教育王國
標題: 終於去了中大做了IQ Test [打印本頁]
作者: boyboy2006 時間: 13-5-4 16:14 標題: 終於去了中大做了IQ Test
等了差不多2個月, 今天終於在中大做了IQ TEST. CP講話佢做得好快, 全程好乖, 但真係口水多過茶, 結果係130+, 詳細報告會於4-6星期寄出. 四個範疇佢都好平均, 當初決定做這個test 是希望知道佢有邊方面比較弱, 希望可以幫到佢, 但現在得出的結果係平均, 所以都唔知應該做乜好, 請問有無經驗的媽媽可以提點一下, 你們做完test 後, 往後應該點做呢?
作者: Anniemun 時間: 13-5-4 22:09
boyboy2006 發表於 13-5-4 16:14 
等了差不多2個月, 今天終於在中大做了IQ TEST. CP講話佢做得好快, 全程好乖, 但真係口水多過茶, 結果係130 ...
作者: Radiomama 時間: 13-5-4 22:38 標題: 回覆：boyboy2006 的帖子
從你的login name估計你的小朋友6、7歲。過了暑假後可留意中大的資優課程，for小三或以上的孩子。另外香港資優學院也有課程for小學生，但要學校推荐。
科大有數學課程，還有EYPG on line課程。
當然也可什麼也不用著急，先看清孩子的性格和性情再作打算。
作者: boyboy2006 時間: 13-5-5 02:00 標題: 回覆：終於去了中大做了IQ Test
小朋友6歳7個月，因為平時上常不太專注，而且太喜歡傾計，所以原本打算看看他有什麼強弱項希望可以幫到佢，CP話佢做Test 速度好快，有時就是因為太快有很多地方太不小心而失分，四個範疇都很平均，沒有一個特別偏高，所以現在我都吾知應該點幫佢。所以希望有經驗的家長可以提點。謝謝大家！
作者: boyboy2006 時間: 13-5-5 02:03 標題: 回覆：Anniemun 的帖子
Thanks Anniemun, 佢四個範疇都好平均
作者: boyboy2006 時間: 13-5-5 02:08 標題: 回覆：Radiomama 的帖子
Thanks Radiomama, 佢的性格好熱情，好鍾意與人相處，超貪玩，CP話佢係開心果，鍾意自由自在的人，佢對自己無乜要求，平時做事情交了功課就算的人
作者: 浩霆豬豬 時間: 13-5-9 12:34
boyboy2006 發表於 13-5-5 02:08
Thanks Radiomama, 佢的性格好熱情，好鍾意與人相處，超貪玩，CP話佢係開心果，鍾意自由自在的人，佢對自己 ...
作者: boyboy2006 時間: 13-5-9 13:17 標題: 回覆：浩霆豬豬 的帖子
打電話去Book 就可以了，如果選平日會快些。$5000大元加詳細報告，電話39431073
作者: shareholder 時間: 13-5-9 16:20
幾好喎, 平均資優幾好教
作者: boyboy2006 時間: 13-5-9 16:41 標題: 回覆：shareholder 的帖子
Thank you ! 佢好貪玩，對自己沒有要求，佢係九型人格典型7號仔。佢都有情緒問題，不過我相信每一個人都會有情緒。現在只希望努力教好佢，可以的話希望佢對自己會有期望啦
作者: shareholder 時間: 13-5-9 17:16
本帖最後由 shareholder 於 13-5-9 17:18 編輯
對自己無要求, 咁好易流於頹廢, 咁你就要將一D基本合理的期望話俾佢聽, 例如:中英數要拿70 分以上, 等佢有個目標跟住做
作者: boyboy2006 時間: 13-5-9 17:35 標題: 回覆：shareholder 的帖子
Thanks shareholder, 這正正是我煩惱的事情，我覺得佢做事情吾夠用心，得過且過咁，成績屬中上，但就是怕他長大後也是這樣子。培育小孩已不是一件易事，培育資優兒更加勞心勞力。所以希望大家可以分享多些經驗。
作者: shareholder 時間: 13-5-9 22:41
我都想個仔係資優, 但而家佢才一個月大, 都唔知係唔係
作者: miriam 時間: 13-5-9 22:54
boyboy2006 發表於 13-5-9 13:17
打電話去Book 就可以了，如果選平日會快些。$5000大元加詳細報告，電話39431073
...
作者: boyboy2006 時間: 13-5-10 08:04 標題: 回覆：miriam 的帖子
請問兩者有什麼分別，及各是什麼價錢?
作者: HLE2005 時間: 13-5-10 11:54
回復 boyboy2006 的帖子
請問係邊位心理學家幫妳仔仔做呀? 我仔仔係 Dr. Maggie Wong 幫佢做架
!
作者: boyboy2006 時間: 13-5-10 13:54 標題: 回覆：HLE2005 的帖子
同你一樣呀，都係Dr Wong
作者: lillymarie 時間: 13-5-10 14:06
我知道兒子是資優後，替他報了一些給資優兒的課程，有兩個目的，一．是讓他接觸其他資優兒，二．是看看能否推動他的學習興趣更上一層樓。另外，是按他的興趣，買了幾本工具書給他。他喜歡科學，所以我訂了科學雜誌給他。另外按他興趣安排他多做運動，平衡一下。
作者: boyboy2006 時間: 13-5-10 14:57 標題: 回覆：lillymarie 的帖子
謝謝 lillymarie 的分享，小兒學習動機暫不大，所以亦都係我最頭痛的地方！
作者: boyboy2006 時間: 13-5-10 15:01 標題: 引用：謝謝+lillymarie+的分享，小兒學習動機暫不
原帖由 boyboy2006 於 13-05-10 發表
謝謝 lillymarie 的分享，小兒學習動機暫不大，所以亦都係我最頭痛的地方！
...
作者: lillymarie 時間: 13-5-10 15:14
boyboy2006 發表於 13-5-10 14:57
謝謝 lillymarie 的分享，小兒學習動機暫不大，所以亦都係我最頭痛的地方！
...
作者: boyboy2006 時間: 13-5-10 16:20 標題: 回覆：lillymarie 的帖子
細細個時覺得佢有小聰明，教佢嘢好快學識，幼稚園老師有反映佢的學習能力比其他小朋友快，但係就坐吾定（但不會走來走去）到了小一，情況都係一樣，平時上堂都係周身動，又吾係好專注，但學習沒問題。擔心佢會越來越嚴重，所以就帶了他去做智力評估，希望可以了解佢多D。
作者: lillymarie 時間: 13-5-10 16:38
回復 boyboy2006 的帖子
那他平時有沒有甚麼興趣？多喜歡做甚麼呢？
作者: boyboy2006 時間: 13-5-10 17:07 標題: 回覆：lillymarie 的帖子
佢沒有特別興趣，最鍾意係玩玩具，睇電視，對數較為敏感，問佢鍾吾鍾意數學，佢都話鍾意，但一叫佢做，佢晒吾多願
作者: lillymarie 時間: 13-5-10 18:50
回復 boyboy2006 的帖子
6歲幾仲好細個呢，我囝囝6歲幾時都仲係日日玩LEGO和睇卡通片。好討厭做數學題，有時想搏大懞做漏幾題。除了小提琴，乜興趣班都唔要上。佢係去年9歲幾才開始對科學有興趣，呢幾個月見到哥哥數學成績好被老師稱讚，才叫我教他數學。我自己就好鍾意見到囝囝自由自在咁玩，去發揮他的創意。
作者: boyboy2006 時間: 13-5-10 19:20 標題: 回覆：lillymarie 的帖子
謝謝你的分享，我都希望他隨著時間去找尋他自己的方向，畢竟佢仲細，我亦希望佢可以有一個快樂的童年。但佢都係一個敏感兒，小小嘢就情緒波動好大。唉！
作者: lillymarie 時間: 13-5-10 20:08
boyboy2006 發表於 13-5-10 19:20
謝謝你的分享，我都希望他隨著時間去找尋他自己的方向，畢竟佢仲細，我亦希望佢可以有一個快樂的童年。但佢 ...
作者: boyboy2006 時間: 13-5-10 20:41 標題: 回覆：lillymarie 的帖子
係呀，佢EQ真的不是太好, 自己唯有盡量解釋比佢聽，通常佢都係哭多，又生又死咁。又話吾鍾意你，好憎你咁，遇到咁的情況我通常都吾理佢，等佢冷靜小小才對佢講，冷靜過後佢通常都知錯，又會同你講對吾住呀！我下次吾會咁。這情況就好像一個circle 咁。
作者: lillymarie 時間: 13-5-10 21:30
回復 boyboy2006 的帖子
可以試下教他感受字眼，例如嬲其實可以係好多唔同的感受：難過，受傷，失望，憤怒，挫敗，苦惱，傷心等等。佢若識多些感受字眼，就不必下下都生生死死，可以更準確地講出自己感受。第時寫作內容亦會丰富些。我自己也在努力中，因為男仔真的幾難同佢講感受，好多時都話：nothing, normal, OK.
作者: boyboy2006 時間: 13-5-10 22:24 標題: 回覆：lillymarie 的帖子
謝謝分享，好有用呀，我剛剛對佢講，下次如果吾開心，吾一定要死，可以同媽咪講，我好難過、傷心等，去代替個死字，希望佢明啦
作者: lillymarie 時間: 13-5-11 03:34 標題: 引用：謝謝分享，好有用呀，我剛剛對佢講，下次如
原帖由 boyboy2006 於 13-05-10 發表
謝謝分享，好有用呀，我剛剛對佢講，下次如果吾開心，吾一定要死，可以同媽咪講，我好難過、傷 ...
另外，可考慮和他一起看一些關於感受的故事書。我好鍾意一本叫做生氣的阿瑟，另一本where the wild things were 也是講一位男孩子在生氣。
作者: boyboy2006 時間: 13-5-11 08:39 標題: 回覆：lillymarie 的帖子
謝謝你的提意，大家一起加油
作者: Stockinette 時間: 13-5-14 15:14
boyboy2006 發表於 13-5-9 13:17
打電話去Book 就可以了，如果選平日會快些。$5000大元加詳細報告，電話39431073
...
作者: boyboy2006 時間: 13-5-14 19:10 標題: 回覆：Stockinette 的帖子
$5000 已包detail report
作者: Stockinette 時間: 13-5-15 09:31
boyboy2006 發表於 13-5-14 19:10
$5000 已包detail report
作者: piglet1212 時間: 13-5-15 17:07 標題: 回覆：boyboy2006 的帖子
請問4歲可以做嘛？
作者: longlong0422 時間: 13-7-13 19:34 標題: 回覆：boyboy2006 的帖子
我想問CP 點樣同小朋友測試，做試卷寫字還是同佢玩遊戲，因我仔有些情緒問題，但個個都叫我去check覺得佢轉數快，講嘢叻，但我卻想幫佢情緒問題，都十分困擾
作者: boyboy2006 時間: 13-7-20 00:52 標題: 回覆：longlong0422 的帖子
其實詳情系怎做我也不清楚，cp是單獨跟小朋友做的。最好你打去問問吧！
作者: car817ho 時間: 13-7-22 09:45
回復 boyboy2006 的帖子
我細仔一樣敏感到死。
好易發脾氣，老師話佢無動機。
但鐘意個D佢就好沉迷。
唔鐘意個D 就死都唔肯做。例如寫字。
學野都好快。但就千祈唔好叫佢寫字。
9月升小一。我好擔心唔知點應付。
作者: Sweetheart12 時間: 13-7-22 11:05 標題: 引用：等了差不多2個月,+今天終於在中大做了IQ+TE
提示: 作者被禁止或刪除 內容自動屏蔽
作者: Radiomama 時間: 13-7-22 14:16
回復 Sweetheart12 的帖子
就係同家長傾計，了解下家庭背景和小朋友的情況囉。
其實做測試嗟，唔駛咁多憂慮和擔心，反而應該思考一下點同小朋友講去做test。我當日沒有highlight "資優"呢個題目，直至依家都不會在他面前講。
作者: Sweetheart12 時間: 13-7-22 14:38 標題: 引用：回復+Sweetheart12+的帖子
就係同家長傾計
提示: 作者被禁止或刪除 內容自動屏蔽
作者: pingu_k 時間: 13-8-2 15:49
shareholder 發表於 13-5-9 22:41
我都想個仔係資優, 但而家佢才一個月大, 都唔知係唔係
作者: uns 時間: 13-8-5 15:50
回復 boyboy2006 的帖子
我亞女也6歲,她的情緒也是好波動,好容易好嬲,但她也知道自己控制自己情緒有問題,會自責和打自己,也有提過想死,嚇死我啦,佢無看電視的,唔知佢點解會識呢D野!
作者: yonnie_tam 時間: 13-8-9 11:57
回復 boyboy2006 的帖子
130+ 好叻仔!!
作者: ssiu7777 時間: 13-8-16 00:28
本帖最後由 ssiu7777 於 13-8-16 00:30 編輯
我都想問下有經驗的資優家長,幾多歲做IQ test 好? 中大人做是否準確D?
小兒9月升k3,一直都是一個特別小孩,由pn時已經發覺同一般小朋友唔同.喜愛自己玩,到k1,第2日校長已經親自打電話比我. 擔心是否自閉,因小小野大發脾氣,又唔多講野.唔合群. check過唔係自閉. 到k2講野已經超級好.英文拼音,日文,普通話都熱愛.記性好.表達能力好咗.但上堂依然唔專心.唔合群,好有自己主見. 無論上咩課外活動興趣班...佢都係最游離嘅一個,但問佢D野,佢又識晒...真係好頭痛....起碼唔止一個老師叫我帶佢去check下係唔係資優......
你地係過來人,可以比D意見我嗎?
而家仲開始考小一....真係唔知點好.....
作者: Radiomama 時間: 13-8-16 09:35
回復 ssiu7777 的帖子
智力測驗最好在七歲之後才進行，原因:
1) 較準確;
2) 測驗的分數可報讀本地的資優課程，一般是P3開始有課程提供，而IQ SCORE的有效期是兩年;
另，K3學生以IQ SCORE報小學作用不大，不要浪費心力。
最後，您的小朋友的問題不在於他是否資優，而是他的情緒、社交能力、溝通能力需要改善。在另一帖見您提到上興趣班時他有行為問題，所以您應讓他停一停，了解一下他的真正需要。能說多種語言、表達能力高，但不懂與人相處及溝通就不能算是會表達自己啦。
調整期望和要求，不要讓考小一成為唯一目標，坦白說，除了國際學校外，一些本地不出名的津小，老師們可能更有能力和愛心照顧特別的小孩。
作者: 笑死人 時間: 13-9-13 12:03
回復 boyboy2006 的帖子
我個囡好似你小朋友, 哈哈
作者: 笑死人 時間: 13-9-13 12:06
其實去check 資優, 有咩好, 有咩唔好 ?
心大心細, 唔知帶唔帶個囡去check 好...
作者: 笑死人 時間: 13-9-13 12:08
uns 發表於 13-8-5 15:50
回復 boyboy2006 的帖子
我亞女也6歲,她的情緒也是好波動,好容易好嬲,但她也知道自己控制自己情緒有問題, ...
我個囡一發脾氣就話想死, 但我未check 係咪資優,
校長話可能係可能係
作者: peak1011 時間: 13-9-14 11:04
pingu_k 發表於 13-8-2 15:49
點解你會想佢係資優?資優生好難教！可能我吾䛊教仔，所以反而好擔心佢係!不過，可能係吾係都冇乜大關係了， ...
無錯呀，非常同意！我阿姨係資深教育工作者，教咗書廿幾年，見過好多資優兒，佢同我講，望都唔好望仔女係資優，發展平均的資優係好少見，多數佢哋都有情緒或社交問題，仔女正常健康係最大的blessing! 曾經都有專業評估資優的人接受電台訪問，佢哋都話佢哋接觸過各項發展平均的資優兒係寥寥可數，並唔常見的。通常資優兒脾氣差D、同人相處亦通常比較差，所以，我眼見身邊的例子係小朋友同正常普通小朋友有分別，例如脾氣大、唔理人、好自我，但又學習正常、智力無問題的話，身邊的朋友會婉轉話可能個小朋友係資優，咁講好聽D，小朋友爸媽亦無咁難受，其實背後係善意叫父母去check 吓小朋友有無問題......我有個朋友就係咁，佢囡囡智力正常，學嘢無問題，但現在差不多四歲，每次見親佢個女都係唔睬人，唔同其他小朋友玩，好似活喺自己世界咁，就算平時照顧佢的人佢都無咩眼神接觸，好少笑，容易發脾氣，自己同自己玩，身邊朋友都覺得個小女孩似有問題，個個都好心同佢媽咪講，話可能佢係資優，叫佢媽咪帶佢check吓.......好自然，父母當然唔想小朋友係有咩問題，亦傾向選擇相信佢係資優，個心好過D。
所以，小朋友正正常常，係會比較易教，亦已係福份，無須渴望係資優。
作者: 超人baby 時間: 13-9-22 11:23
回復 peak1011 的帖子
形容得好明顯係自閉,不過4歲?無理由佢爸爸媽媽唔清楚佢有特別?
作者: peak1011 時間: 13-9-22 16:05
超人baby 發表於 13-9-22 11:23
回復 peak1011 的帖子
形容得好明顯係自閉,不過4歲?無理由佢爸爸媽媽唔清楚佢有特別? ...
佢爸媽其實心知個女同其他小朋友有唔同，但由於佢個女學習正常，有D方面仲幾好，學得幾快(個人認為每個小朋友其實都會有特別叻的地方，唔代表資優)，所以佢媽咪寧願相信佢係資優，捉過個女去驗IQ，不過話六歲後先驗到的。我估係個媽咪唔願意接受個女可能有少少自閉或其他問題，我只係聽到佢一味話好多朋友叫佢帶個女去驗IQ，話好多人同佢講個女可能係資優.......(其實我都曾經咁同佢講過，目的係想佢及早去驗吓個女係咪有其他問題，我無理由同人唔太熟就指出佢個女可能有自閉！我講唔出，只好婉轉咁講......)，所以我估佢身邊好多朋友其實同我動機一樣，想話佢個女似乎有d問題......
做父母的，正面態度係面對仔女的問題，及早幫助佢哋，不過，要接受又真係唔易，當然想仔女係叻得滯而唔係有問題啦，人之常情......唉！
作者: peak1011 時間: 13-9-22 16:11
peak1011 發表於 13-9-22 16:05
佢爸媽其實心知個女同其他小朋友有唔同，但由於佢個女學習正常，有D方面仲幾好，學得幾快(個人認為每個小 ...
仲有，佢個女的行為問題其實佢兩公婆都知，個爸爸仲擰晒頭咁話.....如果唔走後門，應該無一間學校肯收 (當然，佢哋係taregt D名校)，因為佢個女interview實衰硬，唔會睬人！個媽咪亦知個女好勺蠻，好容易忟同發脾氣，媽咪解釋話因為去睇咗唔知邊度D專業人士話佢個女思想好複雜，但語言發展又未去到一個可以清楚表達的程度，於是就常感沮喪，然後發脾氣.......
總之，個媽咪看來拒絶相信個女有問題，一切都係因為太叻之故......
| 歡迎光臨 教育王國 (/) |
Powered by Discuz! X1.5 |