教育王國

標題: 自行及統一派位都無報有ADHD問題? [打印本頁]

作者: 3625 時間: 13-5-21 21:01 標題: 自行及統一派位都無報有ADHD問題?

阿仔今年升小一，自行及統一派位都無報有ADHD問題，怕影响派位，因聽人講如派得唔好，想叩門都無可能，另外，我應該到派位學校上報定待學校發現去評估？

作者: hoveypan 時間: 13-5-21 23:13 標題: 回覆：3625 的帖子

係咪已經去咗估評估？如果係，學校到時係查到的。因為都係安排見心理學家，同做評估，跟住會send去政府。因為我之前政府同學校做評估的時間差不多，所以我就知。

作者: baubaulee 時間: 13-5-21 23:33 標題: 回覆：自行及統一派位都無報有ADHD問題?

如果未評估（還在等待中），統一派位又冇報，現在可以聯絡教統報上去嗎?

作者: 3625 時間: 13-5-22 10:29

其實當初見亞仔成日坐唔定同多嘢講，但係學校未有投訴，我們自行去政府評估，評咗係ADHD及自閉譜系，不過就無上報自行及統一派位，唔報都會查到？咁會唔會影響派位及叩門機會，入咗學校會唔會要你退學？

作者: chowqv 時間: 13-5-23 23:16 標題: 引用：其實當初見亞仔成日坐唔定同多嘢講，但係學

原帖由 3625 於 13-05-22 發表
其實當初見亞仔成日坐唔定同多嘢講，但係學校未有投訴，我們自行去政府評估，評咗係ADHD及自閉譜系，不過就 ...

點解唔報呢？自行係計分，叩門都唔打算同學校講？到時學校未必有支援俾小朋友。

如果行為上，學業上出問題，學校又唔知，煩既都係家長，何苦呢！我咁唸，學校收生，都要你情我願，隱瞞唔係一個好做法。如果一早報左，佢地收得，會同教處申請一筆少少既錢黎幫學生。而且等老順有所準備。

作者: Leungwailam 時間: 13-5-24 09:46 標題: 回覆：3625 的帖子

我小朋友都係adhd，依家中一拉，記得當時自行同統一時我冇報，你有係政府做評估，佢會自動同你sent去教統局及學校作支援，學校一定知的，至於中學就自願性質比吾比，比我選擇係入左學校先同佢地講，吾會叫你退學，統一無法子佢一定收拉，自行同叩門係佢地揀學生，你可諗下，我仔入左知道左比支援佢，一，二年級我可以用惡劣黎形容佢，後來知道點支援佢由成績吾好至到佢畢業，都算比D成績我睇下，所以都好睇果間學校架。

作者: ktgps 時間: 13-5-27 00:26 標題: 引用：阿仔今年升小一，自行及統一派位都無報有AD

原帖由 3625 於 13-05-21 發表
阿仔今年升小一，自行及統一派位都無報有ADHD問題，怕影响派位，因聽人講如派得唔好，想叩門都無可能，另外 ...

其實就係好多家長唔肯報，以為會影響派位。想想派位係計分的，如果為仔女好，真的要報，好等學校預早準備作支援，而且就算唔報遲早老師都會發現有問題，只會令老師覺得家長唔肯面對，到時對你小朋友都唔好啦！

作者: BeBe媽媽 時間: 13-5-28 10:14

我有個問題呀！如果唔報學校都知，而家之後會有支援+津貼for學校。咁點解升小一份表還要家長 tick呢？
（以我所知，唔報應該政府無額外錢比學校喎？）
另外，我最想請教咁多位，你地小朋友有冇食藥或any supplements or 魚油呀？
好想大家可以分享呀！因為我小朋友正面對以上問題。感謝！

作者: IvyPluto 時間: 13-5-28 13:30

我個仔因為是9月出世, 派位前未夠年齡做一評估,所以按一般小朋友去apply.  但入學前去聽了校長的介紹, 他說如果子女有任何學習上的需要, 只要有評估報告,他們一定全力協助學生, 從教署取得的支助也會全數用在學生身上.  所以我一夠鐘便排隊做評估, 在升小二時便把報告交給學校.  小二的班主任非常好,找她討何亞仔上堂的情况都有求必應, 雖然亞仔都會間中上課被其他老的罰, 但因為這間是比較傳統的基督教津校, 我已作好心理準備.

今個學年學校有一個專注力的課外活動安排給我的小朋友, 一共上了二十節, 每節一個半小時, 最後一節還安排負責的心理學家和家長講返小朋友的情况.  我上網查過, 那個機構如果自己去報暑期班要HKD500一個鐘, 也是小組不是一對一的.  而我的小朋友超喜歡去這個課外活動, 叫他做問卷調查, 5分滿分, 他不是4分便是5分.
所以報唔報真的要看學校本身和她的教育理念, 要小心選一間好的學校真是要家長自己花多些精神和時間.

至於我個仔,我還是覺得可以不吃藥便不吃藥, 因為凡藥三分毒.  我自己看了很多有闢ADHD的書, 也去聽講坐和上堂.
至於小朋友有吃EPA的鱼油, 有做音樂治療法, 除學校的專注力的課外活動, 他也去了耀能辨的專注力課程, 為期半年也上完.  現在他功課考試都OK, 一路在進步中, 我和丈夫也滿意了.

作者: bbfruit 時間: 13-5-29 18:35

回復 IvyPluto 的帖子

can you tell me what is the school name?

作者: wingzero 時間: 13-5-29 21:55 標題: 回覆：自行及統一派位都無報有ADHD問題?

我個女有Adhd，大抽獎時都有剔呢欄，結果都派第一志願，所以應該冇影響架喎!

作者: IvyPluto 時間: 13-5-30 11:28

我仔仔讀聖公會聖雅各小學 - 今年會搬返灣仔堅尼地道. 功課出名多,每個星期默一次書, 英文or 中文, 一年只考四次試, 冇測驗. 所以我有補習老師一星期五天睇著佢做功課,自己星期六、日同佢温默書,要跟得很足很貼的.

作者: IvyPluto 時間: 13-5-30 16:04

如果無記錯,因為私隱條例,當時我要簽同意書,CA才可以把我個仔的報告交給教署和學校. 好似CA那份報告只能在衛生署內傳閱,所以份小一入學表要家長自己選報定唔報.

歡迎光臨教育王國 (/)