教育王國

標題: 仔仔月尾 2 歲, 今日評估中度自閉好傍偟,想問多d 資訊再做評 [打印本頁]

作者: chynnamama 時間: 13-5-7 23:17 標題: 仔仔月尾 2 歲, 今日評估中度自閉好傍偟,想問多d 資訊再做評

今日去做評估話佢輕至中度(近中度), 其實亞仔喊住做, 喊成3 粒鐘, 又成日拉我走, 我老公話洗唔洗去出面check多一次, 準d (等自己好過d ...)
1) 想問下大家有咩資料(去做評估), 如果可以希望唔太貴的. 而且hk island 有冇呢 ?
2) 而家同佢排咗 i 位, 想問仲有d 咩可以做?
3) 本來打算今年9 月報出面d 正常幼稚園, 而家咁, 係唔係唔洗指意讀正常的, 亦都唔需要報呢 ?
4) 因為有個家姐, 佢今年9 月都有一間好普通的幼稚園收讀 pn 班, 係咪照入去讀 ? 有冇咩要注意呢 ?

請大家多多指教, 今日好 down, 好擔心 !!!

作者: pocoyo123 時間: 13-5-7 23:47

咁細個好小會斷証, 因為太細評估會有偏差, 好多時會在4歲以上再去多次先會診斷到.

除了自閉外, 尚有什麼問題嗎? 言語? 理解?固執行為?

我覺得出去做多次評估只是比自己好過D的, 要用多幾千元去做, 做完對個小朋友又無幫助, 不如, 睇下眼前的問題, 對証下藥先可幫到佢.

讀唔讀普通KG, 都唔係你去諗, 1) 要睇下收唔收你, 2)收左你, 跟唔跟得上, 每個月交學費, 返學得個坐字, 仲要每日放學比說話你聽, 呢D日子唔易捱.

現排I位最快都出年3歲, 不如, 去讀下出面私人S位, 執下D問題好過.

家姐讀K1? 當然照讀啦, 家姐又無問題做乜唔讀.

作者: chynnamama 時間: 13-5-8 00:31

1)佢言語好差, 只係講到baba, byebye等幾個單字, 好似統感都有問題
2)今日話佢輕至中度(近中度), 所以係咪唔洗排 s? 因為佢上 playgroup 一直都ok,學嘢有進步, 同其他小朋友唔差太遠. 所以只係以為佢係言語問題
3)唔係家姐呀, 我意思佢今年9 月入去家姐kg讀 2 歲班 (基本上年in 幾間都唔收, 有得入家姐果間都因為學校比面家姐ja , interview 唔得)

作者: chynnamama 時間: 13-5-8 00:34

回復 pocoyo123 的帖子

出面私人位又有d 咩 choice 呢 ? 好似協康會有 ? 又係d 咩服務 ? 又有冇類似機構 ? 會平d ?

現在仍是一頭霦水, 手足無措....

thx

作者: pocoyo123 時間: 13-5-8 01:12

1) 即是有言語方遲緩, 感統即是行為方面都有問題.

2)如有KG收你, 你可試下讀, 睇下佢跟唔跟到, 因為N班主要是學下群體生活, 自理咁, 要求不太高.

3) 私人S位每月約8000-10000, 要考慮經濟能力問題, 協康很多人等, 出面都有其他機構有S位, S位每日返學, 有齊3T, 即ST,OT,PT, 另有特殊導師, 1:6-8人手比例, 照顧全面, 針對性訓練, 好多人讀一兩年就追得返進度.

4) 如果私人位太貴, 可考慮出面上私人ST, 感統訓練, 再加KG 返學, 睇睇進度如何再決定

作者: chynnamama 時間: 13-5-8 01:52

回復 pocoyo123 的帖子

ST, OT, PT 係咩 ?

作者: HopeLJ 時間: 13-5-8 05:36 標題: 回覆：仔仔月尾 2 歲, 今日評估中度自閉好傍偟,想問多d 資訊再做評

ST= Speech Therapy 言語治療師

OT=Occupational Therapy 職業治療師 (感統，執行能力，也包大小肌）

PT=Physiotherapy 物理治療師 (大小肌)

作者: 陳圈圈 時間: 13-5-8 07:59

我個仔今年3歲半，佢2歲時診斷係A仔，要排S位，而家都未識講野……

我提議你可以做多次私家評估，如果你想係協康做ST、OT，要早啲排定，因為連私人倏隊都要排（私人大約$850 45分鐘）。你個仔仔如果返過playgroup而適應到沒有問題，可以試上PN；

不過如果小朋友真係需要i / s 位的，經濟許可的話要盡快比佢返；我個仔讀私人S位2年（（$非常吃力），明顯有進步（雖然比其他同學仔少），但都叫做有進步，就算係未識講，但知道要表達需要情緒，識得用手勢表達；

作者: 陳圈圈 時間: 13-5-8 08:00

專家話越早做訓練，效果越好！

作者: idak 時間: 13-5-8 15:03

應該評估完社工會有份資料比你, 係有齊唔同機構服務資料及聯絡電話, 你打去問D機構入面社工都幫到你。

作者: chynnamama 時間: 13-5-9 11:57

係咪因為我未做眼同耳個test, 只係有張評估資料, 有d 治療師琥電話, 但我打去問佢又話我個case 未去到佢地度, 要我等覆.....
因為我見醫生果日理解錯咗(個仔狂cry, 聽唔到 dr. 講), 我以為我排緊e 同i 位, 原來只係得 e位比我.... 我又唔知個仔輕至中度(近中)洗唔洗s位... 因為果日個dr. 又好似比我choose 咁, 就感覺唔一定要去 s所以 choose i 位..... 唉, 我怕選錯咗過幾個月又要由頭排就有排等啦.....

thx.

作者: yauman76 時間: 13-5-9 14:41

chynnamama 發表於 13-5-8 00:31
1)佢言語好差, 只係講到baba, byebye等幾個單字, 好似統感都有問題
2)今日話佢輕至中度(近中度), 所以係咪 ...

如果真係如你所說得呢兩樣問題, 淨係搵ST/OT訓練已足夠. 不過, 安排得去做評估, 結果係近中度, 應該唔止咁少問題, 都係建議你喺呢度或上網睇多D有關自閉症嘅資料, 客觀地分析下小朋友有邊d問題, 其他人先可俾到合適嘅意見你.

作者: crystal媽咪 時間: 13-5-9 15:11

如果家姐間學校收左, 讀左先, 一邊讀, 一邊排政府的服務. 唔多唔少都有D改善, 如: 有語言刺激, 可能講野會好少少, 又或者識得收玩具/ 跟小朋友排隊. ..

作者: dorming 時間: 13-5-9 16:37 標題: 回覆：仔仔月尾 2 歲, 今日評估中度自閉好傍偟,想問多d 資訊再做評

Ww

作者: chynnamama 時間: 13-5-9 18:30

其實我个仔都一直有上playgroup 大半年，係有D坐悟定, 但係叫佢做的大多都做到，排隊收玩具都ok, 而且上堂唔怕人, 成日去hug 老師同D工人姐姐，坐車食餅乾時成日第比唔識嘅人食.........
所以我自己一直唔覺得佢有大問題，浯知果日佢見Dr. 爆减係咪影響評估。事因佢早排入完院吊salt 水, 所以一見Dr .n nurses 都勁cry..... 所以平他全程

作者: chynnamama 時間: 13-5-9 18:33

全程cry,
其實如果佢悟太嚴重照讀普通学校加st咁得唔得呢

作者: llam1210 時間: 13-5-10 10:01 標題: 回覆：chynnamama 的帖子

如果財力夠，你想評多次，我覺得都好。因為你可聽下專業意見，有乜問題可以問。唔好等了，我們未見過你仔又只聽你講不能比太多意見

作者: chynnamama 時間: 13-5-10 23:38

好的, ths...
另想問, 除了協康會之外, 仲有咩機構平平地可以報埋排隊呢 > ?

作者: 燕子_媽媽 時間: 13-5-27 15:12

提示: 作者被禁止或刪除內容自動屏蔽

歡迎光臨教育王國 (/)