教育王國

標題: 5月頭見cac醫生, 有咩要準備? [打印本頁]

作者: 小草王道 時間: 13-4-29 10:38 標題: 5月頭見cac醫生, 有咩要準備?

終於到我仔見csc醫生了, 除左一定要求排精神科外,

係咪要求要排埋i,e,s既幼稚園定醫生會自動幫你排埋 ?

有無咩要注意呀

麻煩曬咁多位媽媽,

作者: unfunny 時間: 13-4-29 12:54 標題: 回覆：小草王道的帖子

請問你仔仔有咩特徵及行為要去CAC評估?看看有否同我case差不多，我已去過CAC評估了。

作者: 小草王道 時間: 13-4-29 18:18 標題: 引用：請問你仔仔有咩特徵及行為要去CAC評估?看看

原帖由 unfunny 於 13-04-29 發表
請問你仔仔有咩特徵及行為要去CAC評估?看看有否同我case差不多，我已去過CAC評估了。

...

好活躍，無時停，語言發展慢，專注力不足

作者: unfunny 時間: 13-4-29 18:59 標題: 回覆：小草王道的帖子

我仔仔歲半時單字少健康院跟進，2歲又合格又跟進，未到2歲半不等健院了我地覺得語言少，好活躍冇時停叫唔停，眼神接觸少咁家庭醫生寫紙轉介CAC幾日就見姑娘與仔仔初步見面問我地日常生活及填寫了4頁問卷，等了半年見醫生，用個半鐘做評估之後寫了語言，認知遲緩1年及懷疑自閉征徵狀因語言遲眼神接觸少但沒有行為問題，排了i位，在評估中有啲佢識唔做的，醫生話最重要小朋友弱項要訓練，但在這8個月裡又返N班又出去瞓練，現已進步好多了，所以你也努力，開始同訓練真的不同!

作者: 小草王道 時間: 13-4-29 21:05 標題: 引用：我仔仔歲半時單字少健康院跟進，2歲又合格

原帖由 unfunny 於 13-04-29 發表
我仔仔歲半時單字少健康院跟進，2歲又合格又跟進，未到2歲半不等健院了我地覺得語言少，好活躍冇時停叫唔停 ...

已經返緊幼兒訓練，又係s位返緊暫託。

作者: 小草王道 時間: 13-4-29 21:06 標題: 引用：我仔仔歲半時單字少健康院跟進，2歲又合格

原帖由 unfunny 於 13-04-29 發表
我仔仔歲半時單字少健康院跟進，2歲又合格又跟進，未到2歲半不等健院了我地覺得語言少，好活躍冇時停叫唔停 ...

佢有無寫紙比你排精神科？

作者: unfunny 時間: 13-4-29 21:27 標題: 回覆：小草王道的帖子

有呀5月就見醫生

作者: 小草王道 時間: 13-4-29 21:44 標題: 引用：有呀5月就見醫生 +

原帖由 unfunny 於 13-04-29 發表
有呀5月就見醫生

我見有個jm，見完cac醫生，重要排22個月先見精神科醫生。你個時排左幾耐？

作者: unfunny 時間: 13-4-29 22:52 標題: 回覆：小草王道的帖子

我今年2月見CAC今年5月見精神科啦可能宜家3歲掛?咁你仔仔幾大?

作者: unfunny 時間: 13-4-29 22:58 標題: 回覆：小草王道的帖子

仲有你仔仔返緊N班加私人s位暫托管?有冇多咗講野?係屋企冇咁活躍?佢有冇鍾意睇轉野，排物件成直線，固執行為，玩車輪，玩門，玩櫃桶開關?

作者: 小草王道 時間: 13-4-30 07:21 標題: 引用：我今年2月見CAC今年5月見精神科啦可能宜家3

原帖由 unfunny 於 13-04-29 發表
我今年2月見CAC今年5月見精神科啦可能宜家3歲掛?咁你仔仔幾大?

我仔6月3歲

作者: cat1028 時間: 13-4-30 08:48

夠精神，上年我囝評時當日5：00起床，又傷風流鼻水，到測完大肌到小肌時，無晒心機，真係10問9唔應。我當時有當值醫生及3個實習醫生，幾個輪流玩測試，手法不太熟，我個人覺得真係有應响個結果，我覺得我囝認知無今差。

作者: cat1028 時間: 13-4-30 08:49

上年5月2歲3個月

作者: 小草王道 時間: 13-4-30 09:34

unfunny 發表於 13-4-29 22:58
仲有你仔仔返緊N班加私人s位暫托管?有冇多咗講野?係屋企冇咁活躍?佢有冇鍾意睇轉野，排物件成直線，固執行 ...

我仔第一日上協康幼兒訓練時,導師話佢有d似自閉症, 上左一段時間, 已經改進左好多,

佢喜歡排野, 英文字,數字, 口肌唔得,重流緊口水, 感統好似有問題, 但協康既職業治療重未有位比我,

而家係s位係返緊全日既暫託, 暫託既miss已經追左我地2次,問我地有醫生見未, 叫我地記得見到醫生要排埋幼稚園條隊, 話

主流幼稚園未必岩我個仔.

作者: 小草王道 時間: 13-4-30 09:37

cat1028 發表於 13-4-30 08:48
夠精神，上年我囝評時當日5：00起床，又傷風流鼻水，到測完大肌到小肌時，無晒心機，真係10問9唔應。我當時 ...

我個人覺得,醫生評估佢差d都好, 起碼會快d同多d服務比你仔仔, 唔係真係有排等, 早d拎到早期教育or I,E,S位幼稚園小朋

友既學習會好D, 起碼唔洗自己出去搵, 又要等, 而家出面私家既訓練要等好耐, 我排左協康職業治療半年都重未有位比我

上,

作者: unfunny 時間: 13-4-30 10:28 標題: 回覆：小草王道的帖子

你係CAC做完評估後醫生立即安排你排S，E，I位跟住有社工同你講解，你快啲睇下你屋企附近啲S位學校，E位學校，捜集下資料邊間好，因到時你要立即選3間的，要爭取時間排隊。

作者: 小草王道 時間: 13-4-30 10:49

unfunny 發表於 13-4-30 10:28
你係CAC做完評估後醫生立即安排你排S，E，I位跟住有社工同你講解，你快啲睇下你屋企附近啲S位學校，E位學校 ...

每款簡一間 ?

學校方便我之前都有睇過, I位得1間, E位無, S位係而家返緊既暫託

作者: unfunny 時間: 13-4-30 11:04 標題: 回覆：小草王道的帖子

S，E，I位只能選1項服務再選3間學校咋，她叫我E or I我選了I兼收位，起碼2014年9月才有。

作者: 小草王道 時間: 13-4-30 11:23

本帖最後由小草王道於 13-4-30 11:32 編輯

unfunny 發表於 13-4-30 11:04
S，E，I位只能選1項服務再選3間學校咋，她叫我E or I我選了I兼收位，起碼2014年9月才有。

...

下年先有位?

咁你個仔而家點呀佢3歲啦WOO

有無學校肯收佢呀 ???

我重諗住簡S位, 而家阿仔返緊間S暫託好好, 佢又返得開心, d miss又好有耐性

睇黎我都係得I/E 簡

作者: cat1028 時間: 13-4-30 11:39

我2012/5月排，今年都派唔到i位，出年至有位，等成2年半，s位要更耐，私人服務照排，搵平d的機構，我上緊庭恩（言語治療），仲排緊自悠天地（社交小組）。

作者: 小草王道 時間: 13-4-30 12:02

cat1028 發表於 13-4-30 11:39
我2012/5月排，今年都派唔到i位，出年至有位，等成2年半，s位要更耐，私人服務照排，搵平d的機構，我上緊庭 ...

我打算同佢排E位, 我見佢返緊個間暫託有E位既服務, 希望可以入返去讀

暫託個邊個排佢地學校, 要年幾有多先入到, 唉

我仔今年係主流返K1,如果學校投訴, 我會同佢轉下午班, 少D學生應該會好D,

我搵左好多間,機構, 職業治療都無位, 唉

咁你仔仔而家有無返緊幼稚園?

作者: unfunny 時間: 13-4-30 15:30 標題: 回覆：小草王道的帖子

有返下午N班星期六參加社交小組同言語治療，進步好多表達到又守規舉，N班老師冇投訴不過話佢有時行出位又搞下門，宜家多咗言語及表達，又識話WeeWee同柯尿，所以話佢懷疑自閉証徵狀佢又冇固執冇玩排野冇玩車輪，脾氣有但解釋佢又接受不會死扭都要，下個月見精神科希望冇事。

作者: cat1028 時間: 13-4-30 15:59

我囝跟unfunny 的小朋友差不多，返緊有i位的幼稚園，老師知我囝的評估結果，包容d及與父母交流多點，但始終未有政府服務，所以要成曰早走去訓練。

作者: 小草王道 時間: 13-4-30 16:08

cat1028 發表於 13-4-30 15:59
我囝跟unfunny 的小朋友差不多，返緊有i位的幼稚園，老師知我囝的評估結果，包容d及與父母交流多點，但始終 ...

點解返緊i位都未有服務呀 ?

i位唔係1個月有1次 ot,pt同st嗎?

作者: 小草王道 時間: 13-4-30 16:11

unfunny 發表於 13-4-30 15:30
有返下午N班星期六參加社交小組同言語治療，進步好多表達到又守規舉，N班老師冇投訴不過話佢有時行出位又搞 ...

希望慢慢訓練下就ok啦, 小朋友重細, 有時d評估都係睇佢中左幾多樣,

作者: unfunny 時間: 13-4-30 16:23 標題: 回覆：cat1028 的帖子

Cat1028咁你仔仔幾大?評估咗未?有咩特徵呀?同我分享下，我好鬼擔心見精神科醫生好似好嚴重咁!成日瞓5著，主流N班都ok我話咗比老師知仔仔排i位佢都話怕佢上K1跟不上佢地人手不足，政府一班小人教到佢架。

作者: cat1028 時間: 13-4-30 22:42

我囝依家3歲2個月，睡得好，食得好，玩最開心，識聽指令，脾氣好，會回答好唔好，要唔要，少主動説話，我做口形跟講，無重複我的説話，無自我刺激、排列玩具、轉車輪等行為，眼神接觸少，言語，小朋友間互動係佢主要問題。

作者: cat1028 時間: 13-4-30 22:47

返全曰班，久不久同老師傾下囝的行為，覺得囝大左，壞行為會更多（怕佢打人推人），專注，同學仔間的互動，我都系問老師，老師只話佢＂懶＂。

作者: unfunny 時間: 13-4-30 23:21 標題: 回覆：cat1028 的帖子

咁評估結果係咩?自閉傾向?懷疑自閉徵狀?

作者: cat1028 時間: 13-5-1 00:02

小章王道：我報學校全部係全日班，而現在讀那間學校係有i位服務，佢收左我囝（普通學位），我填cac時包括自己學校，排到就唔駛轉校. 老師都有相關經驗，比較包容，我囝好喜歡班主任、老師門，姨姨門，喜歡上學，就已足夠。

作者: cat1028 時間: 13-5-1 00:06

Unfunny:自閉普系--我都想知究竟"有幾嚴重＂，但無再細分。

作者: unfunny 時間: 13-5-1 13:26 標題: 回覆：cat1028 的帖子

你係私人還是CAC做評估?

作者: cat1028 時間: 13-5-1 15:45

係cac度評估

作者: cat1028 時間: 13-5-1 15:55

我囝仲未有得睇精神科醫生，反而上緊由cac醫生幫我報12堂＂職業治療＂。其實被評自閉xx,都會被安排睇精神科，不用太介懷。

作者: unfunny 時間: 13-5-1 16:56 標題: 回覆：cat1028 的帖子

點解我咁快有得睇精神科，我仔今年2月中CAC評估跟住今年5月頭有得睇?

作者: unfunny 時間: 13-5-1 17:46 標題: 回覆：cat1028 的帖子

CAC沒有比堂仔仔上只排I位咋

作者: 小草王道 時間: 13-5-1 18:27 標題: 引用：我囝仲未有得睇精神科醫生，反而上緊由cac

原帖由 cat1028 於 13-05-01 發表
我囝仲未有得睇精神科醫生，反而上緊由cac醫生幫我報12堂＂職業治療＂。其實被評自閉xx,都會被安排睇精神科 ...

我係協康等左半年職業治療都未有位

作者: cat1028 時間: 13-5-1 23:46

我上年報耀能言語都等左半年，後來有個密集暑期班，所以才7月尾開始。

作者: unfunny 時間: 13-5-2 14:37 標題: 回覆：cat1028 的帖子

其實我地個仔係咪發展遲緩咋，仔仔言語慢，眼神接觸少啲，社交弱啲，都因為屋企得一個小朋友由嫲嫲湊好少出街而影響，而家多野講，見到咩都指又叫你睇，我溝咩佢又講，又表達要求，唉會唔會中咗其中部份就懷疑?係咪到6歲才真正知係咪自閉呢?

作者: cat1028 時間: 13-5-2 23:58

Unfunny:其實＂言語、社交、行為＂，中d都評傾向，但確診系精神科醫生或升小前再見cac醫生，我真系唔知。

歡迎光臨教育王國 (/)