教育王國
標題: 我囝囝被懷疑有ADHD [打印本頁]
作者: 家希媽媽 時間: 13-4-29 14:14 標題: 我囝囝被懷疑有ADHD
囝囝7歲，小一。一直都係好動多言，易玩得失控，專注力唔算好，但仍可以接受。
幼稚園3年，成績一直都保持頭三名。直升上小學，問題開始嚟。學期初已經俾老師投訴三次，有上堂攪住同學仔，玩得太開心整親同學仔..教訓左一輪後有改善，起碼無再收到投訴。到督課班做功課就頭痕，有時撩下同學仔，有時抬住頭遊雲太空，總之人地一個鐘頭做晒，佢要二個鐘。俾督課老師投訴好多次唔專心唔做功課攬住玩.....! 返到屋企我坐隔離陪佢做，佢就好快做得晒。考試測驗每次都有80幾90分，全部都係錯D無厘頭嘅事，好似擦左唔記得寫番，填充題有生字揀可以寫左第二個字(觀察 ->歡察)，數學橫式啱直式都可以寫錯(例如橫式80+20=100, 直式可以係80+30=100)，總之千奇百趣，但老師話佢答案係啱，但寫錯都要扣分。所以成績就落到43人考20名。
平時有得玩仲驚，可以開心到癩晒，又會自己照鏡扮鬼扮馬，人地睇到以為佢傻左嗰種，成日叫佢冷靜D，但一玩起上來就真係失控。
因為有咁嘅情況就帶佢去私人兒科評估，醫生結論係懷疑係輕微ADHD，不過要觀察一年再可以確診。因為佢做評估嗰時可以完全坐定，所以醫生就叫我呢一年留意佢情況，再覆診，。始終確診左就要食藥。我都好擔心，所以我想了解下如果真係要食藥，係咪長期要食?仲有咩方法可以幫助到佢?
多謝指教!
作者: polly0503 時間: 13-4-29 14:45 標題: 回覆：我囝囝被懷疑有ADHD
我個女都係輕微，3個月覆診一次醫生話食唔食藥我可自己決定，我個女係好多咀，暫未影響人，成績同你個仔差不多我暫時都係諗住再觀察住先。對住個女真係要好高eq。
作者: 家希媽媽 時間: 13-4-29 15:31
回復 polly0503 的帖子
真係，7年我真係EQ都提高好多。起初幼稚園時凈係覺得佢好好動，好似玩極都唔夠，又癲又失控，我教佢都好似癲婆咁。到上小一有明顯症狀，咁我先明白原來佢可能係ADHD。有時我都教到自己都好忟。
作者: polly0503 時間: 13-4-29 17:03 標題: 回覆：家希媽媽 的帖子
我好明白你的感受，我每日叫佢做野都要叫幾次，經常都攪攪震，我一向有用獎勵計劃其實都幾有用。如佢有改變我會多讚賞都幾有用。但有時真係好難忍到唔話佢
。
作者: polly0503 時間: 13-4-29 17:05 標題: 回覆：家希媽媽 的帖子
最忟係叫佢做野要次次都要檢查下佢有沒有完成。做緊第一件事未完成就做第二件事跟住第一件事就完全放埋一邊
。
作者: 家希媽媽 時間: 13-4-29 17:52
回復 polly0503 的帖子
係呀~~每日都要幫佢檢查功課，叫佢執完書包，就靜靜雞幫佢核對下有無執漏(因為唔想佢依賴我)，，佢可以執埋D功課出嚟，試過因為咁而欠功課(無做而欠都甘心丫)!
佢又係做做下一樣又走去做第二樣，跟住就無做番，就算玩玩下佢都可以走左去玩得二樣。唯一佢可以堅持到就係睇卡通片，佢可以重覆睇同一套卡通。
係呢，你囡囡依家有無食藥? 食左藥係咪真係好D? 我聽其他人講食左係好D，但藥力一散就回復之前咁，令我覺得好似治標唔治本。
作者: polly0503 時間: 13-4-29 19:15
本帖最後由 polly0503 於 13-4-29 19:15 編輯
回復 家希媽媽 的帖子
係呀! 我個女又係鐘意重覆睇同一套卡通, 唉... 我暫時決定不用藥, 上到二年級再睇情況. 我大女佢間中都會因多咀被罰企,佢會同我講返 , 老師暫時沒有搵過我.
作者: hoveypan 時間: 13-4-29 22:21 標題: 回覆：家希媽媽 的帖子
我個仔都係有ADHD，以我個人認為，如果佢的行為未去到動不動便打人，又或者情緒唔係咁失控，就最好唔好食啦。我仔之前食R字頭嗰隻，食時好定同好累，藥力過咗就打回原形。跟住佢食一隻長校力的，要3個月才見校果。我仔食咗薬3年，已經停咗5食。原因係，我接受包容同體諒佢的行為，欣賞佢的口才。接受佢的成績超差。經常同老師討論教法。如果你地可以接受到指看品德，唔睇成績，你地就唔使食藥（暴力除外）ps.真係唔係咁多媽媽接受到自己的小孩年年考最尾，經常見家長。所以，食5食藥要諗清楚。
作者: hoveypan 時間: 13-4-29 22:24 標題: 回覆：hoveypan 的帖子
5記得講，食薬係有副作用的，反胃、漚、冇謂口、瞓唔到、頭痛，最重要係影響發育。
作者: polly0503 時間: 13-4-30 09:54 標題: 回覆：hoveypan 的帖子
請問學校知不知你的小朋友有adhd？
作者: 家希媽媽 時間: 13-4-30 10:12
回復 hoveypan 的帖子
多謝你意見
其實我囝囝只係玩得太癲時易失控，有時(好少好少)真係會發脾氣就癲左咁扔嘢，同打自己個頭，但唔會打人。有時見到佢咁我真係好擔心同心痛，好彩7年來都只係發生過3-4次，尤其近呢一年未發生過，我諗應該佢大個左開始識控制脾氣。
講真，未到要食藥控制我都唔想俾佢食藥，因為我始終覺得係治標唔治本嘅方法，加上就算確定係ADHD，都係屬輕微，所以我都係想用其他方法去幫佢，依家有俾佢食一隻V字魚油丸。
可能佢幼稚園時成績唔錯，到小一跌到咁差，我都緊張架。但見佢測驗考試D卷加上老師同我講，知道佢又唔係唔識，只係錯粗心大意，已經開始無咁緊張佢成績，依家反而擔心佢操行多過成績，因為操行分已經去到C，唉~~
作者: 家希媽媽 時間: 13-4-30 10:18
回復 polly0503 的帖子
學期初收到三次老師電話之後，我依家一見到學校來電顯示我就驚喇
作者: polly0503 時間: 13-4-30 17:51 標題: 回覆：家希媽媽 的帖子
學校知道你個小朋有有ADHD嗎？我未講因為暫時情況可控制到遲些就唔知。大家努力。
作者: polly0503 時間: 13-4-30 18:00 標題: 回覆：家希媽媽 的帖子
你小朋友間學校係咪好谷埋係傳統學校？我個女果間係傳統學校上堂係要坐定定所以對佢黎講係辛苦，希望佢呢6年可以學習控制下自己。每日放學我會同佢去公園玩陣等佢放鬆下其實都幾有用。
作者: 家希媽媽 時間: 13-5-2 10:37
回復 polly0503 的帖子
我無同學校講有關我囝囝有ADHD，我唔想佢被標籤化，始終只屬輕微，又唔駛食藥，亦無嚴重影上堂運作同同學仔。
作者: 家希媽媽 時間: 13-5-2 10:59
回復 polly0503 的帖子
我囝囝間小學係傳統學校，又係要求坐定定上堂，對於我個仔真係幾辛苦，起初揀呢間學校就係校規嚴(當時唔知佢可能係ADHD)，依家睇番......都有少少難為佢。暫時觀察住佢返學情況，如果真係問題惡化，都會幫佢搵其他學校。
作者: polly0503 時間: 13-5-4 20:19 標題: 回覆：家希媽媽 的帖子
我同你的想法一樣。
作者: 家希媽媽 時間: 13-5-17 23:18 標題: 回覆：我囝囝被懷疑有ADHD
我真係好想知道，任性，成日挑戰你底線係咪ADHD嘅症狀？我真係被激到就嚟癲！7歲仔已經咁反叛，我唔識教喇
作者: chanyeehang 時間: 13-5-21 17:00
我每次睇e度d討論, 我都好懷疑我個仔係咪有? 但係, 我個人認為香港太大壓力, 動不動唔跟大隊就被標籤有問題, 我地細個都冇e d野, 所以大家包容一下, 唔好俾咁大壓力俾自己同小朋友, 我成日都咁同自己講不過都做不到, he he!!!
加油, 而且隨小朋友長, 我覺得會好轉的, 一樣米養百樣人呀, 大家緊記!!!
作者: babymamala 時間: 13-5-21 17:33
提示: 作者被禁止或刪除 內容自動屏蔽
作者: 家希媽媽 時間: 13-6-1 23:47 標題: 回覆：我囝囝被懷疑有ADHD
今日去睇了醫生，做左評估，確診了ADHD。雖然有心理準備，但真係感覺好唔開心。由聽日開始就要食藥治療，希望真係幫到佢啦
作者: wan_sosin 時間: 13-6-1 23:55
家希媽媽 發表於 13-6-1 23:47 
今日去睇了醫生，做左評估，確診了ADHD。雖然有心理準備，但真係感覺好唔開心。由聽日開始就要食藥治療，希 ...
正面d睇,如果食咗藥幫到個小朋友!都係好事!
而家好多小朋友係咁!唔好比太大壓力自己!唔少ADHD嘅小朋友都好聰明!加油!
作者: 家希媽媽 時間: 13-6-2 16:23 標題: 回覆：我囝囝被懷疑有ADHD
想問下，今日囝囝第一日食藥，之後有啲肚唔舒服（佢話少少，唔係肚痾又唔係想嘔），仲有雖然覺得熱，但手腳凍凍地但有汗。咁係咪正常反應？
拜託各位經驗媽咪指教
作者: 家希媽媽 時間: 13-6-2 16:30 標題: 回覆：wan_sosin 的帖子
多謝你！
我都知食藥係對佢有好處，亦今日都見到食藥後佢真係有明顯改善，不過心又唔想佢食藥，真係好矛盾。
我依家就好似一位家長咁講，食藥就等於buy time，趁佢專心時就做一啲訓練，希望可以縮短食藥時間。
其實真心多謝你地每一位家長，因為我從無經驗，都係上bk去吸收有關知識，等於令我有啲信心。
作者: IvyPluto 時間: 13-6-3 14:03
我最近看了一本書 : The Gift of ADHD, (利益申報,我跟書的立場是一樣的 - ADHD可以不吃藥)
書裹面講, ADHD的小朋友都是一些很敏感的小孩子,別人的一個眼神或一句說話都會引起他們的關注. 但他們又是一羣冲動和按耐不住的野馬,所以他們便把自己真實的內心說話宣之於口, 甚至以行動表達, 一般人不了解他們, 甚至父母誤解他們,便覺得他們無禮貌. 其實他們需要我們幫助他們把事情過濾, 重新理解.
舉過例子: 我個仔有次跟我和一班朋友大大小小10人去飲茶,大家傾得好地地, 他突然舉起隻手想打對面位小女孩, 我問他做什麼,他說人家笑他, 我告訴他,那個女孩子是對我笑,不是笑他,但他堅持人家是笑佢,仍然很想打人.
我讓他冷靜一下,便同他一齊去問那個比他小一點的女孩子, 她剛剛是不是笑他. 女孩子說, 她覺得我個仔講野好攪笑所以她便笑.我同個女孩子講我仔誤會佢取笑他,所以可不可以不笑他呢！女孩子很爽快便答應可以. 跟著我好像發現新大陸咁同我個仔講原來人家不是嘲笑佢而是覺得他說話風趣,優默.
就這樣兩個小孩的小風波便解決了,之後便一起高高興興的玩.
其實我個仔接收冇錯,他所表達的也是正常反應,不能要求他如像大人一樣,內心如可不滿也要和顏悅色.
今次講咁多先因為用手寫板很慢！有興趣下次再講.
作者: davislak 時間: 13-7-19 22:45
提示: 作者被禁止或刪除 內容自動屏蔽
作者: man811231 時間: 13-7-21 06:50 標題: 回覆：我囝囝被懷疑有ADHD
我想問下你哋的小孩係二歲幾時的情況是怎樣的？因我懷疑我女是，但太小又評估唔到
作者: lillymarie 時間: 13-7-21 14:32
man811231 發表於 13-7-21 06:50 
我想問下你哋的小孩係二歲幾時的情況是怎樣的？因我懷疑我女是，但太小又評估唔到
...
除了一些極嚴重好明顯的個案，大部份小朋友去到6﹣8歲就會定性好多，若咁大個都仲係無乜改善，就較能確定唔係過渡性問題，而真係ADHD。
作者: HaYi 時間: 13-7-25 19:57
我個升P2 仔的情況同樓主的近乎一樣, 只是成績暫仍是可以. 但預計P2高了一級, 準確度的要求又高左, 到時亦可能因冇用藥而成績大跌.
我就剛重新排政府去睇下幾年後ADHD 是否由marginal已成為確診, 但要等2年才有期, 到時真係要食藥都可算是一種冇辦法中的辦法.
P1時, 老師在不知情況下多次投訴佢坐不定, 之後我解釋他有marginal ADHD, 老師提議可排埋學校隊的心理學家, 但因為我個是輕微, 又不知要排多久, 反正有咩支援排定咩.
我自己對ADHD 都有了解, 我覺得Label effect 總好過下下收投訴以為我們做家長的放任他們. 其實好多ADHD / SEN 的家長是盡了好大力, 但佢地的行為改善是好輕微. 如果老師冇SEN 的訓練是好易有惡評.
對於藥, 我都明白此是治標為主,而且是長期作戰, 況且不是人人有效, 副作用又不可預知, 但如果情況變壞幫到都要試. 但係拖下...
作者: sukilan 時間: 13-7-28 21:19
我每次睇到呢度討論， 我亦都好懷疑我個仔係咪有ADHD?因他的行為如妳們形容既都好相似，雖已經排期，但要等到2015.
作者: 家希媽媽 時間: 13-7-30 11:59
回復 man811231 的帖子
我囝囝由細到大都係坐唔定，未完成識行都要落地，好怕D細小空間(好似BB車咁，佢就會好似身痕咁扭來扭去，幾乎想跳車咁滯)，除非佢有興趣嘅地方。好似坐巴士佢可以好定，仲眼都唔眨咁望住司機揸車，因為佢係超級巴士迷。
作者: 家希媽媽 時間: 13-7-30 12:14
回復 HaYi 的帖子
你又講得啱。我都爭扎緊同唔同班主任講佢個情況，其實都幾矛盾，又唔想佢被人知道佢有ADHD(怕同學仔笑佢)，但又唔想學校誤會佢係問題學生而忽視佢真實情況。
我囝囝都食左藥2個月左右，情況確實係有改善，好似小一考终期試佢啱啱開始食藥，老師話佢考試考得好好，可以拉番高平均分，所以我諗開學之後都應該唔成問題，或者暫時會選擇唔講住，再睇情況。
作者: jennifer.c 時間: 13-7-30 17:48
我既情況都好似你哋咁,阿女成日做做下一樣又走去做第二樣，跟住就無做番，就算玩玩下佢都可以走左去玩得二樣。只有畫畫係可以比較堅持啲，但係畫完畫之後，啲用具又係四周圍放。對日常生活既細節非常操心大意。
成績一向都唔好，年年見家長都比老師話佢上堂唔留心，做做下功課都會去玩下擦膠碎。
今年學期尾先排到學校既心理學家同佢做評估，話佢唔係讀寫障礙，但我懷疑佢有專注力不足，去左那打素排期，要排到2015年6月......
好想帶佢睇私家，想聽聽大家的意見!!
作者: lala_kiki 時間: 13-7-30 19:14 標題: 回覆：我囝囝被懷疑有ADHD
如果相信小兒推拿，不妨幫小朋友做，由於小朋友中指是心的反射穴位，可以用推的手法，從小朋友中指頭起向下推，約1分鐘60次，每天做3～4次，每次做3～5分鐘，因心力有盈餘，是會好似精力過剩之表現。
作者: 家希媽媽 時間: 13-7-30 21:32
回復 lala_kiki 的帖子
多謝你有用資料呀!
係咪兩隻中指都得? 由手指頭向下推到手掌嘛?
作者: lala_kiki 時間: 13-7-30 21:51 標題: 引用：回復+lala_kiki+的帖子
多謝你有用資料呀!
原帖由 家希媽媽 於 13-07-30 發表
回復 lala_kiki 的帖子
多謝你有用資料呀!
作者: wittymom 時間: 13-7-30 23:52 標題: 回覆：家希媽媽 的帖子
你係睇精神科或心理學家做評估？哪個叫你食藥？
作者: 家希媽媽 時間: 13-7-31 12:50
回復 wittymom 的帖子
囝囝係睇私家精神科醫生
作者: 家希媽媽 時間: 13-9-16 13:51
昨日跟我及一班親人食飯，我有位做小學教師嘅親人跟我講，佢觀察囝囝可能係亞氏保加，咁一個小朋友會唔會同時有ADHD同亞氏保加???好擔心
作者: joanthony 時間: 13-9-16 19:28 標題: 回覆：我囝囝被懷疑有ADHD
提示: 作者被禁止或刪除 內容自動屏蔽
作者: mrsfull 時間: 13-9-16 22:48
家希媽媽, 請問你囝囝未食葯前, 玩到超興奮時, 你們能用言語叫停他的嗎? 另外他做功課時能不能長時間坐定定?
作者: 家希媽媽 時間: 13-9-17 09:46
本帖最後由 家希媽媽 於 13-9-17 09:47 編輯
回復 joanthony 的帖子
唔好意思，咁你囝囝需唔需要食兩種藥?
作者: 家希媽媽 時間: 13-9-17 09:53
回復 mrsfull 的帖子
如果未食藥的話，佢玩得興奮時候，就會郁身郁勢，不停講嘢，自得其樂。叫佢停佢只會話"我知喇"，仍然照做。
做功課，唉....坐定定10分鐘左右就嚟料，一陣走去飲水，呻鼻水(佢有鼻敏感)，去廁所，再唔係就眼定定發緊夢。10分鐘嘅功課佢可以用30分鐘以上。。。。
作者: joanthony 時間: 13-9-17 10:43 標題: 引用：+本帖最後由+家希媽媽+於+13-9-17+09:47+編
提示: 作者被禁止或刪除 內容自動屏蔽
作者: joanthony 時間: 13-9-17 11:46 標題: 引用：回復+mrsfull+的帖子
如果未食藥的話，佢
提示: 作者被禁止或刪除 內容自動屏蔽
作者: mrsfull 時間: 13-9-17 21:12
家希媽媽謝謝你的回覆
希望你們多多加油!
| 歡迎光臨 教育王國 (/) |
Powered by Discuz! X1.5 |