教育王國
標題: 請教:九龍城區BAND 2生 [打印本頁]
作者: lopoto 時間: 13-4-18 19:03 標題: 請教:九龍城區BAND 2生
已知是BAND 2頭至中的學生，請問以下排位OK 嗎?
1. 沙田林漢光 (2)
2. 胡兆熾 (78)
3. 德雅 (2)
4. 沙田基督(2) / 寧波第二 (2)
如果唔放得林漢光，又可否放有19位的培正 (非培小學生)
作者: ohnono 時間: 13-4-18 19:25
逢係搏他區的家長，第一樣要做的就係要自己評估個風險。特別是揀選沙田區的學校，不要以為沙田區有足夠band 1學位，同學唔會選林漢光、鄭榮之這類學校。因為你身處在非沙田區的時候，你揀選的就係你所屬校網的他區位，跟你競爭的是你本區的同學，並非沙田區本區的同學。在沙田區並不是熱門的band 1中學，去到他區就有可能成為極受歡迎的他區學校，但又只係得2個位，好快就會冇。所以要自己衡量搏定唔搏，搏的話，第二選擇的學校就要好小心處理。
作者: BallBallMaMa 時間: 13-4-18 19:49 標題: 回覆：lopoto 的帖子
Band 2 生選band1A的培正=放棄
作者: 憫父 時間: 13-4-18 20:02 標題: 回覆：請教:九龍城區BAND 2生
Band 2 就係 band 2，派位時只有隨機號碼，band 2 頭中尾都要睇運氣，唔會係band2頭就會有好d既隨機號碼，你揀d學校大部份都係少學位既學校，除非你既隨機號碼十好靚，如果唔好的話，就好大件事。
作者: 憫父 時間: 13-4-18 20:07 標題: 回覆：請教:九龍城區BAND 2生
自行階段，band2頭會著數過band2中，派位時band2就係band2，band2頭無特別著數。
作者: simplemind 時間: 13-4-18 21:31 標題: 引用：Band+2+生選band1A的培正=放棄
+
原帖由 BallBallMaMa 於 13-04-18 發表
Band 2 生選band1A的培正=放棄
作者: ohnono 時間: 13-4-19 00:40
本帖最後由 ohnono 於 13-4-19 00:44 編輯
BallBallMaMa 發表於 13-4-18 19:49 
Band 2 生選band1A的培正=放棄
你已經客氣了，好多家長以為選學校和排次序，閂埋門揀自己喜歡的，唔理其他人點揀，抽唔到就算數，最多放棄浪費一個位。其實唔係，你放棄時，人家就已經揀晒你跟住想要的學校了，所以除左等如放棄之外，還會拖延了下一個志願或跟住的志願，隨時最後派到唔知去左邊！
作者: lucia6119 時間: 13-4-19 04:09
本帖最後由 lucia6119 於 13-4-19 04:11 編輯
本來想今年大抽想會好似樓主 一樣博一間沙田band1尾 (林漢光/ 郭德勝) 不過今天收到 學校 的大抽獎配額 , 沙田區的 學校差不多每間都只有 2 學額 , 那樣真的不好博了 ( 慶幸 accept 了自資offer )
九龍城區BAND 2頭至中的學生 (男仔)
1. 何文田官立 / 陳瑞琪
(如果想再進取d , 可以博銀禧 / 丘左榮)
2 and 3 胡兆熾 / 鄧鏡波
跟住填他區就按自己喜好和 交通了, 因為 都係得2 個位
不過如果係我會間著填 九龍城區的
e.g
4. 他區
5. 五旬節
6. 他區
7. 彭學高
------ 如此類推---
作者: lucia6119 時間: 13-4-19 04:18
回復 lopoto 的帖子
看到 樓主有選 德雅 , 那麼 應該是女生. 九龍城區好的band2 學校比較多選擇呀..
培道, 聖家, 真光 都很不錯 ,
反而 band 2 男生真係選擇不多
作者: gagamama20 時間: 13-4-20 18:33
回復 憫父 的帖子
想請教男仔荃灣小學, 是B 1邊緣人, 英文科和體育較強,
自行選了銀禧/體藝有面誠, 請問大抽獎應怎樣排?
1.2.旅港/丘佐榮/黃笏南/銀禧 3.陳瑞祺/何官
作者: Taimum 時間: 13-4-20 18:50
BallBallMaMa 發表於 13-4-18 19:49
Band 2 生選band1A的培正=放棄
作者: Taimum 時間: 13-4-20 19:00
回復 憫父 的帖子
完全同意，無人知自己個number,仲有band2 唔好揀銀呀!浪費机會！
作者: Taimum 時間: 13-4-20 19:04
回復 gagamama20 的帖子
您轉左區？成績係荃湾小學band2，轉左區知唔知屬於band幾？
作者: 憫父 時間: 13-4-20 19:57
本帖最後由 憫父 於 13-4-20 21:04 編輯
回復 gagamama20 的帖子
以 DSE 成績由高至低排列，大概如下：
1. 華英中學 (75個位)
2. 丘佐榮中學 (88個位)
3. 旅港 (93 個位)
4. 黃笏南 (81個位)
5. 銀禧 (88個位)
6. 何文田官立 (47個位)
7. 陳瑞祺 (54 個位)
8. 胡兆熾 (78 個位)。
9. 鄧鏡波 (96 個位)
10. 基道中學 (56 個位)
11. 賽馬會官立 (43個位)
12. 五旬節中學 (79 個位)
13. 九龍塘學校 (74 個位)
(頭 5 間是 BAND 1 學校)
(之後的BAND 3 學校都沒有在學校網頁內列出資料)
(沒有列出所有 BAND 1 學校，因我無法知從學校官方資料悉一些學校的 DSE 成績)
如果我個仔女真係 BAND 1 的話，我自己會揀 1. 旅港 2. 銀禧 3. 何文田官立，
個唔肯定的話，我會揀 1. 銀禧 2. 胡兆熾 3. 鄧鏡波學校
但如果我真係無信心我個仔女係 BAND 1 的話，我會揀 1. 陳瑞祺 2. 胡兆熾 3. 鄧鏡波學校
唔知你同唔同意？
作者: elbar 時間: 13-4-20 20:26 標題: 引用：回復+憫父+的帖子
想請教男仔荃灣小學,+是
原帖由 gagamama20 於 13-04-20 發表
回復 憫父 的帖子
想請教男仔荃灣小學, 是B 1邊緣人, 英文科和體育較強,
作者: gagamama20 時間: 13-4-20 20:56
回復 Taimum 的帖子
B1尾邊緣人，因為搬咗去九龍城區，所以轉去九龍城。
作者: gagamama20 時間: 13-4-20 21:18
本帖最後由 gagamama20 於 13-4-20 21:22 編輯
回復 憫父 的帖子
多謝你的回覆
我喜歡較進取，會選擇1.旅港 2.銀禧 3.何文田官立
我小兒不想入中中，因為他喜歡英文。
作者: 憫父 時間: 13-4-20 21:23
回復 gagamama20 的帖子
唔駛客氣，預祝你心想事成！
作者: linwailin 時間: 13-4-20 22:06
本帖最後由 linwailin 於 13-4-20 22:07 編輯
回復 憫父 的帖子
如果Band 2穩陣嘅，這幾間咁排OK嗎！1) 何夊田官立
2)陳端祺
3)聖三—堂
4)九龍塘
5)鄧镜波
6)胡兆幟
作者: 憫父 時間: 13-4-20 22:20
本帖最後由 憫父 於 13-4-20 22:31 編輯
回復 linwailin 的帖子
1) 何夊田官立 (dse 25% 入本地學位) (47個位)
2)陳端祺 (沒有官方文件公佈，我相信略遜於何文田官立) (54 個位)
3)聖三—堂 (沒有官方文件公佈，但相信很差，聖三—堂係 band 3 學校)
4)九龍塘 (dse 6% 入本地學位) (74 個位)
5)鄧镜波 (沒有官方文件公佈，但 dse 可能有 25% 入本地學位) (96 個位)
6)胡兆幟 (dse 16.67% jupas 派位率，相信成績好過鄧镜波 ) (78 個位)
band 2 生：
我建議排序是
1. 陳端祺 (男校，較少人同你爭)
2. 胡兆幟
3. 鄧镜波
4. 九龍塘 / 基道 (dse 12% 入本地學位，高過九龍塘，黑馬學校，較少人爭，學校積極進取，校風好，我相信仲會進步，純屬個人意見！亦絶對好過聖三一)
女學生成績普遍高過男生，揀男校會有著數 d，會比何文田容易入。
作者: ohnono 時間: 13-4-20 22:50
本帖最後由 ohnono 於 13-4-20 22:55 編輯
gagamama20 發表於 13-4-20 20:56
回復 Taimum 的帖子
B1尾邊緣人，因為搬咗去九龍城區，所以轉去九龍城。
我見你選乙一旅港，乙二銀禧，乙三何官。這種排法band 1又嫌保守到不得了，band 2又過份進取，有兩頭唔到岸的感覺。有沒有諗過荃灣band 1尾邊緣轉去九龍城區，如果跌band 的話怎麼辦！我睇唔到你係以band 1角度或band 2角度定邊緣人角度去選校！
作者: TracyC 時間: 13-4-20 22:51
咁 勞工子弟 呢?
作者: 憫父 時間: 13-4-20 22:59
勞工子弟沒有在官方文件顯示 dse 成績，網上流傳的資料顯示佢地 3322 比率係 17.9%。
(陳瑞祺 52.5%，鄧鏡波係 31.3%，相信勞工子弟 dse 結果好差。)
作者: linwailin 時間: 13-4-20 23:41
回復 憫父 的帖子
其實我帮朋友問，仲初初想放陳瑞祺先，但老師話太博喎！
作者: 憫父 時間: 13-4-21 00:07 標題: 回覆：linwailin 的帖子
按原先既選擇，入聖三一既機會唔低，果位老師對聖三一特別有好感？
作者: Aldemmama 時間: 13-4-21 01:01 標題: 引用：逢係搏他區的家長，第一樣要做的就係要自己
原帖由 ohnono 於 13-04-18 發表
逢係搏他區的家長，第一樣要做的就係要自己評估個風險。特別是揀選沙田區的學校，不要以為沙田區有足夠band ...
作者: gagamama20 時間: 13-4-21 14:27
回復 ohnono 的帖子
邊緣人+轉區, 我真係不知點排好, 如依你說法我應怎樣排會較好呢? 請賜教
作者: cmvfamily 時間: 13-4-22 10:16
請教: Band 2尾仔，要穩陣嘅，這幾間咁排OK嗎?
1) 鄧镜波
2) 五旬節
3) 基道
4) 九龍塘
5) 賽馬官立
5) 基道
6) 聖三一
請指教，可再加入其他學校~謝謝~
作者: cmvfamily 時間: 13-4-22 10:32
smalleye:
謝謝您~麻煩你俾D意見~
作者: 憫父 時間: 13-4-22 10:38
回復 cmvfamily 的帖子
你揀 2 間基道？
作者: cmvfamily 時間: 13-4-22 10:57
回復 憫父 的帖子
唔好意思，打錯咗。
請教: 我打算這樣填，Band 2尾仔，要穩陣嘅。
1) 鄧镜波
2) 五旬節
3) 彭學高
4) 九龍塘
5) 賽馬官立
5) 基道
6) 聖三一
請指教: 可以隨意改動學校和排名，謝謝~
作者: 憫父 時間: 13-4-22 11:35 標題: 回覆：cmvfamily 的帖子
初步睇，你主要係按學校名氣，頭兩位係熱門組合，再按學位數目黎排，如果真係咁諗的話，個組合無咩問題。始終係大抽獎講運氣，好難有穩陣組合，最穩陣組合就係將少人揀既排先，但正路唔會咁揀，將聖三一排第一，就好大機會入，但相信你派到聖三一，你都會試叩其他學校門。所以唔會有穩陣又過到自己心理關口既組合。自己排完覺得接受到就去馬啦！
作者: 憫父 時間: 13-4-22 11:38 標題: 回覆：cmvfamily 的帖子
你有兩個5？
作者: cmvfamily 時間: 13-4-22 11:50
回復 憫父 的帖子
謝回覆~
唔好意思，又錯咗。
請教: 我打算這樣填，Band 2尾仔。
1) 鄧镜波
2) 五旬節
3) 彭學高
4) 九龍塘
5) 賽馬官立
6) 基道
7) 聖三一
其實我想填埋新亞在7) ，聖三一先至係 8)，我見到EK都話新亞OK，但校長話好差，話拍得住聖X咁差，都唔知點算?
作者: 憫父 時間: 13-4-22 12:19
本帖最後由 憫父 於 13-4-22 12:21 編輯
回復 cmvfamily 的帖子
聖三一好d，不過，聖x真係好差，好難同呢間一樣咁差。
作者: namnamc 時間: 13-4-22 12:31
回復 憫父 的帖子
如果小兒係ｂａｎｄ２尾，係咪連聖三一都避免加落去呢？
作者: lucia6119 時間: 13-4-22 12:31
回復 cmvfamily 的帖子
既然係大抽獎 , 我覺得 鄧鏡波放第一志願 比較好, 畢竟 鄧鏡波是男校, 沒有女仔爭, 而且 鄧鏡波 有成96個位 , 聖三一係BAND 3 , 唔駛放那麼前, 還可以考慮 彭學高
作者: cmvfamily 時間: 13-4-22 12:37
回復 lucia6119 的帖子
謝回覆~
因為我見到他區合阿仔 Banding 的學位不同，只有1, 2個位，所以不敢填。
請問是否應該填埋 他區 B2尾的學校，然後先至填本區的 B3呢??
作者: 風繼續吹 時間: 13-4-22 12:39
請教, 小女九龍城Band2中,
乙部頭五位初定如下
1.培道
2.胡兆熾
3.九真
4.何官
5.彭學高
請問穩陣嗎?
作者: lucia6119 時間: 13-4-22 12:43
其實也可以 搏吓 他區的 BAND 2 學校 , 例如:
油尖: 信義 (5) , 劉皇發 (5)
深水PO : 唐乃勤 (4)
官塘 : 五邑司徒浩 (2) , 寧波2 中 (2) 聖若瑟 (2)
黃大仙: 聖文德 (2)
西貢 : 鄭植芝 (4)
沙田區更有多間不錯的BAND 2 學校 , 雖然今年 CUT 到每間只有 2 個位, 我覺得也可以填
作者: 憫父 時間: 13-4-22 12:44
namnamc 發表於 13-4-22 12:31
回復 憫父 的帖子
如果小兒係ｂａｎｄ２尾，係咪連聖三一都避免加落去呢？ ...
作者: lucia6119 時間: 13-4-22 13:09
本帖最後由 lucia6119 於 13-4-22 13:12 編輯
回復 cmvfamily 的帖子
如果你 CONFIRM 兒子係BAND 2 生, 那麼便不用太急切把BAND 3 學校 填那麼前, 而且大抽獎 BAND 2 頭, 中, 尾都係一齊抽的, 而通常 BAND 2 頭/ 中, 他們 都會放 胡兆熾/ 何官/ 陳瑞琪 (有些進取的甚至放BAND 1 C) 在頭1,2 志願..我看有些之前的PO 說也有BAND 3 生有機會派到鄧鏡波 (可能只有 幾個) , 所以我覺得 1ST CHOICE 放鄧鏡波 , 機會也頗大 , 而且也有一部分 BAND 2 生會讀直資
另外 我覺得 他區 很多人 都只是用來 填滿 30 個名額 (除非是那些小學住他區而誇區來九龍城就讀才會放在前1 ,2 志願 ) 所以 我自己當初 會放他區 在2 .3 志願 , 我喜歡 間隔式放..不過這視乎個人喜好, 我覺得 前3 或前5 放 1. 2 間他區也未嘗不可
而 BAND3 頭 校風比較好的便放在 後面 保底 吧
作者: 憫父 時間: 13-4-22 13:48
lucia6119 發表於 13-4-22 13:09
回復 cmvfamily 的帖子
如果你 CONFIRM 兒子係BAND 2 生, 那麼便不用太急切把BAND 3 學校 填那麼前, 而且 ...
作者: MrsWong 時間: 13-4-22 14:06 標題: 回覆：請教:九龍城區BAND 2生
請問我地會知道隨機编號嗎？
作者: 憫父 時間: 13-4-22 14:11 標題: 回覆：MrsWong 的帖子
不會知道
作者: lucia6119 時間: 13-4-22 14:17
本帖最後由 lucia6119 於 13-4-22 14:21 編輯
回復 憫父 的帖子
那麼 1. 鄧鏡波
2. 五旬節
3. 他區 (如果想選好D 既 BAND 2 , 可以選沙田區 ( BAND 2A - 馬祟 / MOS ST.J / 基督, BAND2 中- 青年會/ 陳震夏/陳階)
如果 想隱陣D 也可以選有4 ,5 個位 那些他區
4-6 賽馬會 (10% 入U 不過 個人覺得校風麻麻) / 新亞 (10%入U) / 彭學高/ 九龍唐
總之記住 千萬不要選 余X強
作者: lucia6119 時間: 13-4-22 14:27
本帖最後由 lucia6119 於 13-4-22 14:27 編輯
回復 憫父 的帖子
[size=15.199999809265137px]余X強 比 聖X 差 好多 , 其實近年聖X 的教師也很努力 ,校風近年也轉好了 (我兒子返學每日都要經過 聖X)[size=15.199999809265137px]
作者: cmvfamily 時間: 13-4-22 14:30 標題: 回覆：lucia6119 的帖子
請問選他區B2學校排在5，6位，但因得1，2個位，若果入吾到，會否越跌越後？
B2尾生，應由第幾位開始填B3呢？請指點
作者: 憫父 時間: 13-4-22 14:45 標題: 回覆：lucia6119 的帖子
本帖最後由 憫父 於 13-4-22 17:53 編輯
新亞不可能有10%入U，佢地官方校務報告只敢寫中七有7%讀本地大學 (咁寫法多數係大學學位 + 副學位)，中六係點就隻字不提。
基道中學校務報告寫中七55%讀本地學位課程，12%中六入本地學位課程，34%副學位課程，9%入海外學位課程，24%入職訓。係我見咁多校務報告中，寫得最詳細既一間。
基道校務報告http://www.ccckeito.edu.hk/get.php?id=378 第五頁，
新亞校務報告http://www.nams.edu.hk/documents%5C1112final.pdf 第19頁
作者: 憫父 時間: 13-4-22 14:51 標題: 引用：新亞不可能有10%入U，佢地官方校務報告只敢
本帖最後由 憫父 於 13-4-22 15:08 編輯
原帖由 憫父 於 13-04-22 發表
新亞不可能有10%入U，佢地官方校務報告只敢寫中七有7%讀本地大學，中六係點就隻字不提。基道中學校務報告寫 ...
好多學校只敢寫成本地升學，然後將本地學位+副學位+職訓總和顯示出黎
相信基道有信心自己公開試成績好過好多 band 2 學校，所以詳細列出所有數字。
作者: 憫父 時間: 13-4-22 15:11
本帖最後由 憫父 於 13-4-22 18:49 編輯
回復 lucia6119 的帖子
我建議第 4 係基道，第 5 係 賽馬會官立，第 6 係 九龍塘學校，唔好將新亞放得咁高
我之前睇過哂所有九龍區學校既校務報告，做過功課
以 DSE 成績由高至低排列，大概如下：(括號內的數字係可統一供派位的學位數目)
1. 華英中學 (75個位)
2. 丘佐榮中學 (88個位)
3. 旅港 (93 個位)
4. 黃笏南 (81個位)
5. 銀禧 (88個位)
6. 何文田官立 (47個位)
7. 陳瑞祺 (54 個位)
8. 胡兆熾 (78 個位)。
9. 鄧鏡波 (96 個位)
10. 基道中學 (56 個位)
11. 賽馬會官立 (43個位)
12. 五旬節中學 (79 個位)
13. 九龍塘學校 (74 個位)
(頭 5 間是 BAND 1 學校)
(之後的BAND 3 學校都沒有在學校網頁內列出資料)
(沒有列出所有 BAND 1 學校，因我無法知從學校官方資料知悉一些學校的 DSE 成績)
作者: lucia6119 時間: 13-4-22 15:21
本帖最後由 lucia6119 於 13-4-22 15:26 編輯
回復 cmvfamily 的帖子
我想這很難說第幾位開始選 BAND 3 , 你用刪減法吧
選 BAND 2 學校 (本區+ 他區) 共有多少名額 (他區的也要看看有沒有交通工具到..如果 路程太遠OR 轉折..那麼便不要選了) 因為不知道你住九龍城那區..所以你自己要在GOOGLE 看看路線
我之前會去2, 3間心儀的他區看一看環境和路線的
最後如果還有位淨便填 BAND 3 A 的中學
作者: lucia6119 時間: 13-4-22 15:33
本帖最後由 lucia6119 於 13-4-22 15:33 編輯
另外 勞工子弟也可以考慮 ,
還有我之前去中學巡禮 , 蔡功譜換了校長 , 現任校長是由協恩轉, 滿腔熱誠想把學校搞好, 可以放BAND 3A
作者: ivylouie 時間: 13-4-22 16:07
有一問題始終不明白, 請各位大大賜教
每一banding於統一派位不再分band頭、中、尾, 在這原則下, 家長當然希望往上游, 即使理性的家長也希望可到同樣水平或高半線,
For e.g. Band 2A 男 的熱門都是陳瑞琪、何官, 參考過很多意見都說, 不要把陳 及 何官 同時放第1、2志願, 原因是中第2志願的機會率少, 這個我明白, 穩當的排位大概是 (1) 陳瑞琪, (2) 胡兆熾, (3) 何官/鄧鏡波,
但 Band 2B 的排位可能是 (1)胡兆熾, (2) 基道, (3) 鄧鏡波,
這情況下假設Band 2A選(1)陳 落空, 那麼(2)胡兆熾的機會率也不會高, 因有一班Band 2B的同學已選胡作為第1志願, 即是Band頭、中、尾的熱門學校都有一班擁躉, 為何(1) 陳瑞琪, (2) 胡兆熾, (3) 何官/鄧鏡波會是穩當的選擇?
究竟應該如何處理?!
作者: 憫父 時間: 13-4-22 18:20
本帖最後由 憫父 於 13-4-22 19:02 編輯
回復 ivylouie 的帖子
其實你分析得很好，說出了問題的所在。
但因為這是一場抽獎的活動，同一 banding 的話，好多人會覺得唔博一定攞唔到，肯博的話，再加運氣好，話唔定真係咁好彩畀佢博到。
永遠無最佳策略，好多人都會揀既志願組合一定有呢個總合既優點，但要面對僧多粥少既情況，揀另一個組合可能會失去呢個組合既優點，但贏面會增加。得與失要睇你自己接唔接受到。
-----------------------------------------------------------------------------------
總言之，響好多人心目中 (包括我自己) 唔博會覺得未盡好父母既責任，但一邊博，一邊會心大心細，會好憺心。(呢場活動，輸贏係有後果，係無一個參加抽獎既人知道自己實會贏，大家都擔心輸，擔心個後果會好差。)
小六升中一對父母和子女黎講，真係一場折磨，仲要係由小五已經開始既折磨。
入到中學第一年都會心掛掛，仍然怕揀錯學校，呢場小六升中一既活動，起碼折磨家長三年。
作者: 多利是 時間: 13-4-22 19:25 標題: 引用：回復+lopoto+的帖子
看到+樓主有選+德雅+,
原帖由 lucia6119 於 13-04-19 發表
回復 lopoto 的帖子
看到 樓主有選 德雅 , 那麼 應該是女生. 九龍城區好的band2 學校比較多選擇呀..
作者: ivylouie 時間: 13-4-22 19:28
回復 憫父 的帖子
謝謝您啊!
唉! 我諗絕大部份人會認為讀書無理由靠抽獎, 靠運氣, 唔明點解唔按成績高低分配, 依家情況係分D唔分D
唯有今晚發個夢, 睇吓有無提示應該點揀
作者: ohnono 時間: 13-4-23 00:10
ivylouie 發表於 13-4-22 16:07
有一問題始終不明白, 請各位大大賜教每一banding於統一派位不再分band頭、中、尾, 在這原則下, 家長當然希 ...
我睇完你寫果一堆野，只係發覺一個字就係亂！唔係我亂，係你好亂。
第一，到了統一派位，已再沒有甚麼band 1A男生，band 2A男生之分，band 1就band 1，band 2就band 2。
第二，學校點分，我地會從學校的成績加口碑推算出受歡迎程度。我地而家好好彩，可以參考返khmama為我們所做的全港學校排名列表。從中都可以估計到學校的受歡迎程度。
於是我地可以將學校分類，將他們列為band 1A、1B、 1C學校。1A和2A學校一般都是較受歡迎的。1B和2B次之，最尾的當然是每個組別尾的學校。
或者試睇一睇九龍城區內中學：華英、迦密、喇沙、MCS、甚至我覺得成績好了的旅港，這些都是區內極受歡迎的band 1A學校。如果以區內band 1同學，有機會抽的都會傾向這類學校排先。
又再睇睇一些1尾2頭的學校，陳瑞祺、何官、胡兆熾、培道、九真等，每一間都有特點。先撇開成績，陳瑞祺是男校，入讀機會較高，男生首選。何官聯繫幾間官小，又係區內能開英文班的學校之一。胡兆熾比何官開辦更多的英文班，証明學校有一定實力吸收到全港排頭40%之內的學生，即是band 2頭的學生。培道就更加人見人愛。九真就收好多MCS出來的學生，校長已表明會加強同學的英語訓練，務求能令學校整體英語水平提升。
雖然每間都各自有特色，但最終都係走向入U率的比較，成績高低定生死。當你去比一比，又會發覺以上這些學校都有好平均的公開試成績，其他學校又真的會比了下去。有d學校連全英文班都開不了一班，這樣的比較是否容易凸顯左受歡迎和次受歡迎的學校。所以，版上的一些學校都算是較受歡迎，咁點樣知乜野學校會比人放第一，乜野會比人放第二呢。
我以今年為例，如果睇區內單係band 1升中人數和學位的比較差異，有成1822-1455=367多個。而且人數比上年亦有多1586-1455人=131個。跟據khmama的資料，今年本區的英中可供抽獎的學額達1197個(若扣除他區位仍有1058個)但khmama 估計本區能於自行時離場的只有35%，即是最終會參與抽獎的band 1同學是有946個。
即是946個同學去抽最低限度的本區位1058個。差額是位多了112個。如果連同他區位就會多了251個band 1位。
既然有人自行成出跨出外區，亦有人會成功跨入本區，在367個差額當中，最後變成得251個，咁即是有116個同學能成功跨入本區。
睇完一大堆數字，你就會發覺，今年本區有最少112個位多出，最多會有成251個band 1位。251差不多可坐滿兩間band 1學校，即是除了陳瑞祺之外，區內的丘佐榮或銀禧都會出現某程度上的收band 1生不足的情況。雖然如此，我都唔讚成人家去搏丘和銀，始終唔知每間學校有幾多位會流出來，萬一你選中少位的，你就會錯過第一志願。所以今年陳瑞祺就成了band 2男生或1尾2頭的首選。第二志願的就會好自然返回band 2的中中行列，這些不外乎何官和胡兆熾。但何官兩班英文班得47個位，胡兆熾三班英文班有78個位，邊間會受歡迎d，高下立見。但何在學術上，仍是比輬其他學校佔優。再睇睇除了陳、何、胡之外的選擇，萬一真係頭兩個志願都派唔倒的話，第三志願的學校就顯得非常重要，所以一般男同學都係以鄧鏡波放第三，企圖能以男校的優勢能盡早獲派學位。所以男生一般都係陳、何、鄧或陳、胡、鄧。至於話有同學會提早選鄧或胡或何咁點呀？老實說，這班同學一定會有較大機會獲派第一志願，視乎你是否願意去放棄一間成績更加好的學校與否。
即或者可以用灣仔軒小的同學來做例。如果一個軒小band 1同學，佢甘願係人人都以皇仁作為首志願的情況下，你選鄧肇堅第一，有少少遺反左常理，所以唔會太多人會咁做，你中獎的機會一定大，就是這樣了！
回正題，如果鄧鏡波都唔得的話，除了因為有人放在第一志願之外，同學的隨機號碼好大機會是不會太好了，但不用怕，還有彭學高、九龍塘、直至五旬節。
女同學一樣，有間唔係太多位的聖家或搏埋民生。但始終沒像陳這樣多位。吸引力大減。之後放培道、九真、甚至何官、胡兆熾。四間都有可能是本區band 2女同學的第一或第二選擇，四間各有優點，誰也搶不了誰。但女同學放何或胡第一的話，肯定較男同學如放第二的有優勢。只不過培道和九真，特別是九真成績較好，所以會搶走一部份何或胡的女生。但女同學沒有男同學這般好彩有間鄧鏡波攝一攝，跟住只能放彭學高、九龍塘或者五旬節作保險。
好了既然知道那些是較熱門的學校，我們還得要清楚這個遊戲的玩法。最致命的地方就是當你選擇了一間學校的同時，別人也正在選可能是同一間，亦有可能是另一間。所以千萬不要閂埋門只顧自己選自己，你還得要考慮人家會選甚麼。正如ivylouie膽心的問題，你選何官第一的同時，人地可能選胡第一，到你選胡第二第二時，胡已經沒位了。所以我地係BK都會經常用到的方法是將學校分類。正如我上面所講，何、胡、培、九都係女同學熱門的選擇時，你放1何、2胡、或者1何、2培或者1何、2九，又或者將四間任何其中選擇兩間排1和2或相連的話，你第二個選擇將有機會等同放棄。浪費了一個選擇唔緊要，但將第三志願推後，你就會越派越後。所以有時有同學會唔甘心，將四間熱門學校揀兩間出來，到時真係要睇下自己好唔好彩。
睇黎九龍城區內的band 2男同學看似好些少，容易排到先後！
作者: 憫父 時間: 13-4-23 08:13
本帖最後由 憫父 於 13-4-23 08:37 編輯
lucia6119 發表於 13-4-22 15:33
另外 勞工子弟也可以考慮 ,
還有我之前去中學巡禮 , 蔡功譜換了校長 , 現任校長是由協恩轉, 滿腔熱誠想把 ...
學校換校長，係一間學校既動盪時期，特別係新校長唔係由原校調升 (要諗點解學校唔升原校副校長？)，出現動盪既機會好大。新校長推行改革的話，老師是否配合是未知數，若願意配合的話，而改革的路向又是正確的話，學校當然有機會出現轉機，但若是老師不能配合的話 (可能是老師拒絶改變，或不同意改革的方向)，動盪便會出現。(需知改革不一定能正確針對問題)
新校長能否有所表現，要用兩至三年觀察，學校有進步，當然係好事；但若情況變差的話，新校長會面對校董會的壓力和老師的不滿，若新校長仍不能改變情況的話，新校長可能會離任，到時又換校長，又會再出現新的動盪期。
學校換校長換得大密會嚴重影響老師的士氣，亦因而會影響學生的質素。
如果個仔真係入左蔡功譜，而校長三年內真的不能改變學校，甚至變差時，個仔點算？換校長的學校真的要小心考慮。
作者: 憫父 時間: 13-4-23 08:31
lucia6119 發表於 13-4-22 14:27
回復 憫父 的帖子
余X強 比 聖X 差 好多 , 其實近年聖X 的教師也很努力 ,校風近年也轉好了 (我兒子返學每 ...
希望新校長能帶出好的變化，校風今年係好左，聽講聖 x 有幾個有心將學校改好的老師，但始終係由低點起步，學校到底可唔可以繼續有足夠學生維持下去是未知數。會否太遲還是未為晚也？慢慢會知道。
將來九龍城區若果可以多一間可以選擇的學校 (相信唔會係五年之間既事)，對家長一定是一件好事。
作者: 憫父 時間: 13-4-23 09:12
本帖最後由 憫父 於 13-4-23 09:19 編輯
ohnono 發表於 13-4-23 00:10
就係呢d band 1頭男生、又band 1頭學校；等間又band 1中女生、又band 1中學校..........係未覺得好亂。如果 ...
其實呢個大抽獎活動中，可能最難過既係 band 2 頭既家長，心諗個仔係 band 2 頭噃，無理由唔幫個仔揀何文田官立同陳瑞祺做第一及第二志願，但結果係僧多粥少，何文田官立同陳瑞祺加在一起有101個位 (對男仔來說)，但 band 2 頭有幾百人 (仲有部份BAND 1、BAND 2 中同 BAND 2 尾既同你爭)，唔係個個入得到，輪到抽第三志願時，胡兆熾同鄧鏡波又俾 band 2 中既穩陣派既人同其他隨機號碼好既人攞哂位，到抽第四及第五志願時，又有機會失先機，俾 band 2 尾 既穩陣派既人同其他隨機號碼好既人攞哂。
結果明明自己個仔係 band 2 頭，但隨機號碼唔好，無喇喇有機會去到第五，第六，甚至更後既志願至抽到，個心點會接受得到。
就算唔將何文田官立同陳瑞祺做第一及第二志願，而將胡兆熾同鄧鏡波做第一及第二志願，又唔係一定中，事關band 2 中既穩陣派都有好多人同你爭，唔係話個仔成績好就會抽贏人地 (事關大抽獎期間無 band 2 頭中尾之分，band 2 就係 band 2)。
可能 band 2 頭既家長最忐忑不安。
叩門階段，中學唔知邊間小學程度高，通常只係同你數 A，數 B 既數目，或者係睇你中英數成績，或者係睇你筆試表現，如果自己間小學試卷深難攞A，人地試卷淺易攞 A，睇成績表已經輸左俾人，如果筆試失手，就更加無耐。
總之，這是一場折磨人的活動。
作者: ivylouie 時間: 13-4-23 09:44
回復 ohnono 的帖子
多謝您用長篇幅為我這蠢人解釋, 按照您的解釋就是即使原本是band 2 尾的同學, 現在進入統一選校階段便不用分頭、中、尾, 就往band 2 學校最理想的選, 要成功入讀一間熱門學校, 除了選校策略, 好像幸運指數佔的比重相對大, 尤其對於今年九龍城區band 2 女同學
作者: TracyC 時間: 13-4-23 09:45
回復 憫父 的帖子
請問以你所知 以下這幾間 這兩三年內 會否有大轉變 ? 如 轉校長
因 關乎 甲乙志願的排位 (不分先後)
基道
鄧鏡波
九龍塘中學
勞工子弟
伍華中學
彭學高
伍甸節
基督書院
胡兆熾
作者: 憫父 時間: 13-4-23 10:07
本帖最後由 憫父 於 13-4-23 10:19 編輯
回復 TracyC 的帖子
對不起！我不知道各校三年內會否換校長。
但好多學校既校長都會係50幾歲 (如果過去 7 至 8 年無換過校長的話)，相信五年內會有唔少校長退休。
如果校長退休後可以原校晉升校長的話係最理想，出現動盪既機會會較少。
如果學校已經進入正軌唔需要大改革的話，老師唔駛面對翻天覆地既變化，抗拒心會較少，學校較能夠成功過渡，你所列舉既學校都唔係需要大改革既學校，大動盪既機會唔高，就算換校長的話，危機都唔大，如果可以原校晉升校長的話，出現問題的機會就更少。
唯獨係伍 X 節，無記錯的話，佢好似啱啱換校長，之前果位校長好似係做唔耐 (果位校長好似係做過唔同學校既校長，都係做唔耐)，不過我不肯定這資料的正確性，如有任何錯誤，歡迎賜教！
作者: 憫父 時間: 13-4-23 10:36
本帖最後由 憫父 於 13-4-23 12:15 編輯
回復 ivylouie 的帖子
大抽獎主要係靠運氣，正確的策略可以提升中獎的機會。(但正確的策略受好多因素影響，隨時出現變化。)
一般來說，成績較好的女生人數較男生多，故此 band 1 學校較多女生，band 3 學校較多男生。
作者: SUSANNA 時間: 13-4-23 10:51
無錯, band 2 生在決擇方便很難下決定.
作者: smalleye 時間: 13-4-23 11:26
cmvfamily 發表於 13-4-22 10:32
smalleye:
謝謝您~麻煩你俾D意見~
作者: 憫父 時間: 13-4-23 11:32
本帖最後由 憫父 於 13-4-23 12:21 編輯
憫父 發表於 13-4-23 10:07
回復 TracyC 的帖子
對不起！我不知道各校三年內會否換校長。
我真的沒有記錯，五 x 節確實啱啱換校長，之前既校長做唔耐。
歷任校長資料來源：http://zh.wikipedia.org/wiki/%E4 ... 0%E4%B8%AD%E5%AD%B8
之前係香港私立培英中學校長 (做左 2 年)。
資料來源：https://www.facebook.com/PuiYingAlumni/page_map
作者: lucia6119 時間: 13-4-23 12:01
本帖最後由 lucia6119 於 13-4-23 12:13 編輯
band 2 生確實最難選擇..其實以前版上大多討論 BAND 1 生如何選學校, 真的心裡有點不好受 , 心想BAND 1 如何選最差都係去到BAND 2A , 而且派得不好 要去叩門 也大把機會 , BAND 2 生尤其是頭 , 如果 隨機號碼不好分分鐘 派到BAND 3 學校 , 叩門時也未必夠 BAND 1 搶, 所以希望日後 可以 多討論 和提供 BAND 2 BAND3 學校的資料
在九龍城區 BAND 2A , 如果要入到 胡 , 鄧 其實已經有點不甘心了 (畢竟九龍城是強區, BAND2A 生如果放在他區分分鍾是BAND 1) , 而 陳, 何 又擺出一副 只收BAND 1 生的模樣 , 真係 裡外不是人..
作者: TracyC 時間: 13-4-23 13:01
多謝 憫父 的解答
有沒有更多 基道 資料
校長 熱心教學嗎 ?
有說老師分派 ?
因 排名 係 BAND 3 中
我 真係怕自己放 它在第二. 三 會做錯
但我想保守
小朋友 可能是 BAND 2 尾 或 BAND 3 頭
這個抽獎遊戲 ...... 哎
作者: 憫父 時間: 13-4-23 13:16
本帖最後由 憫父 於 13-4-25 12:09 編輯
回復 TracyC 的帖子
基道的校長以前是教育局的高官，在教育局的地位很高，據知她因感覺神的呼召，覺得要進入校園直接幫助學生，故辭去教育局的工作。
基道中學係佢教會主辦的學校，剛巧舊校長退休，她便進入這所學校。
所以以熱心來說，她是不用懷疑的。
據知這位校長帶領得很好，副校長亦很盡責及有能力，基道老師沒有分派。
一所混亂的學校不可能有公開試成績好的學生，特別他們之前不是甚麼名校，不可能收到質素好的中一學生，他們有今日的成績，一定全憑老師會齊心，建立出來的。
55% AL 能入大學學位課程，12% dse 能入大學學位課程，好多 band 2 學校要做到呢個成績都有困難。
作者: ohnono 時間: 13-4-23 13:19
ivylouie 發表於 13-4-23 09:44
回復 ohnono 的帖子
多謝您用長篇幅為我這蠢人解釋, 按照您的解釋就是即使原本是band 2 尾的同學, 現在進 ...
所以band 1中和尾的學生也絕對有機會抽到band 1頭的學校，既然係咁，我諗好多band 1尾都會搏一搏啦。因此，點解我話到抽獎已經冇分頭中尾就係咁解。
就憑自己的幸運指數去抽一間理想的學校，亦要憑自己的策略盡量避免跌入band 2尾或甚至band 3的保險學校。
作者: TracyC 時間: 13-4-23 14:14
回復 憫父 的帖子
多謝 ! 明白了 ! 若我二間自行 失敗. 相信 入讀這一間機會都 大了.
作者: ivylouie 時間: 13-4-23 14:43
回復 ohnono 的帖子
我唔知實際上多唔多band 2尾去博band 2頭, 好彩博到, 生性讀書當然安樂晒, 倘若未能追上, 只會加強小朋友的挫敗感,
所以我想有部份band2中或尾家長, 會按小朋友能力去選校, 這樣band中或尾的熱門學校, 於第1輪已取去部分位置
到這一刻, 我的會覺得band 2學生, 最好一擊即中, 否則會被前後夾攻
想問問您意見, 九龍城區band 2女, 應如何選擇為較穩妥呢?
作者: ohnono 時間: 13-4-23 15:59
本帖最後由 ohnono 於 13-4-23 16:25 編輯
ivylouie 發表於 13-4-23 14:43
回復 ohnono 的帖子
我唔知實際上多唔多band 2尾去博band 2頭, 好彩博到, 生性讀書當然安樂晒, 倘若未能追 ...
所以我想有部份band2中或尾家長, 會按小朋友能力去選校
--------------------------------------------------
我諗係驚抽唔到所以拿拿淋放一間穩陣既第一的家長比按能力去選校的重多。
九龍城區內的band 2位相對band 1和band 3位係最少的，就算計埋聖家，但聖家仍有部份是band 1的直屬生，10間band 2學校中尚欠100個位左右，五旬節就成為區內band 2同學的保險線，有機會接收到約100名左右的band 2同學。所以太過搏只會令自己越走越後，係四大天王裡我只提議選一間好了，正如我所講各有特色。或可試胡兆熾，在第一輪趁d男同學去左抽陳瑞祺，又有部份去左抽聯繫位的何官，又有部份去左抽靚校舍的培道或九真的時候，胡其實放第一係最大機會的。跟住填彭學高、九龍塘甚至勞工子弟，以五旬節作保險。穩陣點，還是作雙保險吧，因為如果扣除聖家，有機會band 2生迫爆五旬節，或者選多一間賽馬會作雙保險。
我想信如果以女同學來計，我估應該唔會一黎就填彭學高掛，就算諗到要按能力去選校。女同學一般跟男同學選校的傾向會有些少不同。
如果想搏d都得，但要預左有機會跌得後左。揀九真/培道，再揀胡兆熾，然後才填其他band 2學校，直至遇上五旬節和賽馬會。九真較多MCS囡囡，英文程度較好，所以學校也有信心積極提高學術水平，但要有心理準備學校較谷和較集中在學業的提升，即是都幾悶。相反培道較多元化，又有靚靚校舍，確實吸引。而且位置較近，應是同附近區域的同學會較多，所以我將佢地放在一起。
至要放第二的，非胡莫屬啦，胡有78個位，何得47個位。而且何有聯繫效應，那些官少同學大多會將此校放第一，除了聯繫位之外，順道抽埋非保留位，還有叩門的關係，所以以胡作第二選絕對合理。而且今年有部份男仔會走左去抽陳瑞祺，第二先返返黎，大家齊齊再抽過，冇乜蝕底。抽唔到先再落彭學高囉！
作者: LailaiChan 時間: 13-4-23 16:47
2頭仔. 想問下五旬節在九龍城是屬 2 幾,同 鄧鏡波比邊間好D, 校風得唔得,學校提議阿仔放第三志願, 但自己對此校認識好淺, 應放鄧鏡波還是五旬節好些
作者: 憫父 時間: 13-4-23 17:48
本帖最後由 憫父 於 13-4-23 17:58 編輯
回復 LailaiChan 的帖子
以 dse 成績來說鄧鏡波學校好 d，以填派位志願表時，鄧鏡波好似受歡迎程度高少少，特別佢係男校，變相得男仔爭，所以算係熱門選擇。band 2 生熱門選擇係何文田官立、陳瑞祺、胡兆熾、鄧鏡波。
若以第三志願來說，入到伍旬節的機會較入鄧鏡波高。
作者: ohnono 時間: 13-4-23 17:50
如果你睇到我上面以人數和學位數的估計，五旬節好有機會收到大約接近100個或者有機會會少一些band 2同學，唔排除有同學跨區外出成功或有些band 2同學一於搏到底的向銀禧和丘佐榮進發。所以你可以說是band 2尾band 3頭的學校。個我覺得作為band 2同學的保險線是合適的。
鄧鏡波跟五旬節不同之處在於鄧鏡波是男校，對男同學來說是比較上佔優，起碼沒有女同學去爭，相對位是多了，機會多了。但男校一般成績是比男女校差一點，所以選校時，我唔會用入U率或成績去比較，否則band 1同學對九華果d都肯定不用考慮。你可以考慮鄧鏡波亦可以考慮彭學高或九龍塘，但當我見到佢地既副校長可以在操場上跟同學一起踢波，一起講波經的話，我已經唔駛再考慮！
作者: cmvfamily 時間: 13-4-23 18:25 標題: 回覆：ohnono 的帖子
請問五旬節和彭學高，九龍塘，應如何排？請指教
作者: lucia6119 時間: 13-4-23 18:34
回復 ohnono 的帖子
[size=15.199999809265137px]但當我見到佢地既副校長可以在操場上跟同學一起踢波，一起講波經的話，我已經唔駛再考慮！
[size=15.199999809265137px]===========================
[size=15.199999809265137px]為什麼呢 ? 我反而好喜歡可以跟學生打成一片的老師
作者: lucia6119 時間: 13-4-23 18:42
回復 cmvfamily 的帖子
彭學高不太熟識 , 不過看過往數據 成績 : 彭 = 九龍塘 > 五旬
校風我喜歡 五旬節
作者: lucia6119 時間: 13-4-23 18:45
本帖最後由 lucia6119 於 13-4-23 18:50 編輯
回復 LailaiChan 的帖子
我會先放鄧鏡波 , 男校 96 個位耶 , 而且有英文班 , 校風也很好 BTW..你頭 2 個志願是什麼 ?
我兒子 BAND 2 中 , 本來 PLAN
1. 何官/ 陳瑞琪
2. 他區 (BAND 2 頭學校)
3. 鄧鏡波
不過後來 有直資收了, 所以不用煩
作者: ohnono 時間: 13-4-23 20:59
lucia6119 發表於 13-4-23 18:34
回復 ohnono 的帖子
但當我見到佢地既副校長可以在操場上跟同學一起踢波，一起講波經的話，我已經唔駛再考 ...
作者: LailaiChan 時間: 13-4-23 23:57
回復 lucia6119 的帖子
多謝意見, 但阿仔似乎喜歡男女校多些, 我選陳瑞祺, 胡兆熾, 第三就煩惱中, 我考幾間直資都唔收, 可以話我知你阿仔入了邊間直資
作者: ohnono 時間: 13-4-24 00:34
cmvfamily 發表於 13-4-23 18:25
請問五旬節和彭學高，九龍塘，應如何排？請指教
作者: yovin 時間: 13-4-24 03:21
如果band2男生被直資的顏保玲收了 , 穩陣派是否應放棄大抽獎?
今年小五過客 , 見大家填表填到頭到痛 , 我驚驚地ｏ
我仔正正Band one 尾(不失手) Band two頭(失手)
請指教
作者: lucia6119 時間: 13-4-24 04:08
回復 yovin 的帖子
看不明 : BAND 1尾 (未失手) BAND 2頭 ( 失手) 是什麼意思 ?
不過 BAND 2 生 如果被NPL 收了, 個人選擇當然會放棄大抽獎 , 因為 論成績 NPL 有接近 40% 入U , 雖然不及 BAND 1C 的丘佐榮 和鋃禧 , 但絕對比 何官 和陳瑞祺好 , 而且校風又好, 學校設施也很好..
作者: 憫父 時間: 13-4-24 06:24 標題: 回覆：請教:九龍城區BAND 2生
本帖最後由 憫父 於 13-4-24 07:22 編輯
從顏寶玲的網頁資料顯示，入本地大學學位課程是26%，與何文田官立差不多，何文田是25%。
顏寶玲包括了副學位課程是36%，以band1直資中學來說，是很一般的表現。
band 1 入讀本地學位要有30% 以上才算OK。
校風是OK的，設施是好的。
何文田是官校，顏寶玲是收學費，家長畀學費是希望學校資源較好，子女受益，期望會較高，個人來說，26%真的不能說是好。
不過大抽獎結果不能確定，揀顏寶貴玲而放棄大抽獎都可以考慮，始終校風同設施都OK。
作者: TracyC 時間: 13-4-24 09:41
唔知點校學校不太建議 選九龍塘中學 ?
我見 九 排名校風 band 2 尾來說 ok
反而 勞工子弟 就 說近年 辨得不錯 ?
都唔知點排好 ?
作者: LailaiChan 時間: 13-4-24 11:08
Lucia
替你開心, 請問是沙田培基呀, 是BAND幾, 假如阿仔派得唔好, 去培基試,唔知機會大唔大,
作者: lucia6119 時間: 13-4-24 11:29
本帖最後由 lucia6119 於 13-4-24 12:02 編輯
回復 LailaiChan 的帖子
對 是沙田那間 , 老師說是 BAND 1C - BAND 2A , 按成績 我覺得是BAND 2A 而已
不過兒子十分喜歡 , 而且學生也很乖
他們好像會留 30 個位給叩門生 , 所以如果 派得不理想 可以一 試
作者: lucia6119 時間: 13-4-24 11:38
本帖最後由 lucia6119 於 13-4-24 11:50 編輯
回復 憫父 的帖子
NPL JUPAS 入U 只有 26% ??? (不知道他們去年有多少人考啦. ,,不過網頁資料 經JUPAS 入大學有四十幾人, 經JUPAS 入HD /ASSO 有5人) 對 BAND 1 來說當然不算太好, 所以很多BAND 1 生都只當 NPL 是面試取經驗的學校 , 但對BAND2 頭來說已經有足夠的吸引力 令家長 願意放棄大抽獎了 , 而且 選擇一間學校不單只看成績 ,其他因素也會被考慮到, 例如 : 設施 , 開設的科目 , 校風 , 課外活動.. 等等
作者: lucia6119 時間: 13-4-24 12:02
回復 TracyC 的帖子
我兒子補習的地方 在勞工子弟 附近 , 看到的學生 都很乖, 不過 感覺比較土, 不過 勞工子弟 的成績 總是給人一種好飄忽的感覺。
以前聽聞九龍塘的校風算不錯 , 不過有一次我搭巴士 , 剛巧他們放學 , 對此校的校風有點打折扣 , 不過當然不能 以此下定論啦 !
我覺得 頭 5 志願 大家 最好去實地觀察一下比較好
作者: 憫父 時間: 13-4-24 12:11
本帖最後由 憫父 於 13-4-24 12:14 編輯
回復 憫父 的帖子
回覆 chun 媽：這是按九龍城區劃分的，我已經在各學校的網頁內盡力搜尋資料，特別是搜尋「校務報告」，因為教育局要求所有官津學交在網上當眼位置擺放每學年的「校務報告」，供所有公眾人士瀏覽，但有部份 band 1 中學網頁沒有擺放「校務報告」。
我在資料的最後位置列明：(沒有列出所有 BAND 1 學校，因我無法知從學校官方資料知悉一些學校的 DSE 成績)
沒有上載「校務報告」的學校 (部份是直資，可能不需上載「校務報告」)
包括：
1. 喇沙書院
2. 拔萃男書院
3. 瑪利諾修院學校（中學部）
4. 嘉諾撒聖家書院
5. 保良局顏寶鈴書院
6. 禮賢會彭學高紀念中學
有許多 band 1 和 band 3 中學即使有放「校務報告」，但未有按教育局建議，列出畢業生的升學資料，故此，無法列出作比較 (按理：成績好一定會列出的，箇中原因不想猜測。)
沒有列出資料的學校包括：
1. 迦密中學
2. 香港培正中學
3. 勞工子弟中學
4. 聖公會蔡功譜中學
5. 余振強紀念中學
6. 聖母院書院
7. 聖公會聖三一堂中學
作者: LailaiChan 時間: 13-4-24 16:43
lucia
剛剛打去培基問佢地話要放榜後來試下, 但位已唔多, 睇過校網,似乎DSE成績都見得下人, 我相信會比陳瑞祺更理想, 這個遊戲玩死好多家長
作者: ohnono 時間: 13-4-24 16:55
LailaiChan 發表於 13-4-24 16:43
lucia
剛剛打去培基問佢地話要放榜後來試下, 但位已唔多, 睇過校網,似乎DSE成績都見得下人, 我相信會比陳瑞 ...
陳瑞祺係官津學校，三成學位是自行，七成學位是派位。但培基是直資，100%自選收生。
DSE成績公佈大部份是以%去計算，如果陳瑞祺的派位學生不滿意，學校不能拒絕接收的，如果有同學因成績關係拖累了其他，一點都唔出奇。正如我話，就算用男校去跟那些男女校或女校去比成績，而忽略了背後的因由，徒枉費心機，自討沒趣！
作者: cmvfamily 時間: 13-4-24 20:19
學校俾番張升中草稿俾我，學校提議我:
1) 鄧鏡波
2) 五旬節
3) 彭學高
4) 聖三一
5) 蔡功譜
6) 九龍塘
7) 賽官立
8) 基道
9) 鄭槙之
學校狂 SELL 聖X一，猛話是 B2，我都唔知點算?
作者: 憫父 時間: 13-4-24 20:26
回復 cmvfamily 的帖子
聖三一？蔡功譜？有無攪錯？
作者: hkangel89 時間: 13-4-24 21:02
請問這區有什麼B1學校，女生。
作者: TracyC 時間: 13-4-24 21:54
直屬中學 ?
| 歡迎光臨 教育王國 (/) |
Powered by Discuz! X1.5 |