教育王國
標題: 3歲半B女仲未識講野自理~好擔心~ [打印本頁]
作者: au2109 時間: 13-5-12 19:07 標題: 3歲半B女仲未識講野自理~好擔心~
我B女糸好早已經糸下葵涌CHECK到有自閉症~
今年8月終於有S位可以番~
之前都一直斷斷續續番緊庭恩既單對單言語治療同協康會D小組~
旦糸佢既發展好似到左1歲就吾再大甘~
仍然糸甘BB~吾清楚我糸邊個~吾識聽指令~一個字都吾識講
庭恩個MISS同我講有10%自閉症患者糸依世都吾識講野~
庭恩比我借番去既玩具根本上糸同吾到佢玩~
因為佢根本都吾知我做緊乜~
我聽講有生物療法~糸咪真糸有用~
我想問邊到化驗糸最平~因為我地屋企吾糸好有錢~
好驚佢依世都吾識講野
作者: pocoyo123 時間: 13-5-12 22:15
睇到你的POST, 感受到你的心情, 希望你知道, 付出有時同回報不相對, 但你對小朋友的愛是無限.
今年8月有S位, 是一個好開始, 在S位有針對性訓練, 家長多些回家做家居訓練, 不要心急, 總有一天你會發現佢進步中.
一些另類治療是沒有醫學根據, 媽媽在綱上見到有人說有效亦可能是一些宣傳技倆, 綱上有好多人在討論區中搵食, 你要多些CHECK下, 否則浪費金錢,(聽說只是CHECK金屬,水銀已幾千元,未計睇醫生), 時間.
作者: natalieyan0407 時間: 13-5-12 23:27 標題: 回覆:3歲半B女仲未識講野自理~好擔心~
提示: 作者被禁止或刪除 內容自動屏蔽
作者: moneydog 時間: 13-5-13 01:37 標題: 回覆:natalieyan0407 的帖子
可又報努力試課程,在家自己教。

作者: au2109 時間: 13-5-13 02:43
回復 pocoyo123 的帖子
家居訓練真糸有用嗎?
點解B女好似吾明我做乜甘~
作者: lambk 時間: 13-5-13 13:05 標題: 回覆:au2109 的帖子
有用!s位又好,pst,ot,st又好,全都要自己在家跟住做訓練架!一定有進步的!

作者: pocoyo123 時間: 13-5-13 14:38
家居訓練係好重要, 導師只是教識你技巧, 每天家居訓練先係有用, 須知父母是小孩的真正老師.
你小朋友因為無言語, 在理解和認知會相對差, 家長可先從簡單指令訓練開始, 由食飯, 飲水, 小便, 訓覺, 玩玩具, 去公園等等, 每次小朋友想做某件事情時, 不要立即幫佢做, 等佢叫你或拉你時, 你用手指指示物件, 再用高8度簡單的字重複說, 開始時是有難度, 慢慢佢會學識一些日常詞語, 這樣先可以再改善一些行為問題, 努力
作者: au2109 時間: 13-5-13 16:21
回復 pocoyo123 的帖子
多謝你阿我會試下跟你既方法試下
作者: constancehong 時間: 13-5-13 17:00
呢位媽咪, 要小朋友能學習, 首先要從改進行為, 認知理解及感統方面著手, 她不理解/發音器官功能未預備好, 又怎能真正說出來? 現在小朋友的程度較低, 可以用努力試或者ABA的方法從最基本教起, 有關ABA的實行原則, 程序及小朋友的階梯發展, 你可以在網站 www.autismawakening.org上找到好多中文資訊, 你作為媽咪, 亦一定要對囡囡作出觀察, 找出她的能力程度及最能引發她動機的喜好. 根據我的經驗, 合適你自己囡囡的方式才是最重要.
如果你想要進行生物療法, 你在網上search 自閉症生物療法, 可以找到好多相關資訊, 甚至免費書藉. 你了解其基本原理後, 你可以先進行食物敏感測試, 進行基本的戒食, 再自行嘗試一些較大路安全的suppliment, 不一定要經醫生, 你覺得有效才考慮找醫生.
作者: constancehong 時間: 13-5-13 17:10
另外, 在BK這裏亦有一些帖子關於自閉症生物療法, 你可以作出參考:
http://www.edu-kingdom.com/forum ... &extra=page%3D1
http://www.edu-kingdom.com/forum ... &extra=page%3D5
我自己亦從中學習了不少, 寫這些帖子的媽咪, 都在這裏打滾多年, 應該不會是甚麼揾食之輩. 對於生物療法, 我自己本人的囡囡已進行了一年, 亦確實覺得有進步, 但這些另類方法, 不一定對每個人都能產生相同效果, 就正如正統訓練亦不一定每個小朋友都有效, 要自己考慮. 積極些, 不要錯過小朋友的黃金時間
作者: au2109 時間: 13-5-13 18:58
睇依D醫生糸咪好貴?
定糸可以自己做生物療法?
作者: Vichang 時間: 13-5-13 19:09 標題: 引用:我B女糸好早已經糸下葵涌CHECK到有自閉症~
原帖由 au2109 於 13-05-12 發表
我B女糸好早已經糸下葵涌CHECK到有自閉症~
今年8月終於有S位可以番~
之前都一直斷斷續續番緊庭恩既單對單言 ...
其實你囡囡幾大呢?越早介入治療越好,不要灰心,其實我個囝都唔係太叻,不過見到佢有少少進步都有d欣慰。希望大家小朋友快些說話吧。

作者: constancehong 時間: 13-5-13 22:43
我看的醫生診費約一千,每個月約一次,連藥費約二千左右,但他開的藥大部分可在網上買到,價錢可以便宜一些,最主要是化驗費,有時會去到七八千,不過我個醫生不常做。其實你自己了解過生物療法後,可以自己做一些我之前提過的前期工作,覺得有效才真的去找醫生進行深一步的治療,你可以參考我跟你提的帖子
作者: constancehong 時間: 13-5-13 22:50
在進行生物療法的同時,訓練亦一定要揸緊,在外國盛行一個星期四十小時的ABA訓練(真正密集訓練),正常小孩都要催谷,何況我們這些小孩
作者: man811231 時間: 13-5-13 22:52 標題: 引用:我看的醫生診費約一千,每個月約一次,連藥
原帖由 constancehong 於 13-05-13 發表
我看的醫生診費約一千,每個月約一次,連藥費約二千左右,但他開的藥大部分可在網上買到,價錢可以便宜一些 ...
可否Pm我,你所看的醫生

作者: bauhiniakan2000 時間: 13-5-13 23:50
回復 au2109 的帖子
A仔A女不像普通小朋友,要教好多次先識,不要灰心,我在TVB星星的孩子,四歲才叫媽媽,五歲半識唱歌比媽媽聴
作者: lilbee 時間: 13-5-14 11:50
單靠生物療法進展都好有限,而且停左唧話好多時又會返返之前嗰樣。最好系搵到同小朋友安key唧治療師,同埋有心教埋媽咪唧。不過要有心理準備長期做戰。可以試下圖片交換,我侄女唧言語治療師一開始都系用嗰個方法,通常唔系好知道發生咩事唧小朋友有視覺提示會好好多。
作者: bbqiu 時間: 13-5-14 13:57
我仔有用針灸及生物療法,旦我可以好肯定甘話訓練比呢d另類療法有效幾倍,我可以不針及不用生物療法,旦我一定吾會停訓練。
明白三歲半還未開口會好擔心,有問題就上黎問下呻下,呢度好多人可提供寶貴意見比你。加油!
作者: checkylam 時間: 13-5-14 15:32
加油, 努力, 不要放棄, 支持你
作者: shareholder 時間: 13-5-14 15:38
我係讀另類醫療的, 我可以好肯定咁話你聽, 自閉症係有得醫, 但西醫一定醫唔到, 而且要花費的人力物力好大, 所以幫你唔到
作者: apple~y 時間: 13-5-14 21:56
回復 shareholder 的帖子
什麼另類醫療
作者: shareholder 時間: 13-5-14 23:47
回復 apple~y 的帖子
順勢療法
作者: Surveyor 時間: 13-5-14 23:57
constancehong 發表於 13-5-13 17:00 
呢位媽咪, 要小朋友能學習, 首先要從改進行為, 認知理解及感統方面著手, 她不理解/發音器官功能未預備好, ...
可否介紹D中文book 關於ABA的執行於幼兒
作者: Surveyor 時間: 13-5-15 00:02
shareholder 發表於 13-5-14 23:47 
回復 apple~y 的帖子
順勢療法
可否解解釋
順勢療法是麼
作者: Surveyor 時間: 13-5-15 00:23
constancehong 發表於 13-5-13 17:00 
呢位媽咪, 要小朋友能學習, 首先要從改進行為, 認知理解及感統方面著手, 她不理解/發音器官功能未預備好, ...
雖然你只是留言幾筆,我在你的回答看到清晰方向,請多D言
作者: shareholder 時間: 13-5-15 10:22
本帖最後由 shareholder 於 13-5-15 10:28 編輯
Surveyor 發表於 13-5-15 00:02 
可否解解釋
順勢療法是麼
一個四年full time 的課程, 無可能係度講兩句解釋到, 你在網上打順勢療法可以有好多資料, 或者去香港順勢療法醫學會聽免費介紹講座
講開自閉, 因為順勢療法必需對症下藥, 但自閉的病人唔識講野, 所以只能靠觀察, 我教授話分分鐘要睇大半日先可以開到藥, 秏費的人力物力係好大的, 佢而家都無時間接自閉病人, 而西方醫療只能夠引起自閉症, 但是佢地係完全無能力治療閉症的, 只能以行為治療, 即係難聽D講, 當佢係一隻動物咁訓練
作者: au2109 時間: 13-5-15 15:19
回復 Vichang 的帖子
我B女已經3歲半嫁拉旦糸1粒字都吾識講
作者: Surveyor 時間: 13-5-15 16:26
au2109 發表於 13-5-15 15:19 
回復 Vichang 的帖子
我B女已經3歲半嫁拉旦糸1粒字都吾識講
有冇針
作者: constancehong 時間: 13-5-15 18:44
回復 Surveyor 的帖子
1)
關於ABA 的 方法, 在我提過的網站 www. autismawakening.org 上有許多中文的詳盡介紹, 網站創立人瑾心本身亦有一個自閉兒子, 所以才去進修ABA 學位, 她本人好像亦有為兒子進行戒食及食補充劑. 除了ABA, 網站上亦有其他療法的長短處介紹. 我覺得網站上的資訊比好多書籍實用明瞭得多.
2)
我沒有正式學過ABA, 以我個人體驗來說, ABA有幾個原則, 首先通過獎勵去不斷强化兒童的正面行為, 獎勵的形式(强化物)當然是因應每個兒童個人而異(要吸引到佢才可) 加上不斷的讚美/鼓勵(因為最後强化物需要慢慢褪去, 因為在正常生活中唔會有人經常給你奬勵). 以正常的行為代替異常的行為, 好似努力試的黃女士便會將兒子鍾意撕紙的行為變為訓練.
3)
分析行為的原因. 以我自己女兒為例, 她3歲時我未完全察覺到她的問題, 以為她只是語言遲緩(她一直都有語言上的進步, 但很慢), 我們每次採用教一般小朋友的方式教她認知理解方面的知識, 例如認字, 她便很抗拒, 經常以故意賴尿作手段對抗(她那時是可以去廁所柯尿), 我們又駡又打都不得要令, 反而令她和我們的關係及外界的接觸更加疏離. 後來經過許多的能力評估, 看過很多資料, 回想起來, 那時女兒的基礎能力好差, 莫講話把一幅幾塊(上下左右四塊)的拼圖完成, 連把實物轉變為圖像(實物照, 彩圖, 黑白圖)都有難度, 又怎能要求佢一次便把個字認出來而且連聯圖像呢? 那時我應該採取的方法是要找出她的難處,加强佢的基礎能力, 降低學習的難度去遷就佢, 而不是打駡佢. 後來我發現她不能自發認出說出那些字/圖, 但能指認出我要求的字/圖, 我便多些和她練習拍字咭, 同時加强她對圖的理解及方向性, 現在我知道佢在認字, 認圖方面已進步好多, 她今年4歲半, 老師在學校教的字她可以認讀到, 但現在我和她温習時, 時間長了她亦會想抗拒, 她不會賴尿了, 但轉為說要去廁所柯尿(她知道我們最怕她賴尿賴屎), 這時她的動機便不是因為能力不足, 而只是想逃避偷懶, 面對這種情況, 有時我會事先聲明, 温習前先去廁所, 温習時無得去, 唔准頼尿(她現在知道故意賴尿後果嚴重), 咁情況會順暢很多. 有時我亦會問她, 讓她有機會表逹唔想温習的意願並故意減少數量, 讓她感受表達溝通的重要性. 另外我發現她有時數數有時得, 有時唔得, 後來我發現這一方面和她的專注力有關, 另一方面和她上肢的控制也有關, 她坐著整個上肢在桌上有支持時數數會順暢好多, 如果站著, 上肢要淩空的話, 她不能保持整個上肢的穩定性的話, 有時便會指錯, 數錯. 所以, 有時這些小朋友不能做到, 不是她們不會, 而是有很多因素影响她們的發揮. 要為她們一一掃除這些因素才可.
作者: bauhiniakan2000 時間: 13-5-16 00:54
回復 constancehong 的帖子
我也看過努力試黃女士的書和文章,我決定辭去22K的工作,用積蓄生活來照顧兒子,也因為看了衝破障礙這本書,很認同她的說法,最好的訓練是父母去學習訓練孩子,這書對新手家長很有幫助.
作者: Vichang 時間: 13-5-16 09:52 標題: 引用:回復+Vichang+的帖子
我B女已經3歲半嫁拉
原帖由 au2109 於 13-05-15 發表
回復 Vichang 的帖子
我B女已經3歲半嫁拉旦糸1粒字都吾識講
輪到我個囝月尾去CAC 做詳細評估啦,佢今個月兩歲連爸媽都未叫,但係好多聲出,bb話,最近呢一個月講abc約10個字母加英文123。落街去到8樓便會講eight. 其實之前在私人做了評估確疹自閉,但係個評估又貴又求其,希望政府會全面些。阿囝其實行為方面非常固執,我其實都預左評估個result la。
大家共勉之。

作者: Surveyor 時間: 13-5-16 10:45
本帖最後由 Surveyor 於 13-5-16 10:49 編輯
bauhiniakan2000 發表於 13-5-16 00:54 
回復 constancehong 的帖子
我也看過努力試黃女士的書和文章,我決定辭去22K的工作,用積蓄生活來照顧兒子, ...
我上了LP, 亦看了她的book, 請教你如何執行她的努力試,你每天如何train 你小兒
作者: idak 時間: 13-5-18 10:18
我果時發現囡囡講嘢遲緩時, 每日放工由嫲嫲度湊佢返屋企時, 抱住佢不段講街上的物件名稱, 有時又捉住老公同我講嘢, 簡單描述自己做緊乜, 又捉住老公係屋企同個女玩一二三紅綠燈, 將佢鍾意的玩具同食物放係佢摞唔到地方, 要佢講嘢先比佢, 重有買吹泡泡同笛比佢吹, 對口肌好有幫助架﹗以家只係似隻鸚鵡咁, 我講一句佢講一句, 大家努力﹗
作者: moneydog 時間: 13-5-19 07:55 標題: 回覆:Surveyor 的帖子
我上過努力試,現在每晚跟囝囝做桌面訓練,分开三部份:專注丶小肌、認知,一有時間就去公園玩三宝,即:滑梯丶氹氹轉丶揪韆。

作者: Surveyor 時間: 13-5-20 00:43 標題: 引用:我上過努力試,現在每晚跟囝囝做桌面訓練,
原帖由 moneydog 於 13-05-19 發表
我上過努力試,現在每晚跟囝囝做桌面訓練,分开三部份:專注丶小肌、認知,一有時間就去公園玩三宝,即:滑 ...
我都有上LP,請教你甚麼項目的認知你在進行
歡迎光臨 教育王國 (/) |
Powered by Discuz! X1.5 |