教育王國

標題: 有無人會番兩間PN? [打印本頁]

作者: artinie 時間: 13-4-24 17:16 標題: 有無人會番兩間PN?

上午一間下午一間，因為好少全日制

作者: angeljodi 時間: 13-4-24 17:30 標題: 回覆：artinie 的帖子

咁細個會好辛苦喎，全日果d有午睡時間，你分開2間，冇午睡好辛苦呢！

作者: minirat 時間: 13-4-24 17:34

angeljodi 發表於 13-4-24 17:30
咁細個會好辛苦喎，全日果d有午睡時間，你分開2間，冇午睡好辛苦呢！

...

系呀，全日制同加埋兩間半日制是兩回事。除了無得午睡，兩間加埋的功課都會多好多。學費可能不是考慮因數，不過都唔會得過成日制。我個人非常反對返兩間PN，覺得好巔。

作者: Connie97 時間: 13-4-24 17:43 標題: 引用：Quote:angeljodi+發表於+13-4-24+17:30+咁

原帖由 minirat 於 13-04-24 發表
系呀，全日制同加埋兩間半日制是兩回事。除了無得午睡，兩間加埋的功課都會多好多。學費可能不是考慮因數 ...

返兩間重覆學同一樣嘢重要冇午睡，真係唔贊成！！！

作者: volar 時間: 13-4-24 18:44

反對！！唔好要個2歲人仔咁辛苦啦！

作者: zhouyier 時間: 13-4-24 18:54

最驚會令小孩因此怕了返學便更麻煩！

作者: beatjowie 時間: 13-4-24 19:18 標題: 回覆：有無人會番兩間PN?

大人細路都辛苦喎，呢個年紀最緊要係食玩訓唔係返學。

作者: h2013 時間: 13-4-24 19:28 標題: 引用：上午一間下午一間，因為好少全日制 +

原帖由 artinie 於 13-04-24 發表
上午一間下午一間，因為好少全日制

咁樣算唔算虐待兒童？講笑咋！真實家長要諗下返PN係為乜？如果見到身邊既人咁做，自己唔做，就好似“舌“左，心態就可能會變怪獸家長，好多怪獸唔知自己係怪獸！仲有，你永遠都覺得學唔夠！正如錢一樣，李+x都搵唔夠，我叫你放工後，又返另外一份工，你都辛苦！我估大陪份家長都讚成一體一藝，如果返上下班，你又点攝時間呢？

作者: 虎B 時間: 13-4-24 21:20 標題: 回覆：有無人會番兩間PN?

我識人真係諗住n班第一個月讀兩間，睇下邊間適合啲。其實首個月邊睇倒㗎！個小朋友真可憐

作者: tenko 時間: 13-4-24 21:28

無得午睡真係好慘，咁辛苦學到都唔入腦~

作者: conniemar 時間: 13-4-24 21:32 標題: 回覆：有無人會番兩間PN

何苦呢?

作者: h2013 時間: 13-4-24 22:10 標題: 引用：無得午睡真係好慘，咁辛苦學到都唔入腦~

原帖由 tenko 於 13-04-24 發表
無得午睡真係好慘，咁辛苦學到都唔入腦~

有d家長諗，如果我小朋友唔駛午睡，而上下班offer又係名幼，咪想上下班都讀lor ,但有考小一的家長又怕寫兩間學校係portfolio 會唔好，影響印象！

作者: ylcyvonne 時間: 13-4-25 01:55

諗住讀全日，就報全日制PN班，唔好要小朋友返完am PN又趕住返屋企食飯、換校服、搭車返pm PN，好慘囉

往後仲有十幾二十年讀，唔駛咁早受呢D苦，兼且小朋友又好易被兩間學校傳染疾病架

作者: abby0624 時間: 13-4-25 08:23 標題: 回覆：ylcyvonne 的帖子

非人生活

作者: marwai_1030 時間: 13-4-25 09:22 標題: 回覆：有無人會番兩間PN?

我阿女現在K2讀半龍校，佢有位同學上午返維記，下午返呢間。呢位同學過著呢種生活有一年半，結果家長發現小朋友受唔到咁大壓力，佢地最後決定放棄，讀維記。
呢件事已經成為阿女學校各家長的話題，大家都覺得呢位係「怪獸家長」，所以奉勸樓主要考慮清楚，K2的小朋友都受唔到咁大壓力，咁2歲的小朋友又會係點? 請三思。

作者: kittyland06 時間: 13-4-25 10:42 標題: 引用：我阿女現在K2讀半龍校，佢有位同學上午返維

原帖由 marwai_1030 於 13-04-25 發表
我阿女現在K2讀半龍校，佢有位同學上午返維記，下午返呢間。呢位同學過著呢種生活有一年半，結果家長發現小 ...

是否聖心？我有個朋友係咁。

作者: kittyland06 時間: 13-4-25 10:58 標題: 引用：諗住讀全日，就報全日制PN班，唔好要小朋友

原帖由 ylcyvonne 於 13-04-25 發表
諗住讀全日，就報全日制PN班，唔好要小朋友返完am PN又趕住返屋企食飯、換校服、搭車返pm PN，好慘囉:dizzy ...

同埋讀全日是同一個校舍，同一班同學全日。又點同2間學校，2間校舍，2班同學啫！

作者: BALL_B116 時間: 13-4-25 12:27 標題: 回覆：有無人會番兩間PN

提示: 作者被禁止或刪除內容自動屏蔽

作者: bb8608 時間: 13-4-25 13:22 標題: 回覆：有無人會番兩間PN

I know 2 kids, study K1 at a famous KG and K2 at an international KG.

作者: iamiris 時間: 13-4-25 13:32 標題: 引用：我阿女現在K2讀半龍校，佢有位同學上午返維

原帖由 marwai_1030 於 13-04-25 發表
我阿女現在K2讀半龍校，佢有位同學上午返維記，下午返呢間。呢位同學過著呢種生活有一年半，結果家長發現小 ...

怕咁细个会有精神病呢！

作者: elytis 時間: 13-4-25 14:16

虎B 發表於 13-4-24 21:20
我識人真係諗住n班第一個月讀兩間，睇下邊間適合啲。其實首個月邊睇倒㗎！個小朋友真可憐

...

後果自負........

作者: kitty8088 時間: 13-4-25 14:28

太可怕了.......如果可以我都唔想佢讀書,香港!!仲話上午同下午都讀,真係人都巔

作者: minirat 時間: 13-4-25 14:58

bb8608 發表於 13-4-25 13:22
I know 2 kids, study K1 at a famous KG and K2 at an international KG.

I know one who is attending York am class and KV pm class. York is thought to be good in English and KV is famous and difficult to get a spot. So his parents thought they can have the best of both worlds by making the boy attend two schools. I really pity the kid. Life is tough and it's the parents who initiated it. What can be worse than that?

作者: jessiechen 時間: 13-4-25 15:15

簡單問一個問題: 易地而處, 叫你一日返兩份工得唔得先??

答案係: 無話唔得o既, 不過到時得番半條人命, 賺埋都唔夠比醫藥費, 小朋友返學一樣, 返兩間無話唔得, 不過小心反效果, 一心諗住學多啲嘢, 結果因為精神唔好, 完全學唔到嘢...

作者: bbqueendom 時間: 13-4-25 17:14

提示: 作者被禁止或刪除內容自動屏蔽

作者: Ritz 時間: 13-4-25 17:27

會唔會著錯校服

作者: marwai_1030 時間: 13-4-25 17:45 標題: 引用：Quote:原帖由+marwai_1030+於+13-04-25+發

原帖由 kittyland06 於 13-04-25 發表
是否聖心？我有個朋友係咁。

係⋯

作者: marwai_1030 時間: 13-4-25 17:51 標題: 引用：Quote:原帖由+marwai_1030+於+13-04-25+發

原帖由 iamiris 於 13-04-25 發表
怕咁细个会有精神病呢！

幸好呢位家長最後決定quit一間，否則⋯
其實學校老師一早都知道某d小朋友讀兩間幼稚園，但老師們有厚道，唔會在你面前講。

作者: alanyeungsl2011 時間: 13-4-25 18:51

兩歲細路已經要比妳折磨，條命真係苦

作者: linglungbaby 時間: 13-4-25 22:35 標題: 回覆：jessiechen 的帖子

講得好！諗到都覺得可憐！

作者: yenyenBB 時間: 13-4-25 23:09 標題: 引用：上午一間下午一間，因為好少全日制 +

原帖由 artinie 於 13-04-24 發表
上午一間下午一間，因為好少全日制

為乜呢？
全日唔係冇，可以去窩打老道迦南問下。

有半日番半日，之後有位，叫佢地俾你轉。
我見我囝囝有d同學，都係半日班轉過黎。

點都好，唔建議番兩間。
小朋友番全日，都建議午睡，休息下。

唔好話小朋友。
我呢個大人都頂唔順。

作者: charlesleung888 時間: 13-4-26 08:07 標題: 回覆：artinie 的帖子

千祈唔好, 如果上午同下午學嘅野有d唔同,小朋友就混亂,例如my god，上午美國音老師就my guard，下午英國音老師就"賣葛"。變左四不像。

作者: robbiechoi 時間: 13-4-26 10:19 標題: 回覆：artinie 的帖子

感覺好似叫成人番兩份長工，朝9晚5，再黎晚9朝5。如果發生係你身上，你會點。。。

作者: IRK 時間: 13-4-26 10:34 標題: 回覆：artinie 的帖子

其實有打算返兩間幼稚園（莫講pn 2歲班，K1-k3也是）的家長，決定落實前請你抽空實地觀察吓正在返兩間幼稚園的小朋友過緊咩生活，我親眼見九龍塘的在公園內換衫變身，工人拎住飯壺餵飯，正正經經一張枱也没有，既使係夏天，仍要吹住風當眾换衫，也不禁想像冬天天寒地凍係点，。九龍塘好d仲有個公園坐下，港島我更見工人同少主只可挨石磗完成上述程序。。。。如果見識完家長仍捨得讓自己的孩子日日如此渡過，也無話可說，不用問其他人意見，go ahead吧！

作者: poodlema 時間: 13-4-26 10:43

我識得有個有錢佬好變態, 佢個仔朝早返一間, 下午返一間(其中一間係寶山, 另一間唔知係乜), 到咗放學時個仔已經累到係私家車度瞓著咗, 老闆叫個工人唔好叫醒佢, 陪住佢一路係架車到瞓到阿仔醒為止, 仲學拼音哩樣果樣, K1已經見到HENNESSY ROAD可以講到出來!

作者: IRK 時間: 13-4-26 10:44 標題: 回覆：虎B 的帖子

之前K1有名幼offer,也有朋友如此建議兩間讀一個月作比較，我一囗便拒絕，第一，霸人學位行為自私，身教很重要，第二，苦了小朋友，得不償失，第三，懂得選擇很重要，家長也要學習選擇及放棄，要不怎教小朋友選擇？

作者: happy.rita 時間: 13-4-26 10:57 標題: 引用：其實有打算返兩間幼稚園（莫講pn+2歲班，K1

原帖由 IRK 於 13-04-26 發表
其實有打算返兩間幼稚園（莫講pn 2歲班，K1-k3也是）的家長，決定落實前請你抽空實地觀察吓正在返兩間幼稚 ...

非常同意！

如果家長覺得返兩間幼稚園，小朋友係會學多咗嘢，咁小朋友亦會被訓練到當眾被脫衣都無感覺、狼吞虎嚥咁被餵飯都無問題，無羞恥心。

作者: easybring 時間: 13-4-26 11:00

本帖最後由 easybring 於 13-4-26 11:04 編輯

就算番上午一間kg, 家長又安排下午1-2小時精補班, 有時仲要搭車. 一樣得番半條人命. 如果唔補, 又唔夠人地競爭......係學校癲定家長癲呀? 學校表面又話愉快學習, 到考小一又係要十項全能.. 真係唔洗5-6歲定佢係人才定庸才!

作者: angeljodi 時間: 13-4-26 11:25 標題: 引用：其實有打算返兩間幼稚園（莫講pn+2歲班，K1

原帖由 IRK 於 13-04-26 發表
其實有打算返兩間幼稚園（莫講pn 2歲班，K1-k3也是）的家長，決定落實前請你抽空實地觀察吓正在返兩間幼稚 ...

講得好，稔到呢幕就算唔係自己個囝都想喊

作者: teambuilder 時間: 13-4-26 13:18

我唔識人會咁做. 只係在BK聽過.

作者: Vana 時間: 13-4-26 14:10

我有個鄰居小朋友就係咁, 上午返KV, 下午返anfield (由k1開始)...... 不過我地住係同區, 所以小朋友中午會回家吃飯休息.....

佢算係好適應既例子, 佢話兩間學校都好鍾意, 工人話有時叫佢skip classes佢都唔肯..... 不過有時傍晚見佢係會所playroom做功課就覺得佢好可憐..... 其他小朋友係到玩, 佢有好多功課呀 (好彩一間係國際已經無乜功課)....

呢個小朋友英文好叻, 表達及語文能力都好高..... 佢個時仲同我講佢去考cckg, 不過入唔到..... summer仲要讀esf summer course, 總之無得停...

雖然呢位小朋友好似好enjoy, 但本人其實不大認同呢個安排的...

作者: evawyma 時間: 13-4-26 14:24

It is not a new arrangement. My colleague has sent her daughter to two kg 10 years ago. One is an int'l kg and the other is a local one. She told me that her girl studied well and was admitted to St. Paul. She strongly advised me to do the same but I refused as its really a torture to kids, especially when I saw the thick eyeglasses her girl was wearing!

作者: jvcfamily 時間: 13-4-26 14:32

得2歲人仔, 唔好甘陰公啦...我仔返半日下午班, 開頭一放學要訓, 婆婆推BB車返屋企..好多家長, 姐姐推定BB車向門口接放學..

作者: easybring 時間: 13-4-26 17:02

本帖最後由 easybring 於 13-4-26 17:03 編輯

Vana 發表於 13-4-26 14:10
我有個鄰居小朋友就係咁, 上午返KV, 下午返anfield (由k1開始)...... 不過我地住係同區, 所以小朋友中午會 ...

KV+anfield 係8-9年前已經常見. 因為kv係anfield對面, 住附近既話係好方便. 而家anfield搬左, 冇咁方面lor. anfield就一d都唔辛苦, 好好玩tim, 又可以選擇返2-3日/week.

歡迎光臨教育王國 (/)