請教怎樣引導小朋友在圖書館閱讀

dazkit

小朋友剛剛3歲，第一次帶他到圖書館，他似乎很興奮，四周拿書看，不過他拿了回來是在揭書，不是看書。我為他揀了幾本啱他年紀看的，他卻偏偏不看。我打算講故事給他聽，他又想離開去找圖書。如是者，他自己去拿書，回來揭完，又去拿書，回來又是揭書，走來走去，根本不是在閱讀。想請教大家jm 應該選幾本啱小朋友的書給仔看，還是隨他選擇自己想看的書？如何引導小朋友在圖書館專心看書？(平時我們每晚都有看故事書講故事的習慣，他可以好好地看書和聽我講故事的)

elmostoney

3歲係咁上下啦, 唔好要求太高, 再加上佢第一次去, 咁多野嘅"遊樂場", 如何會唔興奮? 我家老大而家可以自行坐低看書兩小時 (不論係屋企定圖書館), 係圖書館可坐左成兩個鐘都唔想走, 佢3歲時咪又係坐唔定, 本本書攞來揭下又放低! 我覺得係媽媽對3歲小朋友期望太高, 由佢自己發展, 係屋企多d同佢讀下書, 有多d唔同書比佢揭下, 咁已足夠.  對3歲嘅小朋友來講, 世界仲有好多可探索嘅地方, 佢想用哂所有sense去感受, 點會滿足於坐定定睇書吖?

elmostoney

習慣係慢慢build up嘅, 我家兩個孩子而家雖可自行閱讀, 但到晚上睡前故事時間, 都一定要我讀書, 即使個本書佢地有能力自己睇, 佢都一定會叫我讀, 有時話太夜, 唔讀, 會一副同我死過咁款, 寧願揀本好短好簡單嘅都要我讀.

3歲小朋友, 仲要好長時間去建立習慣, 最重要係不斷嘗試, 但同時唔好強迫, 否則小朋友覺得係苦差一件就冇咁大興趣.  只能夠話, 唔好諗住幾個月就得, 呢d苦心經營, 分分鐘係以年計.

當然, 我家基本上係接近零電視 (有睇少少, 但係成個星期都冇一次), 多少有幫助. 書同電視內容其實都係差唔多, 不過電視當然更真實更多影像更吸引, 習慣唔睇電視, 自然就會睇多d書.

ngchuklam

原帖由 elmostoney 於 13-05-20 發表
3歲係咁上下啦, 唔好要求太高, 再加上佢第一次去, 咁多野嘅"遊樂場", 如何會唔興奮? 我家老大而家可以自行 ...

I totally agreed

dada123

我都打算帶阿女多D去圖書館, 我們平日在家好少真係READING. 我覺得佢都冇興趣睇書...要開始俾佢習慣吓, 因佢9月升K1, 怕佢唔鍾意閱讀. 謝謝分享.

sunsun99

回復 dada123 的帖子

我個仔都系甘，9月讀ｋ1

griffinma

我仔仔升K1時都未培養閱讀既習慣，同佢睇兩頁就走，上左K1，因為學校晒十分鼓勵閱讀，會派書回家要求家長和小朋友看書並簽名作實，如能達到看書次數，便會有貼紙獎勵。仔仔返左K1約三個月，便養成閱讀習慣，每晚睡前都要和我一起朗讀，每次十本以上。現在每星期去圖書館借書。由於佢現在愛看OTR，我自己會讀&一些良好習慣系列，基本上每次帶佢去個d書既位置，佢會自己選書。不過佢選完會立即借，借完就走，好少留係圖書館睇書。

Arthur豬

回復 dazkit 的帖子

我介紹本繪本比你呀~ 係講一隻狐狸透過老鼠認識圖書館及認識圖書館的規則。
狐狸愛上圖書館
作者：羅倫斯．波利

elmostoney

父母要花時間讀比小朋友聽, 佢至知書係咁好睇.  如果只係帶佢去圖書館, 少左同父母閱讀呢部份, 即係叫小朋友自己摸索, 真係難d.  其實過去呢三四年, 我地保持平均每天為孩子朗讀20分鐘 ~ 1 小時, 極少間斷 (除左旅行).  最初去圖書館, 小朋友有興趣"聽", 又冇能力睇時, 我地讀成兩個鐘都試過. 而家老大大左, 去到就自己睇, 老二就一半一半.  就算近呢個月, 我都保持每日朗讀半小時至45分鐘.  

Atkse

原帖由 griffinma 於 13-05-30 發表
我仔仔升K1時都未培養閱讀既習慣，同佢睇兩頁就走，上左K1，因為學校晒十分鼓勵閱讀，會派書回家要求家長和 ...

Is your son studying in 靈糧堂？

griffinma

係呀

griffinma

原帖由 Atkse 於 13-05-31 發表
Is your son studying in 靈糧堂？

係呀，小朋友讀藍田靈糧，現在K1

bbtammy

回復 griffinma 的帖子

OTR即係咩呀?

griffinma

原帖由 bbtammy 於 13-06-03 發表
回復 griffinma 的帖子

OTR即係咩呀?

係ort至真，oxford reading tree

ckadull

其實小朋友頭幾次去圖書館, 由得佢周圍玩下先la, 先讓小朋友喜歡上這地方先~先喜歡圖書, 只要他不抗拒圖書, 遲d佢就會自己睇呢~^^

小洪寶

我小朋友都係甘，由bb睇布書開始，日日睇日日講，到一歲去圖書館，而家歲半都一樣，睇三四頁就揭番前面，再揭就走去攞第二本，我根本未正式講過完整一本圖書

Honey

坐唔定的小朋友唔需要特別帶去圖書館，要培養閱讀興趣，買多啲書在家睇一樣，我大仔細時好少去圖書館，要到佢4-5歲愛上恐龍，有目的地才去圖書館去找恐龍書睇，太細去反而花多眼亂，不如自然挑選（借/買）在家睇。