教育王國
標題: 已派 I 位幼稚園是否實收？ [打印本頁]
作者: idak 時間: 13-5-7 09:22 標題: 已派 I 位幼稚園是否實收？
昨日去 I 位幼稚園見校長同社工, 校長講咗幾句, 要返咗學先再評估, 睇吓囡囡適合讀K1定K2, 感覺都OK﹗社工就比咗D嘢佢玩, 可能個女玩得比較危險, 用支筆拮住架玩具巴士轉, 個社工一手摞咗支筆, 個女就發皮四瞓地, 勁喊﹗跟住個社工就講話E度只係一間普通幼稚園, 問我有無諗過比個女去特殊幼稚園, 佢話會比較適合, 但我話醫生話排咗 I 位先, 我再問佢乜唔係派咗位就實收咩？個社工話下個星期先覆我, 個心即刻好唔舒服, 心諗唔收囡囡咁點算﹗
見完走咗個社工又打電話來, 問爸爸洗唔洗睇一睇個校舍, 驚未必適合囡囡, 唉﹗咁即係點﹗
作者: Surveyor 時間: 13-5-7 09:31
回復 idak 的帖子
If you insist, the I school must offer the seat to U,
But if your kid is far behind the standard, the school will request U to chance to S-seat.
作者: idak 時間: 13-5-7 09:57
回復 Surveyor 的帖子
如果買晒嘢佢又叫我轉S位咁點算﹗再排又要等好耐﹗囡囡只係皮氣差同唔係好理人, 學習上都跟到, 唉﹗今次連我老公都擔心﹗囡囡以家間幼稚園等於好過係屋企咋﹗
作者: Surveyor 時間: 13-5-7 10:58
I have similar case, in this year, my son in I-seat, although he has some improvement, but the lauguage is far behind the standard, and this year August will change to S-seat.
Even the school will ask you to change to S-seat, but it must have doctor's assessment, and he have to follow the waiting list. For example, even you want to change to s-seat in this year August, you are not allowed as the wating list for S-seat is not reaching to your number.
The I-seat have PST to train your kind, and there has ST bi-weekly, so the service will be better than normal KG.
作者: Capricorn2521 時間: 13-5-7 11:40
本帖最後由 Capricorn2521 於 13-5-7 11:48 編輯
回復 idak 的帖子
記得上年由S位轉I位時，第一次見I位老師，佢有d說話，都令我有一點點hard feeling。不過，時間證明咗.......我的決定係啱嘅。亞仔一路進步。上學期家長日，I位老師話亞仔比佢想像中叻。再傾吓傾吓先知原來上年有個k3 先排到入i位，但個小朋友係完全上吾倒堂，在課室內彈來彈去，I位老師只可以安排佢在輔導室內一個人玩桌面玩具，佢覺得好浪費小朋友時間，所以有d擔心。
idak，你可以問問你的私人導師意見，睇吓亞女適合邊種服務。
作者: idak 時間: 13-5-7 11:46
回復 Surveyor 的帖子
頭先忍唔到打咗電話去問 I 位幼稚園個社工, 佢都重係話要同校長及社署傾, 我話原來讀開果間幼稚園明天最後要覆人讀唔讀, 佢先話一陣傾完先覆我, 我話乜唔係政府派咗個位, 你地學校就要收我個女咩？佢無正面咁答我﹗重問我摞協康個電話, 話想問我個女係果邊上堂個情況, 比我個感覺唔係咁好, 有D覺得佢想迫我個女唔讀﹗
作者: bauhiniakan2000 時間: 13-5-7 12:51
回復 idak 的帖子
你囡囡有冇讀緊幼稚園?,你在這段時間要改善她的行為和她的學習方式,要在家在別人拒絕時作出適當反應.兒子在有I位的幼兒園讀N1班,但我讀的是普通位,入學前說出孩子的狀況,學校表示可包容,但要 3個月觀察期,並且有S位就要走,問我能否配合,他們肯給机會,我當然可以.孩子剛入學時表現很合作很乖,但到現在卻從學校學到一些不當行為回來,如訓地下,不守秩序,大聲叫.從去年9月讀到現在,每個月至少有13日下午要請假帶他去做訓練,學校也包容.並且有很大進步,本來今年想轉這校的I位,因為他從學校學習到的,要老師一對一時才能發揮出來,老師和社工都認為不適合,因學校人手比例及不夠專業照顧A仔,都建議排S位.孩子去年3月排,揀將軍澳及黃大仙都無位,要等到明年9月.
作者: idak 時間: 13-5-7 14:06
回復 Capricorn2521 的帖子
其實我之前都同密集個導師傾過, 佢只係話我個女係好快, 要學識等待, 又話囡囡應該可以﹗
作者: idak 時間: 13-5-7 14:30
回復 bauhiniakan2000 的帖子
讀緊果間幼稚園跟本無教我個女, 只係搵人睇住佢咁﹗下午讀緊私人密集三日個導師話囡囡應該可以同其他小朋友一齊學習。
我選擇報E間係因為其他家長都話D教職員都好有愛心, 其實昨日見校長佢都話會返咗學先, 再評估係讀K1 定 K2, 咁即係收﹗我問個社工咁幾時註冊, 佢話兩個星期後覆我, 又講咗幾次E度只係普通幼稚園, 又話囡囡特殊幼稚園適合D, 又帶我睇全個校舍(裝修唔靚), 我主要係想要有愛心及經驗的老師教, 同有言語及職業治療師, 個社工比我感覺好似等退休, 唔想跟我個女個案, 而我識得D朋友做社工, 佢地話又真係有小部份社工係咁﹗我擔心如果入咗學將會跟囡囡就係佢, 咁佢會否不段叫我轉S位﹗唉﹗(我真係諗多咗, 比我呻吓....唔該﹗)
作者: llam1210 時間: 13-5-7 14:36
乜要見社工咩? 冇人通知我喎. 只係個社工係4月初打黎話排到... 我同學校的聯絡係因為我女都入咗同一問幼稚園的普通位而我搞入學而已. 我上兩星期同學校講話社工同我講我囡已派到佢地只係話:如果你知我地都會收到社署的通知... 係咁多...
樓主, 如你真的覺得女女係ok 的, 你就比佢試下先啦, 先唔好想話買咗乜野浪費咗.. 呢d 都係有限數...
作者: Surveyor 時間: 13-5-7 15:31 標題: 引用：回復+bauhiniakan2000+的帖子
讀緊果間幼
原帖由 idak 於 13-05-07 發表
回復 bauhiniakan2000 的帖子
讀緊果間幼稚園跟本無教我個女, 只係搵人睇住佢咁﹗下午讀緊私人密集三日個 ...
作者: idak 時間: 13-5-7 15:53
回復 llam1210 的帖子
佢話佢係姑娘, 叫得姑娘...都係社工﹗但打電話再搵佢時, 校務處文員又話佢係負責 I 位同事。係佢打電話叫我去 in, 果時已經覺得怪怪地, 乜唔係收咗咩？IN 完我問係咪比出世紙及其他文件, 佢又話註冊時先要帶, 我問佢咁即係點, 佢又話兩星期後覆我。
買嘢個D覺得浪費, 係因為九月有可能唔做或轉做PART TIME, 會自己跟番個女, 錢真係唔係好夠, 要量入而出﹗
作者: llam1210 時間: 13-5-7 16:45
咁你唔好買住得唔得... 等下先....但你記得要比留位費呀.. 如果佢問.
作者: idak 時間: 13-5-7 17:45
回復 llam1210 的帖子
我打左去CAC個社工度問, 佢地用左安全理由想唔收我個女....唉﹗灰爆﹗因為佢校舍去廁所途中有個共用地方, 我話覺得唔係理由, 佢只係見左我個女一個半鐘就話我個女唔得。唔通讀緊果間幼稚園比住留位費先....成二千蚊架﹗唉﹗
作者: pyalisa 時間: 13-5-7 18:43 標題: 回覆：已派 I 位幼稚園是否實收？
你要好堅定咁講，醫生批I位，排咗等咗輪到就有權讀。如果校長肯定醫生斷錯症，明明要讀s位變I位，枉費了等I位時間，錯過理應可分派s位，現在理應給你一邊讀I位一邊等用舊number 排s位。
因為只是過渡期，要求不買校服及書包。
作者: idak 時間: 13-5-7 19:19
回復 pyalisa 的帖子
我頭先都好堅定咁個cac個社工講, 話唔覺得係問題, 而校舍到廁所都係十個小朋友身位, 個女係叫得停, 而果間幼稚園係有學前的, 如果佢地覺得自己校舍安全有問題, 咁又申請為 I 位幼稚園, 我話咁樣搞到我好驚個女出年無書讀, 以家讀緊果間幼稚園明天最遲要交通告繼唔繼續讀, 交得通告就要比錢, 唉﹗剛剛CAC個社工都叫我同間幼稚園講可唔可以遲D先覆, 我話你一講比人知有 I 位, 你估人地會唔會留個位比你, 以家勁灰....
作者: apple~y 時間: 13-5-7 22:03
本帖最後由 apple~y 於 13-5-7 22:05 編輯
回復 idak 的帖子
間I位0甘唔包容,0甘唔願意收你呀囡
收0左未必係好事,
作者: apple~y 時間: 13-5-7 22:26
回復 idak 的帖子
"讀緊果間幼稚園跟本無教我個女, 只係搵人睇住佢咁"
又無同老師了解過點解會0甘,現在番學有無跟大班上堂?
作者: pyalisa 時間: 13-5-7 23:24 標題: 回覆：已派 I 位幼稚園是否實收？
你同社工已經花了輪候時間，亦輪到了。社署監管唔到收咗政府錢的學校收小孩，社署有責任死都死返D嘢比你，同區比其他I位其他E位其他s位也要比。
另一面，留位費你比定安全囗，
作者: idak 時間: 13-5-8 00:53
回復 pyalisa 的帖子
以家我係覺得唔知點算, 去面試唔好聽的說話我預左有, 但佢比我覺得唔收的感覺好強, 如果唔係我都唔會打去cac社工度問, 到最尾我問個社工佢係咪用安全理由唔收我個女, 都無正面咁答我只係話會盡快覆..我都預左, 咁佢叫我係讀緊間幼稚園註左冊先(K2), 我話唔係幾百蚊, 係差不多千九蚊, 佢咁講得我更覺果個女人唔知講過乜﹗咁就算我個女入左學個女人都可以好快咁令到我個女退學(又亂諗野﹗) 佢間校舍咁唔安全又可以申辦做幼稚園, 重要係有 I 位的幼稚園？佢只係睇左個半鐘就否定我個女﹗
作者: pinkdoll 時間: 13-5-8 01:08
本帖最後由 pinkdoll 於 13-5-8 01:10 編輯
idak 發表於 13-5-8 00:53
回復 pyalisa 的帖子
以家我係覺得唔知點算, 去面試唔好聽的說話我預左有, 但佢比我覺得唔收的感覺好強, ...
未入學已經搞到咁唔開心, 你真係要諗清楚先, 因為你個女將會在入面生活起碼兩年, 佢係學校生活得唔開心, 不俾接納, 係會好慘的, 你都想小朋友在開心愉快的環境下成長, 是嗎? 你不如問下cac社工, 如果呢間i位唔收你個囡, 咁可以轉乜嘢service.
另外, 唔好對i位有太大期望, 話晒其實佢哋都係一間主流幼稚園, 只不過收6至12個有sen既學生, 你係佢哋會唔會為咗6至12個有sen既學生而放棄其他普通位既學生. 我既經驗係i位學校, 如果發覺有sen既小朋友發展追唔上進度, 或者有行為情緒問題的話, 佢哋就會叫家長轉s位, 因為配套唔適合小朋友.
作者: bauhiniakan2000 時間: 13-5-8 01:10
回復 idak 的帖子
你幾時排,排左幾耐,同學校講今年S位巳派晒,若然佢地唔收,叫佢學校搵社署攪番個位比你,現在還有幾個月才讀,點知到時有幾大進步,同佢地講找平等機會委員會問這是否涉及歧視條例,亦真打去平機會問一下,因兒子讀的學校表明不會歧視我的小朋友,但在這段時間也要盡力幫你囡囡,因如你現在送她返幼稚園的情況,她真的不能去 I 位,跟不上一大班人學習真是不行,唯有要左個位再加訓練及找社工問可否讀 I 位等 S位,最好的 TRAINEER 一定是父母,專家只是教你技巧和提供專業意見.我兒子 21個月才識行, 2012年3月初2歲時評估是自閉症,AUTISM DISORDER 要排 S位,智能,認知,語言,大小肌肉都只有 9-12個月能力,只聴過講爸字 5次,什麼都不懂,完全沒眼神接觸除了和我這個爸爸,4月返私人 S位,5月尾我決定放棄做了 30年 22K 的工作去照顧個仔,2012年8月個仔巳進步到講出部份情景,如說落雨跟著地下並說濕哂,介理尿片,講到很多單字,服從指令,認得 A-Z並能讀出,數目字 1-10,中英文都讀到,到 2013 4月 30號兒子37個月的評估是 語言,智能,認知 33-36 個月,小肌肉及手眼協調技巧超越一般三歲小朋友的能力,大肌肉 34個月,囡囡媽媽你要努力,可能到8月囡囡能達到學校接受的水平.
作者: bauhiniakan2000 時間: 13-5-8 01:16
回復 pinkdoll 的帖子
完全同意你的講法,請看我的帖子
作者: idak 時間: 13-5-8 02:30
回復 pinkdoll 的帖子
我都唔會對 I 位好太祈望, 係度睇得太多, 都打算唔做或做兼職去湊女, 因為每次放假自己湊囡囡都進步得好快, 屋企人同以家間幼稚園真係有"幫鬼倒忙"的感覺, 其實 I 位我係想要佢地每星期兩次言語治療, 一次職業治療及心理學家。 連一向唔多過問的C6, 比佢問到我發皮四, 明天要問清楚個社工先, 真係多謝各位提醒﹗
作者: fishcowcow 時間: 13-5-8 02:37
你講既資源, I位係無架喎, I位只有兩星期一次的30mins既ST, OT是3,4個月才有顧問落黎學校睇睇(不是做訓練), 另外就係I位老師每天20-30mins的單對單, 不過也不是每間都有單對單的, 要打去學校問清楚
作者: idak 時間: 13-5-8 02:51
回復 bauhiniakan2000 的帖子
投訴我真係唔會, 因為個女有可能重要係度讀書, 投訴之後全校教職員會有無形壓力對住個小朋友, 人的心態會覺得多一事不如小一事, 個媽媽麻煩到時囡囡就會更加無人理, 而今次打電話比CAC社工我都係講出我擔心囡囡無書讀, 如果要等S位又要等唔知幾耐, 而唔係投訴﹗
作者: bauhiniakan2000 時間: 13-5-8 10:13
回復 idak 的帖子
你住那區,我兒子在富昌中心庭恩兒童中心上ST 進步很大,中心創辦人黃先生和黃太很有心幫助這些小朋友,在沙田乙明村也有,若你辭了工經濟有困難可打電話去問,中心只收經濟不太好的小朋友,會先評估再決定給你多少堂數,我現在每星期一堂,你要找理精神科跟進囡囡,PT 及 OT 找社CAC社工搵醫生轉介. ST 電話:27288830,希望幫到你.
作者: idak 時間: 13-5-8 11:36
回復 bauhiniakan2000 的帖子
庭恩我都有資料, 之前係e度d媽媽比我的, 我都諗住遲小小唔做先報, 精神科醫生及心理學家一路睇緊, 剛排到言語治療, 真係排咗好多嘢, 我連髗骶治療都排緊, 自然療法都睇過吓, 唔做可能申請到關愛基金卦, 每個月二千五都幾好架﹗
作者: Capricorn2521 時間: 13-5-8 11:56
記得讀緊S位時，中心社工安排我地去參觀一間I位幼兒中心，個I位校長同我地講，在這間學校讀書，小朋友嘅自理能力要有一定程度。當時，如果我吾係跟自己中心去的話，我會問：乜依家吾係好多自理能力差嘅港孩咩？原來依家D小朋友叻咗咩？
作者: annaanna 時間: 13-5-8 14:30
其實I位又好，S位都好，間間學校都唔一樣﹗之前我仔讀果間S位，1星期有一次ST, PT, OT，但唔係人人有呢個安排，資源得咁多，佢話比有需要O既小朋友喎~
而I位果間，每日都有30分鐘個別，因為我要番工，老師會寫晒每日做D咩O係本訓練簿度比家長知道，仲有，會教D能力高D O既小朋友幫手，仲唔會因為我仔麻煩而對佢差，反而仲更加錫佢，我仔試過病左幾日冇番學，老師仲話冇左我仔唔習慣添呀
題外話，你排I位之前冇問清楚間學校對I位學生有咩安排嗎？
作者: idak 時間: 13-5-8 14:41
回復 Capricorn2521 的帖子
我都知囡囡有d嘢唔得, 但佢已識自己著衫褲鞋襪, 重可以放番原位, 真係唔明d人點解要label A仔, 就算其他小朋友都有長短, 我去囡囡幼稚園觀課, 食茶點時有D同學仔都係老師倒水入茶杯, 但囡囡果枱同學仔都係自己倒水入茶杯, 一個做完到一個, 無人係十全十美架, 小朋友就係要學習, 我唔覺A仔自理差過其他小朋友﹗有時可能因佢地固執反而有"交帶"。
作者: bauhiniakan2000 時間: 13-5-8 15:37
回復 idak 的帖子
報左名先,要等成半年架,再拖下去唔得,唔申請減費好易與,form 可以係佢個鋼 download
作者: bauhiniakan2000 時間: 13-5-8 16:11
你囡囡做到的我兒子亦巳做到,佢衹是排隊去洗手間不守秩序,及小主動,老師和社工都要建議 S 位,覺得在 S 位會更好,其實我仲心大心細,因為2012年8月在協康讀 S 位時,部份小朋友能力比兒子高,但兒子比他們主動很多,見到小朋做不當的事會說,唔岩,要改,XX 小朋友哭,會說 XX,唔好哭,很怕去了 S 位,他的主動不及現在,兒子巳能主動同 XX老師,校長,姨姨主動講拜拜及早晨,在公園巳開始同小朋友玩,排隊輪候及讓給小朋友玩,去麥當努自己講到"我要一包個薯條同埋兩包茄汁,重識講"比20蚊,要找番15蚊".
作者: Capricorn2521 時間: 13-5-8 16:23
回復 idak 的帖子
其實你講果個女人係吾係將來日日同你個女做訓練果個呢? 因為我仔果間I位冇社工，只有I位老師。
我仔個I位老師....我初初同佢接觸幾次時，未返學，佢講野都好"閂後門"，成日話我仔未上過大班，驚佢handle吾倒，又話吾知我仔能力如何，總之感覺吾太好。初初開學都有話我仔有d蘇擾，但1個月後左右，可能班內d老師好，handle到我仔，I位老師先開始有讚亞仔嘅說話。
既然你有其他back up幼稚園讀緊，又有私人訓練，可以考慮轉e位。我當時係S轉I，冇得簡，一定要去馬。
作者: idak 時間: 13-5-8 16:37
回復 Capricorn2521 的帖子
可能係卦佢話自己係姑娘﹗
讀緊果間幼稚園我唔會再繼續, 私位實在太貴, 繼續的話就一定要返全職, 返全職就要奶奶幫手湊, 真係唔想再浪費時間, 試咗咁多嘢, 真係自己湊加訓練進步得最快。
我想問E位即係點情況, 太耐之前問唔記得。
作者: Capricorn2521 時間: 13-5-8 17:16
回復 idak 的帖子
E位係你繼續返一般幼稚園，E位中心會安排你每星期去中心上堂，幾多堂人人吾同。
有D人讀開一間幼稚園，覺得適合，吾想轉校，就會簡E位。
申報：我冇上過E位，只係聽人講。
作者: idak 時間: 13-5-10 12:06
回復 Surveyor 的帖子
今日打咗電話去cac社工度問, 個社署幼兒教師真係以安全理由唔建議囡囡讀佢間幼稚園, 我話如果以安全理由, 咁其他小朋友都有可能發生, 佢咁講就係歧視我個女, 我話如果佢唔收咁之會你地有乜安排, 社工話係再排或睇吓跨區有無位, 即時有想死感覺﹗ 要等下星期先知結果, 想問佢就算收咗係咪都有可能讀讀吓唔比我個囡返學架？
作者: chowqv 時間: 13-5-10 14:22 標題: 回覆：已派 I 位幼稚園是否實收？
I位咁複雜既。我個仔係2012年11月先排e位。我唸今年9月應該排到。好彩既係佢讀緊既幼稚園，校長話佢問題不大，我又排緊，所以由得佢讀到畢業。
佢家下都k2囉。
作者: pocoyo123 時間: 13-5-10 15:32
現在適齡學童多, 好多KG都無收生壓力, 唔排除有些學校想淡出兼收行列, 遲下幼稚園免費實行, 再多10-20萬雙非兒童, 相信情況會仲差.
作者: idak 時間: 13-5-10 16:10
回復 chowqv 的帖子
頭先同私位個老師傾開話囡囡情緒真係要跟得好足, 反而唔相信安全成問題, 因為囡囡都驚死唔會走咗去, 會返轉頭, 上咗大半年都無自己沖出課室, 相信果個人係老經驗, 一睇就知囡囡會令到佢好多嘢要做, 所以先會咁搵個唔成理由的理由去同上級申請﹗
作者: pinkdoll 時間: 13-5-10 21:24
idak 發表於 13-5-10 16:10
回復 chowqv 的帖子
頭先同私位個老師傾開話囡囡情緒真係要跟得好足, 反而唔相信安全成問題, 因為囡囡都驚 ...
唔好唔開心啦, 唔好俾呢啲事影响自己, 此處不留人, 自有留人處, 我哋要有信心, 只要我哋努力啲train小朋友, 幫佢哋越過障礙, 佢哋都可以過正常生活.
有好多同路人, 和你一同去行, 不要失望.
作者: idak 時間: 13-5-13 10:51
好想打電話去問結果, 但我估都係要等....政府d嘢吹唔到的﹗
作者: checkylam 時間: 13-5-14 15:41
真係好有問題, 醫生話入I 位, 但到面試時, 又話不適合, 咁究竟係邊個搞錯, ?!!
題外話:請問精神科和心理學家有什麼不同, 幾時小朋友要看精神科, 幾時要看心理學家??
作者: bauhiniakan2000 時間: 13-5-15 01:28
回復 checkylam 的帖子
因為評估到排到位要幾個月至一,兩年時間,評估是按小朋友評估時當時的情緒,行為,能力來評估,有些小朋友可能到排到情況轉壞,或完全沒有進步,有些完本能很差要排s位的小朋友可能有很大進步,在這裹有個家長無同小朋友取消S位,排左俾佢,S位話佢小朋友根本不需要S位,耍再排E位.CAC心理學家及專家會先評估,才決定要幫你排什麼服務,精神科會再以他們尊家的評估,再排什麼服務給你,小兒2歲 CAC 做評估為自閉症 Autism disorder 是最嚴重級別,全部能力 9-12個月,我不段努力下,13個月後精神科評估 語言認知,表達,運用,智能 33-36個月,小肌肉超越一般3歲小朋友,大肌肉發展34個月.
作者: idak 時間: 13-5-15 09:44
回復 checkylam 的帖子
精神科醫生好似只係吹水咁, 我講吓囡囡情況, 佢記錄後睇吓幫你排心理學家、職業治療或言語治療, 而心理學家係教你點處理小朋友行為問題, 精神科及心理學家大概三個月覆診一次，cac個醫生只係囡囡二歲半, 三歲半及k3作出評估安排學位及轉介精神科﹗
作者: bauhiniakan2000 時間: 13-5-17 02:12
回復 idak 的帖子
唔係喎,你係邊度精神科,我兒子2011年3月頭在官塘CAC評估,2012年4月30號再在聯合醫院由兩位兒童精神科醫生,一位心理學家,一位語言治療師,一位職業治遼師,一位物理治療師再評估,做的比CAC更詳細,也認為兒子有很大進步,但他們的意見仍是建議我去 S 位,有點失望,但他們也有提供專黃意見,和我現在上的ABA心理學家,ST,OT,PT的意見一致,有什麼大進步,請行我在這 TOPIC 的貼子.
作者: idak 時間: 13-5-17 23:40
回復 bauhiniakan2000 的帖子
我唔係cac轉介去睇精神科, 我係兒科醫生寫信比我去精神科的, 所以唔洗等好耐, 而兒科個醫生亦好有經驗, 囡囡每四個月都要覆診一次, 可能我個女只係講野遲緩同無眼神接觸, 兒科醫生講過一句如果外婆湊得好, 囡囡唔係咁, 而令我決定轉全職主婦, 但合約到八月先到期口頭又承諾做到完合約, 其實好想即刻唔做自己湊番!
作者: checkylam 時間: 13-5-21 15:08
idak 發表於 13-5-17 23:40
回復 bauhiniakan2000 的帖子
我唔係cac轉介去睇精神科, 我係兒科醫生寫信比我去精神科的, 所以唔洗等好耐 ...
咁樣即係話湊小朋友的人很重要, 如果唔係會影響到發展遲緩? 咁你屋企人係唔係唔同小朋友玩, 唔同佢講嘢?
作者: idak 時間: 13-5-21 15:46
回復 checkylam 的帖子
無錯﹗我奶奶係乜都就晒個女, 一喊就乜都比佢先, 就算係想要食物唔洗出聲, 手指一指就有, 長期開卡通片比佢睇, 就算倒亂都尤得佢, 跟本就唔需要講嘢﹗囡囡係十一個月時比佢湊, 因為湊開個朋友唔得閒, 咁我見我奶奶湊開果兩個都ok, 有一個上小學, 重有老爺幫吓手, 咁應該無問題掛, 到二歲先發現好大問題, 以往放工一上到奶奶度就即湊囡囡走, 評估後上到去留耐小小, 發現其他果兩個小朋友都就到囡囡死, 就算係自己d嘢我個女見到都要比我個女, 唔比就比奶奶鬧, 佢地唔係一齊玩, 唉﹗
兒科醫生咁講係因為覆診時, 佢見到個女都幾聽我話, 好多時我要佢講咗同做咗我的要求先比玩具佢﹗家居訓練真係好重要, 重有唔好比小朋友發現你好蝦, 否則佢d皮氣會越來越勁。
| 歡迎光臨 教育王國 (/) |
Powered by Discuz! X1.5 |