教育王國

標題: 屯門出九龍讀幼稚園，小朋友辛苦嗎?? [打印本頁]

作者: MSmrsKWOK 時間: 13-4-27 19:39 標題: 屯門出九龍讀幼稚園，小朋友辛苦嗎??

喜歡屯門黃金海岸那邊居住環境，但又好喜歡哥哥就讀九龍幼稚園的教學方法和環境，妹妹今年9月入讀K1了，如果要3歲半的妹妹每天由屯門乘校車到九龍，會太辛苦嗎??請問各位有小朋友由屯門到九龍讀書的家長，可以分享一下嗎??謝謝

作者: angelatjiu 時間: 13-4-27 19:53

俾我，我會照讀。其實小朋友辛唔辛苦，只係家長的感覺，可能問番小朋友，佢地一d都唔覺得辛苦。我仔今年將會入學，原本有間全日制的幼園收他，但我怕佢返全日辛苦，所以give up了。我問番我讀中學的姨甥女，佢當年都係由深井搭校巴出九龍返全日制幼園，佢話一d都唔辛苦，都不知幾開心。所以其實小朋友角度未必係辛苦的，反而你要諗間學校適唔適合佢。純粹個人意見。

作者: herman0114 時間: 13-4-27 20:59 標題: 回覆：屯門出九龍讀幼稚園，小朋友辛苦嗎??

我自己就唔會考慮

作者: j947 時間: 13-4-28 16:24 標題: 回覆：屯門出九龍讀幼稚園，小朋友辛苦嗎

我唔會考慮，因為我住屯門出九龍做野，有邨巴叫定時開我都覺得倦。你要諗下校巴你係咪第一個上車，如果係，咁你要比人預多1個鐘時間。返全日都叫好d，返半日，你搭車時間=返學時候，除非你自己車咁就另計。如果你真係想比小朋友讀九龍幼稚園而住屯門，咁讀下午班，應該冇咁辛苦。

作者: pangps 時間: 13-4-28 17:06 標題: 回覆：屯門出九龍讀幼稚園，小朋友辛苦嗎??

我個女都係日日搭校車，特登轉下午班，每日十一點幾上車，六點幾先返。佢係話話辛苦，不過唔見哂時間，因為每日起身食野就要返學，迫住星期六全日上興趣班，幼稚園案忙都可以接受，我覺得小學就無可能溫功課！所以我都賣左樓等緊搬返出九龍

作者: MSmrsKWOK 時間: 13-4-28 23:43 標題: 回覆：屯門出九龍讀幼稚園，小朋友辛苦嗎

多謝咁多位回覆

作者: Babyarsene 時間: 13-4-29 08:48 標題: 回覆：屯門出九龍讀幼稚園，小朋友辛苦嗎

我仔仔宜家就係咁，佢返下午班，基本上上午都係等佢訓醒自己玩一陣到十一點就要食午餐，咁好彩比我揾到個ftm 會車佢小朋友出去返學，我就撘單好似當校車咁比仔仔一齊撘，姐姐會陪佢出去，真係好好彩！如果唔係佢十一點幾就要上校車，十點幾要食飯，都幾麻煩。放學仔仔要撘校車返，因為車佢出去個ee 嘅小朋友放學時間同佢唔同，我問佢坐校車辛唔辛苦，佢話唔辛苦，不過有時校車都會好遲，試過撘咗兩個幾鍾，都會見佢呆咗！
如果你係ftm有車可以車出車入我覺得ok,但如果係要撘校車就會幾辛苦，同埋時間上少咗好多flexibility. 返上午小朋友六點幾要起身，下午就要好早食飯！
經過一年，我都決定會搬出去，冇咁辛苦之餘又多點時間學其他嘢，希望幫到你！

作者: MSmrsKWOK 時間: 13-5-2 03:47 標題: 回覆：屯門出九龍讀幼稚園，小朋友辛苦嗎

其實只係有迷惘嘅時候，如果我自己要日日返工早起搭一小時車返工，我都會覺得辛苦

作者: siufung 時間: 13-5-2 07:09 標題: 回覆：屯門出九龍讀幼稚園，小朋友辛苦嗎

小朋友話唔辛苦係未識介定點爲之辛苦.
可能佢地覺得食少粒糖反而仲辛苦..
但其實體力精神虛秏，日日三幾個鈡熬車，點會不辛苦？
我住荔枝角，小朋友番九龍塘上午，8:10樓下校車，朝朝早我都覺攣苦！

作者: AnnieSammy 時間: 13-5-2 07:58 標題: 引用：小朋友話唔辛苦係未識介定點爲之辛苦. 可能

提示: 作者被禁止或刪除內容自動屏蔽

作者: Serenababy 時間: 13-5-3 09:18

我都因為小朋友讀書，由黃金個邊搬出九龍。雖然唔捨得但為左佢多d時間休息同玩係值得既。

作者: MSmrsKWOK 時間: 13-5-4 15:08 標題: 回覆：Serenababy 的帖子

我就本身住九龍，由大囝係肚入面已經成日幻想搬近沙灘有海風吹，但事實永無兩全其美

作者: stesuk 時間: 13-5-7 15:37

我正正係住屯門亞女今年8月K1返九龍要搬返出九龍住. 唔想佢坐車坐得咁辛苦

作者: meia 時間: 13-5-7 16:14

好遠路, 當年大女由將軍澳搭去九龍塘, 單程要30分鈡, 見佢放學係有一半人

, 都好慘

作者: babychinglok 時間: 13-5-7 17:01

成日出入ＴＵＥＮ　ＭＵＮ　公路　又多車又危險，大人都辛苦啦，唔知會唔暈車浪添呀！

作者: MSmrsKWOK 時間: 13-5-9 15:46 標題: 回覆：屯門出九龍讀幼稚園，小朋友辛苦嗎

其實宜家大囝係九龍返九龍20分鐘車程，下午班接放學時，都見到好多同學仔瞓到好淋

歡迎光臨教育王國 (/)