教育王國

標題: 入到餐廳好驚要走 [打印本頁]

作者: llam1210 時間: 13-5-20 13:34 標題: 入到餐廳好驚要走

女兒兩歲二個月，昨日同佢去年間西餐廳有人唱歌live的時候，佢入到去就好驚咁話要走，我地試過同佢出去行一下等佢心情平伏後入過去仍然唔得大哭。我唔知係乜令佢咁樣。又唔似係因為嘈因為我們都有試過去有live餐廳。最後見佢驚到咁，又話要走點唔唔肯坐，唯有走。我想問a仔會咁嗎？點幫佢克服？

作者: Vichang 時間: 13-5-20 15:52 標題: 引用：女兒兩歲二個月，昨日同佢去年間西餐廳有人

原帖由 llam1210 於 13-05-20 發表
女兒兩歲二個月，昨日同佢去年間西餐廳有人唱歌live的時候，佢入到去就好驚咁話要走，我地試過同佢出去行 ...

我個囝仲麻煩，去幼稚園入課室interview 就要走。

（幾個月前）而家上左協康私人s位好似好左，不過都係成日喺課室行嚟行去，精力過盛。

作者: llam1210 時間: 13-5-20 22:45 標題: 回覆：Vichang 的帖子

我唔知呢d係唔係a仔的行為問題所以問下有其他媽媽有冇遇過呢種情況。老師曾告訴我女兒在托管的電腦室也是一入去又要走唔肯入去

作者: llam1210 時間: 13-5-20 22:45 標題: 回覆：Vichang 的帖子

或者你仔唔喜歡間學校？只是一間而已還是次次都係咁？

作者: cat1028 時間: 13-5-20 23:40

餐廳係咪好黑；一係喇叭太大聲；我囝坐車入隧道會緊張d,。

作者: pyalisa 時間: 13-5-20 23:55 標題: 回覆：入到餐廳好驚要走

可能係感覺統合問題，佢所接收的聲音和光缐，在腦演釋出來、比一般人大幾倍或小幾倍, 以致高度敏感或唔適反應. 找職業治療師。

作者: llam1210 時間: 13-5-21 00:18 標題: 回覆：cat1028 的帖子

係有些暗，但唔係真的咁黑，可能係射燈？我突然想起有一次去商場個女厠佢同我在厠格內又係大喊

作者: llam1210 時間: 13-5-21 00:19 標題: 回覆：pyalisa 的帖子

請問呢d情況會做些什麼治療？有冇一些班可星期日上？

作者: Vichang 時間: 13-5-21 00:37 標題: 引用：或者你仔唔喜歡間學校？只是一間而已還是次

原帖由 llam1210 於 13-05-20 發表
或者你仔唔喜歡間學校？只是一間而已還是次次都係咁？

次次都係咁，不過係半年前即18個月大去in N 班。其實我覺得未必個個a仔都係咁，我見過好多係對外界冇反應喎。認同係感統問題多過係唔係a仔問題。

作者: idak 時間: 13-5-21 08:39

我就覺得一些細膽小朋友都會, 好似囡囡個堂大佬, 連開門聲都驚, 重要尖叫, 搞到成屋人以為佢見到d乜﹗
我試過有次變聲同囡囡講嘢, 佢即刻樣都變晒, 好驚想喊咁, 我就笑笑口咁望住佢, 佢即刻知我同佢玩, 試多幾次後佢對奇怪聲音無咁大反應, 你帶囝囝去多d唔同地方, 再同佢解釋。

作者: hindip 時間: 13-5-26 01:06 標題: 回覆：llam1210 的帖子

以下是「甚麼是感覺统合失調」的廣東話版動畫的YOUTUBE 連結。

請 share 給朋友，讓有需要的小朋友及早得到恰當的專業支援及訓練。

廣東話版 Cantonese version :
https://www.youtube.com/watch?v=UDjKKsEvGC46&feature=youtube_gdata_player

歡迎光臨教育王國 (/)