教育王國

標題: 你們滿意優才嗎?做到所說的教育理念嗎? [打印本頁]

作者: king1204 時間: 13-5-27 18:32 標題: 你們滿意優才嗎?做到所說的教育理念嗎?

現就讀優才的家長，可否分享一下(特別想聽聽高小家長意見)：
你們滿意優才的教育方式嗎?
有否做到她們的教育理念，喜悅，卓越，創意嗎?

作者: rogerlam123 時間: 13-5-27 19:09

亞囝G7, 我就好滿意喇. happy learning+excellence+creative, 都做得唔錯.

作者: king1204 時間: 13-5-27 20:21 標題: 回覆：rogerlam123 的帖子

是在優才小學部升上的嗎?有人說高小後變得很催谷，並不是快樂學習，是嗎?
那有沒有需要改善的地方?

作者: king1204 時間: 13-5-27 20:22 標題: 回覆：rogerlam123 的帖子

忘了謝謝你的回覆

作者: rogerlam123 時間: 13-5-27 23:32

身邊G7家長們, 另有些讀GT高小的小朋友, 確實功課多了, 平常功課一般沒大問題, 但如果做PROJECT就會做得夜.

作者: king1204 時間: 13-5-27 23:59 標題: 回覆：rogerlam123 的帖子

謝謝你

作者: iamderek 時間: 13-5-28 12:15

小兒今年G4，我也很滿意學校的教育方式，確實做到愉快學習的理念。我覺得G4的功課數量和初小差不多，但需要時間多了一點，最花時間的是作文和普通話講稿。在家長分享會上，有些家長還嫌寫作這方面的家課不足夠。
我覺得學生普遍對考試、成績也很hea，不是說成績不好，而是學生不太緊張成績，沒有競爭的氣氛。如果你是寸土必爭的家長，一定會被氣死。

作者: AFSL2007 時間: 13-5-28 19:30 標題: 回覆：king1204 的帖子

其實要看看家長的要求如何，愉快學習下的成績一定比不上十分催谷的學校，小兒今年G6,我要的是成績同各方面發展要有一定平𧗾，六年來還是滿意的。

作者: king1204 時間: 13-5-29 22:45 標題: 引用：小兒今年G4，我也很滿意學校的教育方式，確

原帖由 iamderek 於 13-05-28 發表
小兒今年G4，我也很滿意學校的教育方式，確實做到愉快學習的理念。我覺得G4的功課數量和初小差不多，但需要 ...

很高興收到你的回覆。

你說沒有競爭氣氛是明白的，因只有頭五名，其他沒有排名次，但對成績很hea??是否都是成績一般?如60-70分??

作者: king1204 時間: 13-5-29 22:54 標題: 引用：其實要看看家長的要求如何，愉快學習下的成

原帖由 AFSL2007 於 13-05-28 發表
其實要看看家長的要求如何，愉快學習下的成績一定比不上十分催谷的學校，小兒今年G6,我要的是成績同各方面 ...

謝謝你的回覆。
請問一般來說，與傳統教學的學校相比，他們相差多少?
你在那個層面滿意?創意?生命教育?培育專長?
不好意思，太多野想知，希望不會太煩人

作者: king1204 時間: 13-5-29 22:59 標題: 回覆：你們滿意優才嗎

另想問問各位家長，你們子女除了上學，做功課，溫習，還有沒有時間做自己喜愛的活動嗎?如運動，看報紙/圖書，玩玩具等等?

作者: king1204 時間: 13-5-29 23:00 標題: 回覆：你們滿意優才嗎

因有時間做喜歡的事是重要的！

作者: muichujamie 時間: 13-5-30 11:32

回復 king1204 的帖子

我個女上好少興趣班，平日放學做完功課便同妹妹玩到顛晒! 有時都會坐定定睇圖書。
weekday佢好懶，唔會溫書；但weekend, 我盡量都會要佢溫1-2小時(or 做下幾頁課外練習)。
overall, 我覺得可以做到愉快學習，只係有時功課會好多。

作者: iamderek 時間: 13-5-30 12:03

king1204 發表於 13-5-29 22:45
你說沒有競爭氣氛是明白的，因只有頭五名，其他沒有排名次，但對成績很hea??是否都是成績一般?如60-70分??

雖然60分是合格，但70分才算是達標。根據學校公佈，有超過90％的同學是全科達標。我說對成績很hea，是指當成績未如他自己預期時，不快的心情轉眼間便忘記，很快便再度投入愉快的校園生活。

做功課需要的時間不多，剩下的時間是做喜歡的事或是hea掉，就要看你和你小朋友的安排。

作者: rogerlam123 時間: 13-5-30 12:09 標題: 回覆：你們滿意優才嗎?做到所說的教育理念嗎?

亞仔啲同學仔，好多都係琴棋書畫，彈唱跳動，梗有一兩樣，或兩三樣，而且都做得唔錯。夠時間考埋8級。

作者: iamderek 時間: 13-5-30 12:26

本帖最後由 iamderek 於 13-5-30 14:00 編輯

muichujamie 發表於 13-5-30 11:32

overall, 我覺得可以做到愉快學習，只係有時功課會好多。

我自己覺得整體功課量不多，只是不平均。時間表總有一兩天是非常多不同的主科（中英數常普加GT English），也有一兩天是太多閒科。之前有一年特別不平衡，家長在第一次家長日反映之後，老師安排了一些功課是隔一天才交，情況大為改善。

作者: muichujamie 時間: 13-5-30 12:50

回復 iamderek 的帖子

我都好滿意GT....
好重要一點，學校老師好肯聽家長意見，我地都有同班主任講過話有一兩日特別多功課，而家已經改善好多。

作者: king1204 時間: 13-5-30 16:02 標題: 回覆：muichujamie 的帖子

請問她現在幾年級?

作者: huba 時間: 13-5-30 16:08

本帖最後由 huba 於 13-5-30 16:39 編輯

king1204 發表於 13-5-29 22:59
另想問問各位家長，你們子女除了上學，做功課，溫習，還有沒有時間做自己喜愛的活動嗎?如運動，看報紙/圖書 ...

小兒是GT小二學生，個人認為功課量適中，有時在學校已完成當天功課，就算做不完要帶回家的功課也通常在40分鐘內完成。差不多每天都有充足自由時間參加課餘活動（例如騎腳踏車、打網球及做體操...等），逛書店、去博物館、閱讀課外書、溫習、玩電腦遊戲或看電視。至於周末，小兒的例行活動就是上主日學，其他都是他的自由時間也是家庭時間，一起看電影、跟朋友或長輩聚餐等。
只要適時培養孩子善用時間，其實學業、興趣及家庭生活都可以平衡的。

作者: king1204 時間: 13-5-30 16:31 標題: 回覆：你們滿意優才嗎

謝謝各位家長的分享，使我能了解多些優才的近況

作者: king1204 時間: 13-5-30 16:40 標題: 回覆：你們滿意優才嗎

還有一個疑問，不知家長們的看法如何呢?

就是為何有很多學生退學，尤其是今年G3，由4班縮成3班，走了十多廿人，是不是有什麽問題?是坊間說，跟不上，還是太叻，轉了名校?但人數似乎太多了

使我很擔心

作者: iamderek 時間: 13-5-30 20:30

本帖最後由 iamderek 於 13-5-30 20:37 編輯

king1204 發表於 13-5-30 16:40
還有一個疑問，不知家長們的看法如何呢?

就是為何有很多學生退學，尤其是今年G3，由4班縮成3班，走了十多 ...

引用以前的貼文： "升小三的這级G1開學時有92人，一年後升小二在跳级+留班+轉校這三個原因下，去年開學時有82人，今年升小三剩下81人。"

小一和升小二時學生流動通常都很大，問題是優才比較少轉校生。如果神級名校沒有不停補充轉校生，數據可能更嚇人。

其實離校的學生不是傳聞中的多，我覺得是以訛傳訛。至少小兒的年級應該超過九成是從G1一起讀上來的。

作者: SumSumBB 時間: 13-5-30 20:34 標題: 引用：還有一個疑問，不知家長們的看法如何呢?

原帖由 king1204 於 13-05-30 發表
還有一個疑問，不知家長們的看法如何呢?

就是為何有很多學生退學，尤其是今年G3，由4班縮成3班，走了十多 ...

其實又唔算好多人走。小兒今年小三，記得小一一䦕學全級已有數個失蹤，無出現過。
升小二時有幾個轉校或跳級上小三。
升小三時有一個留班，今年學期中有一個移民。
這是我所知的。

作者: AFSL2007 時間: 13-5-30 21:42 標題: 引用：Quote:原帖由+AFSL2007+於+13-05-28+發表其

原帖由 king1204 於 13-05-29 發表
謝謝你的回覆。
請問一般來說，與傳統教學的學校相比，他們相差多少?
你在那個層面滿意?創意?生命教育?培育 ...

我沒有確實資料提供，比較傳統學校與優才的成績。但我相信一分耕耘，一分收穫。優才除了成績外，也投放了不少時間在品德培養，才華發展，相比一些傳統名校，投放九成九時間予學業成績，你說誰的成績應該會好呢？

作者: SumSumBB 時間: 13-5-31 08:07 標題: 回覆：king1204 的帖子

本帖最後由 SumSumBB 於 13-6-1 06:31 編輯

優才不是死操成績那種學校，成績可能不及某些傳統名校，但也可稱不俗。
然而，我見小兒三年來在GT都仍可保持那份求學的熱誠、亦見學校於德育與創意的重視，愉快的校園生活讓小兒每天都享受著學習的樂趣，放學做完功課後仍可做做自己喜歡的事情...這些對我來說，已很感恩了！

作者: king1204 時間: 13-5-31 08:29 標題: 回覆：你們滿意優才嗎

Thank you iamderek & SumSumBB. 得到你們的回應實在太好了，解開了我的疑團。放心哂

作者: king1204 時間: 13-5-31 08:32 標題: 引用：優才不是死操成績那種學校，成績可能不及某

原帖由 SumSumBB 於 13-05-31 發表
優才不是死操成績那種學校，成績可能不及某些傳統名校，但也可稱不俗。
然而，我見小兒三年來在GT都仍可保 ...

這也是我所期望的

作者: rogerlam123 時間: 13-5-31 10:33

king1204, 你囝囝(囡囡)今年升GT小一嗎?

作者: king1204 時間: 13-5-31 10:40 標題: 回覆：rogerlam123 的帖子

係呀

作者: AFSL2007 時間: 13-5-31 13:45 標題: 引用：係呀 +

原帖由 king1204 於 13-05-31 發表
係呀

如果你不是純追求成績，希望小朋友在愉快學習下成長， GT應該是個不錯的選擇。唯一不好就是小學部不能在同一間校舍，有些活動要兩邊走。

作者: king1204 時間: 13-5-31 14:05 標題: 回覆：AFSL2007 的帖子

我比較貪心，成績又要，開心又要，希望我揀啱

作者: muichujamie 時間: 13-5-31 14:15

我覺得成續都幾好架，當然唔係同最top 果D比較啦! 舊年佢地派左D同學仔出去奧數比賽有好好的成續。
另外，我有睇過下其他TKO一線小學D exam papers, 我覺得GT果D仲深少少。
對我黎講成續我又唔須要讀到D好top school, 同埋GT係一條龍，點都無咁大壓力。

作者: rogerlam123 時間: 13-5-31 18:45 標題: 回覆：king1204 的帖子

好有信心，你會滿意的。另外我地喺FB有家長群組，到時add埋你，多啲交流，互相支持。

作者: king1204 時間: 13-5-31 19:06 標題: 引用：好有信心，你會滿意的。另外我地喺FB有家長

原帖由 rogerlam123 於 13-05-31 發表
好有信心，你會滿意的。另外我地喺FB有家長群組，到時add埋你，多啲交流，互相支持。

...

好喎！點add？

作者: SumSumBB 時間: 13-5-31 19:51 標題: 引用：我比較貪心，成績又要，開心又要，希望我揀

原帖由 king1204 於 13-05-31 發表
我比較貪心，成績又要，開心又要，希望我揀啱

我都係，我就係喜歡GT跟阿仔以前的幼稚園同樣：卓越+喜悅！

作者: king1204 時間: 13-6-1 11:11 標題: 引用：Quote:原帖由+king1204+於+13-05-31+發表我

原帖由 SumSumBB 於 13-05-31 發表
我都係，我就係喜歡GT跟阿仔以前的幼稚園同樣：卓越+喜悅！

請問邊間幼稚園呢?

作者: huba 時間: 13-6-1 11:31

SumSumBB 發表於 13-5-31 19:51
我都係，我就係喜歡GT跟阿仔以前的幼稚園同樣：卓越+喜悅！

聽落好似學之園。

作者: SumSumBB 時間: 13-6-1 11:36

SC, GT有唔少同學仔來自SC，可能理念跟學習模式相近。

作者: king1204 時間: 13-6-1 13:00 標題: 回覆：SumSumBB 的帖子

我囝都係SC呀！

作者: ngkf 時間: 13-6-1 13:59

補多兩句，小朋友無補習，亦從未放假陪考試。
可能由於無乜壓力，試過幾次無温黙書就去黙。

作者: king1204 時間: 13-6-1 22:14 標題: 回覆：ngkf 的帖子

嘩，你個小朋友咁勁！係唔係平日已經有溫習，所以默書冇溫都識呢

作者: SumSumBB 時間: 13-6-2 11:09 標題: 引用：我囝都係SC呀！ +

原帖由 king1204 於 13-06-01 發表
我囝都係SC呀！

咁你囝囝都應該好易適應GT的小一生活，我仔升上小一唔夠一個月就話小學好過幼稚園，好玩好多！

作者: SumSumBB 時間: 13-6-2 11:17 標題: 引用：Quote:原帖由+king1204+於+13-06-01+發表我

本帖最後由 SumSumBB 於 13-6-2 11:33 編輯

ngkf 發表於 13-6-1 13:59
補多兩句，小朋友無補習，亦從未放假陪考試。
可能由於無乜壓力，試過幾次無温黙書就去黙。 ...

可能學校著重phonics, 學生又吸收，所以英文真係唔駛點溫就可以默。
中文默書小一時我們會較為緊張，早兩三日便開始同佢試黙，但今年小三已放手俾佢自己溫，上星期阿仔竟然臨瞓時才醒起明天要背默中文，我有點生氣，點知他睇了唔夠十分鐘便可背黙哂出來，我覺得應該係老師教得深刻，他們上堂有用心去聽，才可咁快背得出。
另外，平時默書唔計入考試分，所以會輕鬆點。

作者: ngkf 時間: 13-6-2 11:24

king1204 發表於 13-6-1 22:14
嘩，你個小朋友咁勁！係唔係平日已經有溫習，所以默書冇溫都識呢

…

我的小朋友在家唔多温習。不過上堂加家課入咗腦，所以唔温習黙書都可以合格。如果有機會在一年級觀課的話相信你會明白到原因。

作者: ngkf 時間: 13-6-2 11:32

king1204 發表於 13-5-30 16:40
還有一個疑問，不知家長們的看法如何呢?

就是為何有很多學生退學，尤其是今年G3，由4班縮成3班，走了十多 …

我個期咁早退學的同學只有跟唔上和移民。

作者: king1204 時間: 13-6-2 18:59 標題: 引用：+本帖最後由+SumSumBB+於+13-6-2+11:33+編

原帖由 SumSumBB 於 13-06-02 發表
本帖最後由 SumSumBB 於 13-6-2 11:33 編輯

你囝囝本身係咪都好叻，我囝囝一般，而家評估同溫習，我都要同佢溫過至得

作者: SumSumBB 時間: 13-6-2 20:11 標題: 引用：Quote:原帖由+SumSumBB+於+13-06-02+發表本

原帖由 king1204 於 13-06-02 發表
你囝囝本身係咪都好叻，我囝囝一般，而家評估同溫習，我都要同佢溫過至得

...

唔係佢叻，係我要求唔高，九字頭我都收貨，小一二時同佢溫就多數滿分。
幼稚園的評估，記憶中...中數較淺，很少跟他溫習，英文評估就有跟他練oral, 教他用完整句子作答。唔知你仔仔這屆的課程跟三四年前是否一樣？

作者: king1204 時間: 13-6-2 23:01 標題: 引用：Quote:king1204+發表於+13-5-30+16:40+還有

原帖由 ngkf 於 13-06-02 發表
我個期咁早退學的同學只有跟唔上和移民。

跟唔上??課程很深嗎?但聽你們分享又不像呢?

作者: rogerlam123 時間: 13-6-2 23:29

回復 king1204 的帖子

唔算深, 但數學會教快半年, 大部份小朋友都無問題.

作者: Biggy123 時間: 13-6-2 23:43

小一谷嗎？測、考、默的頻率如何？一個普通程度的小朋友不是資優又不是出於名校幼稚園能否跟得上.謝謝.

作者: king1204 時間: 13-6-3 09:14 標題: 引用：回復+king1204+的帖子唔算深,+但數學會教

原帖由 rogerlam123 於 13-06-02 發表
回復 king1204 的帖子

唔算深, 但數學會教快半年, 大部份小朋友都無問題.

明白，Thx

作者: ngkf 時間: 13-6-3 12:02

rogerlam123 發表於 13-6-2 23:29
回復 king1204 的帖子

唔算深, 但數學會教快半年, 大部份小朋友都無問題.

呢個可能是收唔到合適插班生的原因。

作者: SumSumBB 時間: 13-6-4 07:39 標題: 引用：小一谷嗎？測、考、默的頻率+如何？一個普

原帖由 Biggy123 於 13-06-02 發表
小一谷嗎？測、考、默的頻率如何？一個普通程度的小朋友不是資優又不是出於名校幼稚園能否跟得上.謝謝. ...

一年四次評估，小一小二很少小測，默書中英隔周黙，唔算谷又唔算hea.
如果收得你孩子，就不用擔心追不上，其實追不上的學生好少，一級得三幾個，相信間間學校都有這情況。此外，學校有努力小組會幫成績稍遜的學生。

作者: rogerlam123 時間: 13-6-4 11:57 標題: 回覆：你們滿意優才嗎?做到所說的教育理念嗎?

其實優才小朋友唔算特別出眾，中上啦。每年三幾個算比較資優咁啦。

作者: ngkf 時間: 13-6-4 15:44

king1204 發表於 13-6-2 23:01
跟唔上??課程很深嗎?但聽你們分享又不像呢?

課程比一般學校深，但不用特別谷。一般情況都跟得上。跟唔上好多時有很多原因，很多時比較特別的。例如混血兒上主流小學跟唔上中文，心急父母見到小朋友某些科目一兩次未逹標就轉定學校之類。

放心吧，不用太担心未發生的事情。父母要對子女有信心呢，畢竟現在的小朋友比我們年幼時聰明和見識多。
只要小朋友有興趣學習，一定無問題。

作者: king1204 時間: 13-6-4 19:56 標題: 回覆：ngkf 的帖子

謝謝

作者: Biggy123 時間: 13-6-4 21:29

感謝回覆

作者: beesbees 時間: 13-6-5 00:16

在優才快七年，我幾滿意架

歡迎光臨教育王國 (/)