...孩子很容易感受到，可能孩子會是我們自己的一面鏡子。因為我之前轉新工人，好多野要教，我又緊張，成日粗聲粗氣，黑口黑面，我發覺果排亞仔D脾氣都大D。
孩子逃避做功課，如果吾係手肌問題，可以想想將功課變成有趣的事情。人人吾同，以我個仔為例，K3上學期我會夾佢做，人釘人，因我想執好佢D筆順，但我發覺有我在旁時，佢只會同我不斷傾計，談天說地，我知道佢好enjoy，但功課就做1-2個鐘。下學期，d中文抄寫開始深，個格又細咗，佢要我捉佢手做，佢話好難，吾識寫........我當然吾答應啦！於是我在白紙上放大寫一次，就入洗手間洗澡。我對他說：『如果我出來之前你做完中文9個詞語，3句句子，我同daddy就同你玩千秋被(swing blanket)。，如果做吾完，今日就冇得玩千秋被啦。』初期我會將尺度放寬少少，一步一步慢慢收緊。現在佢大致上都可以15分鐘內完成中文功課。
CAC個評估我覺得係做來比外人(如學校) 睇。
父母跟咗咁多年，一定心裡有數。
提外話，幼稚園想吾想你走都算了，依家D學校冇收生壓力，按本旨辦事，少咗愛心，無可口非。而且，如果你要重讀，吾一定原校重讀。
Good Luck !
作者: SKB 時間: 13-6-1 15:02 標題: 回覆：6月1日小一派位！
我case同大家都相似。A仔而家K2，每星期都收到小一的簡介書，仲有呢個月要做個決定，留在原校上升K3或轉K3i，老實講，間i位我唔係咁鍾意，而如果我考直資，K3轉校都幾麻煩。我心儀一間比較輕鬆既一條龍直資，好近屋企，而我自己亦有是一間受歡迎的小學舊生，如無意外都夠分出入。
昨晚才跟A仔火併到零晨1點，一直收唔到檀，直至噪醒妹妹，我抱妹妹唔理佢佢就扮死狗，後悔，知錯先再沖涼訓覺，彼此昨晚的心都碎了。
加油吧，有機會大家一起出黎玩，一起改善A仔的社交問題吧。
作者: Olympian 時間: 13-6-2 18:00
本帖最後由 Olympian 於 13-6-2 18:02 編輯
bbpigbb 希望你有好消息，多些放鬆 :）
我自己也是十分緊張兒子升小的情況。我上年已為兒子選定小學，雖然還有一年小兒才升小。
我選了一間非常近的學校、一級一班的，功課少，程度淺的小學。
我覺得功課少和程度淺好重要，因為希望佢有自信，一個人覺得自己"得"的時侯，就會有意欲向難度挑戰。如果佢搞掂學校D功課，自己可以在家教他較深的東西，冇壓力又有彈性下可以得好些。學樓上咁講，小學讀得好就替他選好些的中學。
其二是要近，不想浪費時間在交通，自己也可參加家長會的活動及和家長聯誼。
作者: bbpigbb 時間: 13-6-2 20:42 標題: 回覆：Olympian 的帖子
Hi Olympian，請問你是否全職媽媽？
作者: Olympian 時間: 13-6-3 14:39
係呀，冇返工了﹗
作者: Olympian 時間: 13-6-3 14:57
之前有家長分享，和家長搞好關係好重要。因為家長跟你熟落後會對你和你個仔包容一點。而多花時間在家長會或家長義工，學校又會再包容你一點。又說升到小學幫得到你個仔的再不是學老師，而是同學仔﹗
我覺得都好有道理。所以選小班小校，要和老師及家長熟落較容易。A仔幾叻都好，社交及適應能力較弱，小校會較好。
作者: bbpigbb 時間: 13-6-4 10:03 標題: 回覆：Olympian 的帖子
Hi olympian，我是個在職媽媽，很難與其他小朋友家長聯系，那是一個問題，現在學校已派咗已成局只好見步行步。可否告訴我你選邊間小學！
作者: Olympian 時間: 13-6-4 13:28
本帖最後由 Olympian 於 13-6-4 13:35 編輯
返工可以用whatsapp嘛
唔好意思，不放便公開透露啊﹗
不過其實真係好容易知道，上網睇下邊間係細校又有搞融合，又有殺校危機個D，就會係我會選的。 : P
作者: chowqv 時間: 13-6-4 23:40 標題: 回覆：6月1日小一派位！
好緊張，黎跟既9月到我個仔去自行。不過佢2星期前已經"吩咐"我去預備幫佢報一間"好少少"既小學。我都唔知阿仔個腦唸緊咩。好少少
作者: bbpigbb 時間: 13-6-5 09:29 標題: 回覆：Olympian 的帖子
Hi Olympian，我返工可以用whatsapp，你可以打比我。
作者: 1仔1女 時間: 13-6-6 20:56 標題: 引用：好緊張，黎跟既9月到我個仔去自行。不過佢2
原帖由 chowqv 於 13-06-04 發表
好緊張，黎跟既9月到我個仔去自行。不過佢2星期前已經"吩咐"我去預備幫佢報一間"好少少"既小學。我都唔知阿 ...
作者: chowqv 時間: 13-6-7 01:54 標題: 引用：+本帖最後由+Olympian+於+13-6-4+13:35+編
原帖由 Olympian 於 13-06-04 發表
本帖最後由 Olympian 於 13-6-4 13:35 編輯
返工可以用whatsapp嘛
作者: bbpigbb 時間: 13-6-7 09:32 標題: 回覆：Capricorn2521 的帖子
Hi Capricorn, 我小孩在K3上學期都會做中文，到了下學期越來越逃避中文寫字，加上每次寫中文字都要我捉住佢隻手寫，最大問題是我小孩寫中文字沒有空間感及不知如何落筆。
作者: cecilau 時間: 13-6-7 10:52
回復 bbpigbb 的帖子
你仔仔上小一會十分吃力呀. 因為真係會好多抄寫.
有無上ot 的課程呀?
作者: Capricorn2521 時間: 13-6-7 11:28
bbpigbb 發表於 13-6-7 09:32
Hi Capricorn, 我小孩在K3上學期都會做中文，到了下學期越來越逃避中文寫字，加上每次寫中文字都要我捉住佢 ...
因我小孩沒有空間感問題，所以我沒有深入研究。以我有限的認知，訓練空間感可以做仿砌積本，仿畫圖畫/圖形的。在我小孩K2-K3上學期時，幼稚園有訓練空間感的練習書，係仿畫線條開始，然後仿畫圖形，再仿畫圖畫。你可以在家做多D，由淺入深。仲有，可以砌七巧板。
你也可參考：http://www.libertytimes.com.tw/2012/new/mar/26/today-health6.htm
我仔K3上學期在一間私人中心上過小一預備班時，個老師都有話我仔”不知如何落筆”呢個問題，佢話亞仔寫字好似畫圖畫，呢度一筆，果度一筆。當時小一預備班寫D字係深過幼稚園寫果D。但係，我愈想執，佢就愈抗拒。於是後來我放手，跟返幼稚園進度，由幼稚園老師教佢，我在家只要求佢能自己完成功課，同吾好出界，後來我冇再執佢D筆順，我吾想兩母子晚晚糾纏在抄寫功課上。幼稚園老師要求都吾低，會要佢係學校全部擦過做過。我覺得佢係驚老師，蝦媽咪，係學校寫果D寫得好靚。而我係屋企，我會時不時寫字比亞仔睇，寫佢識果D字，大大隻，慢慢一筆一筆，確保佢看得清楚筆順，我希望慢慢地......佢睇我寫，而知道個字係應該點寫。
作者: Olympian 時間: 13-6-7 15:19
如果不知如何落筆就給他一點，叫佢從呢一點開始。如果跟本係佢唔想寫的行為問題就可以用奬/罸。千萬別再捉手寫了。如果不肯寫，讓他冇功課交，自己受後果。寫得唔靚唔啱比例(空間感問題)，唔好擦佢，等老師改，多D讚佢，鼓勵佢，到佢肯做先再教佢寫好D
| 歡迎光臨 教育王國 (/) |
Powered by Discuz! X1.5 |