教育王國
標題: 名幼定附近幼稚園？非常掙扎... [打印本頁]
作者: dragonwarrior 時間: 13-5-21 05:22 標題: 名幼定附近幼稚園？非常掙扎...
本來一心諗住報屋企附近既幼稚園，覺得接送較方便，有乜頭暈身㷫都即刻接到阿仔。
但眼見其他爸爸媽媽想盡一切辦法令小朋友入讀名校，我就想問，係咪我有問題呢?如果阿仔真係讀到名校，而我唔比佢讀，咁會唔會抹殺左比佢完全發揮潛能既機會呢?我意思係，如果佢有潛質變鯨魚，但我只比佢響河度游，咁點都變唔到鯨魚了!
其實點解各位爸爸媽媽都想小朋友讀名幼，之後讀名校呢?唔通只有咁，小朋友第二時先會變名人?定係因為自己讀唔到，想小朋友幫自己實現夢想呢?（我唔係想踩人架!自己都唔係名校出身，不過眼見太多人希望自己既小朋友替自己完成無法達成既願望...）
我都希望為小朋友選擇最好的，但點先為之最好呢?
作者: kumiso 時間: 13-5-21 07:16 標題: 回覆：名幼定附近幼稚園？非常掙扎...
應該係咁講，我認為能夠比到最好既野佢，我會盡力做，佢潛能有幾多？無人知，有待發掘，但我唔比機會佢第時佢埋怨我咁點好，如果我乜野都安排晒比佢，佢都唔珍惜同唔比心機讀，咁我都冇法啦，但我地碼做左家長既本份先。佢地而家咁細個冇選擇權同能力，好多時家長都唔敢輕率，而家街上面個個都係大學生，將來出來搵工要求可能仲高所以，個個都咁緊張囉
作者: mimwing 時間: 13-5-21 07:34
非常認同樓上，其實细時就要俾佢習慣，你唔比佢試，佢大個一定話你唔俾機會，俾佢試下啦，同你5元買匯豐，現在先買已經唔同
作者: dragonwarrior 時間: 13-5-21 07:48
Agree!
但如果要佢每日來回搭個幾兩個鐘校車，再有N咁多樣課外活動、興趣班（好似幾年前個M記廣告咁，又學小提琴，又學游水，冇得抖，企係M記門口唔肯走...），小朋友會唔會太辛苦，冇童年，冇童真呢?
作者: kumiso 時間: 13-5-21 08:04 標題: 引用：Agree!但如果要佢每日來回搭個幾兩個鐘校車
原帖由 dragonwarrior 於 13-05-21 發表
Agree!
但如果要佢每日來回搭個幾兩個鐘校車，再有N咁多樣課外活動、興趣班（好似幾年前個M記廣告咁，又學 ...
作者: bigheadchiu 時間: 13-5-21 08:11 標題: 回覆：名幼定附近幼稚園？非常掙扎...
其實每個家長想法都不一樣。冇話對定錯。亦冇話一個成功方程式。更沒有guarantee 。做家長最重要清楚小孩需要和自己期望，在能力範圍內作出適合的選擇。
作者: TeriAnla 時間: 13-5-21 08:22 標題: 回覆：名幼定附近幼稚園？非常掙扎...
樓主不要給壓力自己和受別人影響。每個父母都會俾認為最好的俾自己囝囡，每個人的最好都有所不同。每人心中名幼都不同。
經常見爸爸媽媽分享，沒有最好的幼稚園，只有最適合。名幼亦有很多不足之處。我地出嚟做嘢，讀名大學，中學可能好有幫助，但幼稚園我又唔覺有影響。名小學都係吸納最Top的學生，眼見讀地區普通幼稚園，都有很多例子考入名小學。
我相信你一定會選最適合的給囝囡。加油！
作者: peko5 時間: 13-5-21 09:28 標題: 引用：應該係咁講，我認為能夠比到最好既野佢，我
提示: 作者被禁止或刪除 內容自動屏蔽
作者: lovebb2 時間: 13-5-21 10:08 標題: 引用：本來一心諗住報屋企附近既幼稚園，覺得接送
原帖由 dragonwarrior 於 13-05-21 發表
本來一心諗住報屋企附近既幼稚園，覺得接送較方便，有乜頭暈身㷫都即刻接到阿仔。
但眼見其他爸爸媽媽想 ...
作者: bhsien 時間: 13-5-21 10:14
我覺得幼稚園唔需要讀名校, 反而越近屋企越好, 日日坐成粒鐘校車好慘架! 重有呀樓主你話你都唔係名校人, 咁點解一定要讀名校呢? 勉強要容入人吔ge圈子你同小朋友都會好辛苦.
好學校係要, 但大個d先la. 不如你search 下附近邊間幼稚園好d!
作者: poodlema 時間: 13-5-21 11:17
本帖最後由 poodlema 於 13-5-21 11:18 編輯
入名幼都係想幫助佢第時入名小再入名中, 係香港個遊戲規則, 入到名中, 其實對第時做野都好有幫助, 好多老闆請人, 如果有幾個比佢揀, 佢會揀名中果個, 而且好多名中O既同學, 第時可能做野都會幫到自己, 有好多會係大官貴人, 做老闆, 人際網絡係會比平平凡凡O既村校好D, 雖然好似好黑暗, 但哩個係事實, 係香港就係咁啦... 當然都有好多叻仔叻女讀村校都創一番事業啦, 哩個係佢地努力得返來, 凡事無絶對O既...
補充: 如果小朋友要丹居勞動先去到O既學校, 太辛苦小朋友啦, 咁都係讀村學近DO既好, 大個人先再舖路囉...
作者: dragonwarrior 時間: 13-5-21 11:53 標題: 引用：Quote:原帖由+dragonwarrior+於+13-05-21+
原帖由 lovebb2 於 13-05-21 發表
其實名幼都唔易考，有offer再用心比較，會更知道自己想點。
不過如果決定根本唔讀，就索性唔考lu
作者: dragonwarrior 時間: 13-5-21 12:09 標題: 回覆：poodlema 的帖子
多謝你提醒了多...我從來都冇諗過入名校為乜，直至幾年前有位朋友同我講，特登租左自己響旺角個單位比人，自己帶埋D仔女租左北角，為左入名校，等仔女識D「好同學」，第二時入大公司，搵好工都易D!我嗰刻先知，原來D人真係咁諗架!
作者: tabo.eddy 時間: 13-5-21 12:16 標題: 回覆：名幼定附近幼稚園？非常掙扎...
其實真係冇對或錯。完全個人喜好。亦唔係真係咁重要。有d家長有自己信念，覺得唔需要就唔需要，完全冇問題。
作者: solomonwong 時間: 13-5-21 13:04
dragonwarrior 發表於 13-5-21 05:22 
本來一心諗住報屋企附近既幼稚園，覺得接送較方便，有乜頭暈身㷫都即刻接到阿仔。
但眼見其他爸爸媽媽想 ...
我的意見係，讀近的幼稚園．
首先，近的幼稚園冇咁出名，就代表差ｄ？邊個專家講？
而有ｄ所謂好的幼稚園(唔係全部)，不外乎係提早吹谷學生，係咪真係好要將來先知，我就話揠苗助長，多數都係衰，
而近的幼稚園，你自己想像下，就知道對仔女有幾多好處．
作者: GCG 時間: 13-5-21 13:09 標題: 引用：本來一心諗住報屋企附近既幼稚園，覺得接送
原帖由 dragonwarrior 於 13-05-21 發表
本來一心諗住報屋企附近既幼稚園，覺得接送較方便，有乜頭暈身㷫都即刻接到阿仔。
但眼見其他爸爸媽媽想 ...
作者: KittyMelody1 時間: 13-5-21 13:40
bhsien 發表於 13-5-21 10:14
我覺得幼稚園唔需要讀名校, 反而越近屋企越好, 日日坐成粒鐘校車好慘架! 重有呀樓主你話你都唔係名校人, ...
我都覺得唔需要讀名校, 跟本讀名幼係自己家長虛榮心作粜, 名小學跟本唔係睇你讀邊間名幼而收, 係睇面試表現同關係, 一線神校仲講埋家長背景同職業. 識人個小朋友讀sc, 全軍覆沒, 最後走去讀二線小學only. 反而有親戚小朋友讀屋村幼稚園, 俾佢考到x守仁......既然係咁,, 做乜要個小朋友咁辛苦呢??
作者: happy.rita 時間: 13-5-21 14:06 標題: 引用：多謝你提醒了多...我從來都冇諗過入名校為
原帖由 dragonwarrior 於 13-05-21 發表
多謝你提醒了多...我從來都冇諗過入名校為乜，直至幾年前有位朋友同我講，特登租左自己響旺角個單位比人， ...
作者: dragonwarrior 時間: 13-5-21 15:34 標題: 引用：Quote:bhsien+發表於+13-5-21+10:14+我覺得
原帖由 KittyMelody1 於 13-05-21 發表
我都覺得唔需要讀名校, 跟本讀名幼係自己家長虛榮心作粜, 名小學跟本唔係睇你讀邊間名幼而收, 係睇面試表 ...
作者: taktakchichi 時間: 13-5-21 15:53
dragonwarrior 發表於 13-5-21 15:34
我都好同意呀!有時的確係家長們的虛榮心，甚至係一廂情願!我有朋友個女考入sc，讀到K2先發現唔適合自己個女 ...
個仔D同學其實平時主要用廣東話溝通, 英文老師每日都只係部份時間係度.
除非唔識英文同普通話又去咗讀英普班 (其實都無乜可能, 因為一定要通過評估先可以), 如果唔係無乜可能會溝通唔到.
我覺得無論去邊間幼稚園, 如果你一心諗住送個小朋友去學校就會幫仔教掂佢, 自己唔理個小朋友, 呢D問題先會出現. 如困係咁, 咁係邊間都幼稚園讀都會有問題啦.
讀名校, 要求自然高D, 家長付出亦要多D, 就算我平時唔同個仔講英文, 都規定佢睇Video主要都係睇英文版, 講話事主要講英文故事. 當有assessment, 或者老師對佢英文程度有意見, 都要花多D花間同佢練習英文, 例如得閒同佢當玩遊戲要10分鐘內只講英文.
No pay, no gain
作者: dragonwarrior 時間: 13-5-21 16:54 標題: 引用：Quote:dragonwarrior+發表於+13-5-21+05:22
原帖由 solomonwong 於 13-05-21 發表
我的意見係，讀近的幼稚園．
首先，近的幼稚園冇咁出名，就代表差ｄ？邊個專家講？
亦非常同意，邨校都可以有好既幼稚園!
其實學業其次，品德先係最重要。我亦明白近朱者赤呢個道理！學校我地可以選擇，但同學仔就冇啦!我好驚我仔一返學就曳十倍!名幼呢方面有優勢，最低限度，全部小朋友的父母也十分緊張自己的小朋友，我冇見過名幼小朋友兩行鼻涕響公園度自己玩!
作者: taktakchichi 時間: 13-5-21 17:28
名幼也好, 屋村幼稚園也好, 都一定有D較曳小朋友
學校係"協助"敎導小朋友o既品德, 屋企人先至係主要教到小朋友品德o既人.
你可以留意下屋企附近幼稚園o既學生, 睇下你自己覺將個小朋友交俾佢地睇你覺得有冇問題先.
恕我冒犯同歧視, 有D屋村幼稚園因為學費平, 仲要有教無類, 收咗好多低收入強國人同印巴藉人士o既小朋友, 呢D我真係唔係太接受到.
名幼其中一個好處就係呢種情況無乜可能出現. 就算有強國人, D強國人家長都較有修養, 而且唔少會去咗國際班.
作者: dragonwarrior 時間: 13-5-21 17:42 標題: 引用：Quote:原帖由+dragonwarrior+於+13-05-21+
原帖由 happy.rita 於 13-05-21 發表
如讀名中學，入唔到名大學，就算中學時識到啲有家底嘅同學，人地只會睇你唔起，唔會介紹份好工俾你。但即使 ...
就算入到名中，考第尾就慘啦!我眼見D
F5升唔返原校（頗名校），要去D差D既學校讀中六、七，個心又掛住母校，但又覺得有D「魚」唔敢返去，見到existing 母校既同學好似想避開咁!好淒涼呀!洗唔洗咁自卑呢?(of course it will never happen again because of DSE)
冇錯，我同c6都有D不太喜歡名校出身既同事!千萬唔好誤會我地妒忌!見過太多過於有自信的...呢個問題好嚴重!變左自大又自卑！若果係有成就嗰D，當然冇問題啦！但人有三衰六旺，有D恃著名校出身，唔肯由低做起，結果做了軟飯王（真人真事呀!）
唉...做人真係好矛盾架!
作者: dragonwarrior 時間: 13-5-21 19:49 標題: 引用：Quote:dragonwarrior+發表於+13-5-21+15:34
原帖由 taktakchichi 於 13-05-21 發表
利益申報, 我個仔都係讀SC, 係屋企我地主要都係同佢講廣東話, 但無呢個問題囉.
個仔D同學其實平時主要用廣 ...
我又無問喎!
我朋友話女女同學們大部分時間用英語或國語溝通!所以女女就好似自閉了...咁唔多講野既小朋友，老師就更唔會特別照顧，所以就惡性循環
佢父母有知識，有教養，媽媽係FTM，日日陪佢地温習、做工課架!考試時爸爸會攞成個星期假陪溫習架!絶不是那些交比學校就算的父母。我諗入得到sc的小朋友家長冇一個唔係「跟得夫人」囉!
作者: miss0217 時間: 13-5-21 21:20 標題: 回覆：名幼定附近幼稚園？非常掙扎...
我自己報咗八間幼稚園，除咗兩間頗有名外（因為近屋企至報），其他都係邨校或者普通幼園，全部車程唔過15分鐘。
我覺得不論幼園定小學，係唔係名就唔重要，最重要係適合自己小朋友，
作者: ArBbaba 時間: 13-5-21 23:11
我都覺得小時候，應該多D玩先岩。學業真係無乜謂。
可惜香港的教育制度太變態，只要你跟不上，學校就唔等你，掃你升班。入一間好的小學係幾重要，因為小朋友既程度太體上係跟住學校上，同學唔夠程度，老師都無可能教深入D。一年又一年，到左高中要升大學的機會又小了。原本升小random派位好好地，可惜... 好的學校很多都轉了直資了... 一個小朋友，要老師係十幾廿分鐘的面試中睇到佢既資質，真的不易，如果我是小學老師，好的幼稚園來的小朋友應該會加分的。
係呢個情形下，唯有試下考名校，考不到當然沒去子，考上了又跟不上，才諗轉返出來也可以。
作者: dragonwarrior 時間: 13-5-21 23:19 標題: 回覆：名幼定附近幼稚園？非常掙扎...
其實我好開心，仲有咁多咁理性既父母!
不過我真係好想問，有冇人夠膽出黎大聲咁講：
我唔會幫我小朋友報名幼 or
有名幼收左不過唔讀 or
我住九龍塘都冇報名幼 
知易行難，如果有人敢企出黎講，我除左想寫個服字比佢之外，我更希望佢可以同我地分享下佢既教育理念同湊仔心得，好讓我們參詳一下!
作者: dragonwarrior 時間: 13-5-21 23:24 標題: 引用：我都覺得小時候，應該多D玩先岩。學業真係
原帖由 ArBbaba 於 13-05-21 發表
我都覺得小時候，應該多D玩先岩。學業真係無乜謂。
可惜香港的教育制度太變態，只要你跟不上，學校就唔等你 ...
在下是否一位教師爸爸呢?好似萬分感慨，亦帶點無奈
作者: happy.rita 時間: 13-5-21 23:30 標題: 引用：Quote:原帖由+happy.rita+於+13-05-21+發表
原帖由 dragonwarrior 於 13-05-21 發表
呢樣都係我其中一樣既擔憂!
就算入到名中，考第尾就慘啦!我眼見D
F5升唔返原校 ...
如果一心只想小朋友「痴」到有家底的同學仔，你估同學仔的父母看不出來？我知道有舊同事叫自己的小朋友唔好同邊個小朋友玩，那小朋友只是幼稚園生
有勢利的父母想「痴」，亦有勢利的父母唔會被「痴」、甚至白眼 。
另外，而家好似喺九龍塘都叫做名幼，真係咁多名幼？
利申：沒有報所謂的名幼，因想小朋友之後讀國際學校，亦有心理準備小朋友考不上心儀的國際學校，要去大抽獎，讀地區小學也沒問題。坦白說，名校師資特別好？還是只是家長特別用心栽培？
作者: happy.rita 時間: 13-5-21 23:44 標題: 回覆：名幼定附近幼稚園？非常掙扎...
讀書生涯都係睇入唔入到大學、入邊間大學讀邊個系。
作者: dragonwarrior 時間: 13-5-22 04:57 標題: 引用：我自己報咗八間幼稚園，除咗兩間頗有名外（
原帖由 miss0217 於 13-05-21 發表
我自己報咗八間幼稚園，除咗兩間頗有名外（因為近屋企至報），其他都係邨校或者普通幼園，全部車程唔過15分 ...
作者: dragonwarrior 時間: 13-5-22 05:09 標題: 引用：Quote:原帖由+dragonwarrior+於+13-05-21+
原帖由 happy.rita 於 13-05-21 發表
我不是來自老牌名中，但不覺得來自老牌名中的大學同學過於自信，大家相處愉快。現在畢業十年了，無論同系或 ...
但對不起，你不能classify 在「不讀名幼」之列，你想小朋友讀國際學校啊!
當然不是「名校」啦!是「貴族學校」呀!
唔係浄係交學費喎!
唔知有幾多jm知道入讀前係要交debenture 呢?即幾$呀?夠比一成首期買四百萬樓下既樓呀！
我自問真係冇咁既本事啦
作者: dragonwarrior 時間: 13-5-22 05:18 標題: 引用：樓主不要給壓力自己和受別人影響。每個父母
原帖由 TeriAnla 於 13-05-21 發表
樓主不要給壓力自己和受別人影響。每個父母都會俾認為最好的俾自己囝囡，每個人的最好都有所不同。每人心中 ...
放心，我暫時都冇比太大壓力自己，我仔先得六個幾月，我已經幫佢諗埋讀U，的確遠了少許。我都想唔受人影響架!不過曾經陪我妹幫佢女撲去名幼稚園s交表，所以有D陰影
作者: monlingling 時間: 13-5-22 08:02 標題: 引用：其實我好開心，仲有咁多咁理性既父母!
不
原帖由 dragonwarrior 於 13-05-21 發表
其實我好開心，仲有咁多咁理性既父母!
不過我真係好想問，有冇人夠膽出黎大聲咁講：
而家九龍塘開到周圍幼稚園，其實好多九龍塘幼稚園都係好普通，神級的只是少數！
我自己眼見兩個親戚讀真正神級名幼再上神級小學，幼稚園開始補習，小學日日做功課做到喊，普通中產家庭但阿媽日日送完番學要襯住d闊太媽咪飲茶，放假人地去歐洲旅行叫埋你一齊去，仲話出錢請你，親戚結果都有去，不過唔好意思所以自己俾番錢。
我自己唔想過呢d生活，普普通通就好了，如果阿女真係有資質，小學中學再算。
其實自己有心儀的私小，不過等阿女大d先再諗適唔適合再決定考唔考。
作者: happy.rita 時間: 13-5-22 10:24 標題: 引用：Quote:原帖由+happy.rita+於+13-05-21+發表
原帖由 dragonwarrior 於 13-05-22 發表
Happy Rita,你是非常幸福的一羣啊!
但對不起，你不能classify 在「不讀名幼」之列，你想小朋友讀 ...
作者: dragonwarrior 時間: 13-5-22 12:30 標題: 引用：Quote:原帖由+dragonwarrior+於+13-05-21+
原帖由 monlingling 於 13-05-22 發表
我唔會報九龍塘果d名幼lor, 我只會報屋企附近果d, 我希望阿女開開心心。
而家九龍塘開到周圍幼稚園，其實好 ...
真係講得出，做得到!仲要過到自己!!!
我唔想見到我仔咁細果就做功課做到喊，更唔想佢日補夜補，為乜呢?入神級名校，唔通一心想個女做徐x淇?
連埋堆既資格都冇啦!請埋我去歐洲我都唔敢去呀!分分鐘唔係陪D闊太買cool 肚池同LB,係買hermxx 呀!
我都真係唔想咁!
作者: dragonwarrior 時間: 13-5-22 12:34 標題: 引用：Quote:原帖由+dragonwarrior+於+13-05-22+
原帖由 happy.rita 於 13-05-22 發表
我知我小朋友不是競爭直資、私小的一群，因考私小、直資很注重學術，但真正的國際幼稚園只重視小朋友的性格 ...
如果真係入到，咁小朋友之後係咪都會升國際中學，之後外國大學呀?
作者: TeriAnla 時間: 13-5-22 12:56
回復 dragonwarrior 的帖子
我都有報KLN TONG學校, 係咪名幼, 見人見志. 我係情意結大啲, 因為細個係個度讀書(幼稚園同小學), 行番個幾條街, 都有無限回憶.
我自己覺得父母對小朋友成長影響比較大. 而且每個人都有自己要行嘅路. 讀到名幼名小名中, 係咪就一片坦途冇人知. 當然某啲情況下, 名校出身有啲人際幫助, 但係咪識運用, 將來還是靠BB自己.
作者: Ononma 時間: 13-5-22 13:44
你地導出我好多相同唸法，我就係無報九龍塘啲神校，因為真係吾target local school.
但都要讀該區學校，因係近屋企, 可以自己接送。仲要特別簡local kinder，原因international primary school 真係吾易考，分分鐘連interview 的機會都無，所以kinder 時有底子，若然考吾到international school, 都有番少少能力讀 local 小學。
作者: Ononma 時間: 13-5-22 13:49
仲有，樓主，讀international school 吾一定代表有米，有時只係好吾認同本地教育的做法、政策！
作者: Ononma 時間: 13-5-22 13:59
比著我，我會簡一間最近屋企、教育環境合自己要、要小朋友又返得開心的學校 。
九龍塘越開越多幼稚園，有淪䧟的感覺，引申好多其它問題 (如校巴等），慨嘆！
作者: taktakchichi 時間: 13-5-22 14:46
Ononma 發表於 13-5-22 13:49
仲有，樓主，讀international school 吾一定代表有米，有時只係好吾認同本地教育的做法、政策！ ...
反而個D出咗名, 有多咗香港人報o既國際學校, 而經"港式"咗好多, 學費仲要貴到嘔 (起碼6萬一年)
除咗係咪名幼, 我覺得都要考慮下係咪去報D有聯繫小學(甚至中學)o既幼稚園, 因為咁樣煩少好多
不過講真, 有小學聯繫個D多數都係名幼.
如果考慮名幼, 個人覺得都搵D老牌子(歷史悠久) 會安心D. 始於佢地可以運作咁多年仲係咁多人爭, 一定有D同普通學校唔同.
好似SC咁, 學校會自行設計一D遊戲, 等家長可以同子女係屋企玩遊戲中溫習. 又會不定期同D學生做D專題研究, 例如今年K2研究"蟹", 真係叫D學生帶隻"活蟹"返學校養, 睇下隻蟹D行為, 仲邀請家長返學校即場煮蟹俾學生睇, 等學生睇下煮熟咗D蟹同活蟹o既分別. 其實呢D都唔係咩學術上o既訓練, 但係可以令小朋友更加喜歡返學同鍾意學習 (至少唔抗拒)
作者: happy.rita 時間: 13-5-22 14:57 標題: 引用：仲有，樓主，讀international+school+吾一
原帖由 Ononma 於 13-05-22 發表
仲有，樓主，讀international school 吾一定代表有米，有時只係好吾認同本地教育的做法、政策！ ...
作者: happy.rita 時間: 13-5-22 15:18 標題: 引用：Quote:Ononma+發表於+13-5-22+13:49+仲有，
原帖由 taktakchichi 於 13-05-22 發表
真正o既國際學校, 其實係target俾個D以非語為日常用語o既外國人, 而且其實要讀應該要由幼稚園開始, 九龍塘 ...
作者: poodlema 時間: 13-5-22 16:39
本帖最後由 poodlema 於 13-5-22 16:39 編輯
回復 dragonwarrior 的帖子
唔洗客氣, 因為我以前係大公司做大老闆秘書, 佢地真係咁請人架, 而佢地讀開名校, 又係真NETWORKING好好, 唔係D人係咁諗, 係哩個係事實, 係香港搞到個制度咁, 好多人都係靠人事, 如果靠實力? 都有, 不過要好叻好叻囉!
作者: miss0217 時間: 13-5-22 17:59
回復 dragonwarrior 的帖子
其實報8間係因為我仔仔係細仔, 雖然我住嗰區唔洗擔心無學位, 但我都係只有4間有得見..
同其他家長一樣, 未報前, 我會上kgp睇下心水學校資料, 之後就打電話問學校報名時間,
除咗有兩間on-line apply外, 其他6間都係我自己交form去學校, 順便睇埋學校環境, 同埋睇下老師表現
最後4間有2間有offer, 另一間頗為有名氣的係call waiting 時比offer
我最後揀咗間離屋企車程唔洗10分鐘0既中英文幼稚園,
最重要係見仔仔好鍾意呢間學校, 臨走時佢係想跟埋d小朋友行入課室,
(因為其他學校interview時, 佢係有皮氣的或者係唔聽指令)
所以唔好話小朋友唔識揀...
講真, 之後有間頗為有名0既幼稚園0係call waiting 時有offer, 我真係心動想轉,
但同老公傾過,同埋諗返仔仔interview時, 我最後都係reject offer
我哋做家長, 當然係想比最好0既自己仔女, 但最好0既係咪適合, 只有自己至知...
我希望做到係有選擇空間比仔仔, 而唔係安排最好比佢但無得選擇空間
作者: happy.rita 時間: 13-5-22 18:52 標題: 引用：回復+dragonwarrior+的帖子
其實報8間係因
原帖由 miss0217 於 13-05-22 發表
回復 dragonwarrior 的帖子
其實報8間係因為我仔仔係細仔, 雖然我住嗰區唔洗擔心無學位, 但我都係只有4間 ...
作者: Ononma 時間: 13-5-22 19:05
講到尾，香港現在的教育變晒，居然要幼兒階段就要父母和小朋友受重壓。
作者: TeriAnla 時間: 13-5-22 19:51 標題: 回覆：miss0217 的帖子
我都好相信囝囝的直覺，尤其囝囝一向靜冇咩脾氣，但去到一間名校佢未in完就指住門口要走，所以有時覺得可能學校唔夾囝囝。
作者: dragonwarrior 時間: 13-5-23 16:47 標題: 引用：回復+dragonwarrior+的帖子
我都有報KLN+T
原帖由 TeriAnla 於 13-05-22 發表
回復 dragonwarrior 的帖子
我都有報KLN TONG學校, 係咪名幼, 見人見志. 我係情意結大啲, 因為細個係個度 ...
如果你仲係住響你母校附近，咁最好啦!又有分加!你又知學校實際情況，分分鐘你小朋友會比當年教你的老師教番添!超sweet !
作者: dragonwarrior 時間: 13-5-23 17:23 標題: 引用：仲有，樓主，讀international+school+吾一
原帖由 Ononma 於 13-05-22 發表
仲有，樓主，讀international school 吾一定代表有米，有時只係好吾認同本地教育的做法、政策！ ...
不過我識D朋友讀 Island School, KGV, German Swiss, ICS, Chi international , etc... 全部都住山頂、半山...何文田、九龍塘...住新界嗰D就康樂園、淺月灣咁上下啦!如果咁都唔算有$，我都無說話講了!
當然，佢地梗係唔認同香港既教育制度啦！或者prefer 外國的教育制度多D!有$有得揀!冇$點唔認同都要讀架!
學費睇落好似唔係好貴，當然啦，K1 嗰D就幾千，升上去，學費都一齊升!仲有呀，未讀前要交三、四十萬debenture ! 的確唔係好多人負擔得起!
我有冇講錯先?
作者: dragonwarrior 時間: 13-5-23 17:25 標題: 引用：比著我，我會簡一間最近屋企、教育環境合自
原帖由 Ononma 於 13-05-22 發表
比著我，我會簡一間最近屋企、教育環境合自己要、要小朋友又返得開心的學校 。
九龍塘越開越多幼稚園，有 ...
唉，的確無奈
作者: taktakchichi 時間: 13-5-23 17:28
dragonwarrior 發表於 13-5-23 17:23
或者唔係富二代先可以讀international school...
不過我識D朋友讀 Island School, KG ...
作者: dragonwarrior 時間: 13-5-23 17:30 標題: 引用：回復+dragonwarrior+的帖子
其實報8間係因
原帖由 miss0217 於 13-05-22 發表
回復 dragonwarrior 的帖子
其實報8間係因為我仔仔係細仔, 雖然我住嗰區唔洗擔心無學位, 但我都係只有4間 ...
我個仔...帶佢去面試唔知會唔會打人呢?!
如果我留意到佢鐘唔鐘意間學校，我都會比佢自己揀!
作者: dragonwarrior 時間: 13-5-23 17:35 標題: 引用：Quote:dragonwarrior+發表於+13-5-23+17:23
原帖由 taktakchichi 於 13-05-23 發表
除咗debenture, 香港真正o既 International School, 淨學費起碼7萬一年起, 都唔係一般香港家庭所能負擔.
...
負擔得起的家庭一定要覺得自己幸福，比下有餘餘x 10!!!
作者: Ononma 時間: 13-5-23 18:32
知道啦樓主
此外吾知你附近幼稚園係咩類形，如果跟名幼教學方法差吾遠，又係該區幾好嘅，我會考慮，如果吾係，又真係名幼好D。
祝你快啲決定到，吾使咁煩啦！
作者: taktakchichi 時間: 13-5-24 09:36
本帖最後由 taktakchichi 於 13-5-24 11:57 編輯
我諗大家唔好只係著眼係幼稚園呢一環, 讀咩幼稚園, 跟你個小朋友日後讀咩小學, 甚至中學都有關係.
如果你樂於讀任何官津小學(由大抽獎決定你個小朋友讀o既小學), 咁真係讀咩幼稚園都無所謂.
但如果你係有要求, 諗住同個小朋友考直資/私校, 或者一定要入某些出名o既官津學校, 咁如果只係就讀一般屋村學校, 一定會比較蝕底 (除非你不停要你個小朋友參加其他課外動動, 訓練班)
作者: coffei1 時間: 13-5-24 10:25
taktakchichi 發表於 13-5-24 09:36
我諗大家唔到只係者眼係幼稚園呢一環, 讀咩幼稚園, 跟你個小朋友日後讀咩小學, 甚至中學都有關係.
如果你樂 ...
我有同事比個女讀HAPPY幼稚園, 好好彩大抽獎中左一間佢好鍾意嘅天主教小學, 不過谷到飛起, 個小朋友完全唔適應, 功課都跟唔上, 最慘係佢太太每晚同個女做功課時都閙大交, 好影響母女感情, 最後佢地都捨棄左本來最心儀的小學轉左讀IS.
呢個可能係個別例子, 但都有參考作用.
作者: taktakchichi 時間: 13-5-24 10:30
本帖最後由 taktakchichi 於 13-5-24 10:36 編輯
coffei1 發表於 13-5-24 10:25
如果諗住要個小朋友讀間好D嘅小學, 真係要好好考慮讀咩幼稚園.
我有同事比個女讀HAPPY幼稚園, 好好彩大抽 ...
我個朋友都係咁, 個仔細個時讀Happy School, 無功課. 小一入咗間好谷o既一線地區津校, 攪到個仔完全唔想返學, 過咗幾年, 想轉校又轉唔到 (唉, 佢地又唔甘心幫個仔轉去D"次一級"o既學校), 又無能力俾佢讀 IS.... 仲無奈.
作者: miss0217 時間: 13-5-24 11:53
taktakchichi 發表於 13-5-24 09:36
我諗大家唔到只係者眼係幼稚園呢一環, 讀咩幼稚園, 跟你個小朋友日後讀咩小學, 甚至中學都有關係.
如果你樂 ...
絕對同意, 我覺得唔讀名幼唔緊要, 但都搵返D有質數或者有多入心水小學0既幼園..
我今年都會報另幼園k1, (因為多小朋友入心水小學, 同埋師資環境比較好) 考到就讀, 考唔到就原園直升, 反正仔仔依家呢間都派得唔差...
作者: poodlema 時間: 13-5-24 11:56
我想問你地所講O既HAPPY SCHOOL係咪啟思果類?
作者: taktakchichi 時間: 13-5-24 12:03
本帖最後由 taktakchichi 於 13-5-24 12:03 編輯
poodlema 發表於 13-5-24 11:56
我想問你地所講O既HAPPY SCHOOL係咪啟思果類?
啟思間間情況唔同 (我只係知九龍塘個間D要求較高)
我朋友 (個仔上小學有適應問題個果) 係靈X堂
另外我知有D學校話K3前 (甚至成果幼稚園階段)唔會教小朋友寫字, 都會響小朋友 (如果小朋友日後讀一般官津校)
作者: miss0217 時間: 13-5-24 12:05
dragonwarrior 發表於 13-5-23 17:30
你仔仔好乖呀!冇咩脾氣!一定似爸爸或者媽媽
我個仔...帶佢去面試唔知會唔會打人呢?!
我仔仔絕對唔乖...呢樣似我...wakaka
但可能我同我老公都唔係讀書人, 我同我老公會注重佢品德多d
所以我會諗佢讀到書當然好, 讀唔到咪其他方法囉(雖然係行得辛苦), 但品衰的話, 讀到master都無用
放心, 你同仔仔in一兩間就會睇得出...
作者: miss0217 時間: 13-5-24 12:22
taktakchichi 發表於 13-5-24 10:30
我個朋友都係咁, 個仔細個時讀Happy School, 無功課. 小一入咗間好谷o既一線地區津校, 攪到個仔完全唔想返 ...
唔咁心係一回事, 但攪到連書都唔想讀咪仲大鑊...
我有個朋友, 佢弟弟小學時係讀精英班的, 之後就入咗band 1中學, 點知跟唔上進度, 年年變尾十, 最後中三縮班比人"西"出嚟, 之後入咗間band 4中學, 雖然係band4, 但讀得開心, 成績又好, 甚至讀到上大學,
講真, 次一等咪次一等囉, 如果佢跟得上又讀得開心, 都值得轉啦
作者: poodlema 時間: 13-5-24 14:39
回復 taktakchichi 的帖子
唉哎, 靈糧堂係我DREAM SCHOOL添...有D人就話跟到無問題, 有D人就話跟唔到, 我諗跟住果D係勁出去補, 但如果成日要出去補, 咁返學來做乜呢.... 好似無晒時間上興趣班咁! 但讀深果D學校, 又好似好辛苦咁, 真係矛盾!
作者: taktakchichi 時間: 13-5-24 15:13
poodlema 發表於 13-5-24 14:39
回復 taktakchichi 的帖子
唉哎, 靈糧堂係我DREAM SCHOOL添...有D人就話跟到無問題, 有D人就話跟唔到, 我 ...
話就話求學不是求分數, 但依家香港多數小學, 有幾多間唔求分數?
或者應該倒轉諗, 開頭花多D心機培訓小朋友, 到考到入D一條龍中小學, 咁日後又冇咁辛苦
作者: dragonwarrior 時間: 13-5-24 20:02 標題: 引用：知道啦樓主此外吾知你附近幼稚園係咩類形，
原帖由 Ononma 於 13-05-23 發表
知道啦樓主
此外吾知你附近幼稚園係咩類形，如果跟名幼教學方法差吾遠，又係該區幾好嘅，我會考 ...
其實我點知D學校既教學模式呢?你地知啦，學校既網頁一D都唔詳細，好多學校亦冇open day,唔通淨係靠口碑?同媽媽們既分享?會唔會太主觀呢?
就好似有D人覺得粉紅色超靚，但有D人就覺得
冇話啱定錯架喎...
作者: dragonwarrior 時間: 13-5-24 20:06 標題: 引用：Quote:taktakchichi+發表於+13-5-24+09:36+
原帖由 coffei1 於 13-05-24 發表
如果諗住要個小朋友讀間好D嘅小學, 真係要好好考慮讀咩幼稚園.
我有同事比個女讀HAPPY幼稚園, 好好彩大抽 ...
請問可唔可以舉D happy school 既例子呀!?我真係唔想佢讀呀!
作者: dragonwarrior 時間: 13-5-24 20:14 標題: 引用：Quote:dragonwarrior+發表於+13-5-23+17:30
原帖由 miss0217 於 13-05-24 發表
我仔仔絕對唔乖...呢樣似我...wakaka
但可能我同我老公都唔係讀書人, 我同我老公會注重佢品德多d
所以我會 ...
我真係覺得品德第一，讀書第二!
冇品，唔識同人相處，讀Oxbridge 都冇用啦!!!會孤獨終老架!
所以咪咁矛盾囉，我真係好怕D村校有巧多強國人，或者有好多冇乜人理既小朋友...出淤泥而不染，係一件好難既事
作者: dragonwarrior 時間: 13-5-24 20:18 標題: 引用：Quote:taktakchichi+發表於+13-5-24+10:30+
原帖由 miss0217 於 13-05-24 發表
唔咁心係一回事, 但攪到連書都唔想讀咪仲大鑊...
我有個朋友, 佢弟弟小學時係讀精英班的, 之後就入咗band ...
Band 4 既入U 百分率的確...
作者: dragonwarrior 時間: 13-5-24 20:24 標題: 引用：Quote:poodlema+發表於+13-5-24+14:39+回復
原帖由 taktakchichi 於 13-05-24 發表
如果你唔係target入一線名校學校, 一定無問題.
話就話求學不是求分數, 但依家香港多數小學, 有幾多間唔求分 ...
求學不，是求分數
作者: teambuilder 時間: 13-5-24 22:04
回復 dragonwarrior 的帖子
我覺得我女間學校幾好，番學主要係以主題同唱遊形式上課。一中一英班主任，英語老師全是native。我問我女番學係點，佢同我講既全都係圍繞唱歌同玩樂。二文三語都重視，每日都有普通話堂，n班已經教phonics了。學校雖然細同埋未及sc咁popular，但學校細其實都幾好，d老師認得晒d學生，打電話去學校問野一講已經知我女係乜水，好方便。我女間學校有另一個名叫playschool，就係咁解。
作者: miss0217 時間: 13-5-24 22:42 標題: 引用：Quote:原帖由+Ononma+於+13-05-23+發表知道
原帖由 dragonwarrior 於 13-05-24 發表
多謝你先!我諗通一定會公告天下!其實點先知
作者: taktakchichi 時間: 13-5-25 00:09
dragonwarrior 發表於 13-5-24 20:24
唔係呀!係咁讀架!
求學不，是求分數
無人願意去讀, 學校會面臨殺校問題
跟本就係香港家長同教育局一齊做出嚟o既惡性循環
不過真係有D直資同私立小學係無咁著重學生分數
作者: lingan 時間: 13-5-25 10:35
本帖最後由 lingan 於 13-5-25 10:35 編輯
路過搭訕，我女現在係N班小朋友，返緊一間距家約15-20min車程的英普"村校"。
我想講幾樣事實:
(1) 唔好以為車程15-20min 叫做近，因我小朋友要坐校車，我家居然係頭站，7:50am 要上車，所以各位報學校時，如果要坐校車，記得查清楚要坐幾耐。(不過年年小朋友位置不同，好多時都未必知) 我去年都無揀到九龍塘某校，但計返坐車時間原來差不多。
(2) 想知學校係咩模式教學，除上學校網頁及教育局網頁，一定要打去問學校，仲有問讀緊的人的口碑，上課情況等等，諗清楚是否啱自己的教育理念。最好係open day 去睇埋學校添。學校有冇用書? 幾時俾小朋友寫字? 有冇功課? 呢d 全部我都每間打去問的。
(3) 我女係讀英普幼稚園，我家係講廣東話的。佢適應沒有問題，我亦沒有刻意去講英同普。學校有教 phonics，咁好多嘢學校都教左，咪唔駛出去補囉。想仔女去唔去學呢樣果樣，其實全部係家長自己安排同決定的。
希望大家都揀到又考到心儀的學校。
作者: dragonwarrior 時間: 13-5-25 21:19 標題: 引用：+本帖最後由+lingan+於+13-5-25+10:35+編輯
原帖由 lingan 於 13-05-25 發表
本帖最後由 lingan 於 13-5-25 10:35 編輯
路過搭訕，我女現在係N班小朋友，返緊一間距家約15-20min車程 ...
咁請問你女女讀既「邨校」，其實係咪都係同區較好既學校呢?我怎樣能知道自己嗰區邊間學校較好呢?
作者: CatEgg 時間: 13-5-27 01:04 標題: 回覆：taktakchichi 的帖子
請問係邊間靈糧？
作者: taktakchichi 時間: 13-5-27 11:06
回復 CatEgg 的帖子
放心, 唔係你嗰間, 嗰間係黃大仙區
作者: ngchuklam 時間: 13-5-27 12:16
teambuilder 發表於 13-5-24 22:04
回復 dragonwarrior 的帖子
我覺得我女間學校幾好，番學主要係以主題同唱遊形式上課。一中一英班主任，英 ...
作者: taktakchichi 時間: 13-5-27 12:20
teambuilder 發表於 13-5-24 22:04
回復 dragonwarrior 的帖子
我覺得我女間學校幾好，番學主要係以主題同唱遊形式上課。一中一英班主任，英 ...
作者: crazymum 時間: 13-5-27 13:28 標題: 引用：Quote:teambuilder+發表於+13-5-24+22:04+
原帖由 taktakchichi 於 13-05-27 發表
如果我無估錯, 你個女讀緊個間係九龍塘樂基, 都唔易入
作者: taktakchichi 時間: 13-5-27 13:32
crazymum 發表於 13-5-27 13:28
樂基因為位少，難入過SC好多好多！
作者: dragonwarrior 時間: 13-5-27 22:25 標題: 引用：Quote:crazymum+發表於+13-5-27+13:28+樂基
原帖由 taktakchichi 於 13-05-27 發表
原來如此, 當日樂基同SC面試撞時間 (SC面試10:00, 樂基11:00), 所以我都無去
咁算唔算名幼呀?
各位jm可否講下邊D係名幼呀?（at least 響你心目中）
請不要用簡寫，我睇唔明
作者: Moonlight819 時間: 13-5-27 22:29 標題: 回覆：名幼定附近幼稚園？非常掙扎...
SC, Victoria, 根德園，基督堂（沒K1）等。
作者: dragonwarrior 時間: 13-5-28 00:20 標題: 引用：SC,+Victoria,+根德園，基督堂（沒K1）等。
原帖由 Moonlight819 於 13-05-27 發表
SC, Victoria, 根德園，基督堂（沒K1）等。
Thank you
作者: taktakchichi 時間: 13-5-28 00:37
dragonwarrior 發表於 13-5-28 00:20
咁樂基同協恩算明幼嗎?
Thank you
樂基不確定, 但都係難入
作者: miss0217 時間: 13-5-28 01:47 標題: 回覆：名幼定附近幼稚園？非常掙扎...
蘇浙，真光，玫瑰崗（依家仲出名wakaka)，培正，st. Paul K (spk)，st. Paul N (SPN)，民生.......但一間都無考過
作者: dragonwarrior 時間: 13-5-28 03:50 標題: 引用：Quote:dragonwarrior+發表於+13-5-28+00:20
原帖由 taktakchichi 於 13-05-28 發表
協恩算是名幼, 只得2班, 有數百人爭.
樂基不確定, 但都係難入
Wah 收兩班，但有幾百人爭 我諗大離份名幼都係咁上下!
作者: dragonwarrior 時間: 13-5-28 03:51 標題: 引用：蘇浙，真光，玫瑰崗（依家仲出名wakaka)，
原帖由 miss0217 於 13-05-28 發表
蘇浙，真光，玫瑰崗（依家仲出名wakaka)，培正，st. Paul K (spk)，st. Paul N (SPN)，民生.......但一間都 ...
難道自封?!
作者: dragonwarrior 時間: 13-5-28 03:57 標題: 回覆：名幼定附近幼稚園？非常掙扎...
我同c6傾開報邊度既幼稚園，我地都覺得響附近讀好D，尤其係N班。
不過，佢好可愛咁問我：「你會唔會唔開心架?因為你身邊全部朋友都係讀名幼...好似邊個同....」
你地會唔會因為咁而有D壓力呢?
作者: tabo.eddy 時間: 13-5-28 07:23 標題: 引用：Quote:原帖由+miss0217+於+13-05-28+發表蘇
原帖由 dragonwarrior 於 13-05-28 發表
Oh...原來有咁多名幼既...其實點classify 為名幼呢?
難道自封?!
個d名唔少人識同多人爭入讀果d咪係名幼囉。
大把名幼啦，仲有唔少地區名幼，如綠楊幼稚園，德福幼稚園，等等.....
作者: miss0217 時間: 13-5-28 07:43 標題: 引用：我同c6傾開報邊度既幼稚園，我地都覺得響附
原帖由 dragonwarrior 於 13-05-28 發表
我同c6傾開報邊度既幼稚園，我地都覺得響附近讀好D，尤其係N班。
不過，佢好可愛咁問我：「你會唔會唔開心 ...
作者: lingan 時間: 13-5-28 10:48
dragonwarrior 發表於 13-5-25 21:19
多謝你咁詳細既分享！
其實都好難講好定唔好，每人心中把呎都唔同。
對我來講，小朋友讀得開心，學校老師有愛心，學術方面不太差(我喜歡有書本)不太 push，admin 通知快而準，就已經算係好。每間學校都要 make profit，如果唔太濫收費，已經算好好。同區的比較，可能要看其他父母的 comment了。
作者: taktakchichi 時間: 13-5-28 11:06
dragonwarrior 發表於 13-5-28 03:57
我同c6傾開報邊度既幼稚園，我地都覺得響附近讀好D，尤其係N班。
不過，佢好可愛咁問我：「你會唔會唔開心 ...
早D瞭解, 早D為小朋友決定升學方向, 再決定揀咩幼稚園啦.
花多D工夫, 做多D準備, 總好過日後後悔為小朋友選錯方向
作者: littlecatmiko 時間: 13-5-29 00:11 標題: 回覆：dragonwarrior 的帖子
我女兒今年八月返pn 了，我大約報左10間學校，有名校，村校，全部都離屋企不太遠，最遠車程15分鐘（自己揸車）。 樓主選擇學校時，應該了解下學校理念是否適合自己小朋友，自己親身去睇下，e.g. 報名時，open day, 面試時。 網上或朋友意見只能作“參考“，因每個人要求唔同，我問朋友意見時，不會問這間學校好唔好，我會問關於課程，校園生活等問題，講真，除非間學校十分差，否則你問讀緊嘅家長佢地係唔會話間學校唔好的。 當我面試完後，我就知道那一間學校是心儀的，小女好幸運入了我首選的學校，而這間學校是很多人心目中的名校，但我不是因為該校的“名“而喜愛它，而是它的教學理念與我教導女兒的理念相似，另外從我在interview 時的觀察，女兒對這學校的反應而將它作為首選。這個世界只有你先知道那間學校適合你小朋友，希望這小小分享可以幫到你。
作者: dragonwarrior 時間: 13-5-29 03:08 標題: 引用：Quote:原帖由+dragonwarrior+於+13-05-28+
原帖由 miss0217 於 13-05-28 發表
我覺得呢D壓力好小兒科，更重要係間學校適合仔仔，而且呢D睇長缐的，就算成個學業中無讀過名牌，唔代表D乜 ...
不過呢，依然未諗通，點為之適合
作者: dragonwarrior 時間: 13-5-29 03:12 標題: 引用：Quote:dragonwarrior+發表於+13-5-25+21:19
原帖由 lingan 於 13-05-28 發表
其實都好難講好定唔好，每人心中把呎都唔同。
對我來講，小朋友讀得開心，學校老師有愛心，學術方面不太差 ...
真係無辦法做到咁好，一間學校有太多既組件了...就好似一個人，要由頭到腳趾都咁健康同靚，基本上冇乜可能
作者: dragonwarrior 時間: 13-5-29 03:16 標題: 引用：Quote:dragonwarrior+發表於+13-5-28+03:57
原帖由 taktakchichi 於 13-05-28 發表
趁仲有時間, 建議你留意一下依家中小學的教育同升學模式, 仲有大家升小一的煩惱 (嚟緊呢個星期六係小一大抽 ...
大家一直講緊既教學模式，其實係指邊方面呢?好抽象呀!可否舉些實際例子呢?
若果可以用一間半間KG黎做例子就非常好了
作者: dragonwarrior 時間: 13-5-29 03:25 標題: 引用：我女兒今年八月返pn+了，我大約報左10間學
原帖由 littlecatmiko 於 13-05-29 發表
我女兒今年八月返pn 了，我大約報左10間學校，有名校，村校，全部都離屋企不太遠，最遠車程15分鐘（自己揸 ...
親自去交表，順便觀察下間學校，的確係個非常好的提意!
其實教育理念都幾抽象，可否分享一下自己的教學理念同你心儀學生既理念呢?
自己揸車，車程十五分鐘，的確離家不遠。
我都有諗過自己揸車接送返學放學，不過又怕佢會冇左個學習自立既機會，呢方面你又點睇呢?
作者: taktakchichi 時間: 13-5-29 07:20
dragonwarrior 發表於 13-5-29 03:16
多謝你既建議呀!
大家一直講緊既教學模式，其實係指邊方面呢?好抽象呀!可否舉些實際例子呢?:love ...
| 歡迎光臨 教育王國 (/) |
Powered by Discuz! X1.5 |