教育王國
標題: 你們點樣為ADHD既小朋友簡小學 [打印本頁]
作者: 小草王道 時間: 13-5-14 12:12 標題: 你們點樣為ADHD既小朋友簡小學
我仔3歲, 未確診, 不過都怕學校會谷得利害. 又怕搵錯學校, 佢會讀得好辛苦. 而家又無半日既小學, 真係想佢舒服d都唔得.
你地點同小朋友簡學校架, 我而家心目中係小班教學, 測試考試少為目標, 有無其他野要注意呢
我唔怕佢學得慢, 我怕佢驚左讀書姐 
作者: llam1210 時間: 13-5-14 13:44 標題: 回覆：小草王道 的帖子
3歲揀小學？
作者: 小草王道 時間: 13-5-14 14:01
llam1210 發表於 13-5-14 13:44 
3歲揀小學？
睇定姐
作者: chowqv 時間: 13-5-14 21:16
你既未確診，幼稚園都未讀，點講小學。
ADHD都可以讀程度深既小學。
作者: 小草王道 時間: 13-5-14 23:06 標題: 引用：你既未確診，幼稚園都未讀，點講小學。ADHD
原帖由 chowqv 於 13-05-14 發表
你既未確診，幼稚園都未讀，點講小學。
ADHD都可以讀程度深既小學。
我擔心定姐，黎得呢版。自己既小孩都係有特別。總令家長擔心多d。
作者: wan_sosin 時間: 13-5-14 23:28
chowqv 發表於 13-5-14 21:16
你既未確診，幼稚園都未讀，點講小學。
ADHD都可以讀程度深既小學。
想請問,點樣嘅ADHD小朋友,可以讀到深既小學?要有什麼表現?我仔今年9月報小學了!
作者: external 時間: 13-5-15 10:16
如果有做過評估, 應該知自己的小朋友有沒有能力. 其實唔係揀一間深既小學, 係揀一間包容A仔既小學先最重. 聰明仔每間學校都有, 但老師只想要乖的小朋友
作者: polly0503 時間: 13-5-15 10:22 標題: 回覆：小草王道 的帖子
你要觀察下小朋友呢三年幼稚上堂的情況再決定。我想個女讀好些都係希望第二時佢唔好入到d好差的中學，雖然好同壞的中學都有壞學生但差中學相對會好多只係玩唔讀書的學生。
作者: 家希媽媽 時間: 13-5-15 12:47 標題: 引用：如果有做過評估,+應該知自己的小朋友有沒有
原帖由 external 於 13-05-15 發表
如果有做過評估, 應該知自己的小朋友有沒有能力. 其實唔係揀一間深既小學, 係揀一間包容A仔既小學先最重. ...
作者: 小草王道 時間: 13-5-15 13:14 標題: 引用：如果有做過評估,+應該知自己的小朋友有沒有
原帖由 external 於 13-05-15 發表
如果有做過評估, 應該知自己的小朋友有沒有能力. 其實唔係揀一間深既小學, 係揀一間包容A仔既小學先最重. ...
作者: 小草王道 時間: 13-5-15 13:15 標題: 引用：你要觀察下小朋友呢三年幼稚上堂的情況再決
原帖由 polly0503 於 13-05-15 發表
你要觀察下小朋友呢三年幼稚上堂的情況再決定。我想個女讀好些都係希望第二時佢唔好入到d好差的中學，雖然 ...
作者: pocoyo123 時間: 13-5-15 13:32
回復 wan_sosin 的帖子
有些ADHD是資優, 加上食藥後情緒OK, 記性好, 有些真係可讀深的小學.
我有朋友兒子大了, 不肯再食藥, 令到情況惡化, 和學校不體諒, 加上一路社交又差, 因只理成績, 無時間做訓練, 好多因素加埋, 最後都係上不到自己中學.
我覺得SEN小朋友選擇一間包容和體諒的小學係最重要, 成績是其次.
作者: external 時間: 13-5-15 14:43
本帖最後由 external 於 13-5-15 14:44 編輯
唔一定係好既小學就唔包容小朋友的. 我見過有些只是二三線的小學老師完全沒有耐性, 只是用罰來處理A仔. 這些小朋友大都是很多甩漏, 做完功課都可以忘記帶回校. 上堂唔專心, 但可能成績是好的. 如果你遇到一個包容老師, 一班包容的同學. 對小朋友自我認定既價值觀有很大的影響. 試想想, 如果每星期個老師都寫小朋友手册, 又打電話叫你食藥, 對媽媽都是一件很痛苦的事. 我們返工唔開心, 都可以轉工. 但小朋友想轉校就唔係一件易事
作者: wan_sosin 時間: 13-5-15 16:35
回復 pocoyo123 的帖子
見到你們所講,都係包容第一,成績第二,我仔其實學業表現唔錯,做功課都唔會拖,但係學校行為表現就激c老師嗰種,其實比人話得多,唔開心,都會唔鍾意讀書!我仔而家都已經唔多鍾意老師架啦!
我會考慮你們的意見!不過而家要搵有愛心嘅學校都唔容易!
作者: 小草王道 時間: 13-5-15 16:52 標題: 引用：+本帖最後由+external+於+13-5-15+14:44+編
原帖由 external 於 13-05-15 發表
本帖最後由 external 於 13-5-15 14:44 編輯
唔一定係好既小學就唔包容小朋友的. 我見過有些只是二三線 ...
作者: man811231 時間: 13-5-15 17:41 標題: 引用：Quote:原帖由+external+於+13-05-15+發表本
原帖由 小草王道 於 13-05-15 發表
今日評估完，自閉症普糸，非常活躍。排E,S位。醫生話比個早d既期我地見精神科。會幫我申請傷殘金，等我地出 ...
作者: 家希媽媽 時間: 13-5-15 17:52 標題: 回覆：wan_sosin 的帖子
我囝囝同你小朋友一樣，成績不錯，操行就令人頭痛。 我真係有啲後悔幫佢揀左呢間學校，囝囝學校太着重成績同操行，見佢好動就認定我仔就係曳，老師都打過電話投訴我仔奀皮。講真，老師唔多唔少都將佢標籤左，操行分又點會好。想幫佢轉一啲活動教學甚至IS，又怕錯左返唔到轉頭，我都頭痛緊
作者: 小草王道 時間: 13-5-15 17:58 標題: 引用：我囝囝同你小朋友一樣，成績不錯，操行就令
原帖由 家希媽媽 於 13-05-15 發表
我囝囝同你小朋友一樣，成績不錯，操行就令人頭痛。 我真係有啲後悔幫佢揀左呢間學校，囝囝學校太着重成績 ...
作者: 小草王道 時間: 13-5-15 17:59 標題: 引用：Quote:原帖由+小草王道+於+13-05-15+發表今
原帖由 man811231 於 13-05-15 發表
你的兒子在家怎樣活躍呢？
作者: 小草王道 時間: 13-5-15 17:59 標題: 引用：回復+pocoyo123+的帖子
見到你們所講,都係
原帖由 wan_sosin 於 13-05-15 發表
回復 pocoyo123 的帖子
見到你們所講,都係包容第一,成績第二,我仔其實學業表現唔錯,做功課都唔會拖,但係學 ...
作者: pollybell 時間: 13-5-15 22:20
搵有support 既學校勝過什麼有愛心既學校，幾有愛心都唔可以教好佢，認識同了解先幫倒佢.
作者: chowqv 時間: 13-5-15 23:47 標題: 引用：Quote:chowqv+發表於+13-5-14+21:16+你既未
原帖由 wan_sosin 於 13-05-14 發表
想請問,點樣嘅ADHD小朋友,可以讀到深既小學?要有什麼表現?我仔今年9月報小學了! ...
作者: external 時間: 13-5-16 09:49
對於成績好而行為社交上有偏差的小朋友, 有包容和愛心既老師比較重要. 相反,如果係學術上有困難的小朋友, 就要找一間有調適和支援的小學比較合適.
作者: chowqv 時間: 13-5-16 14:42
小草王道 發表於 13-5-15 16:52 
今日評估完，自閉症普糸，非常活躍。排E,S位。醫生話比個早d既期我地見精神科。會幫我申請傷殘金，等我地出 ...
咁奇怪既，排E/S位？
如果排E位，咁佢平時讀咩學校？
精神科醫生，真係要排，評估中心既都係寫得你嚴重少少，快慢都係精神科自己俾果日子。
作者: chowqv 時間: 13-5-16 14:43
wan_sosin 發表於 13-5-14 23:28
想請問,點樣嘅ADHD小朋友,可以讀到深既小學?要有什麼表現?我仔今年9月報小學了! ...
我個仔都係9月k3報小學。不過我已經唸好考邊間。
作者: BrianHoHoHo 時間: 13-5-16 14:54
chowqv 發表於 13-5-16 14:43
我個仔都係9月k3報小學。不過我已經唸好考邊間。
可以分享有咩學校嗎? 同樣9月報小學, 但因為佢專注力同情緒行為, 我要重新打算, 最慘未排到評估, 咁情況好唔好去睇私家呢?
作者: chowqv 時間: 13-5-16 15:09
BrianHoHoHo 發表於 13-5-16 14:54
可以分享有咩學校嗎? 同樣9月報小學, 但因為佢專注力同情緒行為, 我要重新打算, 最慘未排到評估, 咁情況好 ...
我揀果間學校，係
1.呢間學校有20分；而且係小班教學；而且幼稚園同呢間小學關系良好；
2.我之前有機會同呢間小學既校長傾過，關於我個仔既問題；佢地一路都收過唔少呢類學生；
3.我個仔學術上無問題，係一個唔悶得既學生；
4.相對呢間學校程度係深少少；因為佢地係普中教，英文，常識都係用英文，而我個仔英文程度好過中文好多；
一切一切，最後都要當事人喜歡呢間學校，對返呢間有期望；
至於你仲未排到評估，試下打個電話去問下。可能會快少少。始終小朋友要揀學校啦嘛。
作者: BrianHoHoHo 時間: 13-5-16 15:44
chowqv 發表於 13-5-16 15:09
我揀果間學校，係
1.呢間學校有20分；而且係小班教學；而且幼稚園同呢間小學關系良好；
多謝回覆, 其實都只係上星期先見姑娘, 未敢咁快打去問, 唯有自己心急多一陣啦.
我準備報考多幾間直資/私校, 因為聽講我果區(14)都比較傳統/多功課, 應該唔岩我個仔, 佢係坐唔定唔悶得既. 請問你揀的係咪私校?
作者: 小草王道 時間: 13-5-16 16:12 標題: 引用：Quote:小草王道+發表於+13-5-15+16:52+今日
原帖由 chowqv 於 13-05-16 發表
咁奇怪既，排E/S位？
如果排E位，咁佢平時讀咩學校？
作者: chowqv 時間: 13-5-16 16:40
BrianHoHoHo 發表於 13-5-16 15:44
多謝回覆, 其實都只係上星期先見姑娘, 未敢咁快打去問, 唯有自己心急多一陣啦.
我準備報考多幾間直資/私校 ...
不是呢，只係普通津校。
都唔係既，你試下7月初打去同姑娘講，小朋友要報小學既問題，睇下佢地點安排。
直資/私校，我唔知佢地點處理我地既特別孩子。如果佢地無經驗既話，入到去都會辛苦。
作者: chowqv 時間: 13-5-16 16:45
小草王道 發表於 13-5-16 16:12
而家返緊s位暫託。9月份返主流幼稚園k1。我都怕主流幼稚園會趕走我仔
...
哦，咁你有無同學校講左先呢？大家坦白d，等學校有準備嘛。
當日阿仔讀緊先評估左，我都係4行眼淚問校長。慶幸校長，主任，老師到ee都安慰我，話學校既宗旨，只要我有為阿仔排服務，佢地一定唔會請阿仔離校。果2個星期，我真係訓著都喊醒。我當時都有心理準備阿仔無書讀。
作者: 小草王道 時間: 13-5-17 07:10 標題: 引用：Quote:小草王道+發表於+13-5-16+16:12+而家
原帖由 chowqv 於 13-05-16 發表
哦，咁你有無同學校講左先呢？大家坦白d，等學校有準備嘛。
當日阿仔讀緊先評估左，我都係4行眼淚問校長 ...
作者: wan_sosin 時間: 13-5-17 23:10
chowqv 發表於 13-5-15 23:47
你應該有一份小一評估。咁份報告點講？
未有安排話做小一評估喎!
現時幼稚園老師對我仔最關注係佢行為係太衝動,唔諗就做!有時唔多留心,不過又從不認為佢學習有問題,每次見家長,成積放埋一邊根本唔會提,因為佢已經幾好!只跟我講行為問題!
作者: wan_sosin 時間: 13-5-17 23:13
pollybell 發表於 13-5-15 22:20
搵有support 既學校勝過什麼有愛心既學校，幾有愛心都唔可以教好佢，認識同了解先幫倒佢. ...
聽聞有d話有support嘅學校,都係無乜support!是嗎?我諗真係要有家長話間學校ok,先係真嘅.真係要查清楚!
作者: wan_sosin 時間: 13-5-17 23:15
回復 家希媽媽 的帖子
我都怕入錯學校,還有一間好嘅學校都未必個個老師咁好,都有小小彩數!
作者: wan_sosin 時間: 13-5-17 23:19
external 發表於 13-5-16 09:49
對於成績好而行為社交上有偏差的小朋友, 有包容和愛心既老師比較重要. 相反,如果係學術上有困難的小朋友, ...
你講得好有道理!我個仔開心的話,學嘢就可以好快!不過太過開心,就會得意忘形!
作者: 家希媽媽 時間: 13-5-17 23:26 標題: 回覆：你們點樣為ADHD既小朋友簡小學
昨日班主任同我講懷疑囝囝有ADHD，仲介紹一位相關醫生俾我，令我有啲意外，同時亦令我有啲改觀，起碼一直有留意我囝囝嘅情況，並不是一面倒負面印象
作者: wan_sosin 時間: 13-5-17 23:31
回復 小草王道 的帖子
有報嘅係乜嘢學校?都唔係間間學校咁唔接受!
我仔間學校,知道後班主任同我講,間學校入面,比我仔嚴重好多嘅都有,話我仔仍可以教!
另外我經驗係,如果老師覺得個家長係會盡量配合學校,一起努力教個小朋友,老師會覺得容易d,對個小朋友自然好d,我也會幫間學校做小小嘢!做下家長義工之類!我仔體能好,之前學校搵我哋代表學校參加親子兢技比賽,當然盡力去攞個獎返學校啦!現實d咁講,想人家幫多d,可以的話,都幫人多d!
作者: wan_sosin 時間: 13-5-17 23:33
回復 家希媽媽 的帖子
咁老師都係想幫你囝囝嘅,咁你囝囝會見醫生嗎?
作者: 家希媽媽 時間: 13-5-17 23:37 標題: 回覆：wan_sosin 的帖子
我已經約左醫生，因為我都想快對症下藥！
作者: wan_sosin 時間: 13-5-17 23:56
回復 家希媽媽 的帖子
快d知道點做好,對你都會好好多!嗰d心情我好明白,唔上唔落!
我個仔而家都仍然係唔上唔落,太細個又做唔到d乜,今日都激到我cc下,我同我仔今日出街,我仔係我住嗰層樓,踢甩隻鞋係電梯大堂飛落街,好在下面好少人會行!
活躍就係活躍,唔通綁住佢d手腳咩!而家個社會,又唔可以放個細路通山跑就算!
作者: 小草王道 時間: 13-5-18 00:15 標題: 引用：我已經約左醫生，因為我都想快對症下藥！
+
原帖由 家希媽媽 於 13-05-17 發表
我已經約左醫生，因為我都想快對症下藥！
作者: 小草王道 時間: 13-5-18 00:17 標題: 引用：回復+家希媽媽+的帖子
快d知道點做好,對你
原帖由 wan_sosin 於 13-05-17 發表
回復 家希媽媽 的帖子
快d知道點做好,對你都會好好多!嗰d心情我好明白,唔上唔落!
作者: 小草王道 時間: 13-5-18 00:18 標題: 引用：Quote:pollybell+發表於+13-5-15+22:20+搵
原帖由 wan_sosin 於 13-05-17 發表
聽聞有d話有support嘅學校,都係無乜support!是嗎?我諗真係要有家長話間學校ok,先係真嘅.真係要查清楚! ...
作者: external 時間: 13-5-18 01:01
學校好鍾意叫你做評估， 因為一證明到你係Ａ仔，每個都有津貼， 但會唔會support 你又另一回事。不過， 唔係個個都要食藥架， 其實係睇幾方面， 家長的接受能力，學校的接受能力， 學術上，社交上，小朋友自我的價值觀。以前邊有咁多呢Ｄ病， 個個都掛住揾食， 宜家個個都咁緊張。醫生同藥廠掛鈎都係某個程度上多咗人要食藥。
作者: 家希媽媽 時間: 13-5-18 01:04 標題: 回覆：wan_sosin 的帖子
我對住佢我都嘔血！我真係唔知任性硬頸好勝係咪ADHD症狀，下下都挑戰緊我咁！亦唔知係我鈍定係佢早熟，7歲仔可以反叛到咁，叫佢做一樣嘢叫好幾次，係唔做就唔做，眼定定咁望住你，挑戰你底線，之後見我想就嚟鬧佢先郁。我已經係咁叫自己冷靜，但有時頂唔順真係會打佢，打完又心痛
作者: 家希媽媽 時間: 13-5-18 01:08 標題: 回覆：小草王道 的帖子
我諗遲啲到我要睇醫生，因為湊佢真係好大壓力，但叫我放鬆真係好難，其他事我可以放底就放，唯獨佢嘅事就好上心，同各位家長一樣
作者: Tangaustin 時間: 13-5-18 01:35
提示: 作者被禁止或刪除 內容自動屏蔽
作者: wan_sosin 時間: 13-5-18 16:04
回復 家希媽媽 的帖子
其實要去做正式評估,因為有部份ADHD仔,加埋有對立反抗症(ODD),我仔評了有活躍之外,醫生寫時,也加上了反叛!
還好反叛方面,我覺得佢無嚴重落去,只係係學校明顯D,係屋企還可以,反叛嘅小朋友反而更要比愛心,小朋友覺得得到父母真正的關愛,可以援衝一下佢哋嘅極端!唔好同佢硬碰,會兩敗俱傷,還會加強佢哋嘅反叛!呢D我從心理學家,姑娘等等口中都聽唔少!其實唔一定ADHD就會任性!有時關乎本身小朋友性格!亦可能因為成日受管,壓力太大,產生反叛!
佢唔聽你講時,試下比佢坐埋一邊冷靜幾分鐘!溫和咁叫佢,唔好喝佢!佢反感的話,好難會合作!
作者: wan_sosin 時間: 13-5-18 16:10
回復 external 的帖子
我都聽過人咁講D學校係咁!
我有個朋友話我知,佢有個朋友個小朋友有D活躍,見了醫生,醫生話唔係ADHD,唔需要寫紙,返到學校,老師竟然叫個家長,一定要醫生寫佢係ADHD,叫個家長再搵返個醫生,醫生都話唔係!家長點要求到醫生!點可以無病話有病,而家D學校唔知攪乜!
作者: wan_sosin 時間: 13-5-18 16:12
家希媽媽 發表於 13-5-18 01:08
我諗遲啲到我要睇醫生，因為湊佢真係好大壓力，但叫我放鬆真係好難，其他事我可以放底就放，唯獨佢嘅事就好 ...
作者: 家希媽媽 時間: 13-5-18 22:54 標題: 回覆：wan_sosin 的帖子
多謝你意見及支持！我真係對ADHD知識仲好貧乏， 當醫生話我知囝囝有懷疑係ADHD，我仲一頭霧水。呢段時間多上網搵相關資料同留意各位媽媽有用嘅討論，才有多少少概念！我相信囝囝自己都唔想咁活躍，不過任性我就相信係佢性格！
作者: wan_sosin 時間: 13-5-19 00:48
回復 家希媽媽 的帖子
唔洗客氣,大家支持嗟!雖然我個仔只係剛5歲,但條路我已走咗幾年啦!我仔幾個月大,我已覺得佢似過度活躍,有d做咗媽媽嘅朋友,都同我講笑咁講,話佢過度活躍,所以很早就搵d嘢睇,但太細個,醫生都講唔埋!一直等到4歲去CAC....
一直以來,身邊識同唔識嘅人,都會比好多說話我聽!講都講唔晒!
但到而家,我都只係係氣路嘅起點!所以大家努力呀!
作者: pollybell 時間: 13-5-19 21:17
wan_sosin 發表於 13-5-17 23:13
聽聞有d話有support嘅學校,都係無乜support!是嗎?我諗真係要有家長話間學校ok,先係真嘅.真係要查清楚! ...
作者: wan_sosin 時間: 13-5-20 10:03
回復 pollybell 的帖子
多謝你的見解!咁點樣可以得到這些資料?
作者: pollybell 時間: 13-5-20 14:28
wan_sosin 發表於 13-5-20 10:03
回復 pollybell 的帖子
多謝你的見解!咁點樣可以得到這些資料?
作者: BrianHoHoHo 時間: 13-5-20 17:15
pollybell 發表於 13-5-20 14:28
學校網頁，討論區睇下。
真係多得有呢個平台, 令我開始有初步概念, 最緊要係有好多媽媽傾訴打氣, 大家加油呀!!!!
作者: BrianHoHoHo 時間: 13-5-20 17:22
wan_sosin 發表於 13-5-18 16:12
加油呀!唔好迫自己咁緊要,影響唔大嘅問題,有時隻眼開,隻眼閉,小朋友一次過你要佢樣樣都好,唔多可以,處理問 ...
AGREE, 迫得自己辛苦,對自己同小朋友都冇好處, 我反而當學校同姑娘話懷疑之時, 我對佢平日的行為有時可理解, 反而冇以前咁不停打罵, 同佢講, 盡量令佢冷靜, 雖然自己身心都好攰.....
作者: 家希媽媽 時間: 13-5-20 20:35
回復 wan_sosin 的帖子
其實我仔由細個都已經好動，不過可能幼稚園生活比較輕鬆同活動教學，所以問題無咁明顯。有時我又怕佢依家7歲才開始治療會太遲。又怕佢要長期食藥，好多問題響我腦...
作者: 家希媽媽 時間: 13-5-20 20:37
回復 BrianHoHoHo 的帖子
我同你一樣，未知道時真係唔明點解佢會咁曳；但當知道佢有咁嘅問題時，反而體諒多左，雖然都係好勞氣，甚至會自己忟自己(因為知道佢自己都唔想咁)
作者: wan_sosin 時間: 13-5-20 23:34
回復 家希媽媽 的帖子
我仔未返學,我都已經覺得佢有病!有d人信,但多數朋友唔信!但最清楚個小朋友都係自己,唔係學校要我仔去評估,係我同學校講,班主任留意多了我囝囝,開始覺得佢係有d出位!
可能我本身見得小朋友多(我係教會時不時教兒童主日學已有十多年了),大大約約都感覺到d小朋友係點!
同埋情願早d睇下,如果醫生話唔係,咁就安心囉,如果係,好似而家咁,就可以早d處理啦!
其實7歲都唔遲,好多小朋友都係小學先確診,我問過幾個機構,多數服務都係比小學生,給幼兒的服務反而少!
作者: BrianHoHoHo 時間: 13-5-21 09:34
http://www.ha.org.hk/kch/adhd/study-parent.html
這是朋友給我的.
作者: 家希媽媽 時間: 13-5-21 14:17
回復 wan_sosin 的帖子
佢細個時坐唔定，屋企人或者朋友都同我講"個個小朋友都係咁"；慢慢長大情況仍然係咁，不過身邊D小朋友都係咁，我又覺得"個個小朋友都應該係咁"；到佢上小一，情況又好似改善左少少(真係無咁好動，不過程度就加深左，即係一玩就開TURBO玩到癲晒失控)，我就睇到佢跟大部份小朋友有分別。
可能我身邊D朋友好多都未結婚，或者仔女係細過我仔，所以我比較唔到。佢5歲時我問過兒科醫生佢嘅情況，醫生未肯定佢係咪有(因為做評估時坐定，甚至可以提早完成)，所以叫我觀察一年。到今年班主任都有懷疑，我諗雖不中亦不遠。
作者: pollybell 時間: 13-5-21 18:53
回復 家希媽媽 的帖子
有無做訓練？睇醫生都係食藥，幫唔倒反抗行為，藥其實係興奮劑，比足夠既劑量佢地，high 夠自然咪停一停，藥力一過又打回原形，我覺得教佢行為 既skill 重要得多，例如你在班房唔專心攪攪陣，會有乜野發生，學小左野，影響同學老師，影響同學，同學唔中意同你玩，之類會引身既野，如果你無攪攪陣又會點？ 學校同屋企一齊做，老師見佢做倒多些讚佢，屋企都係，慢慢佢會改變，佢會記得被讚既感覺，罵係無用，越罵越反抗得多，乜都反你。
作者: wan_sosin 時間: 13-5-21 23:17
回復 家希媽媽 的帖子
其實十成人都會同你講,男仔係咁!個個細路係咁!無非想安慰下你!都係出於好心!
我會多謝佢哋嘅關心!不過就唔會信咁樣係事實!佢哋唔洗負責,我就要為我嘅決定負責!
所以我而家都唔會隨便講安慰人嘅說話!不過而家你都已經開始清晰你囝囝嘅情況,幾時都唔會太遲的!幾時都好,父母都會盡力愛自己個小朋友!
加油!
作者: 家希媽媽 時間: 13-5-22 13:47
回復 pollybell 的帖子
其實未到最後一步我都唔想俾藥。佢響學校唔算壞分子，佢唔會響課室走來走去，好多時俾人投訴都係因為上堂時同人玩，最好笑係次次都係因為人地撩佢玩佢就玩，佢好明顯自制能力係差。佢樣樣問題都有(多動、專注力弱)，但程度唔算嚴重，所以醫生話佢就算有都只算輕微，不過都要再觀察再評估先可以確定。
我自問係嚴，但唔係惡。呢7年來打佢次數真係一隻手數得晒；鬧都漸漸減少，尤其睇完醫生之後。我反而情緒愈來愈差，每次佢曳我就要立即走開冷靜，之後先同佢傾，有時我都擔心唔係佢有問題，係我有問題
作者: 家希媽媽 時間: 13-5-22 13:49
回復 wan_sosin 的帖子
真係好多謝你支持，及其他媽咪意見，令我覺得有人陪我。THXX
作者: pollybell 時間: 13-5-22 18:20
家希媽媽 發表於 13-5-22 13:47
回復 pollybell 的帖子
其實未到最後一步我都唔想俾藥。佢響學校唔算壞分子，佢唔會響課室走來走去，好多 ...
作者: 家希媽媽 時間: 13-5-23 11:18
回復 pollybell 的帖子
你講得啱。可能我得一個仔，身邊人都對佢好縱容，所以不知不覺對佢嚴，因為覺得家教好緊要，"父母唔教邊個教?" 依家好多人都同我講對佢太嚴厲，令佢覺得辛苦之餘我亦大壓力，同時亦忽略左佢感受，依家就慢慢學習放手俾佢試下。不過我嚴得嚟亦成日對佢又攬又錫，所以佢對我又愛又怕，一做錯事佢對住我就驚，相反就成日痴住我。我諗佢是非對錯都好清晰，只係自己控制唔到自己再犯，呢樣就係我地一齊去解決嘅問題。
| 歡迎光臨 教育王國 (/) |
Powered by Discuz! X1.5 |