教育王國

標題: 要放棄直資或私立先有大抽獎？ [打印本頁]

作者: HoneyDewDew 時間: 13-4-21 11:38 標題: 要放棄直資或私立先有大抽獎？

想問如果要博大抽獎，就算直資或私立收咗都要放棄呢？

作者: Jane1983 時間: 13-4-21 11:54

直資註冊左，就無得大抽獎

作者: 已刪除用戶 時間: 13-4-21 13:57 標題: 回覆：要放棄直資或私立先有大抽獎？

直資係100%肯定吾可以的。政府規定。私校就自己決定，而私校可以從EDB知道學生有無抽獎

作者: HoneyDewDew 時間: 13-4-21 23:38 標題: 引用：直資係100%肯定吾可以的。政府規定。私校就

原帖由 Charlotte_mom 於 13-04-21 發表
直資係100%肯定吾可以的。政府規定。私校就自己決定，而私校可以從EDB知道學生有無抽獎

...

咁請問通常d私立係咪響大抽象之後先註冊呢？唔該哂！

作者: 已刪除用戶 時間: 13-4-22 11:56

多數係K3既10-12月出OFFER, 分分鐘連自行結果都未出, 唔會大抽獎後喇 (大抽獎係K3差唔多畢業既6月)

作者: alyk 時間: 13-4-22 11:59

回復 HoneyDewDew 的帖子

以我理解, 直資/私立一樣要自己去學校申請.如果直資收左, 而你又接受就唔可以再大抽獎, 因直資有收政府資助, 一個小朋友唔可以同時hold住2個機會.
私校如果收你個小朋友會要求你留位, 你留左位佢會通知教處, 教處會有信通知你及問你是否需要大抽獎.(你的回覆可能也會通知該私校, 我唔肯定)
法例上你是可以hold私校位再進行大抽獎.
但有些私校可能唔想有太多行政工作, 當佢知道你去大抽獎就會取消你的留位, 在留位前你要問清楚.

作者: HoneyDewDew 時間: 13-4-22 13:02 標題: 回覆：要放棄直資或私立先有大抽獎？

多謝！你哋嘅意見無得頂

作者: taktakchichi 時間: 13-4-22 13:19

回復 HoneyDewDew 的帖子

唔係間間私校都會接受再去大抽獎的申請, 以我所知培正一定唔可以, 我朋友個小朋友下年升小一, 培正收咗, 但要求佢地簽一份文件, 內容大致是說如果接受學位後再參加絃一派位等於放棄學位, 唔簽亦等於放棄學位. 所以要小心問下D過來人.

作者: Haz-mama 時間: 13-4-22 14:27

本帖最後由 Haz-mama 於 13-4-22 14:28 編輯

每間私小要求唔同, 有些一定要簽意向書(決定放棄大抽獎), 有些私小沒有要求, 但註冊日期有部份和大抽獎的差不多, 所以, 要check清楚和做取捨...

作者: soscho 時間: 13-4-22 14:38

好似優才呢D直資咁, 佢實早過自行有offer, 而我又想自行, 係咪一定要放棄學位, 可唔可以等埋自行得唔得至決定放棄邊間呢

作者: cherrybiz 時間: 13-4-22 14:43

咁如果第一階段自行時，已經收左我個小朋友，我又去左註冊，但當時直資又未出result，咁又會點呢？如果直資真係有offer，我仲可唔可以選直資，然後再reject返嗰間官津學校？

作者: JL3 時間: 13-4-22 14:47 標題: 引用：回復+HoneyDewDew+的帖子唔係間間私校都

原帖由 taktakchichi 於 13-04-22 發表
回復 HoneyDewDew 的帖子

唔係間間私校都會接受再去大抽獎的申請, 以我所知培正一定唔可以, 我朋友個小朋 ...

不只培正！還有高主教！

作者: taktakchichi 時間: 13-4-22 14:49

以我所知, 如果直資先有結果又註冊咗, 等於放棄自行分配學位
如果註冊自行分配學位後才有直資的結果, 是可以選回去直資註冊的

作者: soscho 時間: 13-4-22 15:27

咁註冊左自行, 直資會唔會知道而唔收呢

作者: 已刪除用戶 時間: 13-4-22 15:53

soscho 發表於 13-4-22 15:27
咁註冊左自行, 直資會唔會知道而唔收呢

唔會, 佢地唔會有資料, 只有家長去直資註冊時簽UNDERTAKING, 直資學校將份野交返俾政府姐, 政府係唔會講俾直資學校知每個學生點點點
總之一個簡單原則: 一註冊直資就要放棄政府派位, 已有位要放出黎, 未有位就唔可以繼續, 無論當時政府派位去到咩階段(叩門除外)

作者: lymchau 時間: 13-4-22 17:48

So, when I gave up the offer for "lucky draw", I felt so "nervous"! Surely, I have a private school on hand!

But as my husband says some good schools only can get in according to "lucky draw", so just try lor!

歡迎光臨教育王國 (/)