教育王國

標題: 點樣戒瞓覺尿片？ [打印本頁]

作者: muimui5 時間: 13-5-19 14:52 標題: 點樣戒瞓覺尿片？

a囡高頭大碼，未満六歲睇落有七、八歲咁大隻，着片瞓都間中漏尿。仲有邊隻片啱着？點先戒到瞓覺既片？

作者: cat1028 時間: 13-5-20 00:57

我囝剛開始介片，日夜都未完成，但我地放個痰盂係房，早上我仔會拍床制造聲音叫醒隔離睡房的我，醒來立即（快）去幫佢，有時忍唔住痾左我囝會除去片及褲，在房內玩，我囝房門外有門柵，雖然有教他自己坐痰盂痾，試過一次去完成腳尿，所以他選擇忍，等我幫佢。

作者: idak 時間: 13-5-20 08:40

我囡真係好難戒片, 都唔知佢真唔識定假唔識, 知vv要係廁所, 著褲仔就無濕, 著學習褲就即濕, 便便重搞笑, 識得去廁所呵小小, 呵完重自己歡呼..yeah晒﹗ 轉頭就賴多多.....唉﹗

作者: why-me 時間: 13-5-20 15:01

我仔7歲, 一年前都因為冇佢0岩著尿片, 迫住冇得偷懶, 一定要介. 一個月前先攪掂了!終於自己半夜識得叫醒我同佢去廁所. 過程: 每晚較定鬧鐘叫佢起床VV, 我仔10:00 瞓, 如佢果晚飲得湯多就1:00 Call 佢, 否則 3:00 呢個過程對我都好痛苦下, 因晚晚我都唔夠瞓, 間中賴濕又要幫佢換床舖, 所以記住要買定床墊, 以防床褥濕透. good luck.

作者: why-me 時間: 13-5-20 15:02

muimui5 發表於 13-5-19 14:52
a囡高頭大碼，未満六歲睇落有七、八歲咁大隻，着片瞓都間中漏尿。仲有邊隻片啱着？點先戒到瞓覺既片？ ...

趁夏天幫佢介啦, 唔好再搵尿片了, 呢日始終要對

作者: checkylam 時間: 13-5-21 15:32

我嗰個超唔鍾意著片, 但係佢唔會起身話去vv, 所以晚上一有就一定尿床, 但係佢濕晒咗一陣, 佢就會叫醒我哋話尿床, 濕晒, 要換衫褲, 有時晚上叫佢起身去vv, 佢都唔肯, 究竟點可以戒到呀!!!!!

作者: muimui5 時間: 13-5-21 23:35

我都好想今個夏天介到。特殊中心瞓晏覺已經冇俾佢用片，只會見佢一醒就氹佢去廁所，有時懶床時V咗。我最近也在weekend試晏覺唔着片，但有時miss咗佢醒果吓就V咗。

細B夜晚跟我，大A一向跟工人同房，依家個工人幾懶瞓，我自己撞入去整醒大A,又怕佢發俾氣吵醒細B，我自己唔夠瞓第朝點凖時餵奶送返學同返工！

歡迎光臨教育王國 (/)