教育王國

標題: 需要轉校嗎？ [打印本頁]

作者: 豆Dan 時間: 13-4-20 10:50 標題: 需要轉校嗎？

亞仔八歲三年班，學校是少班教學，一班得十幾人，但有一半同學都有不同程度需要。禽日佢同個女同學打交，個女仔要去醫院驗傷，就係咁，所以要去警局落口供。好在佢未夠十歲，所以吾使留案底，但都驚咗一大餐，走時個警察同我地講，睇下可吾可以轉班分開下，但間學校根本冇可能轉第二班，咁係咪要轉校呢？

作者: Anita0423 時間: 13-4-20 13:30

回復豆Dan 的帖子

長遠計應從行為情緒管理著手，教導他如何舒緩情緒、處理事情方法及預計後果，需要與學校社工共同建立整理方法及時間表，例如先做社交故事，再做小組活動。家中父母也要以身作則，多玩角色扮演，以協助建立正確表達方式。以上是本人兒子由五㱑能說話做到依家八㱑嘅分享。加油，依家開始仲有希望

作者: boc 時間: 13-4-20 14:43 標題: 引用：亞仔八歲三年班，學校是少班教學，一班得十

原帖由 豆Dan 於 13-04-20 發表
亞仔八歲三年班，學校是少班教學，一班得十幾人，但有一半同學都有不同程度需要。禽日佢同個女同學打交，個 ...

咁老師怎樣講呀，社工呢？

作者: 豆Dan 時間: 13-4-20 16:23 標題: 回覆：需要轉校嗎？

其實我平時都知佢同個女同學有衝突，已經教佢一d 方法去解決，而佢又好明白咁同我講知點做，冇諗過會咁犀利。我開始考慮轉校係因為學校現在既教學方式同以前變晒，轉校長轉老師，已經吾係我當初選既學校。就依件事講，班主任，特殊教育主任，社工都吾知咩事，你地話有冇攪錯。得個當值老師打比我，重要係已經送咗個女同學去醫院驗傷，個當值老師重講到好似冇咩事咁，唉…

作者: pocoyo123 時間: 13-4-20 17:37

但轉校也只是逃避方法, 轉去另一間, 也難免會有相同情況發生, 其實, 那個女同學是否也是SEN學生, 是否在社交或情緒上也要支援, 會不會和她家長溝通下, 再和學校商量, 睇下有無辨法解決.

作者: boc 時間: 13-4-20 19:08 標題: 引用：其實我平時都知佢同個女同學有衝突，已經教

原帖由 豆Dan 於 13-04-20 發表
其實我平時都知佢同個女同學有衝突，已經教佢一d 方法去解決，而佢又好明白咁同我講知點做，冇諗過會咁犀利 ...

對呀，很多學校是二十幾個的！一班十幾個已經好好了！應該用更多社交故事講給他知！要有圖的！

作者: 豆Dan 時間: 13-4-25 20:14 標題: 回覆：需要轉校嗎？

經過幾日冷靜思維下，已打消轉校既決定，因同老師，社工，主任溝通過之後，覺得轉校有些事都係改變吾到，返而新校老師吾知亞仔皮性重容易令佢爆發。

歡迎光臨教育王國 (/)