教育王國
標題: 2011年9月bb唔大唔細點算好? [打印本頁]
作者: chiwiz 時間: 13-4-17 10:42 標題: 2011年9月bb唔大唔細點算好?
我bb9月尾b, 搵N班唔係reject就waiting, 都無咩希望. 如果再細d都話俾佢做大B, 但佢又9月想做超級大B人地都未必收! 好擔心無N係手情況下, 下年搵K1點算? 我見今年搵K1既小朋友都有人未有offer! 有無B媽B爸既小朋友都係9月唔大唔細BB而未有offer?? 你地會點算? 做大B得唔得呢?
作者: Luluyen906 時間: 13-4-17 10:51 標題: 回覆:2011年9月bb唔大唔細點算好?
嚟緊五月大把學校放位,可能重有機會。如果真係無N班,咁你唯有直接讀k1。
作者: ngokwan 時間: 13-4-17 11:11 標題: 引用:我bb9月尾b,+搵N班唔係reject就waiting,+都
原帖由 chiwiz 於 13-04-17 發表
我bb9月尾b, 搵N班唔係reject就waiting, 都無咩希望. 如果再細d都話俾佢做大B, 但佢又9月想做超級大B人地都 ...
9月B真係好慘。
我細囡都係9月B,好彩有一間肯排就有offer, 其餘連in 的機會都好少,得2間有得in, 但可惜waiting only
下年如果再報n 又好似太大,k 1 又冇競爭力,好灰
作者: kitty8088 時間: 13-4-17 11:45
我係十月B,我問過有關學校可唔可以做大B,D老師解釋左千萬唔好,小朋友一定要**適齡入學**,即出年點都要讀K1,全部九月十月出生都係適齡的,如做大B,超大大的了,對小朋友發展不好,她們這樣說,所以我打消了做大B的念頭
作者: yamin 時間: 13-4-17 12:50
回復 chiwiz 的帖子
我呀仔又係9月B, 真係好尷尬......
我住大埔, 得Zenith全日的offer, 唔知算唔好彩, 因呢問學校comment好壞參半, 我覺得私校反而容易收生, 一些非牟利或屋村學校連in都冇......
作者: Luluyen906 時間: 13-4-17 13:04 標題: 回覆:2011年9月bb唔大唔細點算好?
我比較幸運,九月B囡,報左六間,in左4間,4間都有offer,九月我都唔建議做大B。
作者: chiwiz 時間: 13-4-17 13:07
吓!真係做大B都唔得呀!唉! 好後悔個時唔選好d既時間生BB!!!下年K1 BB都只係二歲十一個月, 人地d大b已經3歲幾了! 我甘大個人都係第一次聽到香港呢個大城市既小朋友無書讀!
作者: kitty8088 時間: 13-4-17 14:03
K1**適齡入學**是2歲8個月呀,3歲幾超大,不如諗下當留返個機會如果真係讀書追唔上都可以留一年拉,如果大B追唔到留一年就好大喇!
無錯私校及新校易收細B,因為唔多人想去報
作者: lachatte 時間: 13-4-17 14:05 標題: 回覆:2011年9月bb唔大唔細點算好?
我囡9月尾,暫時完全冇offer,連哥哥讀緊果間都唔收⋯
作者: 豬師奶8 時間: 13-4-17 14:19
回復 chiwiz 的帖子
我囡2011/11我比佢做細b,出年2月插班
作者: angeljodi 時間: 13-4-17 14:53 標題: 回覆:chiwiz 的帖子
我隻10月囝算好好彩,有5,6個offer比我選擇,我今年10月會番n,因為有某d到今年考k1唔考,到出年就冇得考,所以唔會做超大b喇,同埋到6月一定有位放出黎,所以唔使太擔心呢!
作者: chiwiz 時間: 13-4-17 15:24
嘩! angeljodi你就好啦! 你是那一區嫁?你囝囝in 時是不是大都表現特出?
作者: chiwiz 時間: 13-4-17 15:25
豬師奶8, 你的小朋友已有下年2月插班既位?
作者: angeljodi 時間: 13-4-17 15:31 標題: 回覆:chiwiz 的帖子
我本身住荔景,我考葵青荃灣,連九龍塘都有考,九龍塘放咗英藝國際上午班,我自己平時用好多時間陪佢玩,睇書,睇碟,圖書館都去架,我in就in咗7間,interview嘅時候小朋友都做得唔錯架,一般都做到9成(當然係自己覺得啦)!我估最重要係我囝好中意笑架!
作者: bigheadchiu 時間: 13-4-17 19:13 標題: 回覆:2011年9月bb唔大唔細點算好?
我小朋友係10年9月尾B。會今年九月入PN做超大。本身一路都plan做超大。小朋友從PG到interview都表現良好,上學愉快。當然要之前做功夫知道心儀學校可以入application。PS,有啲學校會網上寫收由十月、十一月出世嘅小朋友,但打去問會話九月都OK。所以要自己打去問清楚。
作者: chiwiz 時間: 13-4-18 09:25
回復 bigheadchiu 的帖子
bigheadchiu:
十分感激你既回應! 你的經驗十分有用呀! 現在心情無甘驚啦! 因為就算今年N或K1都唔好甚至黑到無offer, 我地都可以俾BB做超大B, 甘就有把握好多! 對BB來說有自信及自理能力高一點先返學都係一件好事! 謝謝!
歡迎光臨 教育王國 (/) |
Powered by Discuz! X1.5 |