教育王國

標題: 湊2個小朋友的家長你地有困難嘛? [打印本頁]

作者: kck_88 時間: 13-4-25 06:36 標題: 湊2個小朋友的家長你地有困難嘛?

提示: 作者被禁止或刪除內容自動屏蔽

作者: why-me 時間: 13-4-25 09:15 標題: 回覆：湊2個小朋友的家長你地有困難嘛

你係全職媽咪？若經濟許可，提議你要有工人幫手，工人主力做家務，照顧個細仔。你主力個大仔。教導A仔係要花大量時及精力，我自問一個都攪唔掂，工人幫輕我好多，亦令我有私人時間可以抖下氣！

作者: kck_88 時間: 13-4-25 17:56

提示: 作者被禁止或刪除內容自動屏蔽

作者: muimui5 時間: 13-4-27 15:51

你大果個活躍度同情緒點？有冇祖父母在家幫手？老公有幾多時間同到細路一齊？

就算兩個讀全曰時你做晒家務，兩個放學後你總要煮飯、洗碗、續個幫佢哋沖涼，果時有冇人看細路？學校長徦期時點應付？落大雨你接送兩個放學掂嗎？
大仔課餘要去訓練嗎？你能帶埋個細既去？

我屋企就唔掂喇，你睇自企情況啦！

作者: lalababe520 時間: 13-4-27 17:47

我湊2個, 大既就4歲, 細既就2歲, 大果個自閉傾向, 未識講野, 返半日, 細既仲未返學. 老公由中午前返工, 到凌晨先返....可以唔駛理隻佬.

作者: why-me 時間: 13-4-27 20:56 標題: 引用：回復+why-me+的帖子我就係吾覺工人幫輕我

原帖由 kck_88 於 13-04-25 發表
回復 why-me 的帖子

我就係吾覺工人幫輕我好多,所以想吾要,我大仔番緊K2全日,黎緊細仔9月都番全日,你估可 ...

我同老公都返工。工人上午煮早餐，幫仔沖涼，打點佢一切，送返學。個仔返全日9:00-3:30 呢段時間佢就買送、煲湯、洗衫、燙衫做家務。接仔放學後，帶仔去公園玩，5:00 左右老公都返到屋企，佢就陪仔玩，俾工人預備晚餐，到我返到屋企就開飯，食飽工人又係洗碗，抹廚房、再抹地，我就教個仔功課。十點我哋入房瞓佢就沖涼入房做自己嘢。我工人好好，好幫到我手，又會帶個仔去公園，好錫我個仔。星期六課外活動都係佢跟，我好放心，亦令我可以有私人時間。要我24小時對住個仔，我估我會癲囉！

作者: kck_88 時間: 13-4-29 14:33

提示: 作者被禁止或刪除內容自動屏蔽

作者: why-me 時間: 13-4-29 15:19

kck_88 發表於 13-4-29 14:33
回復 why-me 的帖子

你一個定2個?

我生一個

作者: BKVIP 時間: 13-4-30 08:27 標題: 回覆：kck_88 的帖子

樓主，我個case同你一模一樣，唔同嘅係細仔細你個個一歲。我都有諗過唔要工人，因2個都入全日班幼稚園，我仲有婆婆幫手，但諗諗下都係唔要唔得，最難搞係2個唔同學校，好彩2間學校都在家附近行過去就到。但放長假要婆婆一對2係好辛苦的。平時家無人工人係無嘢做，但如果無佢，我放工仲要買餸洗碗做家務，仲要陪佢地做功課，親子唔洗諗。在佢地仲未識照顧自己前，都唔可以唔用，除非你個個真係幫唔到手，但我都會請過個，我唔想顛住。

作者: 1仔1女 時間: 13-5-1 00:12 標題: 回覆：湊2個小朋友的家長你地有困難嘛?

我大仔6歲(自閉兒)，細女就快5歲(學野好慢)，我無工人，ftm暫時ok，阿仔自己做功課，會幫下手做家務，個女係要跟下功課，但佢好肯幫我做家務，掃地摺衫，早幾日仲幫我洗碗

作者: Olympian 時間: 13-5-1 12:36 標題: 回覆：kck_88 的帖子

我湊兩個大4·5(A)細1·5,奶奶幫手，老公home offce 幫手才免強搞掂，我差不多冇私人時間。佢地兩個都好chi 身

作者: kck_88 時間: 13-5-2 12:50

提示: 作者被禁止或刪除內容自動屏蔽

作者: kck_88 時間: 13-5-2 12:51

提示: 作者被禁止或刪除內容自動屏蔽

作者: eekg 時間: 13-5-2 19:03 標題: 引用：回復+lalababe520+的帖子咁你點攪??

原帖由 kck_88 於 13-05-02 發表
回復 lalababe520 的帖子

咁你點攪??

你e十係咪星期六，日上training?我大b星期六上，我暫時未知有咩機構provide 星期日training. 但排星期六training 至少都要9個月，你開始排未？我e十大細b日頭係99湊，佢地三餐食99都覺得好難arrange 時間家居訓練。要又返工，屋企又一腳踢，我都好期待你分享你gei成功秘訣。

作者: 誠 時間: 13-5-4 12:34

你地帶兩個我仲煩帶三個最大五歲中間二歲九個月自閉，細個個一歲半，我真係唔知怎算好

作者: lalababe520 時間: 13-5-4 14:39

eekg 發表於 13-5-2 19:03
你e十係咪星期六，日上training?我大b星期六上，我暫時未知有咩機構provide 星期日training. 但排星期六tra ...

我沒成功, 只是做些簡單飯菜給他們, 我是FTM, 不用上班, 依家星期六上社交及溝通訓練先, 放學就帶佢去公園玩.

作者: muimui5 時間: 13-5-4 14:56

我老公同樓主老公差唔多，佢工作時間好長，就算倍都間中會發老脾整喊哂。我番工的，因爲大的多危險動作，我除咗工人，在大B放全日班後都請了part-time幫手睇到我放工，假日老公OT都盡量叫99來幫手。
我唔敢全職湊冇工人，唔只荷包唔掂，自己情緒都唔掂。

作者: eekg 時間: 13-5-6 15:17 標題: 引用：Quote:eekg+發表於+13-5-2+19:03+你e十係咪

原帖由 lalababe520 於 13-05-04 發表
我沒成功, 只是做些簡單飯菜給他們, 我是FTM, 不用上班, 依家星期六上社交及溝通訓練先, 放學就帶佢去公園 ...

ftm 都其實好忙的

作者: yau_grace 時間: 13-7-26 02:39 標題: 回覆：湊2個小朋友的家長你地有困難嘛

遇上訓練，比較難分身。大啲要跟功課時，較難顧到個細。如果有老人家間中幫忙睇住下都會好啲。

作者: BKVIP 時間: 13-7-26 17:11 標題: 回覆：湊2個小朋友的家長你地有困難嘛

我決定唔要工人，自己辛苦d.我2公婆要返工，不過我唔信無左佢唔得！

作者: 老貓 時間: 13-7-29 18:17

我想問樓主，你自閉個個有無能力可以自己做晒自己的嘢？如果吾可以，你一定要工人。我系全職媽媽，我仔6歲了，但系全部要我幫他。我連煮飯時間都就無了!還要不停做訓練，人都瘋了!

作者: yuyu.tszwang 時間: 13-7-31 00:02

呢個主題真有趣。
我工人完約了快三星期。大孩子6歲有重病，小孩子4歲勁自閉。
全職媽媽比我想像中忙！有時自己吃飯求其到係腐乳餸飯。爸爸早出晚歸。
我沒時間親子及訓練，但可帶細外出上堂。
不過，我期望二人暑假後返全日可以好些。只是，我預最多可花半小時訓練細和半小時跟大功課。
大家努力吧！

作者: room2102 時間: 13-7-31 23:39

提示: 作者被禁止或刪除內容自動屏蔽

作者: yin-ting 時間: 13-8-5 02:04

我個大仔都係有自閉症傾向, 雖然現在已11歲, 但這症狀係唔識同人相處, 好容易同人發生爭執, 所以佢經和妹妹吵鬧, 最慘連個妹都受佢感染, 學哂哥哥唔好既野, 始終日對夜對會有影響, 因為做細的好喜歡學大的野, 所以做大的, 如果有這方面的問題, 更加要好好管理, 如果經濟容許, 最好有工人幫手家頭一切事務, 做媽媽的便可以專心管理大的, 自己無咁辛苦之餘情緒都會好D。

而我自己就無能力請工人, 所以一腳踢, 更加沒時間去輔導個大仔, 好多時都會情緒高漲, 氣氛激烈, 造成了不良的後果。......

歡迎光臨教育王國 (/)