教育王國

標題: 四歲先去做評估會唔會好遲? [打印本頁]

作者: bbsonyy 時間: 13-5-18 20:19 標題: 四歲先去做評估會唔會好遲?

朋友個女就四歲半，四歲時返健康院驗眼時，姑娘話佢講野好差，要即時見醫生，之後醫生幫佢排期做評估，不過要排幾個月

平時我見個小朋友每次只會講十個字左右的單句，冇乜見佢講兩句或以上，有口吃，緊張時特別嚴重，有時肉緊時就發出怪聲黎表達。其實就算佢講單句，好多時我都聽唔到佢講咩，不過佢媽咪就聽得明，所以我都唔肯定佢講得唔清楚，定個個小朋友都係甘。

請問現階段有咩可以幫到個小朋友??

作者: sumchanma 時間: 13-5-19 18:29 標題: 回覆：四歲先去做評估會唔會好遲?

學校老師有咩意見？排政府真係要排好耐，我個仔排咗成年見做到評估，除非你個小朋友好嚴重，先排得快少少。
我在排政府期間帶咗仔仔去私人做言語治療，起碼知佢咩程度，同埋在家同佢做練習，上咗10次私人再繼續等政府，但政府的言語治療好耐先一次！我仔仔係2歲半先開始講嘢，現在都講嘢唔叻，用詞彙少，句子唔長，問過老師都話同一般小朋友有距離，不過我多自己同佢講多些，冇再俾錢出去私人做！

作者: bbsonyy 時間: 13-5-19 21:12 標題: 回覆：四歲先去做評估會唔會好遲

因為我自己小朋友得兩歲幾，唔係好知其實四歲的小朋友應該講到咩??

作者: bbsonyy 時間: 13-5-19 21:14 標題: 回覆：四歲先去做評估會唔會好遲

請問邊到可做評估和言語治療??

作者: sumchanma 時間: 13-5-19 22:03 標題: 回覆：bbsonyy 的帖子

好多機構都得，例如協康會、社區語言協會、庭恩，可以在這版睇多些，應該有幫助

作者: bbiibbii 時間: 13-5-21 21:21

bbsonyy 發表於 13-5-19 21:12
因為我自己小朋友得兩歲幾，唔係好知其實四歲的小朋友應該講到咩??

四歲應該成句句子都可以講到,有對答能力~

作者: bluefox140 時間: 13-5-22 14:57

回復 bbsonyy 的帖子

你朋友嗰女真系差咗滴。我仔仔都4歲幾了，以前都見開言語治療師。現在可以答問題，識講有滴複雜句子，例如：因為。。。所以。。。嗰滴。

作者: kuenkuen_s 時間: 13-5-22 22:34

回復 bbsonyy 的帖子

你小朋友真係慢左Ｄ！要快Ｄ揾言語治療師啦！我小朋友個言語治療師幾好，之前做緊優惠，又唔洗等好耐，（我係平日時刻段差唔多即刻有得見），唔好錯過小朋友黃金期。你搵唔度適合的可ＰＭ你資料。

作者: bbsonyy 時間: 13-5-23 09:52 標題: 回覆：四歲先去做評估會唔會好遲

我同我朋友講下，睇下佢點決定先，我睇佢依家好似一心一意等政府安排甘，其實我一直都有同佢講佢小朋友講野係有問題，但係佢又唔理

我做外人都唔知可以點…… 睇住個小朋友甘，都幾心up

作者: kuenkuen_s 時間: 13-5-23 15:25

回復 bbsonyy 的帖子

我朋友喺衛生署兒童評估中心做，評估要等半年，治療等一至兩年，等到治療都唔係一天光晒，醫管局言語治療師可能只係每個月（或每兩個月）先見小朋友15分鐘，係，咁係叫有政府跟進。但係咪繼續等，家長真係要諗清楚，小朋友既時間冇左就追唔翻。

作者: fishchow 時間: 13-5-24 00:02 標題: 回覆：kuenkuen_s 的帖子

每個月見15分鐘？？效果會否微乎其微？

作者: kuenkuen_s 時間: 13-5-24 20:06

回復 fishchow 的帖子

係呀，所以要揾私人。小朋友時間寶貴，越早治療可及早追翻同齡進度。

歡迎光臨教育王國 (/)