教育王國

標題: 請問小一礳牙，好嚴重應該睇咩醫生 [打印本頁]

作者: sumyau1012 時間: 13-5-2 18:50 標題: 請問小一礳牙，好嚴重應該睇咩醫生

請問小一礳牙，好嚴重應該睇咩醫生？係咪應該睇心理醫生？有無經驗人士可以介紹下。

作者: maggieddie 時間: 13-5-2 20:59 標題: 回覆：請問小一礳牙，好嚴重應該睇咩醫生

有人話生蟲會磨牙有人話係壓力有一排我個仔（小一）短時間內有鋼琴比賽同跆拳道考試果排就成日磨牙一完左就即刻無晒事所以壓力居多！

作者: sumyau1012 時間: 13-5-2 22:09 標題: 回覆：maggieddie 的帖子

我初期我以為係考試壓力，但都考完試好耐。2月份考試。問佢自己，佢鍾意考試，因為無功課，早放學有時間玩。佢又鍾意返學。平時我都無比額外野佢做，都唔知咩原因，所以諗緊係咪要睇醫生，但又唔知睇咩醫生先岩

作者: eviepa 時間: 13-5-2 22:47

磨牙基本上是遺傳，有了這遺傳，就有磨牙的傾向。有磨牙傾向的人，到壓力大時，就會磨牙。

一定要看醫生，是看牙科醫生，不是心理醫生，因為任何心理醫生都不可能保證你永無壓力。牙醫會造個類似拳手帶著的牙套，叫“night guard” 給你，睡覺時帶著，磨牙時牙只磨塑膠牙套，不會傷害牙齒。

作者: dorming 時間: 13-5-2 23:00 標題: 回覆：eviepa 的帖子

做一個套要幾錢？孩子一路成長係米一路轉套？ OR大到某個歲數才要做呢？

作者: 173173173 時間: 13-5-3 09:27

我小朋友都有磨牙習慣, 問過我睇開的牙醫, 牙醫話要 $1200 做一個膠牙套, 如果小朋友日日磨, 大約1-2個星期就會磨爛, 又要再做一個, 所以我冇做!

作者: terrylyy 時間: 13-5-3 11:27 標題: 回覆：dorming 的帖子

我小朋友晚晚磨牙，去牙医到檢查佢話門口有小小磨到平咗啲，現在每晚戴牙套訓覺，初初好吾慣，有啲訓吾着，一兩星期後已經吾覺有嘢阻住，大約仟二蚊一個，可用一兩年，吾會用幾個禮拜就磨穿，每年番去牙医到檢查一次睇吓小朋友大個咗，個牙位有無吾啱，牙医話有磿牙最好要帶，因為磨得多，越磨啲“法郎“質越薄會影响啲神經線，會成日痺，我個仔就係有一隻門牙久吾久痺吓先去check，現在已經無事，佢只係帶咗三四個月左右。

作者: 黃巴士 時間: 13-5-3 11:53

學童牙科保健時, 順便問吓.

作者: jc2009 時間: 13-5-3 12:44

我囡K2, 晚上瞓覺都有磨牙習慣, 現需要看醫生嗎?

作者: btrue 時間: 13-5-3 13:58

我個女都勁磨牙,有次偶然發現唔訓枕頭就立即停止.唔知係唔係枕頭高度會影響?

作者: cherrybiz 時間: 13-5-3 15:34

本帖最後由 cherrybiz 於 13-5-3 15:35 編輯

我本身都有磨牙﹗我個仔(4 years old)同個女 (17 mth old)都有呢個問題。仔仔情況好嚴重，我都唔知佢有咩壓力，或者在我大人角度係冇，但小朋友就覺得有呱。anyway，我又係唔知點幫佢.....

作者: eviepa 時間: 13-5-3 16:32

我自己用既牙套，普通厚度既通常可以用一年左右，牙醫已經話嚴重，後來就加厚一倍，大概可以兩年。我既牙醫係朋友，有特價，我相信正價大約係一千左右。

作者: sumyau1012 時間: 13-5-3 23:05 標題: 回覆：btrue 的帖子

係喔，可能有關，因為鼻感引起鼻水倒流，所以近排我換左大人的俾佢用，好多謝你，等我試下唔俾佢用，睇下好唔好

作者: sumyau1012 時間: 13-5-3 23:07 標題: 回覆：eviepa 的帖子

但我覺得，咁細個有壓力，我應該諗下點幫佢減壓，係咪好d. 我好唔希望咁細個人仔有大壓力。

作者: sumyau1012 時間: 13-5-3 23:07 標題: 回覆：terrylyy 的帖子

但係你小朋友礳牙係咪同壓力有關

作者: sumyau1012 時間: 13-5-3 23:09 標題: 回覆：eviepa 的帖子

其實我唔太清楚係咪壓力引致，所以想問下大家。係咪通常礳牙都同壓力有關

作者: sumyau1012 時間: 13-5-3 23:14 標題: 回覆：eviepa 的帖子

請問你係咪通常有壓力先礳牙？因為我想攪清楚礳牙既原因。如果係壓力，就好希望找出咩事令咁細個小朋友有壓力。如果係天生，咁就只好搵牙醫

作者: eviepa 時間: 13-5-4 23:27

睡著才會磨牙，所以我根本連自己有沒有磨牙都不知道，是牙醫從我的牙齒形狀才斷定我是磨牙。甚麼時候磨牙？是否有壓力才磨？我統統不知。但牙醫說通常有壓力才會磨牙，沒有壓力，比如說去旅行時就不會磨牙。

不要太擔心，鄙人雖有磨牙問題，但也不覺得壓力比別人大，生活質素比別人低。

磨牙是先天的，遺傳了雖不是好東西，但晚晚帶night guard，問題不大。

作者: cchealthy 時間: 13-5-4 23:32 標題: 回覆：請問小一礳牙，好嚴重應該睇咩醫生

同壓力無關係。

作者: sumyau1012 時間: 13-5-4 23:54 標題: 回覆：cchealthy 的帖子

可唔可以講多小小，點解同壓力無關。唔該晒。

作者: sumyau1012 時間: 13-5-4 23:56 標題: 回覆：eviepa 的帖子

好多謝你們的分享，我既擔心減小左。

歡迎光臨教育王國 (/)