教育王國

標題: 好困擾，有冇資優媽媽可幫下忙 [打印本頁]

作者: piggylily 時間: 13-4-26 15:18 標題: 好困擾，有冇資優媽媽可幫下忙

我仔小二，7歲，學野好快，計數好快，記性超好，好怕悶，坐唔定，成日要玩，上堂永遠唔留心，唔聽書，或老師有老師講，佢自己就做晒本書D野，招績，脾氣暴躁，佢係未資優？我需唔需要特登同佢做IQ test?因好多老師都提出話佢唔留心上堂

作者: Radiomama 時間: 13-4-26 16:18

回復 piggylily 的帖子

樓主:

為何帶小朋友做智力評估? 不要以為證實是"資優"就能解決問題。

學校老師所指是您小朋友上課不專心的態度，所以就算是資優，不等於老師就會容許他不專心啊!

因此先了解孩子的情緒、心態，教導他不要自以為是，做事要仔細、對人以禮等。

然後若想尋求另外的培育途徑，才接受評估吧。

作者: markau2 時間: 13-4-26 18:40

回復 piggylily 的帖子

你個仔好可能係資優. 因你所說的都是比較典型的資優特徵.
做測試與否都沒有什麼分別, 因現時香港對資優的認識很少, 香港對資優學生的協助亦近孚零.
你就算同老師說你個仔係資優的, 他都不會明白資優係什麼及與一般人有什麼不同,
老師只會想"資優大晒嗎?"及覺得你在自誇個仔聰明吧了.
資優家長唯一可做的只有自求多福了.
Sorry, 我的想法有些負面. 舒發一下吧了.

作者: YolandaTam 時間: 13-4-26 18:44

樓主可以諗諗:
1)其實資優都係"有特殊學習需要", 學校有冇資源支援?
2)有啲好傳統嘅學校會將資優嘅同學列為"麻煩人", 如果樓主小朋友學校係呢種, 會唔會擔心小朋友被標籤?
3)小朋友脾氣唔好, 會唔會係壓力大而抒發唔到?

建議樓主喺老師"投訴"嗰陣順口問駛唔駛評估, 如果要, 除咗智力, 駛唔駛做埋專注力評估?

作者: piggylily 時間: 13-4-26 22:07 標題: 回覆：好困擾，有冇資優媽媽可幫下忙

我覺得佢好難教，做野有自己想法，唔太聽人講，希望做評估，並揾一個比較適合的方法教佢，但同步好怕做出結果如果是yes，對佢有負面影響

作者: Radiomama 時間: 13-4-26 22:35 標題: 回覆：piggylily 的帖子

做智力評估不能為你找出教育兒子的方法。
如果因為他的脾氣問題，不如找社工或家庭治療師或臨床心理學家。
學校是傳統的那一種？老師們樂意培育嗎？有些本地學校做得好一點，有需要就要轉校。有些問題無論評估是高分或低分都要面對。
我仔八歲，作為過來人，大概明白你仔的情況。

作者: piggylily 時間: 13-4-26 23:43 標題: 回覆：好困擾，有冇資優媽媽可幫下忙

我同學校社工傾過，佢覺得我仔問題不大，但我總覺得我仔不自控和不受控，我都打算如果係做測試，會連心理評估都做，一次性找出問題，我仔讀果間小學，唔係死迫學生讀書果隻，佢地依家唔太理佢，因為我仔唔留心都掌握到D野，所以尤得佢

作者: 阿Yan 時間: 13-4-27 00:43 標題: 引用：我同學校社工傾過，佢覺得我仔問題不大，但

原帖由 piggylily 於 13-04-26 發表
我同學校社工傾過，佢覺得我仔問題不大，但我總覺得我仔不自控和不受控，我都打算如果係做測試，會連心理評 ...

學校社工大都勁忙，通常好嚴重問題先開case, 家長要自己努力。

作者: sampapa 時間: 13-4-27 01:36 標題: 引用：我仔小二，7歲，學野好快，計數好快，記性

原帖由 piggylily 於 13-04-26 發表
我仔小二，7歲，學野好快，計數好快，記性超好，好怕悶，坐唔定，成日要玩，上堂永遠唔留心，唔聽書，或老 ...

靠自己吧，
資優孩子，知憂家長，
約一成資優兒童沒有任何行為，性格或態度上問題吧。

作者: lillymarie 時間: 13-4-27 07:48

本帖最後由 lillymarie 於 13-4-27 07:51 編輯

piggylily 發表於 13-4-26 15:18
我仔小二，7歲，學野好快，計數好快，記性超好，好怕悶，坐唔定，成日要玩，上堂永遠唔留心，唔聽書，或老 ...

有少少明白你的想幫囝囝做IQ test的想法，因我也曾經歴過。我囝囝沒有行為問題，但在社交上遇到困難，好焦慮和怕羞。和朋友講起他的言行想法，有人提出他可能是資優，家人同時懷疑他過度焦慮。我當時選擇先替他做一個心理評估，因為想較清楚了解他的問題出在那裏。知道結果後，我向他解釋他的境況，同時亦安排他見臨床心理學家去處理社交焦慮問題。

初初決定讓他做評估時，都有少少覺得自己好似幾無謂和浪費金錢，因為唔知個結果究竟幾有用。同時亦問自己會否有種虚榮心，老公當時仲話：“做啦！做啦！若令妳安心些就做啦！” 佢當時唔覺得囝囝係。不過，現在回望覺得那決定是正確的。因為囝囝明白了自己的處境後，可以話好咗8，9成。

不過，IQ test只是大約話我地知要循邊個方向去幫囝囝，最終還是要想好多辦法去處理他的問題。

作者: LeeCC 時間: 13-4-27 16:55

你都好,你老公支持你,阿仔有焦慮問題，連老師都緊張，俾各樣資料給我,但老公只係話我多此一舉,話個仔郁D就喊係我縱,亂諗野係無聊，個個細路都

作者: piggylily 時間: 13-4-27 22:37 標題: 回覆：好困擾，有冇資優媽媽可幫下忙

唔係，我老公話我過份緊張，話唔覺阿仔有問題

歡迎光臨教育王國 (/)