教育王國

標題: 中英文班 VS 國際班 [打印本頁]

作者: COCOCURLY 時間: 13-5-16 16:22 標題: 中英文班 VS 國際班

如果讀國際班，家長要在家中再用廣東話教小朋友中文書的内容嗎？

作者: hedhed 時間: 13-5-22 13:05 標題: 引用：如果讀國際班，家長要在家中再用廣東話教小

原帖由 COCOCURLY 於 13-05-16 發表
如果讀國際班，家長要在家中再用廣東話教小朋友中文書的内容嗎？

你唔係讀國際小學要佢讀國際班，會害左個小朋友。係香港，中文肥左一樣無得入大學。

作者: JuliaCKL 時間: 13-5-22 13:22 標題: 引用：如果讀國際班，家長要在家中再用廣東話教小

原帖由 COCOCURLY 於 13-05-16 發表
如果讀國際班，家長要在家中再用廣東話教小朋友中文書的内容嗎？

我一向只同個仔（n班）講廣東話，所以我講故事都係用廣東話，但讀學校嘅故事書就會嘗試用普通話，佢都係明！唔駛怕佢混淆，佢哋分得好清！而且而家越來越多小學普教中，所以我覺得反而係等佢上小學時易上手d！

作者: rainbowcov 時間: 13-5-22 15:12

JuliaCKL 發表於 13-5-22 13:22
我一向只同個仔（n班）講廣東話，所以我講故事都係用廣東話，但讀學校嘅故事書就會嘗試用普通話，佢都係明 ...

請問你小朋友現在幾年班??

作者: taktakchichi 時間: 13-5-22 15:21

hedhed 發表於 13-5-22 13:05
你唔係讀國際小學要佢讀國際班，會害左個小朋友。係香港，中文肥左一樣無得入大學。

...

呢樣我都贊同, 如果個小朋友本身係講廣東話, 讀國際班, 除非本身國語或英文有一定水平, 唔係佢可能無辦法佢D同學溝通, 上堂根本都唔知做乜, 隨時有反效果.

同小學普教中性質唔同, 小學D同學平時都係用廣東話溝通.

作者: JuliaCKL 時間: 13-5-22 16:04 標題: 引用：Quote:JuliaCKL+發表於+13-5-22+13:22+我一

原帖由 rainbowcov 於 13-05-22 發表
請問你小朋友現在幾年班??

今年n班，佢同同學平時溝通都係講廣東話！

作者: COCOCURLY 時間: 13-5-22 22:19

我囡囡衣家讀緊PN國際班，主要用英文,而佢平常用英文溝通絕冇問題，不過普通話接觸很少，因自己普通話能力有限，所以平常唔會同佢講普通話，今年升K1我替佢揀咗國際班希望可以訓練到阿囡嘅普通話囉!但老公想我幫阿囡轉中英文班，因為怕佢唔識用廣東話認字讀字喎！

作者: bb36 時間: 13-5-23 00:18 標題: 回覆：中英文班 VS 國際班

我幫個女報咗國際班，都唔知啱唔啱。諗住唔得K丨至轉返中英文班

作者: taktakchichi 時間: 13-5-23 10:30

COCOCURLY 發表於 13-5-22 22:19
我囡囡衣家讀緊PN國際班，主要用英文,而佢平常用英文溝通絕冇問題，不過普通話接觸很少，因自己普通話能力 ...

讀唔讀國際班, 我覺得有好多因素要考慮下:

1. 如果小朋友真係係國際班遇上適應問題, 你係咪真係會幫佢轉番去主流班先? 我見過幾個朋友的經歷, 一心要個小朋友讀國際班, 但日常只同佢講粵語, 令到小朋友遇上不同的問題.
2. 日後你打算佢讀咩小學? 如果係官津學校, 就算一線個D, 多數都仲係以粵語為主 (尤其初小時), 如果粵語唔得, 仲大件事

要小朋友學語文, 唔係淨係問佢係學校上幾個鐘堂就可以. 依家由幼稚園開始, 都已經提倡家校合作, 如果學校一套, 屋企又另一套, 只會令小朋友更無所適從

作者: hedhed 時間: 13-5-24 10:07 標題: 引用：我囡囡衣家讀緊PN國際班，主要用英文,而佢

原帖由 COCOCURLY 於 13-05-22 發表
我囡囡衣家讀緊PN國際班，主要用英文,而佢平常用英文溝通絕冇問題，不過普通話接觸很少，因自己普通話能力 ...

坦白講，係香港唔識廣東話，佢點同你地以外嘅人溝通？佢總會要出去同街邊阿毛講嘢，佢總會接觸到唔識英文嘅人，如果你唔俾佢學廣東話，會癈左佢個社交圈一半以上。Bb朋友、家人可以就佢講英文，其他人唔會。我係咁睇囉。

作者: chungmavis 時間: 13-5-24 11:52

仲有除非本身家長英文真係好好, 文法完全正確, 如果唔係, 只係半咸淡既話, 個小朋友就會學埋晒d不倫不類既英文!! 係街聽到有d家長同個小朋友講英文, 但文法又唔啱, 真係聽到毛骨悚然架!!!!

歡迎光臨教育王國 (/)