教育王國
標題: 對著我的ADHD兒子,我感到無能為力。 [打印本頁]
作者: 2muffin2 時間: 13-5-5 00:53 標題: 對著我的ADHD兒子,我感到無能為力。
兒子足六歲(K3)，巳確定ADHD半年。
我自己要求私家醫生開藥，以便能在上學前的四小時藥效時間專注定下來好好學習。
藥力生效前及藥後打回原形；做所有事也在遊魂。
我好聲好氣同佢講道理，他完全活在第個世界，接收唔到我的說話。
每次也要打一餐，他才定回來。
我很明白打是解決不了問題....但我自覺無能力教他，我也覺得自己控制唔到憤怒的情緒。
有無家長同我傾下計。
作者: lillymarie 時間: 13-5-5 14:18
考慮食長效藥啦！
無藥力的時候，每次只對他講一樣野，而且是要他望住你時才講。六歲仲好細個呀。
作者: 諾諾爸爸 時間: 13-5-6 16:47
本帖最後由 諾諾爸爸 於 13-5-6 17:01 編輯
我都見過ADHD細路, 確係好難教, 四圍跑又不專注, 唔理人,說話多用短句, 希望你能過到上天比你的一關.
2muffin2, 你如果是他, 你希望媽媽打你嗎?心自然靜了下來.
或許你曾有一刻, 下意職地打佢是為了見到 [正常細路被打的呼叫反應], 但這一切一切的 [憤怒] ...帶不了真正的力量, 它...只會給你像野牛般瘋狂地跑動著 , 看不到周圍, 並漸漸地令身心枯萎 . [快樂] 自然離你而去.信我! 望望你的手, 緊緊地擁抱有血緣關係的他, 他如果可以, 佢都唔想咁樣
作者: 2muffin2 時間: 13-5-6 17:53
說來也慚愧，除了我....我丈夫也是用打的方法管教兒子。每次他打仔，我也會示意叫他冷靜；但換回來多被他反呼喝我。
我自己也不好受。他越是有人示意，越打仔打得狠。
無言。
作者: 2muffin2 時間: 13-5-6 18:13
諾諾爸爸，你的比喻及回覆，我看後很感觸。
我會好好檢討自己。謝謝。
作者: chocochocoma 時間: 13-5-7 02:17
提示: 作者被禁止或刪除 內容自動屏蔽
作者: carrai 時間: 13-5-7 08:54
我明白你們的辛苦，但繼續打下去只會令你們的關係更差，你們首先要處理你們的情緒。在教小朋友方面，有什麼人可以幫你嗎？(社工、精神料醫生)
作者: 家希媽媽 時間: 13-5-7 10:58
我囝囝雖然未確診有ADHD，但有症狀。同一番說話，日日都講，我自己都講到悶，明知佢自己都控制唔到，佢又反叛，有時都教到好氣餒。
作者: 諾諾爸爸 時間: 13-5-7 15:31
本帖最後由 諾諾爸爸 於 13-5-7 15:47 編輯
2muffin2 發表於 13-5-6 18:13 
諾諾爸爸，你的比喻及回覆，我看後很感觸。
我會好好檢討自己。謝謝。
我唔係單單隨口叫你接受命運果種人 , 我之所以能說這種說話
, 原因是我也嘗過地獄般的火.
我的天堂兒子有眼睛不能看, 有腳不能動 , 有口不能吃 , 有腦不能用 . 只是眾多不幸中的一部份 . 不要太傷心了, 多kiss你的兒子. 多感受一下有血緣的體溫吧.就算他有錯 , 請原諒他吧 ! 難道他......真的自己想做錯嗎?!
作者: chingyee8875 時間: 13-5-8 17:53
回復 2muffin2 的帖子
我個仔今年都係K3 6歲係4月份知道佢有ADHD都係無助.
我想問你睇私家一次大約連藥幾多錢?
因為今年9月小一啦,壓力都係大...知道唔可以打佢但情緒真係...
現在滿腦子既想法是先控制自己情緒...不要打...
朋友教生氣時自己走開一下.
作者: chingyee8875 時間: 13-5-8 17:58
亦有朋友教當佢係你老闆咁你既情緒就會忍到.
最近聽了個講座講到做父母忌木口木面 更忌黑口黑面. 希望大家一起加油
作者: pollybell 時間: 13-5-8 23:01
要求過高，只會適得其返！
作者: tangent00 時間: 13-5-10 09:40
提示: 作者被禁止或刪除 內容自動屏蔽
作者: IvyPluto 時間: 13-5-10 13:24
我老公在兒子確診前, 罵仔罵到自已差D精神崩潰. 後來我們一起和兒子看心理學家和精神科醫生,最後他發現仔仔的ADHD是遺傳自他的, 他回想自已細路的時候,很多事情跟亞仔現在一模一樣. 他已經不再罵仔了,只用同理心接受他,現在他們父子兩人關係不知幾好, 連亞仔在學校作文,(我喜愛的人物)也是寫爸爸,說他和藹可親,連我都感到妒忌呀! 這也是ADHD孩子的一個好處, 雖然他們經常忘東忘西,但也很快唔記得D唔開心嘢!
作者: 家希媽媽 時間: 13-5-12 19:27 標題: 回覆：對著我的ADHD兒子,我感到無能為力。
勞氣真係不分節日。今日母親節我都被激到半死，唯有安慰自己！各位偉大的母親，母親節快樂！
作者: Yezhi 時間: 13-5-13 00:33
我的孩子在3歲時已評估是ADHD，現在上K3，政府醫生在7歲前不會給他開藥吃，上課時完全不聽老師講課，不看老師，周圍走，也完全不明白老師講了些什麼，在K2時已排到早期訓練中心，接受訓練，3歲半時，聽了朋友的建義去找中醫針灸，剛開始一周針二次，請班主任老師幫忙觀察她的情況，當針到第13次時，老師說，「現在坐得定了」，針到20幾次時，老師說，「坐得定，眼晴也可以望住我了」，1年後，每周針一次，上個月，老公突然給孩子停了針灸，一個月後，小孩打回原型，完全失控，不聽話，班主任老師打電話來投訴，連幾個興趣班的老師也投訴沒辦法上堂。現在又針返，孩子又聽話了，專注了，以前也每天打罵一年多，天天氣得我半死，他會經常打同學，或比他小的孩子報復，（摸仿大人打他的樣子）後來我經過學習，才知道，他自己都沒辦法控制自已，他有病，每天忍住不打不罵，跟他建立親蜜的親子關心，他的態度變了很多，聽話了，乖了，你可能需要去上堂，有專家會講很多實用的方法，真的很有用。
作者: bebebububaby 時間: 13-5-16 13:47
我個囝都無停，四歲幾，我要返工，放工返到屋企佢就發哂狂，食飯無時停，好辛苦食完餐飯佢又跳跑叫，跟住嘔唒出黎!佢身體唔好，但見到佢無停，叫又唔聽，我倆公婆經常對佢打打鬧鬧!我都好無奈!
作者: chowqv 時間: 13-5-16 17:14
2muffin2 發表於 13-5-5 00:53
兒子足六歲(K3)，巳確定ADHD半年。
我自己要求私家醫生開藥，以便能在上學前的四小時藥效時間專注定下來好 ...
唔好打啦。多多抱住佢。
佢地會知大人講咩，正如你講，佢地真係遊左去另外一個時空，果一刻，除左等佢返黎地球，真係無咩可以做。
作者: 123onebaby 時間: 13-5-17 23:33 標題: 回覆：chowqv 的帖子
提示: 作者被禁止或刪除 內容自動屏蔽
作者: why-me 時間: 13-5-18 09:38 標題: 回覆：對著我的ADHD兒子,我感到無能為力。
見你哋個個話打仔，真係好心痛！明白父母都係人，火燒心唔打唔得，但最忌失去理性咁打！都係嗰句：個仔都唔想咁，佢都想係一個正常孩子，最錯係我哋生佢出嚟又俾唔到一個完整腦袋俾佢！請明白，個仔嘅出生係我哋主導，個仔冇得選擇唔出世，所以佢先係受害者，請父母想打仔前，停一停，行開一下，入洗手間洗個、面冷靜一下先！（不喜勿掐）
作者: 123onebaby 時間: 13-5-18 11:53 標題: 回覆：why-me 的帖子
提示: 作者被禁止或刪除 內容自動屏蔽
作者: hoveypan 時間: 13-5-21 23:34 標題: 回覆：對著我的ADHD兒子,我感到無能為力。
5好氣餒，我兒2歲時已經睇政府心理醫生，現在中1，唔可以話佢好好，但多包容同體諒就係必需品。我亦曾好冇理性品用晒衫竹打只有1歲半的兒子，亦趕走個當時只有2歲的兒子。所以努力呀！其實我覺得，父母一定會體諒，但親戚朋友就……我而家最頭痛係同1d完全冇包容的親戚1齊住。亞仔又開始……。 不過，我冇比佢食藥，須然醫生在小1時叫食。但我覺得屋企的包容勝過食藥。
作者: Theomama 時間: 13-6-5 11:33
回復 2muffin2 的帖子
h!2muffn2,看到你的情況跟我好相似,我身同感受。現在唯有先放鬆自己,不要和兒子扯得太疆。再想想辦法教導他吧！加油！支持你！
作者: chowqv 時間: 13-6-5 12:52
有無幫佢介口？
作者: IvyPluto 時間: 13-6-5 13:48
我最近聽了一個如何管教小朋友, 我把講者的精要折錄如下:
管要講關係, 教要有辨法. 但家長常常只管不教, 所以小朋友只會越管越差.
我想第一點很多人都明白,只是能做不做得到的問題. 至於第二點其實真的要想很多方法去教小朋友, 我經常看一些教養小朋友的書,有些很好用,有些完全冇用, 以下是一些經驗, 大家可以試下, 彼此共勉.
有本書曾經話過ADHD的小朋友會比較容易迷上一些人物或心中的英雄, 不論是漫晝書中的角色或真人,甚至是一種運動或遊戲. 父母便可利用他們這些興趣去教導他們.
舉個例子 : 我個仔是超級足球迷, 上一届世界杯的32隊入圍國家,他可倒背如流,每個國家的出名球員如數家珍. 但他每次去街或返學著鞋著衫都要左整右整攪半個鐘都出唔到問口. 有一天我同佢講今日左脚同右脚比賽, 分主客制, 左脚先, 然後數123開始, 看左脚要用多少秒鐘才可以著好隻襪, 跟著右腳, 如此類推到穿鞋, 跟住讚佢今日隻左腳直犀利, 5比8打贏, 然後鼓勵大佢隻右腳下次再捲土重左贏返隻左腳. 就是這樣跟他玩了大半個月,他著衫箸鞋的速度已有改善, 當然你不能把他當成年人看待, 也會間中舊病復發. 當他停哂手的時候, 便又同佢玩左右腳比賽, 穿衣著褲比賽囉！
另外, 如果同佢温習做功課, 我會把要求的頁數和俾佢的時間講清楚, 教的Timer; 如果他不同意或認為太多, 我會加時或减D, 比佢覺得你明白佢和有得相量, 當然有時我會特登講多Ｄ, 比少少議價的空間大家. 到他做做下又發白日夢的時候, 我會提下佢做完有幾多時間玩, 如果快過約定的時間又多幾多時間玩, 可玩什麼........重點是等佢有盼望有動力去完成手上面的工作.
作者: alicemon 時間: 13-6-5 22:08
小朋友有任何問題,做父母都會好辛苦.不過,用打方法只會惡性循環..除了用藥,考慮用行為治療,有中心有呢類課程,呢個方法較治本...
加油!!!!
作者: 2muffin2 時間: 13-6-6 16:46
謝謝各位的回應。
其中，hoveypan, 您好。
想請教因你兒子沒用藥，相 信你的經驗很豐富，真心求教。
很多時，我兒子藥力過後，很不合作。
不聽指令，做所有事都慢條斯理.....
Thx!
作者: hedhed 時間: 13-6-7 23:50 標題: 回覆：對著我的ADHD兒子,我感到無能為力。
佢要嘅係食葯，唔係捱打。按醫生建議用量俾佢食藥啦
作者: ling619 時間: 13-6-16 07:16 標題: 回覆：對著我的ADHD兒子,我感到無能為力。
我仔剛6歲我在2歲評估為自閉
但一路都坐唔定專注唔到.心急同衝動好大壓力又擔心唉
想問A十ADHD小朋友是否可食藥
作者: davislak 時間: 13-7-19 22:37
提示: 作者被禁止或刪除 內容自動屏蔽
作者: sukilan 時間: 13-7-28 21:55
我一邊看又一邊看著阿囝又一邊哭，心好亂，阿囝D行為越黎越ADHD，排期排到2015年中，現在不知應怎樣做好？好煩、好亂
作者: DON1112 時間: 13-9-6 08:04 標題: 引用：我一邊看又一邊看著阿囝又一邊哭，心好亂，
原帖由 sukilan 於 13-07-28 發表
我一邊看又一邊看著阿囝又一邊哭，心好亂，阿囝D行為越黎越ADHD，排期排到2015年中，現在不知應怎樣做好？ ...
作者: Boborachel 時間: 13-9-9 21:41 標題: 回覆：對著我的ADHD兒子,我感到無能為力。
大家好以上你們問題我也開始經歷緊！知小兒已評估為ADHD 本來想等等不食薬！但老師打電話來返學成日發夢！坐唔定嘴唔停！做功課做3小時以上！上堂完全聽不到書！考試巳不是理想！第三次考試下跌谷底！考緊試中了同學仔玩！激死！沒辦法！排期要2014年11月！死得啦！只好自己看私家醫生！食最低份量每日一次8小時！效果顯著不同了！上堂可坐定定！知道做什麼功課！比老師罰少了！乖了！我只會星期一至五給他吃！放學、星期六日、假期回家不食薬！只好自己辛苦d! 沒辨法要體諒小朋友！他們唔想的！
看見有父母打小朋友跟本沒有用！他們只系控制唔到自己！父母必須認真面對！找出方法去幫助他們成長！
不過現在小學真系好唔掂！課程越來越深！我仔學校今年講了數學教深1/4 學期！
都唔知他得唔得！只好同他努力面對！大家也要加油！丶
明天見政府兒科！
| 歡迎光臨 教育王國 (/) |
Powered by Discuz! X1.5 |