教育王國

標題: 請問你們有甚麼妙法去改善粗心大意常常計錯數的方法？ [打印本頁]

作者: Treestory 時間: 13-4-20 02:03 標題: 請問你們有甚麼妙法去改善粗心大意常常計錯數的方法？

請問有甚麼妙法去改善粗心大意常常計錯數的方法？

作者: Treestory 時間: 13-4-20 02:05

下星期測驗，其實佢識做，不過常常計錯，擔心中！希望你們比些意見，謝謝！

作者: JJDBB 時間: 13-4-20 07:37 標題: 回覆：請問你們有甚麼妙法去改善粗心大意常常計錯數的方法？

小孩幾年班呀？

作者: im_cyt 時間: 13-4-20 08:03 標題: 回覆：請問你們有甚麼妙法去改善粗心大意常常計錯數的方法？

圈出Keywords，覆查答案。多做常犯錯的題目來預備考試。

作者: im_cyt 時間: 13-4-20 08:10 標題: 回覆：請問你們有甚麼妙法去改善粗心大意常常計錯數的方法？

仲有，好緊要：做岩要讚，稍有進步要讚。咁佢就有motivation同信心去做得更好。

作者: Treestory 時間: 13-4-20 12:14

謝謝你們的意見，佢現在小二，頭先做文字題，條題目係472，佢又寫左427，佢仲話check 左好多次，我都未知點算，佢話好驚數學

作者: akys 時間: 13-4-20 13:12

俾D耐性，在小學階段，成績分別主要是有沒有覆卷。有些小朋友初小已經自動波，有些到高小才會認真覆卷，逼也逼不來。只要知道他明白題目及方法正確就可以了。

作者: Treestory 時間: 13-4-20 17:49

謝謝！我要好好控制我的情緒

作者: sycheung8 時間: 13-4-23 15:20

我個仔都係咁.....明明張紙佢寫係12+12+9, 但到寫落薄到就變左12+9, 同佢講有做錯既叫佢DOUBLE CHECK..佢都話無野錯

作者: cuccw 時間: 13-4-23 15:42

回復 sycheung8 的帖子

出一份做好嘅卷，全部都有錯的，叫他們玩找錯處

作者: 長生不老 時間: 13-4-23 17:32

提示: 作者被禁止或刪除內容自動屏蔽

作者: myac 時間: 13-4-24 02:45

cuccw 發表於 13-4-23 15:42
回復 sycheung8 的帖子

出一份做好嘅卷，全部都有錯的，叫他們玩找錯處

Does it really work?

作者: sycheung8 時間: 13-4-24 09:36

回復 cuccw 的帖子

等我試下....thanks

作者: cuccw 時間: 13-4-24 19:37

本帖最後由 cuccw 於 13-4-24 19:40 編輯

回復 myac 的帖子

唔知work唔work架，個個小朋友唔同，唸d方法試玩下總比日日哦下佢地好。有時對小朋友真激氣，但我們是大人，有責任設計方法去幫他們。之前我試過幫小朋友改花名做＂careful angel" "hard working princess" 等，個女真係錯少左。

作者: Treestory 時間: 13-4-24 23:05

回復長生不老的帖子

謝謝！我個女好心散，好容易分心，真係

作者: Treestory 時間: 13-4-24 23:07

回復 myac 的帖子

我都有咁做，都有少少幫助

作者: pigpigmag 時間: 13-4-25 10:47

數學真係操返黎的! 要多做, 多練習, 熟能生巧!

作者: Treestory 時間: 13-4-25 11:52

已經有上數學班及多做練習

作者: akys 時間: 13-4-25 13:49

又唔係唔識，操是沒有用的。找錯處能幫助他覆卷方法，並不能令他認真覆卷。有兩個旁門左道方法可解決這個問題； 1）打鑊金（要坐監）2）利誘。
還是那句，經常提醒就已經足夠，待小朋友大一點自己領悟吧。

作者: Haz-mama 時間: 13-4-25 15:14

我都想知, 外面的數學班是否真有用呢??

作者: pigpigmag 時間: 13-4-25 16:24

akys 發表於 13-4-25 13:49
又唔係唔識，操是沒有用的。找錯處能幫助他覆卷方法，並不能令他認真覆卷。有兩個旁門左道方法可解決這個問 ...

小朋友就係唔識個竅門, 識就唔會錯啦!
操數最大作用就係令小朋友熟能生巧, 就好似反射動作咁。
過程係好痛苦, 但從小打好基礎總好過愈積愈多甩漏, 到時已定型, 家長想改也為時已晚。

試想想, 日日打字定隔日打字會打得快而準d???

作者: akys 時間: 13-4-25 16:49

回復 pigpigmag 的帖子

大部份小朋友都係錯Careless Mistakes，例如抄錯數字，數錯。這類型做多幾多次都會錯。只要留心，小心，認真覆卷才能避免。唔識或做得慢補習操數才有用。

作者: pigpigmag 時間: 13-4-25 17:00

回復 akys 的帖子

操數呢個方法, 我係已經引證左先提出的, 詳情就不多談了。

大家各施各法, 出發點都是希望樓主的小朋友有所改善。樓主你就看看哪一方法最適合你小朋友吧~

作者: cuccw 時間: 13-4-26 10:22

我自己和身邊的同事加減數都好懶計，大家都有大學學位和讀過A maths,根本一開始阿媽果代都冇培養興趣，一味死谷，操做，久而久之到了大個左唸下加數都唔想。有次見到女兒做進位加數好慢，慢慢數手指，既然係咁，我唸了一個快速數手指方法：如6+8，就幻想左右兩隻手放在背後，每隻手代表五，前面6出1，8出3，那出來前面的手指就有4，所以答案是14。7+9就：7出2，9出4，答案是前面手指2+4，16。設計下方法又做快左了。

作者: Treestory 時間: 13-4-26 17:43

回復 pigpigmag 的帖子

Thank you. 今天她已測驗,希望沒有太多careless mistake啦!

作者: jollyma 時間: 13-4-26 23:41 標題: 回覆：請問你們有甚麼妙法去改善粗心大意常常計錯數的方法？

或者叫佢細細聲讀個數，有啲小朋友耳仔靈過眼睛，尤其初小，另外，我都覺得計得多真係有用既

作者: IwanBB 時間: 13-4-27 12:49

我囝囝小四, 明明識, 但成日唔小心, 所以扣左唔小分.

連老師都打電話問我點解, 過去成績一直很好, 都係粗心大意扣D分, 但今次測驗就太多CARELESS, 要快D追番D分.

已經教囝囝圈重點, 列式, 做算草, 檢查答案.

但囝囝都唔聽.

好苦惱, 點算好?

作者: IwanBB 時間: 13-4-27 12:51

akys 發表於 13-4-25 16:49
回復 pigpigmag 的帖子

大部份小朋友都係錯Careless Mistakes，例如抄錯數字，數錯。這類型做多幾多次都會 ...

同意!

真係無晒辦法控制小朋友既唔小心. ><

作者: akys 時間: 13-4-27 17:46

回復 IwanBB 的帖子

我個人唔反對補習，我從小六到大一都是靠補習賺取生活書簿費。有一類小孩是懂的，但非常不小心，例如會12+20+12=32+13=45。抄都抄錯，或者1，2，3，4組成最大的雙數，總是不看清題目就答4321，點補點操都沒有用。要他覆卷，水過鴨背式的看看就算。
這類小朋友只能耐心地不停提醒，等他明白小心及覆卷對成績的重要性才能解決。一般來說，這一類孩子到高小時成績會追上。

作者: cuccw 時間: 13-4-28 12:13

akys 發表於 13-4-27 17:46
回復 IwanBB 的帖子

我個人唔反對補習，我從小六到大一都是靠補習賺取生活書簿費。有一類小孩是懂的，但非 ...

非常同意「這一類孩子到高小時成績會追上」。小女同學明明有好多叻嘅男同學，雖然小一d卷仲好淺，但他們排名好低，相信未來他們在高小會突出，反之我有無形壓力。

作者: paltiBB 時間: 13-4-29 09:40

我個女計減數時, 好多時個位計對, 十位就將它們 + 埋, 變成計錯

她不是不懂, 可是個位減就得, 十位就變了加數, 比佢激 c

作者: Treestory 時間: 13-5-3 16:22

謝謝大家, 小女居然有九字頭分數，從未試過, 謝謝大家的意見及分亨

不停叫佢覆卷, 小心慢慢做, 考試前一晚九時睡覺,謝謝大家

作者: yipcharie 時間: 13-5-4 18:52

講開又講，我女女一路做一路都唔覺自己有野計錯，所以往往都唔合格，因為無覆卷

作者: VivianAnson 時間: 13-5-5 16:28

例如數研有沒有幫助呢

作者: csy_ma 時間: 13-5-6 09:01

本帖最後由 csy_ma 於 13-5-6 09:07 編輯

試吓"百子格"啦，對初小小朋友較有用。呢個係日本一位小學老師（後來做咗校長）發明既，除咗操數外，佢主要係為咗提高小朋友既專注力（佢都勸導小朋友每日唔好睇咁多電視），去谷歌"百子格"就搵到有關資料。

作者: jasonchloema 時間: 13-5-9 08:50

回復 cuccw 的帖子

我都有用類似方法, 6+8 = 6+(4+4)=14
8+9 = 8+(2+7)=17
阿仔而家小二, 佢開頭都有啲唔明, 而家好似好啲, 等我又試吓你呢個方法先, 謝謝!

作者: jasonchloema 時間: 13-5-9 08:51

回復 jollyma 的帖子

Agree, 我中學啲數都係俾阿sir 操返嚟架!

作者: happy_lavender 時間: 13-5-9 12:20

數學是講轉數，死操是無用的，反而令小孩轉數更慢！用遊戲引發小孩對數字的興趣是最好的；以我來說，我從阿仔4歲便和他玩Domino及擲骰仔，從而令他喜歡數點數，亦預備之後教加數；接著大些便玩啤牌、monopoly及大格鬥之類要計數和認圖形的遊戲。他現在4歲半已對乘數表現興趣，而且是他自發的。至於粗心大意方面，我小時候都很粗心大意的，但自從某年聽過某些節目講及人的性格可以改變，我便刻意提醒自己要double check再double check，久而久之，經過6年的刻意改變，我已不再粗心大意，不但如此，更開始被人稱讚細心，最近連老細也讚我細心！所以你只要不斷提醒及讓小孩知道粗心大意的後果便可以，不用太擔，這方面是一定可以改進的，我便是例子。

作者: Treestory 時間: 13-5-9 14:16

回復 happy_lavender 的帖子

還有，我個女對圖形, 推理及思考題特別弱 , 有甚麼補充練習及改善方法?

作者: cuccw 時間: 13-5-9 14:59

jasonchloema 發表於 13-5-9 08:50
回復 cuccw 的帖子

我都有用類似方法, 6+8 = 6+(4+4)=14

妳個方法令我唸起有間小學的加到10嘅兒歌，如1、9，1、9好朋友，2、8，2、8手拖手....小朋友是應該熟讀3、7，4、6，5、5嘅關係，但妳個方法有少少複雜化，因4+4牽涉了減法（8-4）.設計方法是好，現在這樣簡單複雜化。試下用小孩角度想，凡事複雜簡單化。

作者: cuccw 時間: 13-5-9 15:00

Treestory 發表於 13-5-9 14:16
回復 happy_lavender 的帖子

還有，我個女對圖形, 推理及思考題特別弱 , 有甚麼補充練習及改善方法?:thin ...

應多去戶外活動及多說敎凡事因果關係有幫助。

作者: Treestory 時間: 13-5-9 16:51

回復 cuccw 的帖子

Thank you......謝謝你的提醒, 我在這兩方面比較忽略。

我會努力

作者: happy_lavender 時間: 13-5-10 02:07

回復 Treestory 的帖子

用什麼方法要視乎小孩的喜好，好似我個仔鍾意和我玩，最初都是玩拋球之類，後來無意中發現佢很喜歡數數字，便先由數數開始玩，慢慢轉而擲骰仔，再由擲一粒變成擲兩粒，從而教加數。你要細心留意你的小孩的喜好，再由這方面由淺入深帶入數學知識，最好用遊戲，切忌坐定定你教佢聽！因為小孩的專注力有限，過了他能承受的時間，你再谷佢都唔會入腦。我之前上過兒童和青少年心理學的短期課程，得知據統計香港中學生的專注時間也平均只有25分鐘，再細的小朋友就可能只有10分鐘罷了。你的小孩的專注力有多好，你要細心了解，並在和他練習時作適量休息，不然只會白費功夫。

作者: jasonchloema 時間: 13-5-10 08:23

cuccw 發表於 13-5-9 14:59
妳個方法令我唸起有間小學的加到10嘅兒歌，如1、9，1、9好朋友，2、8，2、8手拖手....小朋友是應該熟讀3、7 ...

我其實都覺得我呢個方法對小朋友係有點難, 所以我會試吓你以上用手放後面的方法, thx for sharing!

歡迎光臨教育王國 (/)