教育王國

標題: 重品德或重學術幼稚園 [打印本頁]

作者: joyfulwedding 時間: 13-4-30 14:29 標題: 重品德或重學術幼稚園

重品德或重學術幼稚園，有沒有家長仲猶豫緊?

作者: mrsairkidd 時間: 13-4-30 14:54 標題: 回覆：重品德或重學術幼稚園

我呀！好煩惱！

作者: tam_bb 時間: 13-4-30 15:13 標題: 回覆：重品德或重學術幼稚園

睇你將來小學揀咩。如果，打算揀官津，夠分入心儀小學的話，就揀重品德嗰間kg。但如果打算小一要考直資、私小，就㨂重學術嗰間kg，打好個底。。而我，就決定揀重學術嗰間。因為學校課程好，可以慳番週末週日課餘時間，唔駛小朋友補呢樣、補嗰樣（例如：普通話、英文、phonics），可以安排多D親子活動。至於品德方面，作為家長，一定會教小朋友。

作者: mrsairkidd 時間: 13-4-30 15:54 標題: 回覆：重品德或重學術幼稚園

其實我未知升P1玩法，晤知自己有幾多分。不過暫時要選擇既2間都有小學back up...2間都唔係100%收，只係機會大D。

另，想問下再長遠D..升中學係咪小學咩區就升返個區校網？

作者: mammyleung 時間: 13-5-1 01:32 標題: 回覆：mrsairkidd 的帖子

不過宜家就算重學術個d, 如st cat, think學生，課餘都要出去學phonics , 普通話，同珠算，學音樂。其實好睇父母睇法，小朋友又可以要谷，又開心。相反，會有抗拒，減低學習興趣！

作者: cindychu 時間: 13-5-2 01:42

重品德和重學術兩者是可以共存, 反而重學術和活動教學才有分歧, 不是嗎?

作者: 四隻貓 時間: 13-5-2 10:10

cindychu 發表於 13-5-2 01:42
重品德和重學術兩者是可以共存, 反而重學術和活動教學才有分歧, 不是嗎?

我仔女果間係活動教學, 但學術都有相當既程度喎.
兩者可以共存.

作者: mamath 時間: 13-5-2 10:46

我想知是不是國際班的紀律一般而言會比主流班的差?

作者: taktakchichi 時間: 13-5-2 11:13

joyfulwedding 發表於 13-4-30 14:29
重品德或重學術幼稚園，有沒有家長仲猶豫緊?

個人意見:
"學術", 可以話受學校影響較大
"品德", 其實即係"家教", 學校只可以發揮有限的作用. 真正可以"教"小孩子品德o既人, 係家人, 唔係學校

作者: 四隻貓 時間: 13-5-2 11:59

四隻貓發表於 13-5-2 10:10
我仔女果間係活動教學, 但學術都有相當既程度喎.
兩者可以共存.

學之園係活動教學, 無考試測驗, 但學術都有相當既程度.
KM 好似有考試測驗的.

作者: taktakchichi 時間: 13-5-2 13:26

四隻貓發表於 13-5-2 11:59
學之園係活動教學, 無考試測驗, 但學術都有相當既程度.
KM 好似有考試測驗的.
...

要去考直資/私立小學, 其中一樣要求交o既文件係"成績表"或"學校評估報告"

除非個間學校無諗住協助學生去考小學, 否則測驗考試一定有, 問題是係有幾多同埋用咩型式

作者: LL222 時間: 13-5-2 13:36

四隻貓發表於 13-5-2 11:59
學之園係活動教學, 無考試測驗, 但學術都有相當既程度.
KM 好似有考試測驗的.
...

KM的是做評估卷, 都是考返平日做的功課。

作者: dreambearbear 時間: 13-5-3 10:11

重學術要視乎你的小朋友能否適應，有時K１就學寫字和認字未必好，我認識有些朋友的子女都有反效果，令小朋友對學習沒有興趣，反而"品德"在學校老師教，有同學仔一齊學，好過爸媽在家教十次，當然家教亦非常重要，真係好視乎家長希望自己的小朋友怎麼樣成長

作者: teambuilder 時間: 13-5-3 13:42

我小朋友果間都係學術, 品德, 自理並重喎. 主題多關於咩家庭, 動物, 大自然呀... 十足十教育電視d topic 咁. 而且成日有公益活動, 又有小小教會活動. 學術算深, 係咁要佢地睇書, 一星期兩本. 不過功課係好少. K1 已識寫字, 中英數. n班已識phonics和識聽講普通話.

作者: minirat 時間: 13-5-3 14:01

兩者應該無衝突
如果真的要選擇一個，一定是學術
品德應該由屋企出發

作者: FCMF 時間: 13-5-3 14:01

我都煩緊, 聽日中午前就 deadline, 我仲未決定到, 怕自己揀錯

作者: joyfulwedding 時間: 13-5-3 17:21

我自己覺得好難並存，因有學卷學校通常較淺!

作者: Matador 時間: 13-5-3 18:19 標題: 回覆：重品德或重學術幼稚園

其實沒有一個正確的答案, 選擇最終都是因個人直覺及小孩個性而定. 一直以來香港的教育制度及文化都造就了重學術的現象. 但現今社會複雜, 二十年後的香港好肯定不會再像我們從前一樣，所以我認為啟發性及獨立思考反而重要過學術.
現今很多學術上的重要硏究基本上都是由美國/歐洲人完成的; 他們國家的學前及幼兒教育基本上是很簡單的, 甚至乎小學末期才會學乘數, 但到最後他們進入高中及大學後往往反而變得比亞洲人更出類拔萃.
所以我認為過早的學術訓練未必對小孩二十年後的將來會有太大的好處; 與其背"M" for Metamorphosis倒不如讓孩子還年輕輕鬆享受這個世界, 讓他自己發掘出一條毛蟲怎樣變成一隻蝴蝶.

作者: dreambearbear 時間: 13-5-3 21:58

絕對認同，香港的學習環境和教育制度真正要家長贏在起跑線，我個人覺得學習係終身的，我反而覺得幼稚園階段要啟發多過學術，我小朋友現正讀K1，我好感恩他現在讀一間重德育多於學術的幼稚園, 而家我仔仔好明道理，又好鍾意返學, 真係好視乎家長希望自己的小朋友怎麼樣成長

作者: bbforever 時間: 13-5-5 02:50

我仔試咗重品德既幼稚園，現在想找間重學術既俾妹妹

作者: 朱寶媽媽 時間: 13-5-5 04:43 標題: 引用：我小朋友果間都係學術,+品德,+自理並重喎.+

原帖由 teambuilder 於 13-05-03 發表
我小朋友果間都係學術, 品德, 自理並重喎. 主題多關於咩家庭, 動物, 大自然呀... 十足十教育電視d topic 咁 ...

請問邊間

作者: salsalee 時間: 13-5-6 08:19 標題: 回覆：重品德或重學術幼稚園

係囉，我都想知邊間

作者: joyfulwedding 時間: 13-5-6 17:14

作者: kumiso 時間: 13-5-7 03:24 標題: 引用：我小朋友果間都係學術,+品德,+自理並重喎.+

原帖由 teambuilder 於 13-05-03 發表
我小朋友果間都係學術, 品德, 自理並重喎. 主題多關於咩家庭, 動物, 大自然呀... 十足十教育電視d topic 咁 ...

是哪一間KG 呀

作者: mimwing 時間: 13-5-7 07:29

認字重等k1,阿女2歲開始已經俾佢試.. 當然不能迫, 一次唔識, 就繼續試, 透過遊戲學習..

歡迎光臨教育王國 (/)