教育王國
標題: 俾個仔激到好心痛，今日•••••••終於忍唔住喊咗出嚟！ [打印本頁]
作者: 祖明 時間: 13-5-23 22:08 標題: 俾個仔激到好心痛，今日•••••••終於忍唔住喊咗出嚟！
亞仔今年剛升中，每次做錯事，我都會苦口婆心咁解釋俾佢聽，但仍然都會重覆咁犯錯，每次鬧佢，佢唔會駁咀，只係用後悔嘅表情，知錯嘅眼神再加兩行眼淚對住你，把口猛話知錯，會改同對唔住媽咪，不過每次再俾機會原諒佢，隔冇耐又再重蹈覆轍。
雖然佢犯嘅唔係咩大錯，例如:做功課馬虎又或做做下電腦功課打機，我知呢D微不足道嘅錯，好多細路都有，我唔應該放大嚟睇，但若果依家唔教，將來想教返好就好難
軟硬兼施都試過，罰又罰過，鬧又鬧過，不過我唔會打，畢竟亞仔都十幾歲，況且打只會影響彼此關係，對件事亦冇幫助，咁我又可以做D咩呢？
好似今次咁，佢話借部iPad 入書房查功課，隔咗20分鐘入到房，功課未做完，但就喺度打機，我嬲到
早10日前又係犯同樣嘅錯，當時話完佢，佢就答應話冇下次，會改，今日又••••••••有乜辦法唔激到喊吖
可能係我唔識教，唔識做人亞媽
作者: 黃巴士 時間: 13-5-23 22:35
這個事情常發生在我身上。
作者: 安格斯媽媽 時間: 13-5-23 23:24 標題: 回覆：祖明 的帖子
真係無辦法，我仔都係咁，做做下網上功課上網，我返工完全唔聽阿嫲話，琴日黑雨打左一日機，六月初大考都唔知點算
好難要他停，但希望分配多d時間溫習
作者: 祖明 時間: 13-5-24 00:07 標題: 引用：真係無辦法，我仔都係咁，做做下網上功課上
原帖由 安格斯媽媽 於 13-05-23 發表
真係無辦法，我仔都係咁，做做下網上功課上網，我返工完全唔聽阿嫲話，琴日黑雨打左一日機，六月初大考都唔 ...
加上個仔已升中，唔通我要時時刻刻𥄫實佢，以防出錯？就算佢肯，你自己亦睇唔到咁多
鬧得多就麻目，哦得多就當耳邊風，又唔打得，咁仲可以點教？
作者: Yanamami 時間: 13-5-24 08:00
本帖最後由 Yanamami 於 13-5-24 08:01 編輯
男仔通病 ~~唯有唔俾入房，在廳用機。
唔好反應太大，起馬阿仔態度仲好好，有d仔鎖埋房門費事睬你。同他講，你唔識管自己，唯有我幫你，以後在廳用機吧~~
作者: 安格斯媽媽 時間: 13-5-24 08:16 標題: 回覆：Yanamami 的帖子
係，在房通宵也管不到，手提，iPad都不可帶
作者: Ceci333 時間: 13-5-24 08:40
好少事呀！你太大反應啦！這樣下去遲早出事．出事是你要他事事做對，令孩子沒有成長空間．再這樣下去，兒子一是反（伴）（可以積極和消極，積極便是和你對抗，消極是表面同意但不跟你做）；也可能他變不能成長，事事聽話，或對任何事都提不起興趣．
他不是大人，當然不能自控，那你便不讓他自己在房就好了！
作者: jellyfish1989 時間: 13-5-24 10:31
我家那位少爺都一樣。眼淚都不知流多次，我想我要看精神科
作者: mds 時間: 13-5-24 10:44
既然知道佢鍾意打機，next time, make a deal first .either he finish his home work first, then play for 20-30 min ,or play first ,but less time like 15-20 min,then do homework.let him choose.
同埋下次發現佢又係做功課時打機，平心靜氣，問佢玩乜？玩咗幾耐?同佢make friends,instead of "ma ma char char" right away!話比佢玩最多15-20min ，之後一定要停。
作者: mds 時間: 13-5-24 10:51
重點是改正他不要偷偷摸摸，要玩可以先＂問下＂，咁當然你要批准比佢玩下啦！等佢知道，光明正大咁去問准再玩，唔駛怕你發現而鬧佢，佢玩得安心又開心，你又唔駛成日𥄫實佢啦！
作者: VETY 時間: 13-5-24 10:56
老實講, 我覺得唔可以下下用大人(尤其係女人)的用角度去管理男仔, 女人天生自制力好d, 如果要做到事事認真, 一絲不枸, 我相信好多男人寧願早d死.
正如好多女人話減肥, 轉頭又係食食食:;pppp:
作者: jk67jk 時間: 13-5-24 11:27 標題: 回覆：俾個仔激到好心痛，今日•••••••終於忍唔住喊咗出嚟！
我都係要佢在廳用機，上網 查功課都係。
但有時忙緊家務，都畀佢唔覺意攞咗部手機入房，次次都係上完校網，就忍不住打機。住佢，多費神呢!
作者: hw1115 時間: 13-5-24 11:50
祖明 發表於 13-5-23 22:08
亞仔今年剛升中，每次做錯事，我都會苦口婆心咁解釋俾佢聽，但仍然都會重覆咁犯錯，每次鬧佢，佢唔會駁咀， ...
您所講的我都經歷過, 上個月病了, 我知道一定要放手了.
Take care!
作者: 安格斯媽媽 時間: 13-5-24 13:21 標題: 引用：亞仔今年剛升中，每次做錯事，我都會苦口婆
原帖由 祖明 於 13-05-23 發表
亞仔今年剛升中，每次做錯事，我都會苦口婆心咁解釋俾佢聽，但仍然都會重覆咁犯錯，每次鬧佢，佢唔會駁咀， ...
作者: 圖書寶寶 時間: 13-5-24 13:26
以上你地講既我個女都做哂, 佢做左啲唔岩既嘢，從未向我講過對唔住, 當你同佢講緊嘢時候, 唔岩聽，佢都未等你講完 , 佢巳講一句, "你好煩呀"就一支箭咁走左入房, 關埋對門. 我真係火都黎埋, 好想唔理佢, 由得佢自生自滅，自問都未受過自己父母的氣, 竟然對住個女, 會受咁多氣, 有時真係頂唔住會大叫, 樓上唔知道以為我係short架. 唯有同自己講, 放鬆啲, ....咁做唔做倒又係另一回事! 你個仔都識流眼淚, 會後侮，我個女係唔會流眼淚講後侮, 佢自出娘胎, 都未試過因為自己做錯嘢, 同我地講"sorry"，唉.......教佢條路仲有好長, 真係唔知點, 希望佢早啲醒覺.....
作者: Meikin 時間: 13-5-24 14:55
本帖最後由 Meikin 於 13-5-24 14:56 編輯
佢重識講sorry話下次唔會, 總好過諸多辯駁. 教就要繼續教, 但不要期望短時間內有成效, 要看long-term一些.
偷偷打機這些事每日都會發生, 差在俾唔俾我見到.
俾阿仔激這等事自小學起已每天發生, 無日無之. 每天小激, 每週一大激, 每月一次大大激,(要我大罵), 每季一次超激(激到我差些喊出來).......你都有定心理準備吧!
作者: 祖明 時間: 13-5-24 15:13 標題: 回覆：俾個仔激到好心痛，今日•••••••終於忍唔住喊咗出嚟！
我部電腦都係放客廳，唔敢擺入房就係驚有jm提到有以上情況，每次我都有規定打機時限，只要個仔問准，我都會俾佢玩，但冇可能日日問，我都要次次准玩㗎所以有時我都會拒絕，由其近排就嚟考試，係咪應該暫停，應付咗個考試先呢？我都有同個仔協議，仲有2個星期就開始考試嘞！只要佢用心溫習，閒時抽半小時上網我都批准，但絕對唔可以偷玩，不過佢答應話好，轉頭睇少眼又嚟:;pppp:根本唔聽講
好似有次個仔話上網交篇作文，於是俾佢開電腦用，我就入書房跟細佬功課，半個鐘後，我出嚟望一望佢做乜，點知篇文未打完，只得2行字，又係喺度打機
我嬲嘅係••••••點解咁小事，咁簡單嘅問題，教咁多次都係唔肯改
我又唔係完全制止唔俾玩，只要求有時有候都咁難？
除咗呢樣，仲有其他濕濕碎小事，例如字體超核突，可以用畫符來形容，仲衰過小學嗰陣時，提醒佢叫佢用心寫好D，話完一陣有改善，之後又係咁
連考試期間補習，竟然可以唔帶書返嚟溫，話唔記得帶返嚟，我真係嬲到火燒心，嗰科聽日要考啦仔，點可能唔記得帶書返嚟溫，到底你有冇心讀書嫁？我仲叫個補習哥哥專登嚟同你溫，冇書點溫呀
我真係好想好好咁控制一下情緒，但咁多小事加加埋埋，真係好難抑壓嗰刻嘅怒火真係激到眼淚心裏流㗎有jm明白固中苦况嗎？
我好愛仔仔，呢D係咪愛之深，責之切呢
作者: 黃巴士 時間: 13-5-24 15:13
當年自己父母都係咁忍，不斷咁教。今日我們都要用耐性去教導。我諗反叛期依家至開始，仲有幾年要捱!看開些·····
作者: 祖明 時間: 13-5-24 15:18 標題: 引用：+本帖最後由+Meikin+於+13-5-24+14:56+編輯
原帖由 Meikin 於 13-05-24 發表
本帖最後由 Meikin 於 13-5-24 14:56 編輯
佢重識講sorry話下次唔會, 總好過諸多辯駁. 教就要繼續教, ...
作者: 黃巴士 時間: 13-5-24 15:49
本帖最後由 黃巴士 於 13-5-24 16:31 編輯
祖明 發表於 13-5-24 15:13 
我部電腦都係放客廳，唔敢擺入房就係驚有jm提到有以上情況，每次我都有規定打機時限，只要個心N-仔問准，我都會 境..
相信依度多數家長都歷過，D字鬼畫符, 唔見書&NOTES, 話極佢地都唔聽.........見到打机就失控。都要有心理準備，依种引誘會不斷及演变。小朋友開始大，就由他去摸索和自制，激心一定有。激多兩激，都化境，叫老公出吓手，減低負擔。
我囝都係D英文字遼草, 數目字, 遼到睇唔倒寫咩??老師講明唔會估依Ｄ字， 一個大交叉。 佢見咁失分， 惟有在卷上, 寫返正楷英文&清楚數目字.
中文又係, 好似小學咁多一劃少一劃, 多一撇, 少一點......... 惟有叫佢多默生字.
激心事, 多的事. 成日BARGAIN零用錢.......
總之, 依個年紀, 知D唔知D, 係要教啱佢地, 唔好俾佢地諗咁多藉口及歪理的.
作者: 祖明 時間: 13-5-24 16:14 標題: 引用：Quote:祖明+發表於+13-5-24+15:13+我部電腦
原帖由 黃巴士 於 13-05-24 發表
相信依度多數家長都歷過，話極佢地都唔聽。見到打机就失控。都要有心理準備，依种引誘會不斷及演变。小朋友 ...
有時會出手打(當然我極力阻止），所以我只會同佢呻下，其餘都係由我處理返
作者: 黃巴士 時間: 13-5-24 16:39
本帖最後由 黃巴士 於 13-5-24 16:44 編輯
祖明 發表於 13-5-24 16:14
我老公工作好忙，每日工時13個鐘，所以仔嘅嘢多數都係我打理，同埋老公如果同仔傾過，解釋過，而個仔又係咁 ...
男人就是這樣. 工作壓力大. 但我都堅持間中要DAD一齊教導的.
我是先與老公講, 男人聽了第1反應都會好嬲, 想即勁鬧佢. 但我會同佢講, 你先冷靜, 我要你點配合用你的權威去壓/勸下去?? 唔係打或鬧得甘就有用. 冷戰是第2蕉.
有時, 一句有壓力的說話, 好過我講10句. -- 這是我兩公婆的共識 - 不可出手!!
作者: Meikin 時間: 13-5-24 17:12
回復 祖明 的帖子
大家咁話啦! 我都有兩個仔, 都是double up. 再加埋老公, 有時是triple up添.
我發覺男女思意真的有別, 即是同是男的 (如兩兄弟)思想和性格也有異, 所以這些年來我要強迫自己多包容, 也放長雙眼看他們的進度, 我期望他們一年比一年有改進, 當他們中學畢業時可以唔洗我擔心.
試試好激氣時想想孩子們的優點, 退一步自然會豁然起來. 日子還要過, 仔還是要教, 激死自己都解沒不了問題.
作者: 祖明 時間: 13-5-24 17:21 標題: 回覆：俾個仔激到好心痛，今日•••••••終於忍唔住喊咗出嚟！
各jm，若果你哋又遇到咁情況，你哋又會點做呢？會罰、講道理亦或有其他辦法呢？我真係冇曬辦法，再係俾個仔咁激落去，相信好快要睇精神科
作者: Meikin 時間: 13-5-24 17:39
回復 祖明 的帖子
我就三管齊下 -- 定規矩, 犯矩就鬧或罰(視乎情況), 也不時講道理, 哦到佢怕.
自小至今, 阿仔開電視/用電腦一定要問准, 如用電腦盡量要我們在家時, 以免佢哋用作其他非功課手途. 然而自從大仔升中後有了自己的手機後, 在監管上都構成一定問題.
不過鬧還鬧, 我最終的目的是要訓練佢自律, 要辦完正經事才可以玩手機, 即使玩也要有時限, 不可沈迷.
哦咗年幾有多, 情況雖只有少許改善, 但沒惡化.
作者: vincher 時間: 13-5-25 00:50
本帖最後由 vincher 於 13-5-25 00:52 編輯
我仔D字又係超核突，起初接受唔到，當然罵罵罵••••
（又話遺傳多自母親!我D字都好oK！）
但細心想想，佢應該遺傳了爸爸的讀寫障礙，字差，記字難，錯字百出（照抄也如此）於是我決定放過自己！否則命都短D!升中後，我只要求升班!惟有等他開竅!
作者: orangebb 時間: 13-5-25 09:43 標題: 回覆：祖明 的帖子
睇完你個仔嘅情況, 好老實, 我真係唔覺好大問題, 都係一般小朋友, 甚至大人都會常犯嘅小問題。你都識講, 佢識講對不起, 又識流眼淚, 我已覺得對一個青少年係好難得。
嘗試下將標準定低少少, 唔會有一個方法一定有用, 要見步行步, 我小朋友(係囡囡)都有齊你仔嘅欠缺自制能力問題, 我都係間唔中話下佢, 好少直鬧, 多數係引導佢, 如做收銀理貨真辛苦, 想做乜乜要有大學學歷, 如送出國讀書要賣樓等等............小朋友細, 慢慢引導, 辛苦就預咗, 養兒一百, 無計。
放鬆少少, 試下從小朋友角度出發, 又叫下仔仔從你嘅角度去諗, 話佢聽, 緊張你係因為將來你幫唔到佢好多, 一定要靠自己。加油啦!
作者: 黃巴士 時間: 13-5-25 11:12
本帖最後由 黃巴士 於 13-5-25 11:17 編輯
vincher 發表於 13-5-25 00:50
我仔D字又係超核突，起初接受唔到，當然罵罵罵••••
（又話遺傳多自母親!我D字都好oK！）
但細心想想， ...
我都是放棄了對他字體的要求. 只求他似似樣樣, 不要再惡化便算. 用ENERGY勞氣在其他品德方面, 如果家長唔識保護自己, 邊有韌力同佢地長時間角力.
樓主 - 小朋友只是F.1, 陸續會有在成績上報喜不報憂, 理財, 花錢買BS卡, 講D唔講D, 呢呢啡啡, 唔洗校服, 唔守時, 為左打波忘記補習時間,自閉在房內, , 知道果份功課唔計分就馬虎, 美其名約同學做PROJECT, 其實做PROJECT 半小時, 打機2小時....... 唔明白父母苦心, 安排好課外活動時間, 俾埋錢, 仲要等佢地考慮清楚再等同意....
如是少事, 放底要求. 我們的孩子要成長了.
作者: 黃巴士 時間: 13-5-25 11:20
本帖最後由 黃巴士 於 13-5-25 11:29 編輯
Meikin 發表於 13-5-24 17:39
回復 祖明 的帖子
我就三管齊下 -- 定規矩, 犯矩就鬧或罰(視乎情況), 也不時講道理, 哦到佢怕.
我都是這樣!! 哦, 鬧, 勸, 講道理, 定規舉....
白頭髮多了不在話下, 有時激氣到, 一整天的情緒都俾灑佢地.
重覆犯錯~~~ 可能是他/她們青春時的專利.
無法, 多想他/她們乖的方面. 大家互勉之.
作者: csy_ma 時間: 13-5-25 11:47
嘻嘻，唔好話小朋友，我自己都成日打機，正事遲遲唔做，好彩我老公冇咩對此表示不滿（反而阿囡有），唔係真係會鬧家庭慘劇
作者: orangebb 時間: 13-5-25 11:51 標題: 回覆：黃巴士 的帖子
哈哈, 你真係講中哂, 尤其係做project個part, 真係一模一樣; 女兒同我講, 5-6個同學約埋做project, 有4個係到做自己野, 聽歌, 手機煲劇, 打機, 話得佢同另外一個同學真做心做, 所以, 聽聽埋埋, 其實只要唔係太過份, 真係算。
作者: hw1115 時間: 13-5-25 14:05 標題: 回覆：vincher 的帖子
我都係只要求阿仔升到班咋。
作者: 黃巴士 時間: 13-5-25 14:17
Meikin 發表於 13-5-24 17:39
而家大部份D細佬就係咁, 所以阿仔全完唔覺得自己有問題, 因為佢身邊個個都係咁, 相比之下自己已經好乖, 可能心裏重有些嫌我管得佢嚴呢.
完全同意. 他骨子裡, 都是有要求的人. 往往多理由去支持自己去放肆.
玩手提, 他認為自己已有節制. 大家把呎根本不同.
作者: reginayu 時間: 13-5-25 18:50 標題: 回覆：黃巴士 的帖子
今日見到呢個帖, 唔知點解會有d安慰咁。呢排因為就嚟考試, 阿仔總係唔緊唔緊咁, 見日子一日一日咁過, 但係d書又無點掂過, 我重驚過佢。靜係覺得好大壓力。佢小學時都唔係咁, 好聽話, 會自己緊張d成績, 點解升中學一年唔夠就咁大改變呢?
作者: 黃巴士 時間: 13-5-25 22:51
本帖最後由 黃巴士 於 13-5-25 22:57 編輯
回復 reginayu 的帖子
曾聽一位中六生分享，其中一至中三是食老本。因她小學基礎好。但至中四，開始發現主科成績已有下滑，此時才醒覺要馬上追回。如果小学根基好，加上小聰明，好多時都可係咁咦讀吓便有好成績。但朋友講見身边小朋友所見，這些基礎好的同学，未到下学期已落後。所以不論你小朋友是否此類型，我是不斷提醒他/她們不要自持及大安旨意(大把人跟尾，佢地無可能追到我)。又有另一种方法是由得佢跌。跌左知痛便醒。低中唔跌，高中跌就手足無措了。t如果他成績一往麻麻，就了解吓佢咩心態轉变
低中生，往往沒時間管理，往往覺得自己有大把時間可以嘥，有排至高中!1一mouth:" />mouth:" />
作者: vincher 時間: 13-5-26 01:18
回復 黃巴士 的帖子
我兒有讀寫障礙，沒有老本wor,
不過我趁升中，加強文言文訓練，
(可能好多人考完preS1，已放鬆晒)
反而中一有驚喜，中文成績不俗，當然
始終底子差，後勁不繼了！
你的最後一句：「低中生，往往沒時間管理，往往覺得自己有大把時間可以嘥，有排至高中!」
又完全中晒！
作者: 黃巴士 時間: 13-5-27 17:27
對住部手機, 好似四野無人咁, 叫佢就哦哦哦, 我話: 你知我問緊你咩咩?? . 真眼火爆.
作者: 祖明 時間: 13-5-28 00:59 標題: 回覆：俾個仔激到好心痛，今日•••••••終於忍唔住喊咗出嚟！
我仔又係，唔俾玩電腦同iPad ，就乸住部手機玩，同佢講乜都冇反應，嬲起上嚟收咗佢部機，俾部只可打出打入佢用
作者: annawong1122 時間: 13-5-28 04:12
祖明 發表於 13-5-24 15:13
我部電腦都係放客廳，唔敢擺入房就係驚有jm提到有以上情況，每次我都有規定打機時限，只要個仔問准，我都會 ...
作者: oscarmama 時間: 13-5-28 22:53
樓上所講，都發生我仔身上，起初我都好吾慣，但我明白越管佢越難學懂自控，同怎樣管理時間，而家好似放風爭咁，過份時就拉近d，真係好費心力，成日都要睇情況改變冊略，大家加油！
作者: 祖明 時間: 13-5-28 23:57 標題: 引用：樓上所講，都發生我仔身上，起初我都好吾慣
原帖由 oscarmama 於 13-05-28 發表
樓上所講，都發生我仔身上，起初我都好吾慣，但我明白越管佢越難學懂自控，同怎樣管理時間，而家好似放風爭 ...
作者: ken1999 時間: 13-5-29 08:19
我在play store內down 一個lock apps將全部遊戲set 密碼
作者: bb_2001 時間: 13-5-29 13:15
我大仔也是一樣, 他現在已是中三, 最近還給學校記小過, 因為冇做功課10次, 訓導老師仲打電話給我係咁哦... 我只叫他要填寫家課冊, 問了數次, 話寫了, 結果還是空白一遍, 真的火都來了.. 交帶他做的事, 10件只做了6, 7 件, 好似失憶咁.. 啲中文字也是火星字..
中一, 二時也是一樣, 他可以一路做功課, 一边放本課外書在身边, 边看書边做功課, 啲功課做得拿西, 分數低全不介意. 打機最開心, 真被佢激死.
只是, 最近我已增加對他的容忍度, 對他的要求降低, 可能我開始懷疑他有専注力不足症, 那就連他自己也不自覺.
對他, 我現在是一啖沙糖, 一啖臭臭. 要堅持的, 沒有議價空間. 考試温書要他往温習室, 因為那裡可以専注一些, 犯規就要罰, 嚴厲執行, 包括要他帶飯返學校吃, 沒收零用等.
但有時也要給點沙糖, 只怕他有事也不回來告訴我, 家.. 其實應是他的避難所.
我都唔知有冇效.. 其實..我好担心看他的手冊...
作者: 祖明 時間: 13-5-30 17:22 標題: 引用：我大仔也是一樣,+他現在已是中三,+最近還給
原帖由 bb_2001 於 13-05-29 發表
我大仔也是一樣, 他現在已是中三, 最近還給學校記小過, 因為冇做功課10次, 訓導老師仲打電話給我係咁哦... ...
作者: bb_2001 時間: 13-6-1 13:11
祖明 發表於 13-5-30 17:22
如果懷疑仔仔有專注力不足，最好盡快搵醫生評估，學習嘅路仲有好長，越早治療越好
...
其實早在高小時已覺不對，但聯想不一到與專注力不足有關，而且他的症狀也不太過明顯，只管罵他。 中一那年簡直想死. 學校實施扣分制，曰日見佢本手冊扣分忘扣到驚，不外是忘帶書，忘改正。 所謂B1英中，不過是谷成績，學生成長問題他們懶理. 扣操行分可至升不到班， 日曰打打罵罵，人都瘋癲了。現在大了些，這些專注力問題已不能用藥物去調整，只靠行為改善，向學校提出過要找社工作評估，結果沒消息， 社工也忙，不是她認為的大問題，她們也只給你官腔答覆。經調驗告訴我， 要調整對他要求和期望，要保持好的關係， 不是大件事，不理他，錯亦不加多評語，只要他知就行，進了3步，後退2步，計埋都進了一步。 家不能成他避難所，外边的拉力便會把他拉走。我也不能成他成長導師。
作者: Snowydiamond 時間: 13-6-1 18:23
其實佢囝囝喊即代表佢仍純品，只是佢仲細未識自律，來緊暑假俾佢參加領袖訓練營或黃埔軍校，我有好多學生參與後變得很積極和有責任心，個個心中有團火
作者: karen2323 時間: 13-6-2 10:39
我女又係咁，喜歡打機、睇youtube、聽歌，以前小五小六時都會緊張下自己的成績，現在上課心散，成日依賴同學抄手冊，無記性，6月中大考了，無心機溫書，拖得就拖，成日話多嘢記，多生字要串，一叫她溫書，一係就話我煩，一係就話眼瞓，打機、睇漫畫就精神晒！早兩日，仲同我講，話我當日找一間Band 1中學比她，純粹是為了在朋友面前威。
我聽到這番咁傷我心的說話，真的忍不住，在她面前淚如雨下，她立刻知道自己傷了我的心，立刻道歉，我以為她會生性，反省自己今年的學習態度，點知第二日又故態復盟，各位媽媽：你們又如何處理呢？
作者: 黃巴士 時間: 13-6-2 12:21
回復 karen2323 的帖子
中學的確很多科目要溫, 下學期功課/PROJECT/作文又多, 剛4月完成測驗, 6月又要期考, 而4月份的SBA, ORAL, LISTENING, GROUP DISCUSSION等, 都延伸了至5月. 之後, 期考前的各科小測又陸續有來, 新書又趕教授至期考範圍同步. 新知識- 先是串字起預習再了解課文溫, 再串熟生字. 基本上4月-6月是沒停過.
正所謂舊的才剛剛測完, 新的又來, 再來一次大翻身一年所學. 同學仔如沒計劃, 好易一堆書本無從入手. 因為他/她們好像似識非識, 似熟非熟. 沒有經驗, 真的讀到死吓死吓.
個人覺得, 不妨表達你對囡囡的諒解, 再協助她分配時間續少續少溫. 如10課, 先計劃溫1-2課, 等她慢慢培養回習慣. 打機, 聽歌, 絕對可以及正常娛樂, 間場可以讓她放鬆去玩一陣的.
希望可改變她心態, 不是只是不停溫書, 大家都有"玩"的時候, 不過"大玩"要在EXAM後.
作者: sancheng138 時間: 13-6-5 00:36
提示: 作者被禁止或刪除 內容自動屏蔽
作者: irene1128 時間: 13-6-5 01:43
做功課係小朋友責任,
我最怕見到家長話小朋友寫字唔靚, 做功課求其!
其實你囝仔已經算好好, 至少佢識講SORRY!
小朋友, 尤其已經升中後, 係需要放手..
佢今次做得唔好, 學校老師自然會罰佢
假如每次都要媽媽提先去做, 佢又點會意會到做功課係自己本分??
建議睇下尹建莉《好媽媽勝過好老師》
書入面提到一D方法, 真係好好!
作者: charmainng 時間: 13-6-8 13:56
不如比我分享我作為一個學生嘅感覺啦…
睇左咁多媽咪話教仔教女激氣，又要睇住仔女做功課…
其實，不如你地放開手，放開懷抱
我本身唔算一個乖學生，畢業於一間英文女校，溫書唔會有時間表，功課都唔會準時做…但我鐘意即興溫書，例如暑假，我可以連續成個月係房度睇chem書，自習，不知幾開心，但我一啲都唔鐘意做功課…我呀媽都好鐘意煩我！唉，雖然我明…但有時都心不由已…
有時候，溫書呢家野好抽象，唔係話逼就逼到…想溫自然會溫，唔想溫？你喊都冇用…同埋，有家長望住，其實學生好難集中…你要大膽放開手，比信心你仔女…
其實我中一至中三成績都一般…但之後就好似靈光打落天靈蓋咁…一直考全級頭幾名…呢家野，真係幾抽象…
作者: 黃巴士 時間: 13-6-10 13:12
本帖最後由 黃巴士 於 13-6-10 13:23 編輯
回復 charmainng 的帖子
當你將來為人父母, 你就會知道父母苦心.
在這裡的家長, 很明白仔女已是中學生, 很多都是上來呻, 很多是在這裡吸取意見, 須如何, 怎樣及幾時放手?? 哪個家長喜歡全天侯"人叮人", 沒私人時間呢??
如果家長每天都是很情緒化抽象回家/不回家/煮飯/不煮飯/做家務/不做家庭, 仔女又會否摸不著頭腦呢??
每樣事, 我都會教子女"將心俾己", 切身處地", 感受每樣事的處境.
青少年在學習, 難道家長不須學習嗎??
作者: smallfoothk 時間: 13-6-10 13:43
本帖最後由 smallfoothk 於 13-6-10 13:47 編輯
方法有待改善,上網就算大人都不能自制,小孩子多數更加不能自制,網上有很多software,可限制上網時間,同孩子商量平時可限制上網時間,到假日便冇限上網,手機換只可打電話,冇智能的.功課未做完,不用理佢,學校定留堂做,留堂多佢就乖乖做番好,朋友的比你的更差,手冊一遍空白,日日留堂至700pm,放鬆一點,...,世事難料朋友的現在是領袖生.
作者: grace_xian 時間: 13-6-12 14:49 標題: 回覆：俾個仔激到好心痛，今日•••••••終於忍唔住喊咗出嚟！
是自制能力的問題，所以我屋企一周內只有周五、六、日才准打機
作者: awah112 時間: 13-6-12 16:30
提示: 作者被禁止或刪除 內容自動屏蔽
作者: Keroroman 時間: 13-6-14 22:19
但願小孩們都能夠早日明白做父母的苦心........
作者: aeiou_drm 時間: 13-6-22 22:10
我仔小三, 都有時激到我發顛.
大家都加油啊.
作者: nc2000 時間: 13-7-6 23:57 標題: 引用：+本帖最後由+黃巴士+於+13-6-10+13:23+編輯
原帖由 黃巴士 於 13-06-10 發表
本帖最後由 黃巴士 於 13-6-10 13:23 編輯
回復 charmainng 的帖子
不同立場，只可盡量取平衡！但多數也是家長盡了責任，但子女未負起自己的責任而只懂呱呱叫你們不了解我！oh，你們又何常了解父母所做的？你們可以任性，不負責任，如父母也一樣，又會如何呢？
作者: talent2000 時間: 13-7-7 09:40
提示: 作者被禁止或刪除 內容自動屏蔽
作者: 精靈bb 時間: 13-7-7 12:27
都係一個問題,科技越進步,小朋友就越難教.
其實宜D要自小教佢,等佢習慣,好似我個仔咁,
佢細個時,我已經定下了星期一至5係唔可以開電腦,
如要用電腦做功課,做完佢都自動熄.
星期6同日就可以,
所以佢習慣左,至宜家6年級就升中啦,都係咁,
升中之後我唔敢講我宜個方法得唔得.
但宜家咁多年都OK.
我都好擔心佢升左中之後會大大改變,因聽得太多見得太多.
作者: talent2000 時間: 13-7-7 14:31
提示: 作者被禁止或刪除 內容自動屏蔽
作者: kuructy 時間: 13-7-8 22:43
回復 祖明 的帖子
同佢制定一份合約, 講明一日可以打幾耐機, 過左個時間就要罰, 罰D咩你同佢一齊傾, 例如係扣零用錢或者係要佢睇返一小時英文書, 或者一小時家務, 再重D就係CUT 上網, 一定要堅決執行。另外同佢講多D 打機多既後果係D咩........
| 歡迎光臨 教育王國 (/) |
Powered by Discuz! X1.5 |