教育王國
標題: 誠心請教: 如何令小朋自動波温中默 [打印本頁]
作者: NT-1 時間: 13-5-12 23:41 標題: 誠心請教: 如何令小朋自動波温中默
小女讀英小小一,覺得中文字難記難默. 自問小學的中默範圍巳經比傳統津小為窄. 默寫量亦不大.但她就是怕. 每次中默要用上3,4天準備(但其實只需温約 10 - 20 個配詞total). 什麼形聲,形象, 部件组合方法也用上. 温完唔記得再教加要她重覆抄寫, 但都會有機會唔記得. 小一學年尾段了, 仍然十分依賴我在旁督促指導,冇意識要靠自己温習和抄寫(已教了她如何温習無限次). 今晚收工後再抽問,她又唔記得.我問佢知唔知下星期要中默.佢答知.我再問她有冇諗過過要自己温,她答冇. 我聽到後好無奈好Upset. 想唔理佢由佢自己炒鑊咁,但老公又認為小女未開竅,無需太心急push 佢. 咁自己諗吓,自己都好似要到小三,四先開始知要自己温書. 如果妳哋係我,會點做?
註: 她認字不俗,亦有中文親子閱讀習慣. 中文書唔係佢首選, 但都會在要求下讀些淺易圖書. 不過,她真係又怕又驚記默中文字
作者: NT-1 時間: 13-5-12 23:48 標題: 回覆：NT-1 的帖子
附加: 她冇讀寫問題. 亦唔覺她是attention seeking. 事實上,她每次默書成绩不差. 祇不過, 我覺得要投入大量時間温少量中文字很不值. 又驚上小二唔知點算
作者: 囝囝mama 時間: 13-5-13 01:26
本帖最後由 囝囝mama 於 13-5-13 01:28 編輯
回復 NT-1 的帖
作者: nakoko 時間: 13-5-13 14:06
NT-1 發表於 13-5-12 23:41 
小女讀英小小一,覺得中文字難記難默. 自問小學的中默範圍巳經比傳統津小為窄. 默寫量亦不大.但她就是怕. ...
慢慢黎啦,一年班想要求佢識自己默書同默寫順利??始終中文冇任何拼音幫佢地,係純靠死記,我仔p.1時中默都要準備一個星期架,通常頭兩日都抄一遍,第三日就試默,邊d字特別唔得,該字就抄多幾次,之後果幾日就正式默,現在p3好好多,通常抄一次就已經ok,至於要放手比佢自己默,真係好有難度喎,除非我唁介意佢既成績啦
作者: momama 時間: 13-5-13 20:43 標題: 回覆：誠心請教: 如何令小朋自動波温中默
佢係全部科目都靠你？定係只限中默？
作者: NT-1 時間: 13-5-13 20:55 標題: 回覆：momama 的帖子
其實係全部subjects都依賴我. 不過, 佢用唔到拼音法去記中文字, 所以很花時間記.
作者: NT-1 時間: 13-5-13 20:57 標題: 回覆：NT-1 的帖子
To: Nakoko
聽妳咁講, 我都安心少少
作者: cc_2012 時間: 13-5-13 21:30
NT-1 發表於 13-5-12 23:41 
小女讀英小小一,覺得中文字難記難默. 自問小學的中默範圍巳經比傳統津小為窄. 默寫量亦不大.但她就是怕. ...
無法子;讀書黎計最冇用就係默書(指無大意義),根本明都明,識得寫又點?
默完過得一星期,乜都忘記
我用斬件式,一課書分四、五份,記熟一 part先第二part,最後先全課默一次,三、四日冇得走
作者: momama 時間: 13-5-13 22:31 標題: 回覆：誠心請教: 如何令小朋自動波温中默
默書點會係冇意義呢？
作者: momama 時間: 13-5-13 22:32 標題: 引用：其實係全部subjects都依賴我.++不過,+佢用
原帖由 NT-1 於 13-05-13 發表
其實係全部subjects都依賴我. 不過, 佢用唔到拼音法去記中文字, 所以很花時間記.
...
作者: cc_2012 時間: 13-5-13 23:36
momama 發表於 13-5-13 22:31
默書點會係冇意義呢？
是指小朋友連個字或詞點解都未知,更唔好話識用,
但又要因默書「監」硬要記,唗時間之餘轉頭再問番都係冇左!!
在功課多之時又撞上默書,真係唔知顧邊頭
一些較開放的學校已不會要學生死默書,較著重理解
哈哈~好像離了樓主的題:;pppp:
作者: momama 時間: 13-5-14 07:24 標題: 回覆：誠心請教: 如何令小朋自動波温中默
一般係教完課文先默書，點解會係唔明？係學校教得唔好？
作者: lestat 時間: 13-5-14 09:12
cc_2012 發表於 13-5-13 23:36
是指小朋友連個字或詞點解都未知,更唔好話識用,
但又要因默書「監」硬要記,唗時間之餘轉頭再問番都係冇左! ...
理解固然重要, 但識寫都一樣重要既, 唔識寫又點造句, 點去運用呢.
作者: lestat 時間: 13-5-14 09:40
NT-1 發表於 13-5-12 23:41
小女讀英小小一,覺得中文字難記難默. 自問小學的中默範圍巳經比傳統津小為窄. 默寫量亦不大.但她就是怕. ...
慢慢教, 佢對中文字構造未掌握到, 所以每次都係死記, 所以好吃力, 自然唔想溫, 試下就算平時唔使默書, 每日都同佢溫少少常用字, 等佢習慣, 起碼唔會抗拒先, 加油丫~
作者: Meikin 時間: 13-5-14 09:44
放心啦啦! 除了少數自律及對自己有要求的孩子外, 99.9%的孩子在初小(甚至高小)都唔會自動波温書, 玩就會自動波. 在他們而言, 玩樂>功課>温習. 我記得當年年紀小也是這樣. So take it easy.
作者: NT-1 時間: 13-5-14 10:20 標題: 回覆：momama 的帖子
我明白. 讀書始於要靠自己. 但係小朋友唔係早熟型,未開竅, 做嘢唔會自動波. 香港課程又行得快,教一堂就expect 小朋友明晒. 我知有小朋友好快吸收到亦唔炭.依賴,不過一定唔係我個囡. 我又唔想靠補習,外加深信知識一定要底子打得好, 所以自己落手落腳一路督促,一路提醍她讀書eventually 要靠自己. So far, 我覺得佢最吃力就是記寫中文字, 而正是這原因令她最怕中文. 所以想問吓其他媽咪分享意見.
作者: NT-1 時間: 13-5-14 10:32 標題: 引用：Quote:NT-1+發表於+13-5-12+23:41+小女讀英
原帖由 lestat 於 13-05-14 發表
慢慢教, 佢對中文字構造未掌握到, 所以每次都係死記, 所以好吃力, 自然唔想溫, 試下就算平時唔使默書, 每 ...
作者: momama 時間: 13-5-14 10:35 標題: 回覆：誠心請教: 如何令小朋自動波温中默
喜歡看中文書嗎？
作者: marcuscyrus 時間: 13-5-14 10:53 標題: 回覆：NT-1 的帖子
可以慢慢guide佢點樣溫習，一路陪佢摸索合佢風格的溫習方法，然後慢慢淡出。我覺得要放手讓小孩獨立都不是一刀切，能天生獨立的孩子萬中無一。
作者: chanwendy 時間: 13-5-14 11:40
我女都係小一, 每次書其實都係一課課文啫, 唔多的. 通常默書前功課就會例必抄課文一次, 可能默書前會總共抄兩三次啦, 通常我女做完抄寫功課, 其實已經識背同識默晒架. 唔知呢個方法對樓主有冇幫助.
作者: jollyma 時間: 13-5-14 12:17 標題: 回覆：誠心請教: 如何令小朋自動波温中默
係咪之前間幼稚園太側重英文？以致佢唔太適應中文學習模式，我都好興幸阿女間幼稚園中數都強，眼見好多人上到小一先後悔，慢慢來啦，小一係咁架，自動波就一定未得住
作者: MonkeyGirl 時間: 13-5-14 12:25
回復 NT-1 的帖子
我女溫中默好快, but study Eng Dict ..好 慘, 用好多時間....
中文 - 其實我幫佢講 故仔咁記...不過佢係like 中文多過英文, 所以佢會事半功倍.. i.e "還"字, when my girl is at P1 . i told her " 有一日, 亞四, 張開一個 大口"O" 住嘴, 著住件衣服,撐住隻艇 ".. 佢now at P3, 仲記得呢個story ...
你 試下 this method ...
作者: NT-1 時間: 13-5-14 14:02 標題: 回覆：誠心請教: 如何令小朋自動波温中默
多謝各位媽咪寶貴意見。
小女偏愛看英文書,中文是在我要求下才會看. 不過,她會簡picture chinese bks to read. 台湾橋樑書主要是我讀比佢聽. 她有一個閱讀壞習慣，就是冇耐性地高速掃讀書本. 結果當然是會明白故事大剛, 但同時亦會忽略句子和字型結構。 認讀冇問題, 寫的話好多時衹記得個"外殼".
佢讀嘅kindergarten着重培養個人品格，acedamic 嘢欠奉. 她本身語言文字能力是天生較弱的. 因為英文相對比較易掌握而又將會上英小，所以我們初期是着重訓練她的英語理解和拼音去應付未來學校需要. 事實上，當時她的手肌協調和發展亦唔容許我要求她做太多中文抄寫練習. K3下學期開始利用高效識字法教佢中文. 現在，認讀ok, 默寫仍然努力中.
我有教拆字和用故事方法記字. 但總不能個個字都咁做. 要佢自己試吓，佢就即刻跪低話唔知點記
我之前見佢剩係重覆抄寫生詞2-3次就收手. 我估可能係佢抄時發白曰夢&抄寫次數唔夠，對嗎?
作者: 囝囝mama 時間: 13-5-15 20:16
回復 NT-1 的帖子
不如從有趣漫畫開始!!腦入面都無中文詞滙!!死記不能活用!大人小朋友好辛苦!!
作者: 囝囝mama 時間: 13-5-15 20:21
本帖最後由 囝囝mama 於 13-5-15 20:22 編輯
作者: 溋溋 時間: 13-5-15 22:29 標題: 回覆：誠心請教: 如何令小朋自動波温中默
我有時教個女寫字，例如'味道'個味字，我會問佢食物既味道係咪靠個口去試?所以係口字部。或者'坐'字，係人坐在椅上，所以有兩個人在櫈上咁之類，你已試過?
作者: 黃金屋 時間: 13-5-15 23:30
其實可能佢都晤明啲詞語解釋,所以只人系死記。
作者: 黃金屋 時間: 13-5-15 23:31
我都係咁教我啲細路,都好work!
作者: cc_2012 時間: 13-5-17 00:26
lestat 發表於 13-5-14 09:12
理解固然重要, 但識寫都一樣重要既, 唔識寫又點造句, 點去運用呢.
可能這就是多人揀理科的原因吧!!
囝囝現在六年級了,只叫佢温D生字,其他有把握的不用理,
如果唔係其他都唔洗溫啦~~
作者: momama 時間: 13-5-17 08:56 標題: 回覆：NT-1 的帖子
又係一個側重英文嘅好例子！而家可以做嘅係乜方法都要試，下苦功！我同阿女講，中英數要讀十二年，唔到你逃避！
作者: happy_lavender 時間: 13-5-18 00:25
本帖最後由 happy_lavender 於 13-5-18 00:50 編輯
看見很多技巧的提供，但未見有人從心理發展角度分析，那就讓我從這方面分享一下意見吧。
心理學家Erikson將正常人的一生分為八個發展階段，在每個階段都要克服挑戰，完成一些任務。每個階段均建築在成功完成較早階段任務的基礎上，若未能完成本階段挑戰/任務，則會造成影響深遠的問題！偏差行為和性格缺陷亦由此發展出來；越遲發現問題，成功修正的難度便越大！
至於小一兒童，正處於兒童期（3-6歲）和少年期（6-11歲）之間。樓主的小孩似乎是在兒童期未能達成“認同”這個任務，以致有退縮、被動的表現。所以樓主應細心研究多讚賞及認同會否有幫助改善被動。另外亦有可能是樓主給予小孩的關注/關愛未能符合孩子所需，小孩便刻意作出偏差行為或抗拒樓主對孩子的要求，以達致獲得更多關注的目的。
要提升孩子的學習興趣，最好多用遊戲，自行設計或改良坊間遊戲也可！要知道香港中學生的平均專注時間也只有25分鐘，你怎能侈望小學生能坐定定溫習個多兩個鐘呢？想想能否在中間加插些小遊戲或休息時間吧。
實際情況如何，必須樓主細心了解，未查明行為背後原因及動機便胡亂使用各種技巧，實較難令孩子有所改善；而要查出原因，最簡單的方法可能是直接問小朋友。
作者: birdbird 時間: 13-5-19 08:53
本帖最後由 birdbird 於 13-5-19 08:59 編輯
樓主,
你女兒讀小一, 年紀還小, 真的未開竅呀, 我仔小四, 我還是在等他開竅呢.
真的不是有太多小朋友會自動波去溫書的.
玩才是佢地的本能呀!
回想我仔以前溫中默, 我真的很沮喪.
學校體恤小朋友細, 只默10組詞語, 跟我以前小時和一般小一生來比較,
真的是蚊肶和牛肶. 耐何, 我仔就係抄了10次果埋詞語之後都係唔識!
到後來要默埋句子, 唉, 真的好多次比個仔激到我喊.
我發覺佢在抄寫時, 只有抄, 而冇記住個字.
(冇諗過原來有d咁ge細路, 抄 同 記係兩個完全分開的步驟!)
後來我規限佢每個字只能寫5次, 每寫一次都要記住個字是如何寫,
加上佢學多了部首,
情況到佢今年有所改善.
小四之前的暑假, 我要佢每日在家背一句成語兼背默出來.
可能就是黎6星期的訓練, 佢開始記野記得快o左, 溫默書時唔洗個個字抄寫,
淨係抄寫d 新字.
而家你女兒小一, 你可以嘗試將默書範圍斬件同佢溫,
又同佢玩比賽, 如果抄寫5次之後識得默就會有獎.
始終中文係主科, 冇得避, 大人&小朋友都要想法子同呢科長期作戰,
比d耐性, 加油.
| 歡迎光臨 教育王國 (/) |
Powered by Discuz! X1.5 |