教育王國

標題: 尋日收到試卷..科科跌,可以點做 ?? [打印本頁]

作者: yp26 時間: 13-4-18 13:08 標題: 尋日收到試卷..科科跌,可以點做 ??

中文45/67...英85/77..數70/62..常80/71..科科跌..教到都無心機...想搵上門補全科,好唔好呢 ???

作者: hyatt 時間: 13-4-18 13:11

錯d乜嘢呢? 係咪d唔小心既嘢?

作者: yp26 時間: 13-4-18 13:19

hyatt 發表於 13-4-18 13:11
錯d乜嘢呢? 係咪d唔小心既嘢?

我覺得有d 係唔小心,但又覺得佢係無心做...是但做左就算....

作者: cchealthy 時間: 13-4-18 13:45 標題: 回覆：尋日收到試卷..科科跌,可以點做 ??

補全科=做功課，我覺得冇乜用

作者: yp26 時間: 13-4-18 13:49

cchealthy 發表於 13-4-18 13:45
補全科=做功課，我覺得冇乜用

我想每星期1-2日..唔係睇功課...功課阿仔都ok..可以攪點, 大部份都識做...係我自己唔識教...唔識講d 重點比佢知...其實需要搵補習嗎 ???我自己一向都有比其他練習阿仔做....中數都有..英一向上去人地home補，　但都係麻麻地　．．

作者: ahmaymay 時間: 13-4-18 14:36 標題: 回覆：yp26 的帖子

幾多年班呀？買多d練習做+自己教得唔得呀？

作者: hadwinboy 時間: 13-4-18 14:46 標題: 引用：Quote:cchealthy+發表於+13-4-18+13:45+補

原帖由 yp26 於 13-04-18 發表
我想每星期1-2日..唔係睇功課...功課阿仔都ok..可以攪點, 大部份都識做...係我自己唔識教...唔識講d 重點 ...

我有朋友小一晚晚做功課溫書都同仔開片，成績又差。小二開始一星期私人全科補2-3晚，我朋友講明不跟功課，只幫助提升程度及溫測驗考試。現小三成績漸見進步，剛考試級名次由中下游上升至前1／3。不過無可否認，好的補習老師要撞岩。

作者: pandean 時間: 13-4-18 16:46

是兩次考試成績對比嗎？也沒有科科跌啊，第二次語文還進步挺大的……

作者: mandyk105 時間: 13-4-18 17:00

不如你自己嘗試温每科書同佢温重點. 如小一自己攪得掂, 咪等到小三或小四呈分試先揾人補羅.

作者: tjbb168 時間: 13-4-19 09:59

回復 mandyk105 的帖子

我同意這位家長.

作者: Treestory 時間: 13-4-20 01:58

請問各位有甚麼妙法去改善粗心大意計錯數呢？

作者: mandyk105 時間: 13-4-22 17:49

我都想揾妙計. 都係不斷提, 不斷提......

作者: wuma 時間: 13-4-23 09:10 標題: 引用：Quote:原帖由+yp26+於+13-04-18+發表我想每

原帖由 hadwinboy 於 13-04-18 發表
我有朋友小一晚晚做功課溫書都同仔開片，成績又差。小二開始一星期私人全科補2-3晚，我朋友講明不跟功課， ...

我囡囡讀梗小二，由於我同老公都要返工，每日放工返到屋企都成8點幾，同囡囡跟完功課同默書都無嘜時間溫習，所以我都係請私補幫囡囡做revision，每星期一堂兩小時，我亦都係講明不用跟功課同默書，主要係備課同溫習，改善囡囡做得較弱的部份，當然補習時係需要做課外練習，補習老師亦會同我講解囡囡的進度及上課態度，等我可以在教她做功課時如何教好佢面對較弱的部分，到考試前就加堂，集中溫考試範圍，可能囡囡受這種教法，亦好幸運遇著這位好老師，令囡囡由最初考60-70幾，到依家除數學科考60幾分，其餘中、英及常已經可以考到86-90分了，所以我覺得私補對我囡囡係有成效的。

作者: himmamme 時間: 13-4-23 10:16

yp26 發表於 13-4-18 13:19
我覺得有d 係唔小心,但又覺得佢係無心做...是但做左就算....

如果係咁ok,因為佢唔係唔識,只是冇咩動机..要針對的是學習態度,恐怕補習会令他更被動,就算短期成績改善.長遠非好事.
我覺得用讚賞及獎勵的方法比較合适.佢比心機,做得仔細的部份就狂讚佢.久而久之佢会比較冇咁"求其".同佢set個容易d的目標分數,告訴佢会獎勵:玩具/大餐.......,跟住一齊向目標進發.

作者: sycheung8 時間: 13-4-23 15:16

我個仔又係考試粗心大意....數學錯埋d好普通既加減題, 我都想知有咩方法可以改善呢個問題

作者: wsk7777 時間: 13-4-24 02:07

引發小朋友的學習興趣是關鍵所在，如果家長不知不覺中從表情或語氣上顯得不耐煩及不滿，久而久之小孩會產生一些逃避的習慣。只要家長對小孩保持讚賞，信任他們，小朋友才會主動去提高自己的水平。
如數學題需要多做多試，再提高做題的速度，這類操練可安排在週末時間，孩子充滿精力的早上，與家長玩做題目鬥快比賽，先以10比50題的比賽開始，漸漸提高他們的做題數量，培養他們的做題目信心。日後的考試自然輕鬆一些，自然會產生少些不必要的錯漏！
平日讓小朋友在十時前睡覺是另一個關鍵，如果可以改善早睡的習慣，三個月就可以觀察到小朋友的進步！

作者: Treestory 時間: 13-4-24 23:22

回復 wsk7777 的帖子

謝謝你的意見

歡迎光臨教育王國 (/)