教育王國

標題: 發燒完2日先可以返學??? [打印本頁]

作者: chidy 時間: 13-4-13 11:54 標題: 發燒完2日先可以返學???

學校話教育處指引話發燒完2日先可以返學??? 大家是否都跟著做呢??? 如果發燒幾日重要等2日先返點跟到呀!! 故左禁多書.
我小朋友放學時發燒,學校話教育處指引話發燒完2日先可以返學,禁我休左2日,因為第2天咩事都無,但就無得返學,去學校拎家課,又無左1日的家課表,拎住都唔知做邊度好. 中,英文又教左各1課,其他就唔知啦~ 唉~ 煩死~ 都唔知點攪, 重比我老公話我好聽學校話唔返學,無燒就返啦~校務處打比我問我會否跟指引丫MA. 我話唔跟WOR禁咩~

作者: pooh仔 時間: 13-4-13 21:12 標題: 引用：學校話教育處指引話發燒完2日先可以返學???

原帖由 chidy 於 13-04-13 發表
學校話教育處指引話發燒完2日先可以返學??? 大家是否都跟著做呢??? 如果發燒幾日重要等2日先返點跟到呀!! ...

喺呀，如你向校方請假是發燒，校方要求要退燒後兩先可回校。
因可能是未完全退晒，一返學又會發番燒㗎。

作者: kitbebe 時間: 13-4-17 12:45

本帖最後由 kitbebe 於 13-4-17 12:45 編輯

有幾多人會跟指引

作者: mymarigold 時間: 13-4-17 18:27

我有跟, 小朋友即使退燒但未好晒, 唔好話怕傳染比人啦, 自己抵抗力弱, 好易比人野一野又再病過...

作者: annienorman 時間: 13-4-20 17:04 標題: 回覆：發燒完2日先可以返學???

而家D菌太犀利，只怕自己小朋友抵抗力弱時再受病菌攻擊!所以休息多兩日等完全好番先返學啦!身體始終最重要!

作者: carmenleung 時間: 13-4-21 02:00 標題: 回覆：發燒完2日先可以返學???

我一定會跟指引~退燒後兩日才俾個仔返學，為自己亦為其他同學著想，始終健康緊要。而且我仔間學校check到知道之前因發燒請假未休足兩日就返學會即打電話叫家長接走學生。若請假，會有同學用紙抄手冊連埋功課夾好等家長到校取的，無返學係學少咗好多野，無法啦！唯有在家自己教佢囉，小學嘅課程自問還應付得到。

作者: ACB 時間: 13-4-21 12:21

我也會跟的,始終未完全好,比佢休息下,又唔會傳染人
但我知也有好多家長,即使小朋友發燒,食左退燒藥照比佢返

作者: picture 時間: 13-4-21 12:22 標題: 引用：Quote:原帖由+chidy+於+13-04-13+發表學校

原帖由 pooh仔 於 13-04-13 發表
喺呀，如你向校方請假是發燒，校方要求要退燒後兩先可回校。
因可能是未完全退晒，一返學又會發番燒㗎。

...

agree 又病过就惨了

作者: MonkeyGirl 時間: 13-4-22 15:01

我都有跟.. 一來小朋友病了, 真的返到學校都聽唔入耳..二來問心, 你都唔想自己小朋友返學時, 比人野到病菌返家啦..所以做家長唔可以一心只為 (功課或課上教咗幾多野), 真是要為小朋友身體想一想....

作者: ckfamily 時間: 13-4-27 15:29 標題: 回覆：chidy 的帖子

大把人唔跟啦，之前女女讀幼稚園，個同車小朋友尋晚燒到104度，第日食左藥，退左燒，個家長咪照比佢番學，仲唔帶口罩，你話呢d 人幾自私呀

作者: tws2010 時間: 13-4-27 23:30

回復 ckfamily 的帖子

wah!!! Just kinder kids...health is more important...

作者: jasonchloema 時間: 13-5-10 08:42

回復 tws2010 的帖子

我都有跟, 為自己為其他小朋友都好, 人哋小朋友因自己小朋友未好返哂就返學而"野"病左, 佢又唔跟指引又返學又"野"返俾自己小朋友, 咪要係要請多一兩日假, 雖然係學小左嘢, 但健康要緊呀!

作者: happy_lavender 時間: 13-5-11 00:38

當然跟足指引啦！病完身體仍很弱，返學D小朋友咁熱情，極易再中招！唔好話小朋友，我大人大者都試過腸胃炎放完一日病假再返工，即刻中招感冒，身體弱晒，要幾近一個月才回復狀態 -- 而家D菌真係好勁，搏唔過！

作者: yame 時間: 13-5-11 08:21 標題: 回覆：發燒完2日先可以返學???

要跟！嗰次去醫務所，有個阿婆同個發緊燒的阿孫講，一陣食完退燒葯就返學啦。我真想告訴她這是不應該的！好彩佢地睇完醫生，醫生都叫佢地等兩日先好返學

作者: lojo11 時間: 13-5-11 13:38 標題: 回覆：發燒完2日先可以返學???

我都有跟指引

作者: haihaimom 時間: 13-5-11 14:19 標題: 回覆：發燒完2日先可以返學

退咗燒並不代表完全痊癒，体内極有可能依然有病菌，抵抗力極差，如果這時候再感染新病菌，兩菌夾擊，後果可以很嚴重，徤康最重要，以免後悔莫及。

作者: qpa 時間: 13-5-16 13:32

有d家長所謂退燒,根本自己騙自己,食住藥體溫降就當無燒.

,我會以最後一次食藥後計起碼24小時無燒先當係退燒.

歡迎光臨教育王國 (/)